ລິ້ງ ສຳຫລັບເຂົ້າຫາ

ປ. Karzai ຮຽກຮ້ອງ ໃຫ້ສະພາ Loya Jirga ຮັບຜ່ານ ຂໍ້ຕົກລົງ ກັບ ສຫລ (ວີດີໂອ)


ປ. Hamid Karzai ແຫ່ງອັຟການິສຖານ ກ່າວໄຂກອງປະຊຸມ Loya Jirga, ທີ່ກຸງຄາບູລ. ວັນທີ 21, 2013.
ປະທານາທິບໍດີ Hamid Karzai ​ແຫ່ງ​ອັຟກາ​ນິສຖານ ​ໄດ້​ຮຽກ
​ໃຫ້​ເປີດກອງ​ປະຊຸມ​ພວກຜູ້ນຳ​ອາວຸ​ໂສ​ອັຟກາ​ນິສຖານ ​ໃຫ້​ຮັບ
​ຜ່ານ​ຂໍ້​ຕົກລົງ​ດ້ານ​ຄວາມ​ປອດ​ໄພ​ສະ​ບັບນຶ່ງ​ກັບ​ສະຫະລັດ ໂດຍ
​ກ່າວ​ວ່າ ຂໍ້​ຕົກລົງ​ດັ່ງກ່າວ​ຈະ​ອະນຸຍາດ​ໃຫ້​ພວກ​ທະຫານ​ຕ່າງ​
ດ້າວ​ຈຳນວນ 10 ຫາ​ 15 ພັນ​ຄົນ ​ຢູ່​ໃນ​ອັຟກາ​ນິສຖານ​ຕໍ່​ໄປ
ຫຼັງ​ຈາກ​ທະຫານ​ກຸ່ມ​ເນ​ໂຕ້​ຖອນ​ອອກ​ໄປ​ໝົດແລ້ວ​ໃນ​ປີ​ໜ້າ​ນີ້.

ຮ່າງຂໍ້​ຕົກລົງ​ດັ່ງກ່າວ​ ທີ່ພິມ​ເຜີຍ​ແຜ່​ທາງ​ຄອມ​ພີ​ວ​ເຕີ ​ໂດຍ​ລັດ
ຖະບານ​ອັຟກາ​ນິສຖານນັ້ນເວົ້າ​ວ່າ ພວກ​ທະຫານ​ສະຫະລັດ​
ຈະສາມາດ​ເຂົ້າ​ໄປ​ຊອກ​ຄົ້ນ​ໃນ​ບ້ານ​ເຮືອນ​ຂອງ​ຊາວ​ອັຟ ກາ​ນິສຖານ​ໄດ້ ​ໃນ​ກໍ​ລະນີ​ພິ​ເສດ​ສຸດ​ເທົ່າ​ນັ້ນ ຊຶ່ງ​ເປັນ​ຈຸດ​ໂຕ້​ຖຽງ​ກັນ​ໃນ​ການ​ເຈລະຈາ​ມາ ເປັນ​ເວລາ​ເກືອບ​ນຶ່ງ​ປີ ກ່ຽວ​ກັບ​ຂໍ້​ຕົກລົງ​ດັ່ງກ່າວ.

​ໃນ​ເວລາ​ບໍ່​ເທົ່າ​ໃດ​ຊົ່ວ​ໂມງ​ກ່ອນ​ກອງ​ປະຊຸມ​ເປີດ ທ່ານ John Kerry ລັດຖະມຸນຕີ​ຕ່າງປະ​ເທດ​ສະຫະລັດ​ປະກາດ​ໃຫ້​ຮູ້​ວ່າ ທັງ​ສອງ​ຝ່າຍ​ໄດ້​ຕົກລົງ​ກັນ​ຂັ້ນ​ສຸດ​ທ້າ​ຍແລ້ວ​ກ່ຽວ​ກັບ​ສົນທິສັນຍາດ້ານ​ຄວາມ​ປອດ​ໄພ​ລະຫວ່າງ​ສອງ​ຝ່າຍນີ້.

ກອງ​ປະຊຸມ​ພວກຜູ້ນຳ​ອາວຸ​ໂສ​ອັຟກາ​ນິສຖານ ທີ່​ເອີ້ນ​ກັນ​ວ່າ “Loya Jirga” ຄາດ​ວ່າ​ຈະ​ທຳການ​ອະພິປາຍ​ກັນ​ເປັນ​ເວລາ 3 ມື້ ກ່ຽວ​ກັບ​ຂໍ້​ຕົກລົງ​ກັນ​ສະບັບ​ນີ້ຊຶ່ງ​ຈະ​ຫຼໍ່​ຫຼອມຮູບ​ຮ່າງ​ຄວາມ​ສຳພັນ​ດ້ານ​ຄວາມ​ປອດ​ໄພ ​ລະຫວ່າງ​ກຸງ​ວໍ​ຊິງ​ຕັນ​ ແລະ​ກຸ​ງຄາ​ບູລ​ໃນ​ອີກ​ຫລາຍ​ປີ​ຕໍ່ ໜ້າ. ກຸ່ມ​ດັ່ງກ່າວ ຈະ​ຕ້ອງ​ຮັບຮອງ​ເອົາ​ຮ່າງ​ຂໍ້​ຕົກລົງ​ດັ່ງກ່າວ ກ່ອນ​ເອກະສານ​ທີ່​ວ່າ​ນີ້ຈະ​ນຳ​ໄປ​ໃຫ້​ລັດຖະສະພາ​ອັຟກາ​ນິສຖານ ​ລົງມະຕິ​ຮັບຮອງ​ເອົາ.

ກອງ​ປະຊຸມພວກ​ຜູ້ນຳອາວຸ​ໂສ​ດັ່ງກ່າວ ສາມາດ​ແກ້​ໄຂ ຫຼື​ປະຕິ​ເສດ​ຕໍ່​ຂໍ້ຄວາມ​ວັກ​ໃດກໍ​ໄດ້​ ໃນ​ຮ່າງ​ຂໍ້​ຕົກລົງ ​ແລະ​ປະຕິ​ເສດ​ຕໍ່​ຂໍ້​ຕົກ​ທັງ​ໝົດ​ ຊຶ່ງ​ການ​ກະທຳ​ເຊັ່ນ​ນີ້ ​ເບິ່ງ​ຄື​ວ່າ ຈະ​ປົກ​ປ້ອງ​ບໍ່​ໃຫ້​ລັດຖະບານ​ອັຟກາ​ນິສຖານ ​ລົງ​ນາມ​ໃນ​ຂໍ້​ຕົກລົງ​ນັ້ນ.


ຖ່າຍທອດສົດ ປ. ດໍໂນລ ທຣຳ ກ່າວຄຳປາໄສ ຕໍ່ ອົງການສະຫະປະຊາຊາດ

XS
SM
MD
LG