ລິ້ງ ສຳຫລັບເຂົ້າຫາ

logo-print

ຄອບ​ຄົວ ຊາວ ຢິວ ກັບ​ຄືນ​ສູ່​ ນະ​ຄອນຫຼວງ ເບີ​ລິນ ເພື່ອ​ສ້າງ​ສະ​ຖານ​ທີ່ ​ຕ້ອນ​ຮັບແຂກ


ບ້ານ ອາ​ເລັກ​ແຊນ​ເດີ, ເຮືອນ​ພັກ​ນ້ອຍຫຼັງ​ນຶ່ງ ທີ່​ຖືກ​ສ້າງ​ຂຶ້ນ​ໂດຍ​ຄອບ​ຄົວ​ຊາວ ຢິວ ໃນ​ປີ 1927 ໃນ​ບ້ານ ກ​ຣັ​ອ​ສ ໄກ​ລ​ນິ​ເກີ, ຄົ້ນ​ພົບ​ຊີ​ວິດ​ໃໝ່.

ບັນ​ດາ​ໝູ່​ເພື່ອນ ແລະ ເພື່ອ​ນ​ບ້ານ​ໃກ້​ຄຽງ​ຂອງ​ຜູ້​ເຄາະ​ຮ້າຍ​ຈາກ​ການ​ຍິງ​ກັນ​ໃນ​ວັນ​ທີ
27 ຕຸລາທີ່ຜ່ານມາ ຢູ່ໂບດ ຕົ້ນໄມ້ແຫ່ງຊີວິດຂອງ ຊາວຢິວ ໃນເມືອງ ພິດສເບີກ ໄດ້
ສືບຕໍ່ໄວ້ອາໄລໃຫ້ຄົນຮັກຂອງເຂົາເຈົ້າ. ໃນຂະນະດຽວກັນ 25 ກິໂລແມັດຢູ່ນອກນະ
ຄອນຫຼວງ ເບີລິນ ປະເທດ ເຢຍຣະມັນ ນັ້ນ, ບ້ານ​ພັກນ້ອຍຫຼັງນຶ່ງທີ່ຖືກສ້າງຂຶ້ນໂດຍ
ຄອບຄົວຊາວ ຢິວ ໃນປີ 1927 ນັ້ນ ກໍແມ່ນໄດ້ຄົ້ນພົບຊີວິດໃໝ່ຂອງເຂົາເຈົ້າ.ທ່ານ
ທັອມມັສ ຮາດິງ ຈື່ໄດ້ຄັ້ງທຳອິດທີ່ລາວໄດ້ເຫັນການພັກຜ່ອນວັນຢຸດຂອງຄອບຄົວ
ຂອງລາວ, ອັນທີ່ແມ່ເຖົ້າຂອງລາວໄດ້ເອີ້ນວ່າ “ສະຖານທີ່ໃນສະຫວັນ” ຂອງເພິ່ນ ເຊິ່ງ
ເພິ່ນໄດ້ຫວັງຢາກມີມາດົນນານ ຫຼັງຈາກໄດ້ຫຼົບໜີຈາກພວກນາຊີ ເຢຍຣະມັນ ໃນປີ
1936 ແລະ ໄດ້ຕັ້ງບ້ານຫຼັງໃໝ່ຢູ່ນະຄອນຫຼວງ ລອນດອນ ປະເທດ ອັງກິດ.

ທະ​ເລ​ສາບ ກ​ຣັ​ອ​ສ ໄກ​ລ​ນິກ​ເກີ.
ທະ​ເລ​ສາບ ກ​ຣັ​ອ​ສ ໄກ​ລ​ນິກ​ເກີ.

ເຮືອນ​ທີ່​ຕັ້ງ​ຢູ່​ໃນ​ບ້ານ ກ​ຣັອ​ສ ໄກ​ລ​ນິກ​ເກີ (Gross Glienicke), ແມ່ນ​ໄດ້​ຖືກລັດ​ຖະ
ບານ ເຢຍຣະມັນ ຍຶດເອົາໃນເວລານັ້ນ, ແລະ ໄດ້ສິ້ນສຸດລົງດ້ວຍການຕົກຢູ່ໃນແຖວ
ໜ້າຂອງຄວາມວຸ້ນວາຍຂອງ ເຢຍຣະມັນ ໃນສັດຕະວັດທີ 20.

ສາຍ​ພົວ​ພັນ​ຂອງ​ທ່ານ ຮາ​ດິງ ກັບ​ເຮືອນຫຼັງ​ນັ້ນ ​ໄດ້​ມີ​ຂຶ້ນ​ໃນ​ປີ 1993, ເມື່ອ​ແມ່​ເຖົ້າ​
ຂອງລາວ, ທ່ານນາງ ແອລຊີ, ໄດ້ນຳໜ້າສະມາຊິກໄວໜຸ່ມ ຂອງຄອບຄົວກຸ່ມນຶ່ງ ເດີນ
ທາງກັບຄືນໄປນະຄອນຫຼວງ ເບີລິນ ແລະ ເຮືອນຫຼັງດັ່ງກ່າວ ໃນເມືອງ ກຣັອສ
ໄກລນິກຄີ. ທ່ານ ຮາດິງ ໄດ້ຖ່າຍວິດີໂອໃນການຢ້ຽມຢາມຄັ້ງນັ້ນ.

ເຮືອນ ອາ​ເລັກ​ແຊນ​ເດີ ໃນ​ຊຸມ​ປີ 1930.
ເຮືອນ ອາ​ເລັກ​ແຊນ​ເດີ ໃນ​ຊຸມ​ປີ 1930.

ທ່ານ​ໄດ້​ກ່າວ​ວ່າ “ລາວ​ໄດ້​ມີ​ຄວາມ​ຮູ້​ສຶກ​ຫ​ວັ່ນ​ໄຫວ​ກັບ​ປະ​ສົບ​ການ​ດັ່ງ​ກ່າວຢ່າງ​ແນ່
ນອນ. ມັນແມ່ນຊ່ວງເວລາທີ່ດີສຳລັບລາວ.”

ທ່ານ ຮາ​ດິງ ໄດ້​ອະ​ທິ​ບາຍ​ວິ​ທີ​ ທີ່ຜູ້​ເຊົ່າ, ທ່ານ ໂວ​ຟ​ແກງ ຄື​ເນີ (Wolfgang Kuehne)
ໄດ້ຕ້ອນຮັບເຂົາເຈົ້າເຂົ້າໄປທາງໃນ. ທ່ານ ຮາດິງ ຕົກໃຈທີ່ໄດ້ເຫັນວ່າກຳແພງ ເບີລິນ
ໄດ້ຖືກຕັ້ງຜ່ານຫຼັງບ້ານຂອງເຮືອນດັ່ງກ່າວ, ແລະ ໄດ້ຕັດອອກບໍ່ໃຫ້ເຂົ້າເຖິງທະເລ
ສາບໄດ້.

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG