ລິ້ງ ສຳຫລັບເຂົ້າຫາ

ວັນອາທິດ, ໒໑ ເມສາ ໒໐໒໔

ເຄນຢາ ໃຫ້ສັນຍານວ່າ ອາດເປັນໄປໄດ້ ທີ່ຈະຖອນອອກຈາກ ສານອາຍາສາກົນ (ICC)


ປະທານາທິບໍດີເຄນຢາ ທ່ານ Uhuru Kenyatta ກ່າວຄຳປາ
ໄສຕໍ່ປະເທດຊາດ ລະຫວ່າງສະຫລອງວັນເອກກະລາດ ຂອງຊາດ the 53rd Jamhuri Day.
ປະທານາທິບໍດີເຄນຢາ ທ່ານ Uhuru Kenyatta ກ່າວຄຳປາ ໄສຕໍ່ປະເທດຊາດ ລະຫວ່າງສະຫລອງວັນເອກກະລາດ ຂອງຊາດ the 53rd Jamhuri Day.

ປະ​ເທ​ດ​ເຄນ​ຢາ ກຳລັງ​ໃຊ້​ຄວາມ​ຄິດ​ເຫັນ​ຢ່າງ​ໜັກ ເພື່ອ​ຈະ​ຖອນ​ໂຕ​ອອກ​ຈາກ​ສານ​ອາຍາສາກົນ (ICC). ໃນລະຫວ່າງຖະ​ແຫລ​ງການ​ຕໍ່​ສາທາລະນະຊົນ​ໃນ​ວັນ​ຈັນ​ອາທິດ​ແລ້ວ​ນີ້ ຢູ່​ໃນ​ພິທີສະຫລອງ​ວັນ​ເອກ​ກະລາດ​ເຄນ​ຢາ ປະທານາທິບໍດີ​ຂອງ​ປະ​ເທດ​ໄດ້​ໃຫ້​ຮ່ອງ​ຮອຍ​ຢ່າງກະຈ່າງ​ແຈ້ງທີ່ສຸດ ວ່າຈະ​ມຸ້ງ​ໜ້າ​ໄປສູ່​ການ​ລາອອກ​ຈາກ​ສານ​ອາຍາ​ສາກົນ. Rael Ombuor ມີ​ລາຍ​ງາ​ນມາຈາກ ​ໄນ​ໂຣບີ ຊຶ່ງ ກິ່ງ​ສະຫວັນ ຈະ​ນຳ​ມາສະ​ເໜີ​ທ່ານ.

ການຖອນໂຕຂອງເຄນຢາ ອອກຈາກສານອາຍາສາກົນ ຫລື ICC ກຳລັງຈະກາຍມາເປັນ ຄວາມຈິງ. ປະທານາທິບໍດີ Uhuru Kenyatta ກ່າວວ່າລັດຖະບານຈະພິຈາລະນາສອງ

ຂໍ້ສະເໜີຜ່ານສະພາ ເພື່ອໃຫ້ເຄນຢາຖອນອອກຈາກສານອາຍາສາກົນ.

ທ່ານກ່າວວ່າ ການຕັດສິນໃຈຂອງທ່ານ ໄດ້ຖືກອິດທິພົນຈາກການລົ້ມແຫລວຂອງ ICC ເພື່ອປະຕິຮູບທີ່ຈະໃຫ້ການນັບຖື ຄວາມເປັນອະທິປະໄຕແຫ່ງຊາດ ຂອງການເປັນສະມາ
ຊິກ​ໃນບັນດາປະເທດຕ່າງໆ.

ປະທານາທິບໍດີ Kenyetta ກ່າວວ່າ “ທາງເລືອກຂອງເຮົາເປັນພື້ນຖານທີ່ວ່າ ເຮົາຈະ ຫັນປ່ຽນທິດທາງປະເທດໄປຫາຈຸດໝາຍປາຍທາງທີ່ເປັນປະເທດປົກຄອງຕົນເອງ. ບັນພະບຸຣຸດຂອງພວກເຮົາ ໄດ້ຕໍ່ສູ້ມາຢ່າງອົງອາດກ້າຫານ ເພື່ອໃຫ້ມີສິດໃນການ
ເລືອກຢ່າງເສຣີຈາກອິດທິພົນພາຍນອກ. ປັດຈຸບັນນີ້ ໂລກເຕັມໄປດ້ວຍ ສົງຄາມທີ່
ເປັນ
ແຮງໃຈໂດຍຄວາມປາດຖະໜາຂອງຄົນຈຳນວນນຶ່ງທີ່ຢາກຂູດຮີດເອົາຊັບພະຍາກອນ
ຂອງບັນດາປະເທດເອກກະລາດ.”

ປະທານາທິບໍດີ Kenyetta ກ່່າວວ່າ ICC ໄດ້ສະແດງໃຫ້ເຫັນການຂາດຄວາມບໍ່ເຂົ້າ
ຂ້າງອອກຂາເວລາພົວພັນກັບເຄນຢາ ແລະບັນດາປະເທດອາຟຣິກາອຶ່ນໆ ທີ່ຮັບຮູ້​ໃນ
ສິ່ງດຽວກັນ.

ທ່ານກ່າວວ່າ ເຄນຢາໄດ້ເປັນແຊມປ້ຽນຂອງສະຖາບັນ​ໂ​ລກາພິວັດໃນຄວາມ ທ່ຽງທໍາ ແລະຄວາມນັບຖືແກ່ປະເທດອະທິປະໄຕ ອັນເປັນພາກສ່ວນທີ່ຕິດຕາມຫາ ຫລາຍກວ່າ
ຄວາມ​ທຸ່ນ​ທ່ຽງ ແລະເປັນພຽງແຕ່ໂລກຊື່ໆ.

ປະທານາທິບໍດີ Kenyetta ກ່າວວ່າ “ກໍລະນີຊາວເຄນຢາໃນຢູ່ສານອາຍາສາກົນ ໄດ້
ສິ້ນສຸດລົງແລ້ວ ແຕ່່ວ່າປະສົບການໄດ້ເຮັດໃຫ້ເປັນສາເຫດໃຫ້ພວກເຮົາ ສັງເກດເບິ່ງ
ວ່າ ສະຖາບັນແຫ່ງນິ້ໄດ້ກາຍມາເປັນເຄຶ່ອງມືຂອງອຳນາດທາງ​ດ້ານການເມືອງຂອງ

ໂລກ ບໍ່ແມ່ນເພື່ອຄວາມຍຸຕິທຳ."

ເຄນຢາບໍ່ແມ່ນປະເທດອາຟຣິກັນທຳອິດທີ່ຊອກຫາທາງຖອນໂຕ​ອອກຈາກ ICC.

ໃນເດືອນຕຸລາ ປະທານາທິບໍດີ Pierre Nhurunziza ໄດ້ເຊັນຮ່າງກົດໝາຍ ຮຽກຮ້ອງ
ໃຫ້ບູຣູນດີຖອນອອກຈາກ ICC ແຕ່ວ່່າລັດຖະບານບູຣູນດີກ່າວວ່າ ສານນີ້ ເປັນເຄຶ່ອງມື
ຂອງບັນດາປະເທດອຳນາດ ເພື່ອໃຊ້ ລົງໂທດບັນດາຜູ້ນຳທີ່ບໍ່ປະຕິບັດຕາມປະເທດ
ຕາເວັນຕົກ.

ປະເທດແກມເບຍໄດ້ປະກາດຄ້າຍຄືກັນ ພາຍໃຕ້ການຮັບໃຊ້ອັນຍາວນານຂອງ ປະທາ
ນາທິບໍດີ Yahya Jammeh ຜູ້ທີ່ໄດ້ປະລາໄຊໃນການເລືອກຕັ້ງຫວ່າງມໍ່ໆມານີ້ໂດຍທ່ານ Adama Barrow ຜູ້ທີ່ໄດ້ໂຄສະນາຫາສຽງຢ່າງຫ້າວຫັນທີ່ຈະຢູ່ໃນ ICC ຕໍ່ໄປ.

ອາ​ຟຣິການໃຕ້ກໍໄດ້ຖອນອອກຄືກັນ ໂດຍທີ່ໄດ້ກ່າວວ່າຂໍ້ຜູກມັດມີການຂັດແຍ້ງ ແລະບໍ່
ສະໝໍ່າສະເໝີກັບຮ່າງກົດໝາຍຍົກເວັ້ນທາງການທູດ.

ເທົ່າທີ່ຜ່ານມາ ທ່ານ Kenyetta ໄດ້ຢູ່ໃນບັນດາຜູ້ອອກປາກອອກສຽງຫຼາຍກວ່າໝູ່ ຮຽກ
ຮ້ອງໃຫ້ ບັນດາປະເທດອາຟຣິກາ ພາກັນຮວມໃຈກັນຖອນອອກຈາກ ICC.

ເຖິງແມ່ນວ່າຈະມີການໂຕ້ຖຽງກັນຢູ່ ແຕ່ສານກໍແມ່ນໄດ້ສຸມຈິດໃຈໃສ່ ບັນດາປະເທດອາ
ຟຣິກັນບໍ່ສະເໝີກັນ. ນອກນັ້ນສານດັ່ງກ່າວຍັງໄດ້ເພີ້ມການກວດ​ສອບ​ຢ່າງ​ພິຖີ​ພິຖັນ
ດ້ວຍອຳນາດຂອງປະເທດຕາເວັນຕົກ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG