ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ການໂຈມຕີທາງອາກາດຂອງອິສຣາແອລ ໄດ້ສັງຫານສະມາຊິກໃນຄອບຄົວຂອງ ຫົວໜ້າຜູ້ນຳທາງການເມືງຂອງ ກຸ່ມຮາມາສ


ບັນດາຜູ້ຊາຍຄົ້ນຫາຜ່ານຊາກຫັກພັງຂອງເຮືອນຂອງເອື້ອຍຂອງ ທ່ານອິສເມລ ຮານີເຢ, ຫົວຫນ້າການເມືອງຂອງກຸ່ມຮາມາສ ໃນໂດຮາ, ຫຼັງຈາກຖືກໂຈມຕີຢູ່ຄ້າຍ ຊາຕີ ທາງທິດຕາເວັນຕົກຂອງເມືອງ ກາຊາ ວັນທີ 25 ມິຖຸນາ 2024. ອົງການ​ປ້ອງ​ກັນ​ພົນລະ​ເຮືອນກາຊາ ກ່າວ​ວ່າສະມາຊິກ 10 ຄົນ​ໃນ​ຄອບຄົວ​ຂອງ ທ່ານຮານີເຢ ​ໄດ້​ເສຍ​ຊີວິດ.
ບັນດາຜູ້ຊາຍຄົ້ນຫາຜ່ານຊາກຫັກພັງຂອງເຮືອນຂອງເອື້ອຍຂອງ ທ່ານອິສເມລ ຮານີເຢ, ຫົວຫນ້າການເມືອງຂອງກຸ່ມຮາມາສ ໃນໂດຮາ, ຫຼັງຈາກຖືກໂຈມຕີຢູ່ຄ້າຍ ຊາຕີ ທາງທິດຕາເວັນຕົກຂອງເມືອງ ກາຊາ ວັນທີ 25 ມິຖຸນາ 2024. ອົງການ​ປ້ອງ​ກັນ​ພົນລະ​ເຮືອນກາຊາ ກ່າວ​ວ່າສະມາຊິກ 10 ຄົນ​ໃນ​ຄອບຄົວ​ຂອງ ທ່ານຮານີເຢ ​ໄດ້​ເສຍ​ຊີວິດ.

ເຈົ້າ​ໜ້າ​ທີ່​ທ້ອງ​ຖິ່ນ​ ແລະ​ສະ​ມາ​ຊິກ​ໃນ​ຄອບ​ຄົວ​ກ່າວ​ວ່າ ການ​ໂຈມ​ຕີ​ທາງ​ອາ​ກາດ​ຂອງ​ອິ​ສ​ຣາ​ແອ​ລ​ໃນ​ວັນ​ອັງ​ຄານ​ມື້​ນີ້​ ຢູ່​ພາກ​ເໜືອ​ຂອງ​ເຂດ​ກາ​ຊາ​ ໄດ້​ສັງຫານ​ສະ​ມາ​ຊິກ 10 ຄົນ​ຂອງ​ຄອບ​ຄົວ​ຜູ້ນໍາ​ດ້ານ​ການ​ເມືອງ​ຂອງ​ກຸ່ມ ຮາມາສ ​ທີ່​ມີ​ຫ້ອງ​ການ​ຕັ້ງ​ຢູ່​ປະ​ເທດ ກາ​ຕາ ທ່ານ ອິສເມລ ຮານີເຢ (Ismail Haniyeh).

ການ​ໂຈມ​ຕີ​ດັ່ງກ່າວ ໄດ້​ໂຈມ​ຕີ​ໃສ່ເຮືອນ​ຫລັງ​ນຶ່ງ​ໃນ​ສູນ​ອົບ​ພະ​ຍົບ ຊາຕີ (Shati) ທາງ​ພາກ​ຕາ​ເວັນ​ຕົກ​ຂອງ​ເມືອງ ກາຊາ.

ການ​ໂຈມ​ຕີ​ຂອງ​ອິສຣາ​ແອ​ລ​ໃນຊ່ວງເລີ້ມ​ຕົ້ນຂອງ​ສົງຄາມ​ ໄດ້​ສັງຫານ​ລູກ​ຊາຍ​ຂອງ ທ່ານ ຮານີເຢ ສາມ​ຄົນ​.

ກອງທັບອິສຣາແອລກ່າວວ່າ ກອງກຳລັງຂອງຕົນ ໄດ້ທຳການໂຈມຕີທາງ ອາກາດ ໂດຍແນເປົ້າໃສ່ຕຶກອາຄານຕ່າງໆ ໃນເມືອງ ຊາຕີ ແລະພື້ນທີ່ອື່ນໆ ໃນພາກເໜືອຂອງເຂດ ກາຊາ ທີ່ກອງທັບກ່າວວ່າ ໄດ້ຖືກນຳໃຊ້ໂດຍພວກຫົວ ຮຸນແຮງ ຮາມາສ ທີ່ມີ​ສ່ວນ​ຮ່ວມ​ໃນການໂຈມຕີອິສຣາແອລ ເມື່ອວັນທີ 7 ຕຸລາ.

ການ​ປະ​ທະ​ກັນ​ຄັ້ງ​ຫລ້າ​ສຸດ​ໄດ້​ມີ​ຂຶ້ນ​ໃນ​ຂະ​ນະ​ທີ່​ສານ​ສູງ​ສຸດ​ຂອງ​ອິ​ສ​ຣາ​ແອ​ລ​ໄດ້​ຕັດ​ສິນ​ໃຫ້​ກອງທັບ​ຕ້ອງເກນເອົາ​ນັກ​ສຶກ​ສາວິທະຍາໄລ​ຊາວ​ຢິວ​ທີ່ເຊື່ອ​ຖື​ໃນ​ສາ​ສະ​ໜາ​ຢ່າງ​ເຄັ່ງ​ຄັດ ເຂົ້າມາຮັບ​ໃຊ້ກອງທັບ.

ການ​ຕັດສິນ​ໃຈ​ເປັນ​ເອກະ​ພາບ​ກັນ ໃນ​ວັນ​ອັງຄານມື້​ນີ້ ອາດ​ຈະ​ສ້າງ​ຄວາມ​ກົດ​ດັນ​ຕື່ມ​ອີກ ​ຕໍ່​ລັດຖະບານ​ຂອງ​ນາຍົກລັດຖະມົນຕີ ເບັນຈາມິນ ເນຕັນຢາຮູ, ທີ່​ເພິ່ງ​ພາ​ອາ​ໄສ​ສອງ​ພັກການ​ເມືອງ​ທີ່ເຊື່ອ​ຖື​ໃນ​ສາ​ສະ​ໜາ​ຢ່າງ​ເຄັ່ງ​ຄັດ​ໃນພັນ​ທະ​ມິດຂອງ​ຕົນ.

ສົງຄາມຢູ່ໃນເຂດກາຊາ ແລະການປະທະກັນຂອງອິສຣາແອລ ກັບພວກຫົວຮຸນ ແຮງ ເຮັສໂບລລາ ຕາມເຂ​ດຊາຍແດນຕິດກັບ​ປະ​ເທດ ເລບານອນ ໄດ້ເຮັດໃຫ້ ບັນຫາດັ່ງກ່າວພົ້ນເດັ່ນຍິ່ງຂຶ້ນ ໃນຂະນະທີ່ປະຊາຊົນຕັ້ງຄຳຖາມເຖິງຂໍ້ຍົກເວັ້ນ ທີ່ມີມາດົນນານ ທີ່ອະນຸຍາດໃຫ້ພວກນັກສຶກສາສາວິທະຍາໄລ ຫລີກລ້ຽງການ ຮັບໃຊ້ທະຫານ ທີ່ຖືກກຳນົດໄວ້ສຳລັບພວກຜູ້ຊາຍ ແລະແມ່ຍິງຊາວອິສຣາເອລ ສ່ວນໃຫຍ່.

ອ່ານຂ່າວນີ້ເປັນພາສາອັງກິດ:

ຟໍຣັມສະແດງຄວາມຄິດເຫັນ

XS
SM
MD
LG