ລິ້ງ ສຳຫລັບເຂົ້າຫາ

logo-print

ສຳພາດ ທ່ານເກສອນ ສີທົນນະລາດ ພໍ່ຄົວອາຫານນາໆຊາດ


ເບິ່ງວີດີໂອ ກ່ຽວກັບຕະຫລາດຊາວນາ ແລະຮ້ານທ່ານເກສອນ ຢູ່ເມືອງເດມອຍ ລັດໄອໂອວາ.

ລາຍການ​ຊີວິດ​ຊາວ​ລາວ ​ແລງ​ວັນ​ພະຫັດມື້​ນີ້ ​ຈະພາ​ທ່ານໄປ
ພົບ​ກັບ ທ່ານ​ເກສອນ ສີ​ທົນ​ນະລາດ ອາຊີບ​ພໍ່ຄົວ ອາຫານ​ຍີ່
ປຸ່ນ ອາ​ເມຣິກັນ ​ແລະ​ລາວ. ທີ່ຕັ້ງ​ຖິ່ນ​ຖານ​ຢູ່​ ນະ​ຄອນ Des
Moines ລັດ I​owa ພາກ​ກາງ​ຂ້ອນທາ​ງ​ທິດ​ຕາ​ເວັນ​ຕົກຂອງ
ສະຫະລັດ. ໃນ​ເວ​ລາ​ທີ່ ທ່ານ​ເກສອນ ຍັງ​ເປັນ​ໂສດ ທ່ານໄດ້​
ຍົກ​ຍ້າຍ​ໄປ​ຢູ່​ຫລາຍ​ລັດ ​ເພື່ອ​ປະ​ກອບ​ອາຊີບ​ເປັນ​ພໍ່​ຄົວ ແຕ່
​ຫລັງ​ຈາກ​ໄດ້​ແຕ່ງ​ງານ​ມີ​ລູກແລ້ວ ທ່ານ​ໄດ້​ປ່ຽນ​ໃຈ ພາ​ຄອບ​
ຄົວ​ກັບ​ຄືນ​ມາຢູ່ ນະ​ຄອນ Des Moines ລັດ I​owa ອີກ
​ເປັນທີ່​ຖາ​ວອນ​. ຊີ​ວິດ​ຄວາມ​ເປັນ​ມາ​ຂອງ ທ່​ານ​ເກສອນເປັນ​
ມ​າ​ຢ່າງ​ໃດ​ນັ້ນ ກິ່ງ​ສະ​ຫວັນ ຈະ​ນຳ​ມາ​ສະ​ເນີ​ທ່ານ​ໃນ​ອັນ​
ດັບ​ຕໍ່​ໄປ.

ສະ​ບາຍ​ດີ ທ່ານ​ຜູ້​ຟັງທີ່​ເຄົາ​ລົບ ​ລາຍການ​ຊີວິດ​ຊາວ​ລາວ​ ປະ​ຈຳແລງວັນ​ພະຫັດມື້ິນີ້ ຈະ
ພາ​ທ່ານ​ໄປ​ຢ້ຽມຢາມ​ຖາມ​ຂ່າວ ພີ່ນ້ອງ​ຊາວ​ລາວ-ອາ​ເມຣິກັນ ຄົນ​ນຶ່ງ​ຊື່ວ່າ ທ່ານເກສອນ
ສີ​ທົນ​ນະລາດ ອາຊີບ​ພໍ່ຄົວ​ ຕັ້ງ​ຖິ່ນ​ຖານ​ຢູ່​ທີ່ນະຄອນ Des Moines ​ເມືອງ​ຫລວງຂອງ
ລັດ Iowa ພາກ​ກາງທາງ​ທິດຕາ​ເວັນ​ຕົກ ຂອງສະຫະລັດ. ​ແຕ່​ກ່ອນ​ອື່ນ ​ເຮົາ​ມາຮຽນຮູ້
​ກ່ຽວກັບ​ພູມລຳເນົາ​ແຫ່ງ​ນີ້​ວ່າ ມີ​ຫຍັງ​ສຳຄັນ ​ແລະ​ເປັນ​ຫຍັງ​ຈຶ່ງ​ມີ ປະຊາ​ຄົມ​ລາວ-ອາ​ເມ
ຣິກັນ ​ພາກັນມາຕັ້ງ ຖິ່ນ​ຖານ​ຢູ່​ໃນ​ດິນ​ແດນແຫ່ງ​ນີ້​.

ທີ່ຕັ້ງຂອງ ລັດ Iowa
ທີ່ຕັ້ງຂອງ ລັດ Iowa

ຊາວ​ອາ​ເມຣິກັນ ຮ້ອງລັດ Iowa ນີ້​ວ່າ ​ເປັນໝາກຫົວ​ໃຈ​ຂອງ​ດິນ​
ແດນ ອາ​ເມຣິກາ ຫລື American Heartland ​ເພາະວ່າ ລັດ​ນີ້
​ຕັ້ງ​ຢູ່​ໃຈກາງຂອງ​ປະ​ເທດ. ລັດ I​owa ແມ່ນ​ຊື່​ຂອງ​ຊາ​ວອິນ​ເດຍ​
ແດງ ມີ​ຄວາມ​ໝາຍວ່າ ​“ແຜ່ນດິນ​ທີ່​ງົດ​ງາມ” ແລະ​ມີ​ຊື່​ນ້ອຍ​ວ່າ
Hawkeye State ຫລື​ “ລັດຕາ​ແຫລວ” ມີ​ຊາຍ​ແດນ​ຕິດ​ກັບ​ແມ່​
ນຳ້ Mississippi ທາງ​ທິດ​ຕາ​ເວັນ​ອອກ ​ແລະແມ່​ນຳ້ Missouri
​ແລະ​ແມ່​ນຳ້ Big Sioux River ຢູ່​ທາງ​ທິດຕາ​ເວັນ​ຕົກ. ລັດ Iowa
ເປັນ​ລັດ​ດຽວໃນ ສະຫະລັດ ທີ່​ຊາຍ​ແດນອ້ອມ ໄປ​ດ້ວຍ​ແມ່ນໍ້າ​
ທາງ​ທິດຕາ​ເວັນອອກ ​ແລະ​ຕາ​ເວັນ​ຕົກ. ນອກຈາກ​ນັ້ນ​ແລ້ວ ຊາຍ​ແດນ​ທິດຕາ​ເວັນ​ອອກ​ຕິດ​ກັບ ລັດ Wisconsin ​ແລະ​ລັດ Illinois, ທິດ​ໃຕ້​ຕິດ​ກັບລັດ Missouri, ທິດຕາ​ເວັນ​ຕົກ​ຕິດ​ກັບລັດ Nebraska ລັດ ​ South Dakota ແລະ​ທິດ​ເໜືອ​ຕິດ​ກັບລັດ Minnesota. .

ພື້ນຖານເສດຖະກິດ​ຂອງ​ລັດ Iowa ຄື​ກະ​ເສດ​ຕະກຳ ແຕ່ກໍມີອຸດສາຫະກຳທີ່​ກ້າວໜ້າ ເທັກ​ໂນ​ໂລ​ຈີ "​ດ້ານຂ່າວສານ ​ຫລື Information Technology ​ເທັກ​ໂນ​ໂລ​ຈີຊີວະ​ນາໆ​ພັນ ​ແລະ​ຜະ​ລິດ​ຕະພັນ​ທີ່​ທຳ​ດ້ວຍ​ພືດ. ລັດ I​owa ແມ່ນ​ລັດ​ທີ່ມີ​ເນື້ອ​ທີ່​ກວ້າ​ງ​ໃຫຍ່​ອັນ​ດັບ 26 ແຕ່ເປັນລັດ​ທີ່ 30 ທີ່​ມີ​ປະຊາກອນ​ຢູ່ຫລາຍ ​ແລະ​ຖື​ວ່າເປັນ​ລັດ​ທີ່​ມີ​ຄວາມ​ປອດ​ໄພ ແລະມີ ຄວາມສະ​ຫງົບ​ທີ່​ສຸດ​ ໃນສະຫະລັດ.​ ຢູ່​ໃນ​ດິນ​ແດນແຫ່ງ​ນີ້ ຈະເຫັນ​ທ້ອງຟ້າ​ອັນ​ກວ້ງ​ໃຫຍ່ ສຸດ​ຊົ່ວ​ຫູ​ຊົ່ວ​ຕາ ​ຈົນ​ເຫັນ​ຂອບ​ຟ້າ ແລະ​ເຕັມ​ໄປ​ດ້ວຍ​ທົ່ງ​ໝາກສາລີ. ​ເຖິງ​ແມ່ນ​ວ່າ ລັດ Iowa ຈະ​ຢູ່​ຫ່າ​ງ​ໄກ​ຈາກ ນະຄອນ​ຫລວງ ວໍ​ຊິງ​ຕັນ ດີ.ຊີ ​ເມືອງ​ເອກ​ຂອງສະຫະລັດ ກໍ​ຕາມ ​ແຕ່​ວ່າລັດ Iowa ​ເປັນ​ລັດ​ທີ່
ລິ​ເລີ້ມ​ການໂຄສະນາ​ຫາ​ສຽງ ບ່ອນຢັ່ງ​ສຽງຂອງ​ພວກ​ສະມັກ​ເລືອກຕັ້ງ​ເປັນ​ປະທານາທິບໍດີ ​ຢູ່​ໃນອັນ​ທີ່​ເອີ້ນ​ວ່າ Iowa Caucuses ຊຶ່ງປະຊາຊົນລັດ Iowa ເປັນ​ຜູ້​ລິ​ເລີ້ມເລືອກເອົາ​ ຜູ້ສະມັກ​ເປັນ ປະທານາທິບໍດີ ສະ​ຫະ​ລັດ ກ່ອນ​ລັດ​ອຶ່ນໆ ເຫດຜົນ​ ກໍ​ເນື່ອງ​ຈາກວ່າ ລັດນີ້​ເປັນ​ບ່ອນ​ປູກ​ຝັງ ​ແລະ​ຖື​ວ່າ ບໍ່ຖືກ​ແຊກ​ແຊງ​ຈາກການ​ເມືອງໃດໆ​ໃນ​ແຕ່​ລະ​ວັນ ເພາະ​ສະ​ນັ້ນ​ຈຶ່ງ​ໄດ້​ມີ​ການ
ເລື​ອກ​ເອົາລັດ Iowa ນີ້​ເປັນ​ບ່ອນ​ລິ​ເລີ້ມ​ຫາ​ສຽງ ແລະ​ ຢັ່ງ​ສຽງຂອງ ບັນ​ດາ​ຜູ້ ສະ​ມັກ​ເປັນ ປະ​ທາ​ນາ​ທິ​ບໍ​ດີ ສະ​ຫະ​ລັດ.​

ກອງເຟືອງ ຫລັງລະດູເກັບກ່ຽວ ທີ່ລັດ Iowa
ກອງເຟືອງ ຫລັງລະດູເກັບກ່ຽວ ທີ່ລັດ Iowa

Iowa ​ເປັນ​ນຶ່ງ​ໃນ​ບັນດາ​ລັດ ​ໃນ​ໃຈກາງ​ຂອງ​ປະ​ເທດ ທີ່​ຖື​ວ່າ​
ເປັນ​ອູ່​ເຂົ້າ​ອູ່​ນໍ້າ ຂອງ​ປະ​ເທດ ​ແລະ​ເປັນ​ລັດ​ທີ່​ມີການ​ປູກ​ໝາກ
ສາລີ ​ເຂົ້າ Wheat ​ແລະ​ຖົ່ວ​ເຫລືອງ​ຫລາຍ​ທີ່​ສຸດ ນອກ​ນັ້ນ
I​owa ຍັງ​ມີ​ຟາ​ມລ້ຽງ​ງົວ ​ແລະ​ໂຮງງານ​ປາດ​ຊີ້ນ ສະໜອງ​ຕະ
ຫລາດ​ໃນ​ທົ່ວ ສະຫະລັດ.

Iowa ​ເປັນ​ລັດ​ທຳ​ອິດ​ທີ່​ຮັບ​ເອົາ ອົບ​ພະຍົບມາ​ຈາກ​ປະ​ເທດ​
ລາວ ຫລັງ​ຈາກ​ສົ​ງ​ຄາມ​ອິນ​ດູ​ຈີນ​ໄດ້​ສີ້​ນສຸດ​ລົງ ນັບ​ແຕ່​ທ້າຍ​ປີ
1975 ຫາ 1980 ​ໄດ້​ເລີ້ມມີ​ອົບ​ພະ​ຍົກມາ​ຈາກ​ ເອ​ເຊຍ​ເຂົ້າ​ໄປ
ຕັ້ງ​ຖິ່ນ​ຖານ​ຢູ່ໃນ​ລັດນີ້ ​ໂດຍ​ສະ​ເພາະ​ຢ່າງ​ຍິ່ງ ພີ່ນ້ອງເຜົ່າ​ໄຕ​ດຳ ​ຕິດ​ຕາມ​ມາ​ດ້ວຍປະຊາ​
ກອນ​ລາວເຜົ່າ​ອຶ່ນໆ. ໂດ​ຍ​ສະ​ເພາະ​ຢ່າງ​ຍິ່ງ ​ມີ​ມູນ​ມໍລະ​ດົກອັນລຳ້ຄ່າຂອງລາວ ທີ່​ໄດ້​ຕົກ
​ທອດ​ມາຢູ່​ໃນ​ດິນ​ແດນ​ແຫ່ງ​ນີ້​. ນັ້ນ​ຄື ອະ​ດີດ​ຄູ​ອາ​ຈານ ແລະ​ນັກ​ຮຽນ​ຈາກ ໂຮງ​ຮຽນດຸລິ​ຍາງ​
ນາດຕະສິນແຫ່ງ​ອະດີດ ພະ​ລາ​ຊະ​ອາ​ນາ​ຈັກ​ລາວ. ສົ​ມບັດ​ດັ່ງກ່າວ​ນີ້ ​ໄດ້​ຖືກ​ຮັບຮູ້ ​ແລະໄດ້
ຮັບ​ກຽດ​ອັນສູງ​ຈາກ ປະຊາ​ຄົມ​ອາ​ເມຣິກັນ ຈົນ​ເຖິງ​ໄດ້​ມີ​ໂອກາດ​ໄດ້​ມາ​ສ​ະ​ແດງຢູ່​ເວທີອັນ​
ມີ​ກຽດທີ່ ໂຮງລະຄອນ​ແຫ່ງ​ຊາດ “The Kennedy Center for Performing Arts” ທີ່​
ນະຄອນຫລວງ ວໍ​ຊິງ​ຕັນ ມາ​ເຖິງສ​ອງຄັ້ງ​ແລ້ວ. ປັດ​ຈຸ​ບັນ​ນີ້ ຢູ່​ໃນ​ລັດ Iowa ມີ​ປະ​ຊາກອນ
ລາວ-ອາ​ເມ​ຣິ​ກັນ ​ຢູ່​ປະ​ມານ 5000 ຄົນ ​ແລະມີວັດ​ພຸດ​ທະ​ສາ​ສະ​ໜາຂອງ​ປະຊາ​ຄົມ​ລາວ
ຢູ່ສອງວັດ.



ທ່ານ​ເກສອນ ສີ​ທົນ​ນະລາດ ​ແມ່ນ​ສະ​ມາ​ຊິກ​ປະຊາ​ຄົມ​ລາວ​-ອາ​ເມ​ຣິ​ກັນ​ຄົນ​ນຶ່ງ ທີ່​ໄດ້​ຕິດ
​ຕາມ​ຄອບ​ຄົວ​ມາຕັ້ງ​ຖິ່ນ​ຖານ ແລະ​ເຕີບໃຫຍ່ ຢູ່​ໃນ​ ນະຄອນ Des Moines. ທ່ານ​ໄດ້​ເລົ່າ
​ຊີວິດ​ຄວາມ​ເປັນ​ມາສູ່ ວີ​ໂອ​ເອ ຟັງ​ວ່າ ​ເປັນ​ດ້ວຍ​ເຫດ​ໃດ ທ່ານ​ຈຶ່ງ​ໄດ້​ປະກອບ​ວິຊາ​ອາຊີບ
​ເປັນ​ພໍ່ຄົວ ​ໄດ້​ໄປ​ເຮັດ​ວຽກ​ຢູ່​ຫລາຍ​ລັດ ຢູ່​ນອກ​ປະ​ເທດ ​ແລະ​ໃນ​ທີ່​ສຸດໄດ້ຕັດ​ສິນ​ໃຈພາ
​ຄອບຄົວ​ກັບ​ຄືນມາຕັ້ງຊີວິດ​ຢູ່​ນະຄອນ Des Moines ລັດ IOWA ຈົນ​ເຖິງ​ເທົ້າ​ປັດຈຸບັນນີ້.

ລິງໂດຍກົງ

ແຕ່ລະ​ປີເລີ້ມ​ຈາກທ້າຍລະດູ​ໄບໄມ້​ປົ່ງ​ໃນ ​ເດືອນ​ເມສາ ຫາ​ລະດູ​ໃບ​ໄມ້​ຫລົ່ນ​ເດືອນ​ກັນຍາ
ບັນດາກະ​ເສດ​ຕະກອນ​ ​ເລີ້ມພາກັນນຳ​ເອົາ​ເຄຶ່ອງປູກ​ຂອງຝັງ​ເຂົາ​ເຈົ້າ​ມາ​ວາງ​ຂາຍ​ຢູ່​ຕາມ
ຕະຫລາດ​ກາງ​ແຈ້ງ​ທີ່​ຮ້ອງ​ວ່າ Farmers' Market​ ຫລື​ຕະຫລາດ​ຊາວນາ ທີ່ມີຜົນ​ລະປູກ​
ສົດໆມາ​ວາງ​ຂາຍ ໃນ​ວັນ​ເສົ​າ ​ແລະວັນ​ອາທິດ. ຕະຫລາດ Farmers' Maket ນີ້​ເປັນ​ທີ່
​ນິຍົມ​ທີ່​ສຸດ​ຢູ່​ໃນທົ່ວ ສະຫະລັດ ​ເພື່ອ​ໃຫ້​ຊາວບ້ານ ​ໄດ້​ມີ​ໂອກາດ​ກິນເຄື່ອງ​ປູກ​ຂອງ​ຝັງສົດໆ
​ເຊັ່ນ​ວ່າ ໝາກ​ໄມ້​ສົດ ຜັກ​ສົດ ດອກ​ໄມ້ ​ຊີ້ນ ປາ ​ແລະ​ອຶ່ນໆ ທີ່​ບໍ່ໃຊ້​ສານ​ເຄມີ ​ເໝືອນດັ່ງ
​ຢູ່​ໃນ​ຕະຫລາດ​ໃຫຍ່ທົ່ວໆ​ໄປ ​ແລະ​ນອກ​ຈາກນັ້ນ ​ກໍ​ເປັນ​ການ​ສະໜັບສະໜຸນ ​ຊຸ​ກຍູ້​ສົ່ງ
​ເສີມ​ບັນດາກະ​ເສດ​ຕະກອນ.​ ຕະຫລາດ​ຊາວນາ ຢູ່​ໃນ​ສະຫະລັດ ບໍ່​ແມ່ນ​ແຕ່​ພຽງ​ຕະຫລາດ
​ຂາຍ​ຜົນລະປູກ ສັດ​ນາ​ຊະນິດ​ເທົ່າ​ນັ້ນ ​ແຕ່​ຍັງ​ມີ​ສິນຄ້າ​ນາໆ​ຊະນິດອີກ ເປັນ​ຕົ້ນ​ວ່າ ​ເຄຶ່ອງ
ຫັດຖະກຳພື້ນ​ເມືອງ ນ​ອກນັ້ນ​ແລ້ວ​ຍັງ​ມີ​ການສະ​ແດງ​ດົນຕີ ສ້າງ​ຄວາມ​ມ່ວນ​ຊຶ່ນ​ໃຫ້​ແກ່​ບັນດາ​ຜູ້​ມ​ເລາະ​ຊື້​ເຄຶ່ອງຂອງ​ນຳ​ດ້ວຍ.

ທ່ານ​ເກສອນ ນອກຈາກເປັນ​ພໍ່ຄົວເຮັດ​ວຽກ​ເຕັມ​ເວລາ​ແລ້ວ ທ່ານ​ຍັງ​ໄດ້​ນຳພາ​ຄອບຄົວ
ນຳເອົາ​ອາຫານ​ລາວ ​ແລະ​ອາຫານເອ​ເຊຍອຶ່ນໆ​ມາວາງ​ຂາຍ​ຢູ່​ຕະຫລາດແຫ່ງ​ນີ້ມາ​ເປັນ
​ເວລາ 18 ປີ​ແລ້ວ ທ່ານ​ໄດ້​ເລົ່າ​ຕໍ່ ວີ​ໂອ​ເອ ອີກ​ວ່າ :

ລິງໂດຍກົງ

ເມື່ອ​ເວລາທ່ານ​ເກສອນ ຍັງເປັນ​ຊາຍ​ໂສດ​ຢູ່​ນັ້ນ ທ່ານໄດ້ພະ​ຈົນ​ໄພ​ໄປປະກອບ​ອາຊີບ​ຢູ່
​ຫລາຍໆ​ແຫ່ງໃນ ​ສະຫະລັດ ​ແລະຢູ່​ນອກ​ ສະຫະລັດ. ທ່ານ​ໄດ້​ເຫັນ​ຄວາມ​ແຕກ​ຕ່າງ​ດ້ານ​
ສັງຄົມ ແລະສິ່ງ​ແວດລ້ອມ. ​ຫລັງ​ຈາກ​ທ່ານ​ໄດ້​ແຕ່​ງງານ ມີ​ລູກ​ເຕົ້າ​ແລ້ວ ທ່ານໄດ້​ຕັດສິນ
​ໃຈ​ນຳພາ​ຄອບຄົວກັບ​ຄືນ​ມາ​ຢູ່ ລັດ Iowa ທີ່​ຕັ້ງ​ຢູ່​ໃຈກາງ ສະຫະລັດ ບ່ອນ​ທີ່​ມີ​ຄວາ​ມ
​ສະຫງົບ ​ຊີວິດບໍ່​ຮີບ​ຮ້ອນ ບໍ່​ມີ​ການສັນຈອນຫລາຍ ​ຢູ່​ກັບ​ທຳ​ມະ​ຊາດອັນ​ງົດງາມ ​ແລະມີ
​ບ່ອນ​ຫາ​ປູ​ຫາ​ປາ ອັນ​ເປັນ​ຊີວິດຈິດ​ໃຈຂອງ​ຊາວ​ລາວ.

ນອກຈາກນັ້ນຮ້ານຂອງ ທ່ານເກສອນ ແລ້ວກໍຍັງມີຮ້ານອາຫານຂອງ ທ່ານ ລີຈ້າວ ພີ່ນ້ອງ
ຊາວມົ້ງ ຈາເມືອງ Des Moines ເຊັນກັນ ແລະກໍໄດ້ຮັບຄວາມນິຍົມຊົມຊອບ ຮ້ານນີ້ມີຊື່
ວ່າ Hmong Egg Rolls. ທ່ານໄດ້ຂາຍມາໄດ້ຫລາຍສິບປີແລ້ວ. ການຂາຍອາຫານ ໃນ
ວັນເສົາ ແລະອາທິດດັ່ງກ່າວນີ້ ໄດ້ນຳລາຍໄດ້ເຂົ້າມາສູ່ຄອບຄົວເປັນຢ່າງດີ.

ເບິ່ງວີດີໂອ ກ່ຽວກັບຮ້ານຂອງທ່ານ ລີຈ້າວ:


ເບິ່ງຄວາມເຫັນ (5)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG