ລິ້ງ ສຳຫລັບເຂົ້າຫາ

logo-print

ໂຄວິດ-19 ເຮັດໃຫ້ທ່ານໝໍລາວ-ອາເມຣິກັນ ບາງຄົນເສຍລາຍຮັບ ຍ້ອນມີຄົນໄປໃຊ້ບໍລິການ ໜ້ອຍລົງ


ດຣ. ດາຣີນ ສີຣິ (ຂວາສຸດ), ເຈົ້າຂອງຄລີນິກແຫ່ງນຶ່ງໃນລັດອີລິນອຍ ທີ່ສະໜອງການປິ່ນປົວໂຣກພູມແພ້ ແລະຫອບຫືດ ຖ່າຍຮູບຮ່ວມກັບຄົນປ່ວຍທີ່ມາໃຊ້ບໍລິການກ່ອນການລະບາດຂອງໂຄວິດ-19

ການລະບາດຢ່າງໜັກຂອງໄວຣັສໂຄໂຣນາ ທີ່ເປັນເຫດໃຫ້ຫຼາຍປະເທດ ທົ່ວໂລກ ລວມທັງສະຫະລັດມີການປິດການດໍາເນີນທຸລະກິດຕ່າງໆໄວ້ເປັນບາງ ສ່ວນ ຫລືປິດໄວ້ເກືອບໝົດ ນັບແຕ່ກາງເດືອນມີນາປີນີ້ມານັ້ນ ໄດ້ເຮັດໃຫ້ມີການປ່ຽນແປງໄປຢ່າງຫລວງຫລາຍ ຢູ່ໃນເກືອບໝົດທຸກຂົງເຂດວຽກງານ ແມ່ນ ແຕ່ໃນຂົງເຂດການແພດ ກໍຍັງມີຄົນຫວ່າງງານຫລືຖືກຕັດເງິນເດືອນລົງເຊັ່ນກັນ ໃນຂະນະທີ່ທ່ານໝໍແລະພະນັກງານແພດອື່ນໆທີ່ກວດພະຍາດໂຄວິດ-19 ແມ່ນ ບໍ່ພໍກັບຄວາມຕ້ອງການຢູ່ໃນບາງຂົງເຂດ. ດ້ວຍເຫດໃດຈຶ່ງເປັນເຊັ່ນນັ້ນບົວ ສະຫວັນ ຈະນໍາເອົາລາຍລະອຽດກ່ຽວກັບເລື້ອງນີ້ ທີ່ໄດ້ມາຈາກການສໍາ ພາດທ່ານໝໍລາວ- ອາເມຣິກັນຈໍານວນນຶ່ງ ມາສະເໜີທ່ານໃນອັນດັບຕໍ່ໄປ.

ການລະບາດຢ່າງໜັກຂອງໄວຣັສໂຄໂຣນາ ທີ່ເປັນເຫດໃຫ້ຫລາຍປະເທດທົ່ວໂລກ ໂດຍສະເພາະຢູ່ສະຫະລັດ ຕ້ອງໄດ້ປິດການດໍາເນີນທຸລະກິດຕ່າງໆ ໄວ້ ເປັນບາງສ່ວນ ຫລື ປິດໄວ້ເກືອບໝົດ ນັບແຕ່ກາງເດືອນມີນາ ປີນີ້ເປັນຕົ້ນມານັ້ນ ໄດ້ເຮັດໃຫ້ມີການປ່ຽນແປງໄປຢ່າງຫລວງຫລາຍຢູ່ໃນເກືອບໝົດທຸກຂົງເຂດວຽກງານ ຊຶ່ງພາໃຫ້ເກີດມີການຫວ່າງງານໃນຂະແໜງການຕ່າງໆ ຫຼາຍສິບລ້ານຄົນແລ້ວ ໃນເວລານີ້. ແມ່ນແຕ່ໃນຂົງເຂດການແພດ ກໍຍັງມີຄົນຫວ່າງງານຫລືຖືກຕັດເງິນເດືອນລົງ ໃນຂະນະທີ່ທ່ານໝໍແລະພະນັກງານແພດ ອື່ນໆ ທີ່ກວດພະຍາດ ແລະປິ່ນປົວພະຍາດໂຄວິດ-19 ແມ່ນບໍ່ພໍກັບຄວາມຕ້ອງການຢູ່ໃນຫລາຍເຂດ. ທັງນີ້ກໍເພາະວ່າມີຄົນປ່ວຍພະຍາດອື່ນທີ່ບໍ່ກ່ຽວຂ້ອງ ກັບພະຍາດໂຄວິດ-19 ໄປໃຊ້ບໍລິການໃນການດູແລແລະປິ່ນປົວສຸຂະພາບຈາກ ທ່ານໝໍໃນຄລີນິກຕ່າງໆ ຫລຸດລົງໃນໄລຍະທີ່ມີການລະບາດຢ່າງໜັກຂອງ ໂຄວິດ-19 ໃນສະຫະລັດ ຊຶ່ງເປັນປະເທດທີ່ນໍາໜ້າໂລກໃນດ້ານການມີກໍລະນີຄົນປ່ວຍ ແລະເສຍຊີວິດຍ້ອນພະຍາດນີ້.

ການສໍາຫລວດຂອງສະມາຄົມບໍລິຫານກຸ່ມການແພດ ຫລື Medical Group Management Association ທີ່ມີບັນດາທ່ານໝໍ ທີ່ດໍາເນີນທຸລະກິດແບບ ເປັນອິດສະຫຼະຂອງ ຕົນ 724 ຄົນ ເຂົ້າຮ່ວມໃນເດືອນເມສາຜ່ານມາພົບວ່າ ບັນດາຜູ້ໃຫ້ບໍລິການທາງການແພດເຫລົ່ານີ້ເຫັນວ່າ ມີຄົນປ່ວຍໄປໃຊ້ບໍລິການດູແລສຸຂະພາບຫລຸດລົງ 60 ເປີເຊັນ ຊຶ່ງພາໃຫ້ລາຍຮັບສະເລ່ຍຫລຸດລົງ 55 ເປີເຊັນ ນັບແຕ່ມິວິກິດການດ້ານສາທາລະນະສຸກເລີ້ມຕົ້ນຂຶ້ນມາ. ສະພາບການນີ້ ໄດ້ສົ່ງຜົນກະທົບຕໍ່ທ່ານໝໍ ແລະນັກວິຊາການແພດຫລາຍທ່ານໃນປະຊາຄົມລາວ ອີງຕາມການສໍາພາດກັບທ່ານໝໍລາວ-ອາເມຣິກັນ 3 ທ່ານເມື່ອມໍ່ໆມານີ້.

ດຣ. ອາເລັກສ໌ ວິໄລທອງ, ຜູ້ອໍານວຍການແລະຜູ້ສ້າງຕັ້ງຄລີນິກທີ່ຊື່ວ່າ ການປິ່ນປົວປະຊາຄົມ ເບເລີສກັອດ ແລະ ໄວທ໌ (Baylor Scott and White Community Care) ຢູ່ໃນເມືອງຝອດເວີດ, ລັດເທັກຊັສທີ່ເປັນນຶ່ງໃນ 4 ລັດ ທີ່ມີກໍລະນີຄົນເປັນພະຍາດ ແລະເສຍຊີວິດຍ້ອນໂຄວິດ-19 ເພີ້ມຂຶ້ນຢ່າງວ່ອງໄວໃນເວລານີ້ ເວົ້າວ່າ ນ້ອງສາວຂອງເພິ່ນທີ່ເປັນທ່ານໝໍຢູ່ຄລີນິກແຫ່ງນຶ່ງ ທີ່ ຮັບແຕ່ຄົນປ່ວຍ ທີ່ມີປະກັນໄພສຸຂະພາບນັ້ນ ກໍລັງຈະປ່ຽນບ່ອນເຮັດວຽກໄປຢູ່ຄລີນິກອື່ນຍ້ອນວ່າ ມີຈໍານວນຄົນປ່ວຍໄປໃຊ້ບໍລິການໃນຄລີນິກຂອງຜູ້ກ່ຽວ ໜ້ອຍລົງມາໄດ້ຫລາຍເດືອນແລ້ວ ຊຶ່ງໄດ້ສົ່ງຜົນເຮັດໃຫ້ເງິນເດືອນຖືກຕັດລົງ. ດຣ. ອາເລັກສ໌ ເປີດເຜີຍເລື້ອງນີ້ສູ່ຟັງວ່າ:

ດຣ. ອາເລັກສ໌ ວິໄລທອງ, ຜູ້ສ້າງຕັ້ງ ແລະອໍານວຍການຂອງຄລີນິກສໍາລັບປິ່ນປົວຄົນອະນາຖາ ແຫ່ງນຶ່ງຢູ່ໃນລັດເທັກຊັສ
ດຣ. ອາເລັກສ໌ ວິໄລທອງ, ຜູ້ສ້າງຕັ້ງ ແລະອໍານວຍການຂອງຄລີນິກສໍາລັບປິ່ນປົວຄົນອະນາຖາ ແຫ່ງນຶ່ງຢູ່ໃນລັດເທັກຊັສ

ທ່ານອະທິບາຍວ່າ ເຫດຜົນຕົ້ນຕໍ ກໍມາຈາກການຫວ່າງງານຂອງຄົນຫຼາຍລ້ານ ຄົນ ທີ່ບໍ່ສາມາດຈ່າຍຄ່າຮັກສາແລະປິ່ນປົວສຸຂະພາບໄດ້ ຍ້ອນເຂົາເຈົ້າໄດ້ສູນເສຍປະກັນໄພສຸຂະພາບໄປນໍາ ຊຶ່ງທ່ານໃຫ້ລາຍລະອຽດດັ່ງນີ້:

ຂະນະດຽວກັນ ດຣ. ວຽງໄຊເຈົ້າຂອງຄລີນິກ ແລະທ່ານຫມໍປົວ ແລະກວດພະ ຍາດທົ່ວໄປ ລວມທັງພະຍາດໂຄວິດ-19 ແລະເປັນທ່ານໝໍໃຫ້ແກ່ຄລີນິກຢູ່ຄລີນິກ Stopwatch ທີ່ສະໜອງການປິ່ນປົວ ແລະການກວດພະຍາດສຸກເສີນໃຫ້ແກ່ຄົນປ່ວຍຢູ່ໃນເມືອງອໍເບີນ (Auburn), ລັດອາລາບາມາຢູ່ທາງພາກໃຕ້ຂອງສະຫະລັດ ທີ່ມີການລະບາດຢ່າງໜັກຂອງພະຍາດດັ່ງກ່າວ ໃນເດືອນກວ່າມານີ້ ກັບບອກວ່າການສະໜອງການກວດ ແລະປິ່ນປົວພະຍາດໂຄວິດ-19 ໃນຄລີນິກ ຂອງທ່ານນັ້ນແມ່ນເຮັດໄດ້ດີຢູ່ ແຕ່ວ່າຢູ່ໃນຕົວເມືອງ ຫລາຍແຫ່ງ ແມ່ນບໍ່ຕອບສະໜອງໄດ້ຕາມຄວາມຕ້ອງການ ທັງນີ້ກໍເປັນຍ້ອນວ່າຂາດທ່ານໝໍ ໃນດ້ານນີ້ ຊຶ່ງທ່ານໃຫ້ລາຍລະອຽດວ່າ:

ດຣ. ດາຣີນ ສີຣິ (ຂວາ), ຊ່ຽວຊານດ້ານໂຣກພູມແພ້ ແລະຫອບຫືດກໍາລັງກວດພະຍາດໃຫ້ຄົນປ່ວຍ
ດຣ. ດາຣີນ ສີຣິ (ຂວາ), ຊ່ຽວຊານດ້ານໂຣກພູມແພ້ ແລະຫອບຫືດກໍາລັງກວດພະຍາດໃຫ້ຄົນປ່ວຍ

ພ້ອມກັນນັ້ນ ດຣ. ດາຣີນ, ທ່ານໝໍທ່ານໝໍຍິງໄວ 40 ກວ່າປີທີ່ເປັນເຈົ້າຂອງ ຄລີນິກ Midwest Allergy Sinus Asthma SC ຢູ່ນະຄອນສປຣິງຟຽວ, ເມືອງເອກຂອງລັດອີລິນອຍບອກວ່າ:

ແນ່ນອນມີຄົນປ່ວຍໜ້ອຍກວ່າເກົ່າດຽວນີ້. ໂດຍລວມແລ້ວ ຂ້າພະເຂົ້າຄິດວ່າ ຢູູ່ທົ່ວປະຊາຄົມແພດໝໍແມ່ນໜ້ອຍລົງ ເວັ້ນເສຍແຕ່ຄົນທີ່ຮູ້ສຶກວ່າເຂົາເຈົ້າປ່ວຍ ຫລາຍຫລືເປັນພະຍາດໂຄວິດ. ຂ້າພະເຈົ້າຄິດວ່ໃນໄລຍະປິດເມືອງຢູ່ນີ້ ພວກຄົນປ່ວຍພະຍາຍາມຈະບໍ່ໄປຫາ ຫລືພະຍາຍາມຫລີກລ້ຽງ ການອອກຈາກຢູ່ບ້ານຈາກເຮືອນ.

ທັງນີ້ກໍເພາະວ່າ ມີຄົນປ່ວຍຫລາຍຄົນບໍ່ຢາກໄປ ຫລືບໍ່ສາມາດເຂົ້າໄປຮັບການປິ່ນປົວຢູ່ຄລີນິກຂອງທ່ານນາງໄດ້ ຍ້ອນວ່າຄົນປ່ວຍບາງຄົນ ເຊັ່ນພວກທີ່ເປັນເບົາຫວານ ແລະພະຍາດຊໍາເຮື້ອອື່ນໆ ຕ້ອງໄດ້ວັດແທກເລືອດ ທີ່ຈໍາເປັນຕ້ອງເຂົ້າໄປໃນຄີນິກ ແຕ່ວ່າຄລີນິກຂອງທ່ານນາງໃຊ້ມາດຕະການໃຫ້ຄົນຢູ່ຫ່າງກັນຢ່າງໜ້ອຍ 6 ຟຸດ ກໍເຮັດໃຫ້ການບັນຈຸຄົນປ່ວຍໄດ້ໜ້ອຍລົງ. ອີກຢ່າງນຶ່ງຖ້າຄົນປ່ວຍຜູ້ໃດທີ່ຢາກໄປກວດ ຫລືປົວພະຍາດໃນຄລີນິກຂອງທ່ານນາງ ຖ້າຫາກມີອາການໄຂ້ໜ້ອຍນຶ່ງ ຫລື ເດີນທາງມາຈາກເຂດທີ່ມີຄົນຕິດໄວຣັສນີ້ຫລາຍ ກໍຈະບໍ່ສາມາດໄປພົບທ່ານໝໍໄດ້.

ສະຫລຸບແລ້ວ ການລະບາດຢ່າງໜັກຂອງພະຍາດໂຄວິດ-19 ມີຜົນກະທົບເຮັດ ໃຫ້ຫລາຍສິບລ້ານຄົນໃນສະຫະລັດຫວ່າງງານບໍ່ພຽງໃນຂະແໜງທົ່ວໄປເທົ່ານັ້ນ ແຕ່ຍັງຢູ່ໃນຂະແໜງການແພດອີກດ້ວຍ ເຖິງແມ່ນວ່າມີຄວາມຕ້ອງການໃນການປິ່ນປົວພະຍາດຕ່າງໆ ສູງຢູ່ກໍຕາມ ຊຶ່ງສາດເຫດຕົ້ນຕໍກໍແມ່ນມາດຕະການປ້ອງ ກັນຄວາມປອດໄພທັງຂອງແພດໝໍ ແລະຂອງຄົນປ່ວຍ ແລະການເສຍການປະກັນໄພສຸຂະພາບຂອງຄົນເປັນຈໍານວນຫລວງຫລາຍເມື່ອເຂົາເຈົ້າຖືກຫວ່າງງານ ຍ້ອນການປິດທຸລະກິດຕ່າໆໄວ້ ຕາມມາດຕະການເພື່ອຫລຸດຜ່ອນການເພີ້ມຂຶ້ນ ຂອງຈໍານວນຄົນຕິດ ແລະເສຍຊີວິດ ຍ້ອນພະຍາດໂຄວິດ-19 ທີ່ກໍາລັງລະບາດ ຢ່າງວ່ອງໄວແລະແຜ່ຫຼາຍໃນຊຸມເດືອນມໍ່ໆມານີ້.

ອ່ານສະຫລຸບຫຍໍ້ກ່ຽວກັບຂ່າວນີ້ເປັນພາສາອັງກິດຢູ່ລຸ່ມນີ້:

Some Lao-American Health Care Workers have seen their salaries cut due to Covid-19 Pandemic

Dr. Alex Vilaythong, Director of a charity clinic said that her sister who is an internal doctor in a clinic in San Antonio, TX, is transferring to a new clinic as her salary has been about 10 percent cut due to the fall of the number of patients. Medical Group Management Association’ survey in April found that the number of non-Covid-19 patients’ visits to the clinics in general decreased 60%, which prompted many of them lay off some of their workers or reduce their pay. On the other hands, there is a shortage in some cities, such as Montgomery of Alabama, said Dr. Viengxay Malavong, Lao-American doctor who provides services to Covid-19 patients in his own clinic and Stopwatch urgent care clinic in Auburn, AL.

ເບິ່ງຄວາມເຫັນ (2)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG