ລິ້ງ ສຳຫລັບເຂົ້າຫາ

logo-print

ລົດໄຟຄວາມໄວສູງ ອາດນໍາປະໂຫຍດ ຫລາຍອັນ ມາໃຫ້ລາວ ແຕ່ບາງຄົນກໍຍັງ ມີຄວາມເປັນຫ່ວງ ຢູ່ຫລາຍດ້ານ


ການເຮັດ​ວຽກຂອງກໍາມະກອນລາວໃນການເທເບຕົງ ສໍາລັບໂຄງການສ່າງທາງລົດໄຟລາວ-ຈີນ ຢູ່ເຂດເມືອງຫີນເຫີບ (ວີດິໂອຖ່າຍໂດຍທ່ານບົວພັນ ອ່ອນຈັນເມື່ອມໍ່ໆ ມານີ້)

ໃນ​ລາຍ​ການ​ພິ​ເສດມື້​ນີ້ ທາງວີ​ໂອ​ເອ​ຈະນໍາເອົາລາຍງານທີ່ສະແດງໃຫ້ເຫັນທັດສະນະ
ຫລືມຸມມອງທີ່ແຕກຕ່າງກັນກ່ຽວກັບລົດໄຟຄວາມໄວສູງລາວ-ຈີນ ທີ່ກໍາລັງດໍາເນີນການ
ກໍ່ສ້າງຢູ່ນັ້ນຈາກບາງຄົນໃນທັງພາກລັດ ແລະໃນພາກເອກກະຊົນ. ພວກເຮົາມາຟັງລາຍ
ງານນີ້ຈາກນັກຂ່າວຂອງພວກເຮົານໍາກັນ ເບິ່ງເນາະວ່າມຸມມອງຂອງບັນດາຄົນເຫລົ່ານີ້
ຈະເປັນແນວໃດ. ເອົ໊າໄປຟັງພ້ອມກັນເລີຍ.

ທາງ​ລົດ​ໄຟ​ລາວ-ຈີນ​ທີ່​ມີ​ມູນ​ຄ່າ 6 ຕື້​ໂດ​ລາ ທີ່ໄດ້ເລີ້ມລົງມືສ້າງແຕ່ທ້າຍປີ 2016 ນັ້ນ
ໄດ້ຮັບສຽງ​ສະ​ໜັບສະ​ໜຸນຈາກທັງເຈົ້າ​ໜ້າ​ທີ່​ໃນ​ທັງພາກ​ລັດ ແລະຈາກຄົນຢູ່ໃນ​ພາກ
​ເອ​ກະ​ຊົນຢ່າງ​ຫລວງ​ຫລາຍ. ທ່ານສະເຫຼີມໄຊ ກົມມະສິດ ລັດຖະມົນຕີ ວ່າການຕ່າງ
ປະເທດໃຫ້​ຄຳເຫັນ​ວ່າ ການ​ທີ່​ມີ​ລົດ​ໄຟ​ຄວາມ​ໄວ​ສູງ​ເຊື່ອມ​ຕໍ່​ຈາກ​ພາກ​ໃຕ້​ຂອງ​ຈີນ
ຫາ​ນະ​ຄອນຫລວງ ວຽງ​ຈັນ ນັ້ນ​ຈະ​ເຮັດ​ໃຫ້​ລາວ​ກາຍ​ເປັນສ່ວນ​ນຶ່ງ ຂອງໂຄງການ ນຶ່ງ
ແລວທາງ-ນຶ່ງເສັ້ນທາງ (One Belt-One Road) ທີ່ລິເລີ່ມໂດຍທ່ານສີ ຈິ້ນຜິງປະທານ
ປະເທດຈີນນັ້ນ ຊຶ່ງມັນ​ຈະສົ່ງຜົນດີແກ່ການພັດທະນາຂອງລາວໃນ​ອາ​ນາ​ຄົດ.

ກໍາມະກອນລາວທີ່ຈ້າງໂດຍທ່ານບົວພັນເພື່ອປປະກອບສ່ວນ ສ້າງທາງລົດໄຟໃນເຂດ ເມືອງຫີນເຫີບ
ກໍາມະກອນລາວທີ່ຈ້າງໂດຍທ່ານບົວພັນເພື່ອປປະກອບສ່ວນ ສ້າງທາງລົດໄຟໃນເຂດ ເມືອງຫີນເຫີບ

​ໃນ​ຂະ​ນະ​ທີ່​ການກໍ່​ສ້າງ​ທາງ​ລົດ​ໄຟ​ກຳ​ລັງ​ດຳ​ເນີນ​ໄປ​ຢູ່ນີ້ ກໍ​ມີປະ​ຊາ​ຊົນທ້ອງ​ຖິ່ນຈຳ​ນວນ
​ນຶ່ງໂດຍ​ສະ​ເພາະ​ແມ່ນ​ຢູ່​ໃນ​ຂະ​ແໜງ​ການກໍ່​ສ້າງບອກວ່າເຂົາເຈົ້າໄດ້​ຮັບ​ຜົນປະ​ໂຫຍດ​ຈາກ
​ໂຄງ​ການ​ທາງ​ລົດ​ໄຟ​ທີ່ໄດ້​ຮັບ​ທຶນກູ້​ຢືມ, ພ້ອ​ມ​ທັງໃຊ້ອຸ​ປະ​ກອນ​ແລະເຕັກ​ນິກ​ທັງ​ໝົດຈາກ​ຈີນ
​ນີ້ແລ້ວ. ເຊັ່ນທ່າ​ນ​ ບົວ​ພັນ ອ່ອນ​ຈັນ, ຢູ່​ເມືອງ​ສັງ​ທອງ, ນະ​ຄອນ​ຫລວງວຽງ​ຈັນ ​ທີ່​ຮັບ​ເໝົາ​ເທ
​ເບ​ຕົງ​ກັນ​ເຈື່ອນ​ໃຫ້​ແກ່​ໂຄງການດັ່ງ​ກ່າວຢູ່ຊ່ວງ​ໄລ​ຍະ​ບ້ານ​ຫີນ​ປິດ, ເມືອງ​ຫີນ​ເຫີບມາໄດ້ 2 ປີ
ແລ້ວນັ້ນ ຢືນ​ຢັນ​ຜ່ານ​ການ​ໃຫ້​ຄຳສຳ​ພາດ​ກັບ​ວີ​ໂອ​ເອ​ວ່າ
“ດຽວນີ້ຄົນຂ້ອຍ ທີ່ຮັບໃຊ້ແຮງງານຂ້ອຍ ປັດຈຸບັນນີ້ ປະມານ 100 ຄົນໜີ້ນະ. ບໍ່ແມ່ນ
ປະມານ ຕັ້ງ 100 ຄົນ ເລີຍ. 100 ຄົນໜີ້ ມັນຈະມີຢູ່ 4 ໜ່ວຍງານ ທີ່ຮັບຜິດຊອບຕໍ່ຂ້ອຍ
ຫັ້ນນາ. 4 ໜ່ວຍງານຫລະເຮົາກໍຈະແບ່ງຈັດທີມກັນເນາະ. ບາງທີມກາຈະເຮັດມື້ເວັນ
ຫລະກາ ບາງທີມທີ່ຖືກມື້ເທຫັ້ນນາ ເຮົາຈະເອົາພວກທີ່ພັກກາງເວັນຫັ້ນມາເຮັດມື້ຄືນ.
ມັນສະຫລັບ ສັບປ່ຽນກັນໄປນະໃນແຕ່ລະມື້. ກາງຄືນນີ້ ແມ່ນສໍາລັບແຕ່ມື້ໃດທີ່ເທເບຕົງ
ຖ້າມື້ໃດບໍ່ໄດ້ເທກາບໍ່ໄດ້ເຮັດ.”

ການຈ້າງງານນີ້ ກໍໄດ້ສ້າງລາຍໄດ້ໃຫ້ແກ່ກໍາມະກອນລາວໃນທ້ອງຖິ່ນ ຊຶ່ງທ່ານບົວພັນ​ກ່າວ
ຕໍ່​ວີ​ໂອ​ເອເຖິງ​ຄ່າ​ຕອບ​ແທນ​ແຮງ​ງານ ແລະສະ​ພາບການ​ເຮັດ​ວຽກ​ຂອງ​ກຳ​ມະ​ກອນນັ້ນວ່າ
“ເຮົາຈະໄລ່ເປັນມື້ ແຕ່ວ່າເດືອນນຶ່ງ ເຮົາກໍຈ່າຍເທື່ອນຶ່ງ. ສົມມຸດວ່າ ແຮງງານກໍາມະກອນ
ສົດໆ ນີ້ ຂ້ອຍຈະຈ້າງມື້ລະ 80,000 ເນາະ. ຄັນຊ່າງກາມື້ລະແສນ ເຖິງແສນຊາວ. ໝົດ
ເດືອນແລ້ວພວກເຮົາຈຶ່ງຈ່າຍ. ພວກເຮົາຈະຕັດບັນທຶກວັນທີ 25 ແຕ່ລະເດືອນ ແລ້ວຮອດ
ວັນທີ 30 ພວກເຮົາກໍເບີກເລີຍ. ແລ້ວເຂົ້ານໍ້າລະແມ່ນພວກເຮົາເປັນຜູ້ລ້ຽງ. ພວກເຮົາ
ລ້ຽງ 3 ຄາບເລີຍ. ພວກກໍາມະກອນໜີ້ ກໍບໍ່ແມ່ນພວກໃກ້ຄຽງ, ຜູ້ໃດມາສະໝັກງານພວກ
ເຮົາກໍຮັບເອົາ. ພວກເຮົາກໍປະກາດໄປທົ່ວ ຜູ້ໃດມີຄວາມສາມາດຢາກມາເຮັດກໍາມະກອນ
ກາມາໄດ້ຫັ້ນນາ. ພວກເຮົາບໍ່ຈໍາກັດ. ບາງຄົນມັນມາກໍບໍ່ກຸ້ມຮອດທິດ. ມາກໍສູ້ຄວາມຮ້ອນ
ຄວາມນັ້ນບໍ່ໄດ້ເຂົາເຈົ້າກໍບໍ່ເຮັດ, ຜູ້ມັນມັກສະບາຍຫັ້ນນາ. ບາງຄົນກໍສູ້ ເປັນປີ ສອງປີນໍາ
ຂ້ອຍກໍມີແລ້ວ. ອັນຢູ່ປະຈໍາຫັ້ນມນັຈະມີສ່ວນໜ້ອຍ. ສ່ວນຫລາຍມາຢູ່ຮອດເດືອນ ສອງ
ເດືອນແລ້ວກໍກັບໄປເຮັດ ເຮັດນາ ກາມີ. ບາງເທື່ອພວກນັກຮຽນຍາມປິດໂຮງຮຽນແລ້ວ
ເຂົາເຈົ້າກາມາເຮັດ. ແຕ່ລະຝົນສວ່ນຫລາຍພວກເຮົາກໍພັກ, ມັນເຮັດບໍ່ໄດ້ເດ່.”

ກໍາມະກອນລາວ ເຮັດວຽກໃນຕອນກາງຄືນຢູ່ເຂດເມືອງຫີນເຫີບ
ກໍາມະກອນລາວ ເຮັດວຽກໃນຕອນກາງຄືນຢູ່ເຂດເມືອງຫີນເຫີບ

ແຕ່ວ່າບໍ່ແມ່ນໃຜກໍເຫັນວ່າໂຄງການນີ້ໄດ້ສ້າງວຽກເຮັດງານທໍາຢ່າງຫລວງຫລາຍ ບໍ່ສົມກັບວ່າ
ລາວໄດ້ຢືມເງິນມາສ້າງຢ່າງຫລວງຫລາຍ. ໃນນັ້ນລວມກໍລວມມີສະມາຊິກສະພາແຫ່ງຊາດທ່ານ
ນຶ່ງ ຄືທ່ານ​ຄຳ​ສຸກ ບຸນ​ຍະ​ວົງ ສ​ະ​ມາ​ຊິກ​ສະ​ພາ​ແຫ່ງ​ຊາດລາວຈາກ​ແຂວງຜົ້ງ​ສາ​ລີ ​ກັບເວົ້າວ່າ
ໂຄງ​ການລົດ​ໄຟໃນ​ລາວທີ່​ມີ​ລະຍະ​ທາງ 417 ກິ​ໂລ​ແມັດນີ້ເຖິງ​ແມ່ນ​ວ່າ​ຈະ​ຕ້ອງ​ການ​ກຳ​ມະກອນ
​ຫລາຍກວ່າ 30 ພັນ​ຄົນກໍ​ຕາມ ແຕ່ທ່ານບໍ່​ແນ່​ໃຈວ່າມັນ​ຈະ​ຊ່ວຍສ້າງວຽກ​ເຮັດ​ງານ​ທຳ​ໃຫ້​ແກ່​ປະ
​ຊາ​ຊົນ​ໄດ້ຫລາຍເທົ່າ​ໃດ ຊຶ່ງທ່ານຕັ້ງ​ຄຳ​ຖາມໃນ​ກອງ​ປະ​ຊຸມ​ສະ​ພາຄັ້ງ​ນຶ່ງເມື່ອມໍ່ໆ​ມານີ້​ວ່າ:
“​ມາ​ຮອດ​ປັດ​ຈຸ​ບັນມີ​ແຮງ​ງານ​ຕ່າງ​ປະ​ເທດ​ເຂົ້າ​ມາ​ແລ້ວ 19,000 ກວ່າຄົນ​ ແຕ່​ວ່າແຮງ​ງານ
​ລາວ​ມີ​ພຽງ​ແຕ່ 2,135 ຄົນ​ເທົ່າ​ນັ້ນ ເປັນ​ແຮງ​ງານ​ທີ່​ບໍ່​ກ່ຽວ​ຂ້ອງ​ກັບ​ໂຄງການ​ທາງ​ລົດ​ໄຟ
ທັ່ງໆ​ທີ່​ວ່າ​ນັກ​ຮຽນຈົບ​ວິ​ສະ​ວະ​ກຳ​ຂົວ​ທາງ​ສິ່ງ​ແວດ​ລ້ອມແລະ​ອື່ນໆມັນ​ກະ​ກ່ຽວ​ພັນ​ກັບ​ໂຄງ
​ການ​ນີ້ ແຕ່​ແຮງ​ງານ​ລາວ​ພຽງ​ແຕ່​ເປັນຂັບ​ລົດເອົາ​ສື່ໆ ແຕ່​ແຮງ​ງານ ​ຫຼື​ວ່າ​ນັກຮຽນ​ຈົບ​ມາ ​ບໍ່
​ໄດ້​ເຂົ້າ​ໄປ​ເຮັດ​ວຽກຢູ່​ໃນ​ຂົງ​ເຂດ​ນີ້ ແຕ່​ພາຍ​ຫຼັງ 2021 ໂຄງ​ການ​ຈະ​ສຳ​ເລັດແລະ​ແຮງ​ງານ
​ຈະ​ມາ​ຄຸ້ມ​ຄອງ​ທາງ​ລົດ​ໄຟ​ປະ​ມານ
3,000 ຄົນອັນ​ນີ້​ລັດຖະ​ບານ​ກຽມ​ແນວ​ໃດ​ແລ້ວ.”.”

​ຕໍ່ສ​ະພາບ​ການດັ່ງ​ກ່າວນີ້ ກໍ​ມີປະ​ຊາ​ຊົນ​ບາງ​ຄົນ​ເຫັນສະພາບການ​ເປັນເຊັ່ນດຽວກັນກັບທີ່ທ່ານ
ຄໍາສຸກເວົ້າ. ດັ່ງ​ຊາວ​ຂາຍຢູ່​ນະ​ຄອນ​ຫລວງວຽງ​ຈັນຄົນ​ນຶ່ງທີ່ບໍ່​ປະ​ສົງ​ອອກນາມບອກວ່າ ທ່ານ​
ຍອມ​ຮັບ​ວ່າມີ​ຄົນ​ລາວ​ຈຳ​ນວນ​ນຶ່ງທີ່​ເປັນ​ແຮງ​ງານ ​ມີ​ສື​ມື​ອີ່​ຫລີ ໄດ້​ຮັບການ​ຈ້າງ​ງານຈາກ​ໂຄງ
​ການ​ທາງ​ລົດ​ໄຟນີ້ ແຕ່​ໂດຍ​ລວມ​ແລ້ວ​ການ​ຈ້າງ​ງານນັ້ນ​ແມ່ນມີ​ໜ້ອຍ ແລະ​ສະ​ພາບ​ການ​ອັນ​ນີ້ບໍ່
​ແມ່ນ​ເກີດ​ຂຶ້ນ​ ແຕ່ຢູ່​ໃນໂຄງ​ການ​ສ້າງ​ທາງ​ລົດ​ໄຟເທົ່າ​ນັ້ນ ແຕ່​ມີ​ຢູ່​ໃນ​ເກືອບ​ທຸກ​ໂຄງ​ການໃຫຍ່​ທີ່
​ຈີນ​ສຳ​ປະ​ທານຊຶ່ງ​ໃຫ້​ຂໍ້​ສັງ​ເກດ​ໂດຍອີງໃສ່ມຸມມອງສ່ວນຕົວ​ດັ່ງ​ນີ້:
“ເອົາ​ຄົນ​ຈີນ​ມາ​ໜີ້ນະ, ນັ​ບ​ຕັ້ງ​ແຕ່ບໍ່​ແຮ່, ນັບ​ຕັ້ງ​ແຕ່​ຂົບ​ຫີນ, ບໍ່ເວົ້າ​ແຕ່ລົດ​ໄຟ. ໂຄງ​ການ​ອີ່​ຫຍັງ
​ທີ່​ວ່າ​ຈີນ​ສຳ​ປະ​ທານ​ຫັ້ນ​ໜະ ລະ​ແມ່ນ​ເຮັດ​ຮົ້ວ​ຂຶ້ນ​ແລ້ວ ຄົນ​ທ້ອງ​ຖິ່ນ​ລະ​ແມ່ນ​ເຂົ້າ​ໄປ​ໃກ້​ບໍ່​ໄດ້
​ໂລດ. ອ່າ ມັນ​ຊິ​ເປັນ​ຈັ່ງ​ຊັ້ນ ແປ​ວ່າ ໃນ​ສັນ​ຍາ​ສຳ​ປະ​ທານ​ຫັ້ນກາ​ອ້າງວ່າ ກາ​ເວົ້າ​ດູ​ດີ​ຢູ່​ ວ່າ​ຈະ
​ໃຫ້​ຄົນ​ທ້ອງ​ຖິ່ນ​ມີ​ລາຍ​ໄດ້, ມີ​ວຽກ​ເຮັດ​ງານ​ທຳ​ຫັ້ນ​ນະເອີ. ແຕ່ບັດນີ້, ແຕ່ວ່າ ຜູ້ທີ່ຈະໄດ້ຜົນປະ
ໂຫຍດກໍຄືຈີນກັບໄທໜີ້ ກໍຈະສົ່ງສິນຄ້າຫາກັນ, ບໍ່ວ່າແຕ່ໄທຫລະ. ຈີນກັບໄທ, ຈີນກັບຫວຽດ
ໂດຍມາຜ່ານລາວຈັ່ງຊີ້ຫັ້ນນະ. ແຄ່ແບບວ່າລາວຫັ້ນເປັນ, ລາວນີ້ນະເປັນຜູ້ຢືມເງິນ 5 ພັນ
ລ້ານກວ່າໂດລາ. ຈີນຫັ້ນເປັນລູກໜີ້ ລະເຮົາຫັ້ນນະເປັນຜູ້ຢືມເງິນເຂົາແທ້ໆ ເຮົາຍັງຕ້ອງ
ເປັນເບ້ຍລ່າງຂອງຈີນອີກ. ເສຍປຽບໃຫ້ຈີນອີກ.”

​ເມື່ອຖາມ​ເຖິງ​ຜົນ​ປະໂຫຍດທີ່ປະຊາຊົນລາວຈະ​ໄດ້ມາ​ຈາກ​ການທີ່​ປະເທດໄດ້​ເຊື່ອມ​ຕໍ່ໃສ່​ຕະ
​ຫລາດ​ໃຫຍ່ໂດຍ​ທາງ​ລົດ​ໄຟໃນອະນາຄົນນັ້ນຜູ້​ກ່ຽວ​ໃຫ້ຄໍາເຫັນແບບສ່ວນຕົວດັ່ງ​ນີ້:
“ແຕ່ກີ້ຫັ້ນ ສິນຄ້າຫັ້ນມັນໃສ່ລົດບັນທຸກມາເນາະ ມັນກາຊິຍາກແດ່ ເລື້ອງມັນນິ. ແຕ່ເວລາ
ສິນຄ້າຈາກຈີນ, ຈາກຫວຽດ, ຈາກໄທ ເມື່ອມັນມີລົດໄຟແລ້ວໜີ້ນະ ຄົນລາວແຮ່ງຊິຊື້
ເຄື່ອງເຂົ້າມາປະເທດຫລາຍ ແລ້ວເງິນສະກຸນຕ່າງປະເທດຍິ່ງຊິອອກຕ່າງປະເທດຫລາຍ.
ເພາະຄົນລາວໜີ້ມັກໃນການຊື້ເດ້ເນາະ. ຊື້ບໍ່ແມ່ນລວຍໄດ໋. ຊື້ຍ້ອນຂີ້ຄ້ານຜະລິດຊື່ໆ ຫັ້ນ
ນະ. ໃນຂະນະການສົ່ງອອກໜີ້ ໝູ່ຫັ້ນນະຕັ້ງກໍາແພງ, ເງື່ອນໄຂໄວ້ຫລາຍໆ ສໍາລັບສິນຄ້າ
ເຮົາ. ແຕ່ວ່າເຮົາຫັ້ນນະ ກາມີແຕ່ມັກຊື້, ຊື້ໆ, ຊື້ ແລ້ວເງິນແຮ່ງຊິອອກຕ່າງປະເທດຫລາຍ
ເພາະມັນສະດວກເດ້ເນາະ.”

ແຕ່​ທ່ານຜູ້ນີ້​ກໍ​ເຫັນ​ວ່າ​ບັນຫາໃຫຍ່ສິ່ງ​ທີ່​ໜ້າ​ເປັນ​ຫ່ວງ​ກວ່ານັ້ນກໍ​ຄື​ບັນ​ຫາ​ໜີ້​ສິນ​ອັນຫລວງ​ຫລາຍ
​ທີ່ຈະຕົກມາເປັນພາລະຂອງຄົນລຸນຫລັງ ແລະເມື່ອສະ​ຫລຸ​ບ​ແລ້ວທ່ານ​ທີ່​ເປັນ​ຊາວ​ຄ້າ​ຂາຍ​ຄົນ
​ນີ້ບອກວ່າ
ບໍ່ຢາກໃຫ້ມີເລີຍທາງລົດໄຟຄວາມໄວສູງ, ຢາກໃຫ້ແປງທາງໜີ້ນະ. ຂະຫຍາຍທາງໄປ
ທາງເໜືອໜີ້ໃຫ້ມັນກວ້າງອອກ. ​ແລະກາທາງພາກໃຕ້ໜີເຮັດໃຫ້ເປັນ 4 ເລນ. ບໍ່ແມ່ນສອງ
ເລນປິ່ນໜ້າໃສ່ກັນແນວນີ້ແລ້ວ ລະລົດອຸບບັດເຫດຕະຫລອດ. ຢາກໃຫ້ເປັນ 4 ເລນແລ້ວ
ກາຜູ້ໄປກະໄປ ຄືຢູ່ທາງໄປອຸດອນຫັ້ນ 4 ເລນ. ທາງຝັ່ງໄປກາໄປ, ຝັ່ງມາກາມາ. ບໍ່ຕ້ອງທາງ
2 ເລນ ນີ້ຫລະລົດສວນທາງກັນລະ ອັນຕະລາຍຫລາຍ. ເທົ່ານີ້ກາພໍແລ້ວ. ບໍ່ຕ້ອງຈຳເປັນ
ນະ ລົດໄຟຄວາມໄວສູງ. ຂະໜາດລົດໄຟລາງຄູ່ແບບທຳມະດາຄືໄທມີ ສີ່ຫ້າສິບປີກ່ອນໜີ້
ເຮົາກາຍັງບໍ່ເຮັດ ເຮົາຊິກ້າວໄປຫາຄວາມໄວສູງແລ້ວ. ຈັກຊິດູແລຈັ່ງໃດນໍ້ .”

ເບິ່ງຄວາມເຫັນ (5)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG