ທາງການລາວດຳເນີນມາດຕະການບໍ່ອະນຸຍາດໃຫ້ເຍົາວະຊົນ
ລາວອາຍຸຕ່ຳກວ່າ 18 ປີເດີນທາງໄປໄທ ຖ້າຫາກວ່າບໍ່ມີຜູ້ປົກ
ຄອງເດີນທາງໄປດ້ວຍ ທັງນີ້ເພື່ອປ້ອງກັນບໍ່ໃຫ້ຕົກເປັນເຫຍື່ອ
ຂອງການຄ້າມະນຸດ.
ກະຊວງປ້ອງກັນຄວາມສະງົບ ໄດ້ເລີ້ມການຈັດຕັ້ງປະຕິບັດມາດຕະການບໍ່ອະນຸຍາດໃຫ້
ເຍົາວະຊົນລາວທີ່ອາຍຸຕ່ຳກວ່າ 18 ປີ ເດີນທາງໄປໄທໂດຍລຳພັງ ຢ່າງເດັດຂາດເມື່ອບໍ່
ນານມານີ້ ຊຶ່ງຖືເປັນມາດຕະການທີ່ໄດ້ຈັດຕັ້ງປະຕິບັດຮ່ວມກັນກັບທາງການໄທ ພາຍໃຕ້
ເປົ້າໝາຍເພື່ອປ້ອງກັນບໍ່ໃຫ້ເຍົາວະຊົນລາວຕ້ອງຕົກໄປເປັນເຫຍື່ອຂອງການຄ້າມະນຸດ
ຢູ່ໃນປະເທດໄທ ໂດຍສະເພາະແມ່ນເຍົາວະຊົນລາວເພດວຍິງນັ້ນ ຖືເປັນກຸ່ມປະຊາກອນ
ລາວທີ່ໄດ້ຕົກເປັນເຫຍື່ອຂອງການຄ້າມະນຸດ ແລະຖືກບີບບັງຄັບໃຫ້ຕ້ອງຂາຍ ບໍລິການທາງເພດ ຢູ່ໃນໄທເພີ້ມຂຶ້ນນັບມື້ອີກດ້ວຍ.
ແຕ່ຢ່າງໃດກໍຕາມສຳຫລັລເຍົາວະຊົນລາວ ທີ່ມີພໍ່ແມ່ຫຼືຜູ້ປົກຄອງເດີນທາງໄປດ້ວຍນັ້ນ
ກໍຍັງຈະໄດ້ຮັບອະນຸຍາດໃຫ້ເດີນທາງໄປໄທໄດ້ຕາມປົກກະຕິ ດ້ວຍເຫດນີ້ ຈຶ່ງເຮັດໃຫ້
ຫຼາຍພາກສ່ວນຫວັ່ນເກງວ່າ ການດຳເນີນມາດຕະການດັ່ງກ່າວນີ້ ອາດຈະບໍ່ມີປະສິດທິ
ຜົນໃນການຈັດຕັ້ງປະຕິບັດພາກຕົວຈິງ ຖ້າຫາກວ່າພະນັກງານຂອງລັດຖະບານລາວ
ແລະ ໄທບໍ່ຈິງຈັງ ໃນການກວດສອບເອກະສານ ແລະໜັງສືເດີນທາງຂອງເຍົາວະຊົນ
ລາວ ແລະຜູ້ປົກຄອງຢ່າງຮອບຄອບ ເພາະໃນຄວາມເປັນຈິງແລ້ວຂະບວນການຄ້າມະນຸດ ສາມາດທີ່ຈະປອມແປງເອກະສານໄດ້ ຕະຫລອດເວລານັ້ນເອງ.
ກ່ອນໜ້ານີ້ ກະຊວງແຮງງານ ແລະ ສະຫວັດດີການສັງຄົມຂອງ
ລາວ ກໍລາຍງານວ່າ ໄດ້ຮັບການຢືນຢັນຈາກສຳນັກບໍລິຫານ
ແຮງງານຕ່າງດ້າວ ກະຊວງແຮງງານຂອງໄທວ່າ ມີແຮງງານລາວ
173,000 ກວ່າຄົນທີ່ໄດ້ແຈ້ງຈົດທະບຽນເພື່ອຂໍອະນຸຍາດທຳງານ
ໃນໄທ ຢ່າງຖືກຕ້ອງຕາມກົດໝາຍ ຊຶ່ງເມື່ອລວມກັບຈຳນວນແຮງ
ງານລາວ ທີ່ໄດ້ຮັບອະນຸຍາດໃຫ້ທຳງານຢ່າງຖືກຕ້ອງຢູ່ໃນໄທ
ກ່ອນໜ້ານີ້ ກໍຈະໄດ້ວ່າມີແຮງງານລາວ 256,000 ກວ່າຄົນ ທີ່
ທຳງານ ຢູ່ໄທໃນເວລານີ້.
ແຕ່ຢ່າງໃດກໍຕາມ ຖ້າຫາກອິງຕາມສະຖິຕິຫລ້າສຸດ ຂອງສຳນັກ
ບໍລິຫານແຮງງານຕ່າງດ້າວໃນໄທນັ້ນ ກໍປາກົດວ່າ ໃນຈຳນວນແຮງງານລາວ 256,000
ກວ່າຄົນດັ່ງກ່າວນີ້ ກໍແບ່ງອອກເປັນແຮງງານລາວ ທີ່ໄດ້ຜ່ານການພິສູດສັນຊາດ ແລະ ໄດ້
ຮັບອະນຸຍາດໃຫ້ທຳງານຢູ່ໃນໄທຕໍ່ໄປຈຳນວນ 40,500 ຄົນ ແລະອີກ 41,700 ກວ່າຄົນ
ເປັນແຮງງານລາວ ທີ່ສິ້ນສຸດສັນຍາຈ້າງໃນໄທ ນັບແຕ່ທ້າຍເດືອນສິງຫາ ທີ່ຜ່ານມາແລ້ວ
ຊຶ່ງກໍໝາຍຄວາມວ່າ ມີແຮງງານລາວທີ່ໄດ້ແຈ້ງຈົດທະບຽນໄວ້ກັບທາງການໄທຈຳນວນ
173,000 ກວ່າຄົນເທົ່ານັ້ນ ທີ່ມີສິດຈະໄດ້ຮັບການພິສູດສັນຊາດເພື່ອຂໍທຳງານໃນໄທໄດ້
ຕໍ່ໄປ.
ກ່ອນໜ້ານີ້ ພົນເອກ ປຣະຍຸດ ຈັນໂອຊາ ນາຍົກລັດຖະມົນຕີໄທ ຖະແຫລງຢືນຢັນວ່າ ລັດຖະບານໄທ ໄດ້ສ້າງຕັ້ງຄະນະກຳມະການບໍລິຫານແຮງງານຕ່າງດ້າວເປັນການສະ
ເພາະແລ້ວ ໂດຍມາດຕະການທຳອິດ ທີ່ຕ້ອງດຳເນີນການຢ່າງຮີບດ່ວຍນທີ່ສຸດ ຄືການພິ
ສູດສັນຊາດຂອງແຮງງານ ດັ່ງທີ່ທ່ານໄດ້ຢືນຢັນວ່າ:
“ໃນເລື້ອງຂອງການບໍລິຫານຈັດການແຮງງານຕ່າງດ້າວ ມີແຮງງານຕ່າງດ້າວຢູ່
ຈຳນວນປະມານ 9 ໝື່ນຄົນ ທີ່ຍັງບໍ່ໄດ້ຢູ່ໃນການຄວບຄຸມຢ່າງຊັດເຈນ ແລ້ວກໍສິ່ງ
ທີ່ເປັນບັນຫາໃນຂະນະນີ້ ກໍຄືການຄວບຄຸມແຮງງານທັງເຊົ້າໄປ-ແລງກັບ ທັງຕາມ
ລະດູການ ແລ້ວກໍໃນສ່ວນຂອງລາຍປີ ບັນຫາກໍຄືການລໍພິສູດສັນຊາດ ຊຶ່ງເຮົາຈຳ
ເປັນຈະຕ້ອງຕັ້ງສູນພິສູດສັນຊາດ ຂ້າພະເຈົ້າຄິວ່າ ຈະເລັ່ງໃຫ້ເສັດໂດຍໄວ ພາຍໃນລະຍະເວລາ 1 ປີ.”
ຫາກແຕ່ ອົງການເຄືອຂ່າຍເພື່ອໃຫ້ການຊ່ອຍເຫຼືອແກ່ແຮງງານລາວ ກຳປູເຈຍ ແລະ
ມຽນມາ ໃນໄທ ກັບປະເມີນວ່າມີແຮງງານຈາກ 3 ປະເທດດັ່ງກ່າວນີ້ ຢູ່ໃນໄທຫຼາຍກວ່າ
4 ລ້ານຄົນໂດຍ 80 ເປີເຊັນ ເປັນແຮງງານມຽນມາ ສ່ວນທີ່ເຫຼືອເປັນແຮງງານລາວ ແລະ
ກຳປູເຈຍ ປະເທດລະ 4 ແສນຄົນ ດ້ວຍເຫດນີ້ ຈຶ່ງເຊື່ອວ່າ ມີແຮງງານລາວຫຼາຍກວ່າ 3
ແສນຄົນ ທີ່ລັກລອບທຳງານໂດຍຜິດກົດໝາຍຢູ່ໄທ ແລະມີຄວາມສ່ຽງຢ່າງສູງ ທີ່ຈະຕົກ
ເປັນເຫຍື່ອຂອງຂະບວນການ ຄ້າມະນຸດໃນໄທ ໃນປັດຈຸບັນນີ້ ໂດຍ ໃນລະຍະ 14 ປີ
ທີ່ຜ່ານມາທາງການໄທ ກໍສາມາດໃຫ້ການຊ່ວຍເຫຼືອໄດ້ພຽງ 2,217 ຄົນເທົ່ານັ້ນ.
ເບິ່ງວີດີໂອ ຂ່າວພາສາອັງກິດຂອງ ໂທລະພາບແຫ່ງຊາດລາວ:
