ບັນດາເຈົ້າໜ້າທີ່ປ່າໄມ້ຂອງ ບັງກລາແດັສ ໄດ້ເຕືອນໃນວັນອັງຄານວານນີ້ວ່າ ທີ່ຢູ່ອາໄສທີ່ສຳຄັນຂອງເສືອ ເຊິ່ງຖືກກະທົບໂດຍພາຍຸ ໄຊໂຄລນ ທີ່ຮ້າຍແຮງ ແມ່ນຈົມຢູ່ໃຕ້ນ້ຳທະເລເລິກກວ່ງເກົ່າ ແລະ ດົນກວ່າແຕ່ກ່ອນ, ຈົນກໍ່ໃຫ້ເກີດຄວາມຢ້ານກົວສຳລັບສັດປ່າທີ່ໃກ້ສູນພັນນັ້ນ.
ພາຍຸ ໄຊໂຄລນ ຣີມາລ, ເຊິ່ງໄດ້ເຮັດໃຫ້ເກີດດິນຖະຫຼົ່ມໃນປະເທດ ບັງກລາແດັສ ແລະ ປະເທດ ອິນເດຍ ທີ່ຢູ່ໃກ້ຄຽງເມື່ອແລງວັນອາທິດທີ່ຜ່ານມາ, ໄດ້ເຮັດໃຫ້ປະຊາຊົນຢ່າງໜ້ອຍ 38 ຄົນເສຍຊີວິດໃນສອງປະເທດນັ້ນ ແລະ ໄດ້ສົ່ງຜົນກະທົບຕໍ່ປະຊາຊົນອີກຫຼາຍລ້ານຄົນ.
ຫຼາຍກວ່ານຶ່ງລ້ານຄົນໄດ້ຫຼົບໜີ້ຈາກເຂດຊາຍຝັ່ງໄປຢູ່ບ່ອນຫຼົບລີ້ພາຍຸທີ່ເປັນຄອນກຣີດ ກ່ອນພະຍຸຈະພັດເຂົ້າມາ.
ແຕ່ມັນແມ່ນປ່າຊາຍເລນ ຊັນດາບັນ ອັນກວ້າງຂວາງທີ່ແຜ່ກະຈາຍຈາກ ບັງກລາແດັສ ແລະ ອິນເດຍ, ບ່ອນທີ່ແມ່ນ້ຳຄົງຄາ, ແມ່ນ້ຳ ບຣາມາປູຕຣາ ແລະ ເມັກນາ ຈອດກັບທະເລ, ທີ່ປະສົບກັບແຮງກະທົບ.
ປ່າໄມ້ດັງກ່າວ, ເຊິ່ງເປັນທີ່ຢູ່ຂອງປະຊາກອນເສືອ ເບັງກາລ ທີ່ໃຫຍ່ທີ່ສຸດຂອງໂລກນັ້ນ, ໄດ້ຖືກນ້ຳຖ້ວມ, ກ່າວໂດຍທ່ານ ມີເຮຍ ຄູມາ ໂດ, ຫົວໜ້າພະແນກປ່າໄມ້ພາກໃຕ້ຂອງ ບັງກລາແດັສ.
ທ່ານ ໂດ ໄດ້ກ່າວຕໍ່ອົງການຂ່າວ AFP ວ່າ “ປ່າ ຊັນດາບັນ ທັງໝົດແມ່ນຢູ່ໃຕ້ນ້ຳດົນກວ່າ 36 ຊົ່ວໂມງຫຼັງຈາກພາຍຸ ໄຊໂຄລນ.
ອ່ານຂ່າວນີ້ຕື່ມເປັນພາສາອັງກິດ
ຟໍຣັມສະແດງຄວາມຄິດເຫັນ