ລິ້ງ ສຳຫລັບເຂົ້າຫາ

logo-print

ການ​ຢັ່ງ​ຫາງ​ສຽງສະ​ແດງ ໃຫ້​ເຫັນ​ວ່າ ທ. ເນ​ຕັນ​ຢາ​ຮູ ໄດ້​ຄະ​ແນນ​ນຳ​ໜ້າ ແຕ່​​ບໍ່​ພຽງ​ພໍ ທີ່​ຈະ​ຕັ້ງ ​ລັດ​ຖະ​ບານ​ແນວ​ໂຮມ​ໄດ້


ນາ​ຍົກ​ ເບັນ​ຈາ​ມິນ ເນ​ຕັນ​ຢາ​ຮູຂອງ​ອິ​ສ​ຣາ​ແອ​ລ ແລະ​ພັນ​ລະ​ຍາ​ຂອງ​ເພິ່ນ ກ່າວ​ຕໍ່​ພວກ​ສະ​ໜັບ​ສະ​ໜຸນ​ທ່ານ ຢູ່ນະ​ຄອນ Tel Aviv ໃນ​ຕອນ​ເຊົົ້າ​ວັນ​ອັງ​ຄານ, ທີ 3 ມີ​ນາ, 2020.

ຜົນການ​ຢັ່ງ​ຫາງ​ສຽງ​ອອກ​ມາ​ສະ​ແດງ​ໃຫ້​ເຫັນ​ວ່າ ພັກ​ຂອງນາ​ຍົກ​ລັດ​ຖະ​ມົນ​ຕີ ເບັນ​ຈາ​ມິນ ເນ​ຕັນ​ຢາ​ຮູ ໄດ້​ຄະ​ແນນ​ນຳ​ໜ້າ​ໝູ່ ​ຢູ່​ໃນ​ການ​ເລືອກ​ຕັ້ງ​ຄັ້ງ​ຫລ້​າ​ສຸດ​ຂອງ​ປະ​ເທດນັ້ນ ແຕ່​ວ່າ​ ກໍ​ຍັງ​ບໍ່​ສາ​ມາດ​ສ້າງ​ຕັ້ງ​ລັດ​ຖະ​ບານ​ທີ່​ໄດ້​ຮັບ​ສຽງ​ສ່ວນ​ຫລາຍ​ໄດ້​ເທື່ອ.

ບັນ​ດາ​ເຈົ້າ​ໜ້າ​ທີ່ຮັບ​ຜິດ​ຊອບ​ການ​ເລືອກ​ຕັ້ງ ​ກຳ​ລັງ​ນັບ​ບັດຄະ​ແນນໃນ​ວັນ​ອັງ​ຄານມື້ນີ້ ພາຍ​ຫລັງ​ທີ່​ສິ້ນ​ສຸດ​ການ​ເລືອກ​ຕັ້ງ​ຄັ້ງ​ທີ​ສາມຢູ່​ໃນ​ຂອບ​ເຂດ​ນຶ່ງ​ປີນີ້.

ການ​ປ່ອນ​ບັດ​ສອງ​ຄັ້ງ​ຜ່ານ​ມາ ຢູ່​ໃນ​ເດືອນ​ເມ​ສາ ແລະ​ເດືອນ​ກັນ​ຍາ ປີ 2019 ຈົບ​ລົງ​ດ້ວຍ​ສະ​ພາບ​ທີ່ບໍ່​ໄປ​ບໍ່​ມາ ໂດຍ​ທີ່​ທ່ານ ເນ​ຕັນ​ຢາ​ຮູ ແລະຄູ່​ແຂ່ງ​ຫລັກ ຂອງ​ເພິ່ນຈາກ​ພັກ​ສີ​ຟ້າ ແລະ​ສີ​ຂາວ, ທ່ານ ເບັນ​ນີ ແກ​ນ​ສ໌ (Benny Gantz) ບໍ່​ສາ​ມາດ​ທີ່​ຈະຮອບ​ຮວ​ມ​ເອົ​າ​ຄະ​ແນນ​ສຽງ​ຢ່າງ​ພຽງ​ພໍ​ເພື່ອ​ໃຫ້​ຊະ​ນະ​ການ​ເລືອກ​ຕັ້ງ​ໄດ້​ຢ່າງ​ສຽບ​ຂາດ.

ທ່ານ​ເນ​ຕັນ​ຢາ​ຮູ ຍັງ​ເປັນນາ​ຍົກ​ລັດ​ຖະ​ມົນ​ຕີ​ທີ່​ຮັກ​ສາ​ການຢູ່​ໃນ​ຕະ​ຫລອດ​ເວ​ລາ​ທີ່​ມີ​ການ​ເລືອກ​ຕັ້ງຄັ້ງ​ແລ້ວ​ຄັ້ງ​ເລົ່າ​ນີ້. ກາ​ນ​ເລືອກ​ຕັ້ງ​ຄັ້ງ​ຫລ້າ​ສຸດ​ ແມ່ນ​ມີ​ຂຶ້ນໃນ​ເວ​ລາ​ສອງ​ອາ​ທິດ​ກ່ອນ​ທ່ານ​ຈະ​ໄປ​ເຂົ້າ​ຮ່ວມ​ການ​ດຳ​ເນີນ​ຄະ​ດີໃນ​ຂໍ້​ຫາ​ກິນ​ສິນ​ບົນ, ທຳ​ການສໍ້​ໂກງ ແລະ​ເປັນ​ຄົນ​ທີ່ບໍ່​ໜ້າ​ໄວ້ວາງ​ໃຈ​ໄດ້.

ຢູ່​ໃນ​ການ​ໂຄ​ສະ​ນາ​ຫາ​ສຽງຂອງ​ຕົນ​ນັ້ນ, ທ່ານ ແກນ​ສ໌ (Gantz) ເວົ້າ​ວ່າ ທ່ານ​ເນ​ຕັນ​ຢາ​ຮູ ມີມົນທິນທີ່​ເຕັມ​ໄປ​ດ້ວຍ​ເລື້ອງນອງ​ນັນ, ໃນ​ຂະ​ນະ​ທີ່​ທ່ານ ​ເນ​ຕັນ​ຢາ​ຮູ ກໍ​ເວົ້າ​ວ່າ ທ່ານ​ເປັນ​ຄົນ​ທີ່​ມີ​ຄຸ​ນ​ນະ​ວຸດ​ທິ​ເໝາະ​ສົມ​ດີ​ທີ່​ສຸດ ທີ່​ຈະ​ນຳ​ພາ​ປະ​ເທດ​ຊາດ​ຢູ່​ໃນ​ໄລ​ຍະ​ນີ້.

ເມື່ອ​ໃດ​ຫາກ​ມີ​ຜົນ​ການ​ເລືອກ​ຕັ້ງ​ຢ່າງ​ເປັນ​ທາງ​ການ​ອອກ​ມາ​ແລ້ວ, ປະ​ທາ​ນາ​ທິ​ບໍ​ດີ ຣຽວ​ເບນ ຣິບ​ຟ​ລິນ (Reuben Rivlin) ກໍ​ຈະ​ເລືອກ​ເອົາ​ຜູ້​ລົງ​ສະ​ໝັກ​ທີ່​ທ່ານ​ຄິດ​ວ່າ ມີ​ໂອ​ກາດ​ດີ​ທີ່​ສຸດ​ທີ່​ຈະ​ສ້າງ​ແນວ​ໂຮມ​ຂຶ້ນ ແລະ​ໃຫ້​ເວ​ລາ​ແກ່​ເຂົາ​ເຈົ້າ​ຫລາຍ​ເຖິງ 6 ອາ​ທິດ​ໃຫ້​ເຮັດ​ເຊ່ນນັ້ນ. ຖາ​ຫາກ​ຜູ້​ສະ​ໝັກ​ຄົນ​ດັ່ງ​ກ່າວບໍ່​ສາ​ມາດ​ເຮັດ​ໄດ້, ຈາກນັ້ນ ຄົນ​ຕໍ່​ໄປ​ກໍຈະ​ມີເວ​ລາ 28 ມື້ ເພື່ອ​ສ້າງ​ຕັ້ງ​ແນວ​ໂຮມ​ລັດ​ຖະ​ບານ​ຂອງ​ຕົນ​ເອງ​ຂຶ້ນ.

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ

Exit polls show Israeli Prime Minister Benjamin Netanyahu's party leading in the country's latest election, but falling short of being able to form a governing majority.

Election officials were counting ballots Tuesday after the third election in the span of a year.

The last two polls in April and September of 2019 ended in a stalemate with both Netanyahu and his main challenger, Blue and White party candidate Benny Gantz, unable to cobble together enough votes to win a decisive electoral victory.

Netanyahu has remained the caretaker prime minister through the repeat elections. The latest comes two weeks before he is set to go on trial on charges of bribery, fraud and breach of trust.

Gantz, in his campaign, said Netanyahu is plagued by scandal, while Netanyahu said he is best qualified to lead the country at this time.

Once the official results are in, President Reuben Rivlin will select the candidate he thinks has the best chance to form a coalition and give them up to six weeks to do so. If that candidate fails, another would then have 28 days to form their own coalition.

ທ່ານອາດຈະມັກເລື້ອງນີ້ຄືກັນ

XS
SM
MD
LG