ຍານອາວະກາດ Juno ຂອງອົງການອະວະກາດສະຫະລັດຫຼື NASA ໄດ້ໂຄຈອນເຂົ້າໄປ
ໄກ້ດາວພະຫັດ ທີ່ສຸດ ໃນວັນເສົາມື້ນີ້.
ຫລັງຈາກໄດ້ໃຊ້ເວລາຢູ່ໃນອາວະກາດຫ້າປີ ຍານອາວະກາດ Juno ບັດນີ້ກຳລັງຈະໂຄ
ຈອນໃນໄລຍະໃກ້ທີ່ສຸດ ຜ່ານດາວພະຫັດ ຊຶ່ງເປັນດາວທີ່ໃຫຍ່ທີ່ສຸດໃນລະບົບສຸລິຍະຈັກ
ກະວານຂອງເຮົາ.
ອີງຕາມຫ້ອງທົດລອງ Jet Propulsion ຂອງອົງການ NASA ແລ້ວ ໃນເວ ລາປະມານ 8 ໂມງ 51 ນາທີ ຕອນເຊົ້າມື້ນີ້ ຕາມເວລາໃນພາກຕາເວັນອອກ ຂອງສະຫະລັດ ຫຼື 12 ໂມງ 51 ນາທີ ຕາມເວລາມາດຕະຖານສາກົນ ຍານ Juno “ຈະໂຄຈອນຢູ່ປະມານ 4,200 ກິໂລແມັດເທິງດາວ Jupiter ທີ່ມີຂີ້ເຝື້ອຫຸ້ມລ້ອມ ແລະເດີນທາງດ້ວຍຄວາມໄວ 208,000 ກິໂລແມັດຕໍ່ຊົ່ວໂມງ ຢູ່ເທິງ ດາວເຄາະດັ່ງກ່າວ.”
ເບິ່ງຄືວ່າບໍ່ໃກ້ປານໃດ ຈົນກວ່າທ່ານພິຈາລະນາວ່າ ດາວ Jupiter ມີເສັ້ນຜ່າສູນກາງຢູ່ 140,000 ກິໂລແມັດ. ເພື່ອສົມທຽບກັນ ໂລກມະນຸດເຮົາແມ່ນມີເສັ້ນ ຜ່າສູງກາງແຕ່ 8,000 ກິໂລແມັດເທົ່ານັ້ນ.
ບັນດານັກວິທະຍາສາດອົງການ NASA ພາກັນຕື່ນເຕັ້ນເພາະວ່າ ມັນຈະເປັນການບິນຜ່ານເທື່ອທຳອິດ ນັບແຕ່ຍານ Juno ໄດ້ເຂົ້າສູ່ວົງໂຄຈອນຂອງດາວ ພະຫັດ ໃນວັນທີ 4 ເດືອນກໍລະກົດຜ່ານມາ ແລະມັນຍັງເປັນເທື່ອທຳອິດ ທີ່ອຸປະກອນທັງໝົດຢູ່ໃນຍານຈະຕິດຈັກຂຶ້ນ ແລະຕຽມພ້ອມທີ່ຈະປະຕິບັດງານ.
ທ່ານ Scott Bolton ຜູ້ສືບສວນທີ່ສຳຄັນຂອງຍານ Juno ກ່າວວ່າ “ນີ້ເປັນໂອກາດເທື່ອ
ທຳອິດຂອງພວກເຮົາ ທີ່ຈະເຂົ້າໄປເບິ່ງໃກ້ໆກັບລາຊາດາວເຄາະຂອງລະບົບສຸລິຍະຈັກ
ກະວານ ແລະເລີ້ມພິຈາລະນາວ່າດາວດັ່ງກ່າວເຮັດວຽກແບບໃດ.”
ອົງການ NASA ກ່າວວ່າ ເປົ້າໝາຍທີ່ສຳຄັນຂອງຍານ Juno ກໍຄືເຂົ້າໃຈເຖິງວິວັດທະນາການ ແລະທີ່ມາຂອງດາວພະຫັດ.
ອ່ານຂ່າວນີ້ເພີ້ມເປັນພາສາອັງກິດ
