ລິ້ງ ສຳຫລັບເຂົ້າຫາ

ເງິນ​ໂດ​ລາ ສຫລ ຍັງ​ມີ​ລາ​ຄາ ​ສູງຢູ່ ເຖິງ​ວ່າ ເງິນຣຽ​ລ ຂອງ ​ອີ​ຣ່ານ ຈະ​ແຂງ​ຄ່​າ​ຂຶ້ນ ຢ່າງ​ວ່ອງໄວ ກໍ​ຕາມ


ຊາວ​ອີ​ຣ່ານ​ລຽນ​ແຖວກັນ​ຢ່າງ ຍາວຍືດ ຢູ່​ຮ້ານ​ແລກ​ປ່ຽນ​ເງິນ​ຕາ​ຕ່າງໆ ໃນນະ​ຄອນ ເຕ​ຮະ​ຣ່ານ, ໃນ​ວັນ​ອັງ​ຄານ​ຜ່ານ​ມາ ໃນ​ຂະ​ນະ​ທີ່ ປະ​ຊາ​ຊົນ​ພາ​ກັນ​ເອົາ​ເງິນ​ໂດ​ລາ​ໄປ​ແລກ​ເອົາ​ເງິນ​ຣຽລ​ຢູ່ນັ້ນ ຊຶ່ງ​ໄດ້​ເຮັດ​ໃຫ້​ລາ ​ຄາຂອງ​ເງິນ​ໂດ​ລາ​ສະ​ຫະ​ລັດ ຫລຸດ​ລົງ, ອີງ​ຕາມ​ອົງ​ການ​ຂ່າວ Fars ຂອງ​ອີຣ່ານ.

ການ​ຟື້ນຕົວ​ຄືນ​ຢ່າງ​ໄວ​ວາ​ຂອງອັດ​ຕາ​ແລກ​ປ່ຽນເງິນ​ຕາ​ຂອງອີ​ຣ່ານ ທຽບ​ໃສ່ກັບ​ເງິນ
​ໂດ​ລາ​ຂອງ​ສະ​ຫະ​ລັດ ໄດ້ຢຸດ​ສະງັກ​ລົງ​ ໃນ​ວັນ​ພຸດ​ວານນີ້ ໃນ​ຂະ​ນະ​ທີ່​ຊາວ​ອີ​ຣ່ານ
ບ​າງ​ຄົນ ພາ​ກັນ​ຈົ່ມ​ວ່າ ພວກ​ເຂົາ​ເຈົ້າ​ບໍ່​ສາ​ມາດ​ຊອກແລກ​ເງິນ​ໂດ​ລາ ໃນ​ອັດ​ຕາທີ່​
ຖືກ​ກວ່າ ອີງ​ຕາມ​ການ​ລາຍ​ງານ​ຂອງ​ອົງ​ການ​ຂ່າວອີ​ຣ່ານ.

ອົງ​ການ​ຂ່າວ​ບາງ​ແຫ່ງຂອງ​ອີ​ຣ່ານ ລາຍ​ງານ​ວ່າ​ ລາ​ຄາ​ເງິນຣຽລ ໄດ້​ພຸ່ງ​ສູງຂຶ້ນເຖິງ​
ປະ​ມານ 100,000 ຣຽລ​ຕໍ່​ໂດ​ລາ ຢູ່​ໃນ​ການ​ແລກ​ປ່ຽນ​ເງິນ​ຕາ​ທີ່ບໍ່​ເປັນ​ທາງ​ການ​ ໃນ​
ວັນ​ອັງ​ຄານ​ທີ່​ຜ່ານ​ມາ, ​ເພີ້ມ​ຂຶ້ນ​ຈາກ 190,000 ຣຽລ​ຕໍ່​ໂດ​ລາ ທີ່​ເປັນ​ອັດ​ຕາ​ແລກ
​ປ່ຽນ​ ທີ່ຕ່ຳ​ຢ່າງ​ເປັນ​ປະ​ຫວັດ​ການ ຂອງ​ເງິນ​ຣຽລ ໃນ​ອາ​ທິດ​ແລ້ວນີ້, ຊຶ່ງ​ເປັນ​ການ
​ຂຶ້ນ​ລາ​ຄາ​ເງິນ​ຕາ​ຂອງ​ອີ​ຣ່ານ ເກືອບ​ຮອດ 50 ເປີ​ເຊັນ ຢູ່​ໃນ​ເວ​ລາ​ພຽງ​ແຕ່ມື້ດຽວ​
ເທົ່າ​ນັ້ນ. ແຕ່​ວ່າ, ຢູ່​ໃນ​ເວັບ​ໄຊ​ Bonbast.com ທີ່​ຕິດ​ຕາມ​ເບິ່ງ​ການ​ແລກ​ປ່ຽນ
​ເງິນ​ຕາ ​ທີ່ບໍ່​ເປັນ​ທາງ​ການຂອງອີ​ຣ່ານ ສະ​ແດງ​ໃຫ້​ເຫັນ​ວ່າໃນ​ເວ​ລາ​ຕໍ່​ມາ ເງິນ​ຣຽລ
ໄດ້​ຕົກ​ໄປ​ຢູ່​ໃນ​ອັດ​ຕາ 147,000 ຣຽລ​ ຕໍ່​ໂດ​ລາ ໃນ​ຕອນ​ແລງ​ຂອງວັນ​ພຸດ​ວານນີ້.

ຢູ່ເວັບ​ໄຊ​ Bonbast.com ສະ​ແດງ​ໃຫ້​ເຫັນ​ວ່າ ເງິນ​ຣຽລໄດ້​ຕົກ​ໄປ​ຢູ່​ໃນ​ອັດ​ຕາ 147,000 ຣຽລ​ ຕໍ່​ໂດ​ລາ ໃນ​ຕອນ​ແລງ​ຂອງວັນ​ພຸດ​, ທີ 3 ຕຸ​ລາ, 2018
ຢູ່ເວັບ​ໄຊ​ Bonbast.com ສະ​ແດງ​ໃຫ້​ເຫັນ​ວ່າ ເງິນ​ຣຽລໄດ້​ຕົກ​ໄປ​ຢູ່​ໃນ​ອັດ​ຕາ 147,000 ຣຽລ​ ຕໍ່​ໂດ​ລາ ໃນ​ຕອນ​ແລງ​ຂອງວັນ​ພຸດ​, ທີ 3 ຕຸ​ລາ, 2018

ອົງ​ການ​ຂ່າວ ​ຂອງ​ລັດ​ຖະ​ບານ​ອີ​ຣ່ານ ​ລາຍ​ງານ​ວ່າ ໄດ້ມີ​ການ​ລຽນ​ແຖວ​ຢ່າງ ຍາວຍືດ
ຢູ່​ຮ້ານ​ແລກ​ປ່ຽນ​ເງິນ​ຕາ​ຕ່າງໆ ໃນ​ວັນ​ອັງ​ຄານ​ຜ່ານ​ມາ ໃນ​ຂະ​ນະ​ທີ່ ປະ​ຊາ​ຊົນ​ພາ​ກັນ
​ເອົາ​ເງິນ​ໂດ​ລາ​ໄປ​ແລກ​ເອົາ​ເງິນ​ຣຽລ​ຢູ່ນັ້ນ ຊຶ່ງ​ໄດ້​ເຮັດ​ໃຫ້​ລາ ​ຄາຂອງ​ເງິນ​ໂດ​ລາ​ສະ​
ຫະ​ລັດ​ຕົກ​ລົງ.

ລາຍ​ງານ​ຫລາຍ​ສະ​ບັບ​ເວົ້າວ່າການ​ພຸ່ງ​ຂຶ້ນ​ຂອງ​ລາ​ຄາ​ເງິນ​ຣຽ​ລ​ໃນ​ວັນ​ອັງ​ຄານ​ຜ່ານ​ມາ
ແມ່ນເກີດ​ມາ​ຈາກຫລາຍ​ປະ​ເດັນ ລວມ​ທັງການ​ອະ​ນຸ​ຍາດ​ຂອງ​ລັດ​ຖະ​ບານ​ອີ​ຣ່ານໃຫ້
​ທະ​ນາ​ຄານ​ກາງ ​ແຊກ​ແຊງ​ເຂົ້າ​ໃນ​ຕະ​ຫລາດ​ແລກ​ປ່ຽນ​ເງິນ​ຕາ​ຫລາຍ​ຂຶ້ນກວ່າ​ເກົ່າ
​ໃນ​ວັນ​ທີ 29 ກັນ​ຍາ​ຜ່ານ​ມາ ເພື່ອ​ຊ່ວຍ​ພະ​ຍຸງ​ເງິນ​ຕາ ຂອງ ປະ​ເທດ​ໄວ້. ລາຍ​ງານ​
ເຫລົ່າ​ນັ້ນ ຍັງໄດ້​ອ້າງເຖິງ​ປະ​ເດັນ​ທາງ​ດ້ານ​ຈິດ​ຕະ​ສາດ ຊຶ່ງ​ລວມ​ທັງຄວາມ​ຄິດ​ຂອງ
​ປະ​ຊາ​ຊົນທີ່​ຄິດວ່າ ​ແຮງ​ກົດ​ດັນ​ຫລາຍ​ແຫລ່ງມາ​ຈາກ​ທາງນອກ ຕໍ່​ເສດ​ຖະ​ກິດ​ຂອງ
​ອີ​ຣ່ານ ອາດ​ຈະ​ຖືກ​ຜ່ອນ​ຜັນ​ລົງ​.

ແຕ່​ວ່າ ໃນ​ວັນ​ພຸດ​ວານນີ້ ມີ​ຫລາຍ​ຄົນ​ທີ່​ໂທຈາກ​ອີ​ຣ່ານ​ ເຂົ້າ​ມາຫາ​ການ​ລາຍ​ການ
ລົມ​ກັນ​ແບບ​ກົງໆ ຂອງວີ​ໂອ​ເອພະ​ແນກພາ​ສາ​ເ​ປີ​ເຊຍ ເວົ້າ​ວ່າ ການ​ລາຍ​ງານ ຂອງ
ອົງ​ການ​ຂ່າວ​ລັດ​ຖະ​ບານ​ອີ​ຣ່ານທີ່​ເວົ້າ​ວ່າ ເງິນ​ໂດ​ລາ​ຖືກ​ລົງ​ນັ້ນ ແມ່ນບໍ່​ໄດ້ສະ​ທ້ອນ
​ໃຫ້​ເຫັນ​ສະ​ພາບ​ຕົວ​ຈິງ​ ຂອງ​ຕະ​ຫລາດ​ແລກ​ປ່ຽນ​ເງິນ​ຕາ.

ແມ່​ຍິງ​ຄົນ​ນຶ່ງ​ທີ່​ບອກ​ຊື່​ນາງ​ເອງວ່າ ໂຊ​ແກນ ຢູ່​ນະ​ຄອນ​ຫລວງ​ເຕຫະ​ຣ່ານ ເວົ້າ​ວ່າ
ລາວ​ໄປ​ຮ້ານ​ແລກ​ປ່ຽນ​ເງິນ​ຕາ​ໃນ​ວັນ​ພຸດ​ວານນີ້ ເພື່ອ​ຊອກ​ແລກ​ເງິນ​ໃນ​ອັດ​ຕາປະ​
ມານ 100,000 ຣຽລ ຕໍ່​ໂດ​ລາ ແຕ່​ວ່າ ບໍ່​ມີ​ໃຜ​ທີ່​ຈະ​ແລກເງິນໂດ​ລາ​ໃຫ້​ໃນ​ອັດນັ້ນ​.
ແຕ່ ນາງກ່າວ​ວ່າ ພວກ​ແລກ​ປ່ຽນ​ເງິນ​ຕາ ສະ​ເໜີ​ຂາຍ​ເງິນ​ໂດ​ລາ​ໃນ​ອັດ​ຕາ
147,000 ຣຽ​ລ ຕໍ່​ໂດ​ລາ. ນາງ​ກ່າວ​ມ້ວນ​ທ້າຍ​ວ່າ “ທຸກ​ຢ່າງ​ແມ່ນ​ຍັງ​ມີ​ຄາ​ລາ​ແພງ​ຢູ່.”

ມີ​ຄົນ​ນຶ່ງ​ອີກ​ທີ່​ໂທ​ມາ​ຈາກນະ​ຄອນ​ຫລວງ​ເຕ​ຫະ​ຣ່ານ ທີ່ບອກວ່າ​ ລາວ​ຊື່ ແອັ​ຟ​ຊິນ
ກໍ​ເວົ້າ​ວ່າ ບັນ​ດາ​ທະ​ນາ​ຄານ ແລະ​ຮ້ານ​ແລກ​ປ່ຽນ​ເງິນ​ຕາ ຊື້​ເງິນ​ໂດ​ລາ​ຈະ​ປະ​ຊາ​ຊົນ
​ໃນ​ອັດ​ຕາ​ປະ​ມານ 100,000 ຣຽລ ຕໍ່​ໂດ​ລາ ແຕ່​ວ່າ ຂາຍ​ເງິນ​ໂດ​ລາ ອອກ​ໃນ​ອັດ​ຕາ
147,000 ຣຽວ​ ຕໍ່​ໂດ​ລາ ທີ່​ເປັນ​ອັດ​ຕາ​ສູງກວ່າ ນັ້ນກໍ​ໝາຍ ຄວາມ​ວ່າ ເງິນ​ໂດ​ລາ
ບໍ່ໄດ້​ອ່ອນ​ຕົວ​ລົງ ​ແຕ່​ຢ່າງ​ໃດ​ເລີຍ.

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG