ສື່ທາງການຂອງອີຣ່ານ ໄດ້ລະບຸໃນວັນພະຫັດມື້ນີ້ວ່າ ນັກການທູດ
ອີຣ່ານທີ່ຖືກລັກພາຕົວໃນເຢເມນ ໃນເດືອນກໍລະກົດ ປີ 2013
ໄດ້ຖືກປ່ອຍຕົວແລະໄດ້ກັບຄືກມາບ້ານຂອງຜູ້ກ່ຽວແລ້ວ.
ທ່ານ Noor Ahmad Nikbakht ໄດ້ເຮັດວຽກໃນສະຖານທູດ
ອີຣ່ານ ໃນນະຄອນ Sana’a ໃນຕອນທີ່ຜູ້ຕ້ອງສົງໄສວ່າເປັນ
ນັກກໍ່ການຮ້າຍ al-Qaida ລັກພາຕົວລາວໄປນັ້ນ.
ຮອງລັດຖະມົນຕີການຕ່າງປະເທດອີຣ່ານ ຮັບຜິດຊອບກ່ຽວກັບ
ກິດຈະການອາຣັບແລະອາຟຣິກາ ທ່ານ Hossein Amir
Abdollahian ໄດ້ກ່າວວ່າ ກອງກຳລັງຂອງກະຊວງສືບລັບພິເສດ
ໄດ້ປ່ອຍທ່ານ Nikbakht ຈາກພວກຫົວຮຸນແຮງຈັດ ດ້ວຍການປະກອບການທີ່ສະລັບສັບ
ຊ້ອນ ໃນຂົງເຂດທີ່ອັນຕະລາຍສຸດໃນເຢເມນ ອິງຕາມອົງການຂ່າວທາງການ IRNA
ຂອງອີຣ່ານ.
IRNA ຍັງໄດ້ອ້າງເອົາຄຳເວົ້າຂອງທ່ານ Nikbakht ໃນຂະນະທີ່ຂອບໃຈບັນດາຜູ້ທີ່ປະກອບ
ສ່ວນຂອງການປ່ອຍຕົວຄັ້ງນີ້.
ເຈົ້າໜ້າທີ່ອີຣ່ານ ໄດ້ຕົກເປັນເປົ້າຂອງພວກຫົວຮຸນແຮງຫຼາຍໆຄັ້ງມາແລ້ວ ໃນໄລຍະສອງ
ສາມປີ ຜ່ານມານີ້ ຢູ່ທີ່ເຢເມນ ຊຶ່ງເປັນທີ່ຕັ້ງຂອງກຸ່ມ al-Qaida ໃນແຫລມອາຣາເບຍນັ້ນ.