ປະທານາທິບໍດີ ສະຫະລັດ, ທ່ານ ດໍໂນລ ທຣຳ ໃນວັນອັງຄານວານ ນີ້ ພະຍາຍາມທີ່ຈະປອບໃຈຊາວອາເມຣິກັນທີ່ຕົກສະທ້ານ ຕໍ່ການເພີ້ມຂຶ້ນຂອງຈຳນວນຄົນຕິດເຊື້ອໄວຣັສໂຄໂຣນາເປັນຫລາຍຮ້ອຍຄົນໃນທົ່ວປະເທດ. ແຕ່ວ່າ ຄະນະລັດຖະບານຂອງທ່ານແມ່ນບໍ່ເຫັນພ້ອມກັບບັນດາສະມາຊິກລັດຖະສະພາ ສັງກັດພັກເດໂມແຄຣັດ ທີ່ເວົ້າວ່າ ແຜນການຂອງທ່ານທຣຳເພື່ອເຮັດໃຫ້ຜົນກະທົບທາງເສດຖະກິດ ຂອງວິກິດການດັ່ງກ່າວຫລຸດລົງນັ້ນ ຈະບໍ່ສາມາດຊ່ວຍຜູ້ອອກແຮງງານຊາວອາເມຣິກັນ ທີ່ຖືກກະທົບໜັກທີ່ສຸດນັ້ນໄດ້. Katherine Gypson, ນັກຂ່າວວີໂອເອປະຈຳລັດຖະສະພາມີລາຍງານເພີ້ມເຕີມກ່ຽວກັບເລື້ອງນີ້ ຈາກບັນດາສະມາຊິກລັດຖະສະພາ ຢູ່ທີ່ມີຄວາມເປັນຫ່ວງນັບມື້ ນັບ ຫລາຍຂຶ້ນ ຊຶ່ງບົວສະຫວັນຈະນຳລາຍລະອຽດມາສະເໜີທ່ານໃນອັນດັບຕໍ່ໄປ.
ເພື່ອເຮັດໃຫ້ປະຊາຊົນອາເມຣິກາຮູ້ສຶກດີໃຈ ປະທານາທິບໍດີທຣຳ ເວົ້າວ່າ:
“ພວກເຮົາກຽມພ້ອມ ແລະພວກເຮົາເຮັດໄດ້ດີຫລາຍໃນເລື້ອງນີ້. ແລະມັນຈະໝົດໄປ. ມີແຕ່ໃຫ້ຄວາມສະຫງົບໃຈໄວ້, ມັນຈະໝົດໄປເອງ.”
ແຕ່ວ່າ ຜົນກະທົບຕໍ່ເສດຖະກິດສະຫະລັດ ແມ່ນບໍ່ໄດ້ໝົດໄປເລີຍ ແລະການທີ່ມີຄຳປະກາດວ່າ ຂົງເຂດນຶ່ງຢູ່ນອກນະຄອນນິວຢອກໄດ້ກາຍເປັນເຂດທີ່ຖືກປິດໄວ້ ແຫ່ງທຳອິດໃນສະຫະລັດນັ້ນ ເຮັດໃຫ້ຄວາມເປັນຫ່ວງກ່ຽວກັບການຮັບມືຂອງລັດຖະບານເພີ້ມຂຶ້ນ.
ທ່ານຈຊັກ ຊຸມເມີ (Chuck Schumer), ຜູ້ນຳສຽງສ່ວນນ້ອຍຢູ່ໃນສະພາສູງກ່າວວ່າ:
“ພວກເຮົາມີຄວາມເປັນຫ່ວງກ່ຽວກັບການຂາດຄວາມສາມາດ ແລະຂາດການ ເພັ່ງເລັງໃສ່ການແຜ່ລະບາດຂອງເຊື້ອໄວຣັສໂຄໂຣນາ ຂອງທ່ານປະທານາທິບໍດີ. ພວກເຮົາເຊື່ອວ່າການຂາດການເພັ່ງເລັງຂອງທ່ານ ກຳລັງເຮັດໃຫ້ການດຳເນີນຄວາມພະຍາມໃນການແກ້ໄຂວິກິດການຂອງສາທາລະນະຊົນດັ່ງກ່າວນີ້ ບໍ່ໄດ້ຮັບຜົນດີ ແລະເຮັດໃຫ້ຜົນກະທົບຕໍ່ຕະຫລາດຮຸ້ນເພີ້ມຄວາມຮ້າຍແຮງຂຶ້ນ. ເທົ່າທີ່ຜ່ານມາມີຄຳດຽວທີ່ສາມາດໃຊ້ພັນລະນາກ່ຽວກັບການຮັບມືຂອງຄະນະລັດຖະບານນີ້ໄດ້ ຊຶ່ງກໍຄື ການຂາດຄວາມສາມາດ."
ທີມງານຮັບມືກັບເຊື້ອໄວຣັສໂຄໂຣນາຂອງທຳນຽບຂາວເວົ້າວ່າ ຄະນະລັດຖະບານກຳລັງມີຄວາມກ້າວໜ້າໃນເລື້ອງແກ້ໄຂການກວດກາພະຍາດທີ່ຊັກຊ້ານັ້ນ.
ຮອງປະທານາທິບໍດີ ໄມຄ໌ ເພັນສ໌ ກ່າວວ່າ:
"ການກວດພະຍາດແມ່ນມີໄວ້ໃຫ້ແລ້ວ ຢູ່ໃນຫ້ອງກວດພະຍາດຂອງທຸກໆລັດ--ໃນທ້າຍອາທິດນີ້, ຈະມີຊຸດກວດພະຍາດ 4 ລ້ານຊຸດອີກ ໄວ້ໃຫ້ຄົນກວດພະຍາດນີ້."
ແຕ່ວ່າ ອຸດສາຫະກຳໃນການທ່ອງທ່ຽວທີ່ມີມູນຄ່າ1.6 ຕື້ໂດລານັ້ນ ໄດ້ຮັບຜົນກະທົບຢ່າງຮ້າຍແຮງທີ່ສຸດ ແລະໃນຂະນະທີ່ພວກພະນັກງານຮູ້ສຶກບໍ່ແນ່ໃຈວ່າ ເຂົາເຈົ້າຈະໄດ້ຮັບເງິນຄ່າແຮງງານຫລືບໍ່ ຖ້າເຂົາເຈົ້າພັກການຍ້ອນຄວາມເຈັບປ່ວຍຢູ່ນັ້ນ, ຄະນະລັດຖະບານກໍບໍ່ໄດ້ໃຫ້ລາຍລະອຽດອັນໃດຫລາຍກ່ຽວກັບການຕັດພາສີທີ່ໄດ້ສະເໜີໄປ ເພື່ອກະຕຸ້ນເສດຖະກິດ.
ທ່ານ ແລຣີ ຄັດໂລວ (Larry Kudlow), ທີ່ປຶກສາດ້ານເສດຖະກິດຂອງທ່ານ ທຣຳເວົ້າວ່າ:
“ຂ້າພະເຈົ້າຄິດວ່າຈະຜົນຕອບແທນຈາກມັນ ຈະເພີ້ມຂຶ້ນຢ່າງໃຫຍ່.”
ການທີ່ທ່ານທຣຳ ສະເໜີໃຫ້ຕັດພາສີເຫລົ່ານັ້ນຈົນກວ່າການເລືອກຕັ້ງໃນເດືອນພະຈິກນີ້ ຈະສິ້ນສຸດລົງ ເຮັດໃຫ້ພວກສັງກັດພັກເດໂມແຄຣັດຫລາຍຄົນເວົ້າວ່າ ທ່ານບໍ່ໄດ້ເອົາຜົນປະໂຫຍດຂອງຄົນອາເມຣິກັນມາກ່ອນໝູ່.
ທ່ານນາງ ດອນນາ ຊາລາລາ (Donna Shalala), ສະມາຊິກສະພາຕ່ຳສັງກັດພັກເດໂມແຄຣັດໃຫ້ຄຳເຫັນວ່າ:
“ພວກເຮົາຕ້ອງອັດຊ່ອງຫວ່າງຢູ່ໃນລະບົບການຮັກສາປິ່ນປົວສຸຂະພາບໃຫ້ໄດ້. ພວກເຮົາບໍ່ຄວນຈະຫລີກລ້ຽງຈາກການຮັບຜິດຊອບ ໂດຍຄິດວ່າ ພຽງແຕ່ຢຸດເກັບພາສີເງິນເດືອນເທົ່ານັ້ນ ກໍຈະເຮັດໃຫ້ເກີດຄວາມແຕກຕ່າງສຳລັບຜູ້ອອກແຮງງານໃນປະເທດໄດ້ແລ້ວ."
ສະມາຊິກລັດຖະສະພາຫລາຍຄົນກໍລັ່ງເລໃຈວ່າ ເຂົາເຈົ້າຄວນມາຢູ່ໃນຫ້ອງການລັດຖະສະພາຂອງຊາດຫລືບໍ່ ບາງຄົນກໍໄດ້ປິດຫ້ອງການຂອງຕົນໄວ້ ຍ້ອນຄວາມລະມັດລະວັງ ແລະບໍ່ແນ່ໃຈວ່າ ເຂົາເຈົ້າອາດກຳລັງຊ່ວຍເຮັດໃຫ້ເຊື້ອໄວຣັສຈາກເຂດທີ່ຖືກກະທົບຢ່າງໜັກ ເຊັ່ນນະຄອນຊິອາໂຕນັ້ນ ແຜ່ຜາຍອອກໄປຫລືບໍ່.
ທ່ານນາງ ປຣາມີລາ ຈາຢາພາລ (Pramila Jayapal), ສະມາຊິກສະພາຕ່ຳສັງກັດພັກເດໂມແຄຣັດເວົ້າວ່າ:
“ສຳລັບພວກເຮົາທີ່ຢູ່ໃນລັດວໍຊິງຕັນ --ຊຶ່ງເປັນຈຸດສູນກາງຂອງການລະບາດນີ້ -- ພາກັນບິນໄປ ບິນມາ ຊຶ່ງອາດຈະບໍ່ແມ່ນສິ່ງທີ່ສະຫລາດທີ່ສຸດທີ່ພວກເຮົາຄວນເຮັດ."
ແຕ່ວ່າ ປະທານສະພາຕ່ຳ, ທ່ານນາງ ແນນຊີ ເພີໂລຊີ (Nancy Pelosi) ບອກພວກສະມາຊິກສະພາວ່າ ລັດຖະສະພາຈະບໍ່ໜີຈາກຕຶກລັດຖະສະພາ ໄປ ເພາະພວກສັງກັດພັກເດໂມແຄຣັດເວົ້າວ່າ ມີວຽກສຳຄັນຫລາຍເກີນໄປທີ່ຕ້ອງເຮັດ.
ທ່ານ ຈຊັກ ຊຸມເມີ (Chuck Schumer) ກ່າວເພີ້ມອີກ:
“ພວກເຮົາຕ້ອງມີການກວດຫາເຊື້ອໄວຣັສໂຄໂຣນາຢ່າງແຜ່ຫລາຍ ແລະບໍ່ເສຍຄ່າ. ສິ່ງກີດກັນທີ່ເຮັດໃຫ້ການກວດພະຍາດບໍ່ໄດ້ຮັບການອະນຸມັດ, ທີ່ບໍ່ອະນຸຍາດໃຫ້ຫ້ອງກວດພະຍາດຂອງລັດ ແລະຂອງເອກະຊົນຕ່າງໆ ກວດພະຍາດ ແລະດຳເນີນການກວດຢ່າງວ່ອງໄວໄດ້ນັ້ນ ຕ້ອງຍຸຕິລົງ.”
ຕ້ອງໄດ້ມີການກະທຳການເຊັ່ນນັ້ນ ສະຫະລັດຈຶ່ງຈະຫລີກລ້ຽງ ແມ່ນແຕ່ຈາກຜົນກະທົບທີ່ຕາມມາຈາກໄພພິບັດຫລາຍກວ່ານັ້ນໄດ້ອີກ.
ອ່ານຂ່າວນີ້ເພີ້ມເປັນພາສາອັງກິດຢູ່ຂ້າງລຸ່ມນີ້
U.S. President Donald Trump attempted to reassure nervous Americans Tuesday as cases of the coronavirus rose into the hundreds across the nation. But the administration is at odds with congressional Democrats who say Trump's plans to lessen the economic fallout of the crisis won't help the hardest-hit American workers. VOA's congressional correspondent Katherine Gypson has more from increasingly concerned lawmakers on Capitol Hill.]]
An appeal to the American people…
President Trump:
We're prepared, and we're doing a great job with it. And it will go away. Just stay calm, it will go away."
But the impact on the U.S. economy may not go away and with the announcement an area outside New York City became the first U.S. containment zone, growing concern about the administration response.
Chuck Schumer, Senate Minority Leader:
We are very worried about the president's incompetence and lack of focus on fighting the spread of coronavirus. We believe that his lack of focus is hamstringing efforts to address this public crisis, and inflicting pain on the stock market. One word could describe thus far the administration's response. Incompetence."
The White House coronavirus team said the administration was making progress in lagging testing.
Vice President Mike Pence:
"Testing is available at all state labs -- by the end of the week, 4 million tests will be available."
But as the $1.6 trillion travel industry takes a serious hit and workers wonder if they will have to take sick leave without pay, the administration offered few details on a proposed tax cut to stimulate the economy.
Larry Kudlow, Trump Economic Adviser:
I think there will be a big growth payoff."
Trump proposing those tax cuts last until after the November election prompting many Democrats to say he isn't putting the American people first.
Rep. Donna Shalala, Democrat:
We need to fill in the gaps in the health care system. We shouldn't get away with thinking that just a holiday on a payroll tax will make a difference for workers in this country."
Many lawmakers questioning if they should be in the nation's capitol at all some closing their offices out of caution and wondering if they're helping spread the virus from hard-hit areas such as Seattle.
Rep. Pramila Jayapal, Democrat:
For us in Washington state -- the epicenter -- flying back and forth is probably not the smartest thing for us to do."
But House Speaker Nancy Pelosi told lawmakers Congress would not leave the Capitol as Democrats said there was still too much important work to do.
Chuck Schumer, Senate Minority Leader:
We need widespread and free coronavirus testing. The bottlenecks that don't allow the approval of tests, that don't allow states and private labs to do the tests and do them quickly, must end."
Action so the U.S. can avoid even more catastrophic consequences.
