ລິ້ງ ສຳຫລັບເຂົ້າຫາ

logo-print

ສຳພາດ ຍານາງວິຣະພັນ ດວງມະນີ ຄະນະກຳມະການ ສະພາບໍລິຫານ ໂຮງຮຽນເມືອງ Amherst


ການໂຄສະນາຫາສຽງ ປ່ອນບັດເລືອກຕັ້ງເຂົ້າມາເປັນ ຄະນະກຳມະການ ສະພາບໍລິຫານໂຮງຮຽນ ເມືອງ Amherst.

ທ່ານ​ຜູ້​ຟັງ​ທັງຫຼາຍ ​ໃນລາຍ​ການ​ຊີ​ວິດ​ຊາວ​ລາວຂອງ ​ວີ​ໂອ​ເອ​
ມື້​ນີ້ ທ່ານຈະໄດ້​ຟັງ​ບົດສໍ​າ​ພາດກັບ ​ຍາ​ນ​າງວິ​ຣະ​ພັນ ດວງມະນີ
ນັກ​ເຄຶ່ອ​ນ​ໄຫວ​ເພື່ອ​ສັງ​ຄົມ ຢູ່ເມືອງ Amherst ລັດ Massa-
chusetts. ຍານາງ​ວິຣະພັນ ​ໄດ້ຕິດຕາມ​ຄອບຄົວ ເຂົ້າ​ມາຕັ້ງ
​ຖິ່ນ​ຖານຢູ່​ໃນ ສະຫະລັດ ​ໃນ​ປີ 1980 ​ເວລາ​ຜູ້ກ່ຽວອາຍຸ​ໄດ້ 6
ປີ. ບັດ​ນີ້ ນາງ​ໄດ້​ກາຍ​ມາເປັນສະຕີ​ລາວ-ອາ​ເມຣິກັນ ຄົນ​ທຳ
​ອິດ ທີ່​ຖືກ​ເລືອກຕັ້ງ​ເຂົ້າ​ມາ​ຮ່ວມ​ເຮັດວຽກ​ເຮັດ​ການ​ຢູ່​ກັບ ຄະ
ນະ​ກຳມະການບໍລິຫານ ​ໂຮງຮຽນ​ປະຊາບານ​ຂອງເມືອງ
Amherst. ສ່ວນວ່າໜ້າ​ທີ່ວຽກ​ການ ​ແລະ ຄວາມຮັບຜິດຊອບ
ຂອງ​ຜູ້ກ່ຽວເປັນຢ່າງໃດນັ້ນ ກິ່ງສະຫວັນ ຈະພາທ່ານໄປຮູ້ຈັກ
ກັບ ຍານາງວິຣະພັນ ​ໃນ​ອັນ​ດັບ​ຕໍ່​ໄປ.

ລິງໂດຍກົງ

ສະ​ບາຍ​ດີ ທ່ານ​ຜູ້​ຟັງ​ທີ່​ເຄົາ​ລົບ ​ໃນລາຍ​ການ​ຊີ​ວິດ​ຊາວ​ລາວ​ມື້​ນີ້ ຂ້າ​ພ​ະ​ເຈົ້າ ຈະຂໍ​ແນະ​
ນຳໃຫ້​ທ່ານ ຮູ້​ຈັກ​ກັບ ​ຍາ​ນາງວິ​ຣະ​ພັນ ດວງມະນີ ລູກ​ບ້ານ​ຫລານ​ເມືອງ​ປາກ​ຊັນ ແຂວງ
ບໍລິ​ຄຳໄຊ ທີ່​ໄດ້ເດີນທາງ​ເຂົ້າ​ມາ ​ໃນສະຫະລັດ ກັບ​ຄອບຄົວໃນ​ປີ 1980 ເວລາ​ອາຍຸ
ໄດ້ພຽງ 6 ປີ ແລະ​ໄດ້ມາ​ເຕີບ​ໃຫຍ່​ຢູ່​ໃນ​ລັດ Massachusetts ທາງ​ພາກ​ຕາ​ເວັນ​ອອກ​
ສຽງ​ເໜືອຂອງ ສະຫະລັດ. ຍານາງວິ​ຣະພັນ ສາມາດ​ປາກ​ເວົ້າ​ພາສາ​ລາວໄດ້​ດີ ​ດ້ວຍ​ສຳ ນຽງເມືອງປາກ​ຊັນ.​ ນາງສຳ​ເລັດໂຮງຮຽນມັດທະ​ຍົມ​ສົມບູນ ​ທີ່​ Boston Latin Academy ​ແລະ ສຳ​ເລັດປະ​ລິນ​ຍາຕີຝ່າຍ ສັງ​ຄົ​ມ​ສາດ ຫລື Sociology ຈາກມະຫາວິ​
ທະ​ຍາ​ໄລ Masachusetts ທີ່ເມືອງ Amherst ໃນ​ປີ 2000. ປັດ​ຈຸ​ບັນ​ນີ້ ຍານາງວິຣະພັນ ມີອາຍຸ 40 ປີ ນາງ​ ເຮັດ​ວຽກ​ໃຫ້​ ອົງ​ການ ACLU (American Civil Liberties Union)
ຊຶ່ງ​ເປັນ​ອົງການ​ເອກ​ກະ​ຊົນ ທີ່​ບໍ່​ຫາຜົນ​ກຳ​ໄລ ພົວພັນ​ກັບການເປັນ​ປາກເປັນສຽງ ໃຫ້ແກ່​ສິດທິ​ມະນຸດ ​ແລະ​ສິດທິ​ພົນ​ລະເຮືອນ.

ຄອບຄົວຍານາງວິຣະພັນ ດວງມະນີ
ຄອບຄົວຍານາງວິຣະພັນ ດວງມະນີ

ຍານາງວິ​ຣະ​ພັນ ​ໄດ້​ສ້າງ​ຄອບ​ຄົວ​ກັບ​ທ່າ​ນ Edward Cage
ແລະມີ​ລູກ​ດ້ວຍ​ກັນ​ສາມ​ຄົນ. ສິ່ງ​ທີ່​ໜ້າ​ສົນ​ໃຈ ແລະ​ໜ້າ​ສັນ
ລະເສີນອັນ​ນຶ່ງ​ກ່ຽວ​ກັບ ຍານາງວິ​ຣະ​ພັນ ​ກໍ​ຄື ນາງ​ເປັນ​ຜູ້​ນຶ່ງ
ທີ່ຫາ​ກໍ​ຖືກ​ເລືອກເຂົ້າ​ມາ​ເປັນ​ກຳ​ມະ​ການສະພາບໍ​ລິ​ຫານ
ໂຮ​ງຮຽນຫລວງ ຫຼື​ໂຮງຮຽນ​ປະຊາບານ ເມືອງ Amherst
ຊຶ່ງ​ເປັນເມຶອງນ້ອຍໆ​ເມືອງ​ນຶ່ງຢູ່​ໃນລັດ Massachusetts. ​

ເມືອງດັ່ງ​ກ່າວ​ນີ້ ມີ​ປະຊາກອນ​ປະມານ 40,000 ຄົນ ​ບໍ່​ມີ​ຄົນ​ລາວຫລາຍພໍ​ທໍ່​ໃດ ​ແຕ່​ສິ່ງ​
ສຳຄັນ​ນັ້ນ​ກໍ​ຄືການສະ​ແດງ​ອອກ​ມາ​ຂອງ ຍານາງວິຣະພັນ ໃຫ້​ເຫັນເຖິງບົດ​ບາດ ການ
ເປັນ​ຜູ້ນຳຮັບໃຊ້ປະ​ຊ​າ​ຄົມໂດຍ​ທົ່ວ​ໄປ. ວິຣະພັນ ​ໄດ້​ເລົ່າ​ຊີວິດ​ເບື້ອງຕົ້ນສູ່ ວີ​ໂອ​ເອ ຟັງ
ດັ່ງນີ້ :

ຍານາງວິຣະພັນ ດວງມະນີ
ຍານາງວິຣະພັນ ດວງມະນີ

ລິງໂດຍກົງ

ລະ​ບົບ​ການ​ສຶກ​ສາ ແລະ​ການ​ບໍ​ລິ​ຫານ​ໂຮງ​ຮຽນຢູ່​ໃນ​ສະ​ຫະ​ລັດ ​ກ່າວໂດຍ​ສະ​ເພາະແລ້ວ
ຈາກ​ຂັ້ນ​ປະ​ຖົມ ເຖິງ​ຂັ້ນ​ມັດ​ທະ​ຍົມ ​ແຕ່​ລະ​ເຂດຈະ​ມີ​ການ​ຈັດ​ຕັ້ງ​ ສະ​ມາ​ຄົມ​ພໍ່​ແມ່ ແລະ
​ນາຍຄູ ຫລື (PTA) Parents Teacher Association ປະ​ຈຳເຂດ​ທ້ອງ​ຖິ່ນ​ຂອງ​ໃຜ​
ລາວ. ​ຄະ​ນະ​ກຳ​ມະ​ການບໍ​ລິ​ຫານ​ໂຮງ​ຮ​ຽນ ​ຫລື Shool Board ຕ້ອງ​ໄດ້​ຖືກ​ເລື​ອກຕັ້ງ
ໂດຍ ບັນ​ດາ​ພໍ່​ແມ່​ນັກ​ຮຽນມາ​ນັ່ງ​ເປັນ ຜູ້ບໍ​ລິ​ຫານ ທີ່ປະ​ກອບ​ດ້ວຍ​ກັນ​ຫລາຍ​ຄົນ ເພື່ອ
ນຳ​ພາແນະນຳການ​ປະ​ຕິ​ບັດ​ງານ​ ກ່ຽວ​ກັບກິດ​ຈະ​ກຳ​ໂຮ​ງ​ຮຽນ ​ເຊັນ​ການ​ສິດສອນ ການ​
ບູລະນະ​ສ້າງສາ ​ແລະ​ການ​ໃຊ້​ຈ່າຍຕ່າງໆ. ​ຜູ້​ສະ​ມັກ​ເຂົ້າ​ມາ​ແຂ່ງຂັນ​ເອົາ​ບ່ອນ​ນັ່ງ​ໃນ
​ສະພາບໍ​ລິ​ຫານ ​ນອກ​ຈາກ​ຈະມີວຽກ​ຫາ​ຢູ່​ຫາ​ກິນ​ເຕັມ​ເວ​ລາປະ​ຈຳ​ວັນແລ້ວ ເຂົາ​ເຈົ້າຍັງ
​ຕ້ອງ​ໄດ້ສະ​ລະເວ​ລາ​ ເຂົ້າ​ມາຮັບ​ໃຊ້​ປະ​ຊາ​ຄົມ ໂດຍທີ່​ບໍ່​ໄດ້ຮັບ​ຄ່າ​ຈ້າງລາງວັນຫຽັງ ເພື່ອ
​ເປັນ​ປາກເປັນ​ສຽງ​ໃຫ້​ພວກ​ນັກຮຽນ ​ແລະພໍ່​ແມ່​ຂອງ​ເຂົາ​ເຈົ້າ. ລະບົບ​ການ​ດັ່ງກ່າວ​ນີ້​ມີ​
ຄວາມ​ແຕກ​ຕ່າງກັບ ຫລາຍໆ​ປະ​ເທດ​ ​ແລະ​ວັດທະນາ​ທຳ ທີ່​ປ່ອຍ ຫຼື​ມອບສິດໃຫ້​ແຕ່ໂຮງ
ຮຽນ​ເປັນ​ຜູ້ນຳ​ພາ​ດູ​ແລ ການ​ສຶກສາ​ຂອງ​ເດັກ​ນັກຮຽນແຕ່​ຝ່າຍ​ດຽວ ​ໂດຍ​ທີ່​ພໍ່ແມ່​ຜູ້​ປົກ
ຄອງ​ບໍ່​ມີ​ໂອກາດໄດ້​ອອກປາກ​ອອກສຽງ​ເລີຍ ດັ່ງ​ທີ​ປະ​ເພນີ​ລາວ​ມັກເວົ້າ​ກັນ​ວ່າ “ມອບ​ໃຫ້​ນາຍຄູ​ເປັນ​ຜູ້​ສິດສອນ ​ແລ້ວ​ແຕ່​ເພີ່ນຊິສິດສອນ​ເອງ.”

ອ້າງ​ອີງ​ຕາມ ທ່ານ Peter Nien-chu Kiang ສາ​ສະ​ດາ​ຈານ​ການ​ສຶກສາ ​ແລະ​ຫົວໜ້າ​ຫ້ອງການ ການສຶກສາ​ເອ​ເຊຍ-ອາເມຣິກັນ ທີ່ ມະຫາ​ວິທະຍາ​ໄລ Massachusetts ຢູ່​ນະຄອນBoston ​ແລ້ວ​ແມ່ນ​ວ່າ ທ່ານ​ມີ​ຄວາມ​ເຊື່ອ​ຖື ຍານາງ​ວິຣະພັນ ດວງ​ມະນີ ​ວ່າເປັນ​ສະຕີ​ລາວ​ຄົນ​ທຳອິດ ທີ່​ໄດ້​ກ້າວ​ເຂົ້າ​ມາຮັບ​ໃຊ້ຢູ່​ໃນ​ສະພາການສຶກສາດັ່ງກ່າວ. ຍານາງ​ວິຣະພັນ ​ໄດ້​ກ່າວ​ຕໍ່ ວີ​ໂອ​ເອ ຕໍ່​ໄປ​ອີກ​ວ່າ :

ໜ່ວຍສະນັບສະໜູນ ໂຄສະນາຫາສຽງໃຫ້ແກ່ ຍານາງວິຣະພັນ ດວງມະນີ
ໜ່ວຍສະນັບສະໜູນ ໂຄສະນາຫາສຽງໃຫ້ແກ່ ຍານາງວິຣະພັນ ດວງມະນີ

ລິງໂດຍກົງ

ຕາມ​ຫລັກການ​ແລ້ວ ສະພາການສຶກສາ​ຂອງ​ໂຮງຮຽນ ເປັນ​ຜູ້​ມີ​ສິດລົງ​ຄວາມ​ເຫັນໃນ​ການ​
ວ່າຈ້າງ ​ແລະທັງມີອຳນາດ​ລົງ​ຄວາມ​ເຫັນ​ໃນ​ການໄລ່​ຫົວໜ້າ​ໂຮງຮຽນອອກ​ໄດ້ ຖ້າບໍ່ພໍ​ໃຈ
​ໃນ​ການ​ປະຕິບັດ​ວຽກງານຂອງ​ບຸກຄົນ​ດັ່ງກ່າວ. ​ເພາະສະ​ນັ້ນ ບັນດາ​ຜູ້​ທີ່​ຢາກສະມັກ ມາ
​ນັ່ງຮັບ​ໃຊ້​ຢູ່​ໃນສະພາການສຶກສາ ຈະຕ້ອງເປັນ​ຜູ້​ຊົງ​ຄຸນ​ນະ​ວຸດ​ທິທາງ​ດ້ານ​ການ​ສຶກສາ ​ແລະມີ​ບົດບາດຂອງ​

ການ​ເປັນ​ຜູ້ນຳ. ຄະນະ​ກຳມະການ​ບໍລິຫານ ມີໜ້າ​ທີ່​ຮັບຜິດ​ຊອບ​ຢູ່​ສາມ​ປີ ຊຶ່ງ ຍານາງ ວິຣະພັນ ​ໄດ້​ກ່າວ​ສູ່​ຟັງ​ວ່າ :

ຍານາງວິຣະພັນ ດວງມະນີ
ຍານາງວິຣະພັນ ດວງມະນີ

ລິງໂດຍກົງ

ນັ້ນ​ແມ່ນ​ການ​ສຳພາດກັບ ຍານາງວິຣະພັນ ດວງ​ມະນີ ສະຕີ​ລາວ-ອ​າ​ເມຣິກັນ ຜູ້​ຫ້າວຫັນ ​ແລະ​ຜູ້ນຳ​ສັງຄົມ​ທີ່​ໜ້າ​ສັນລະ​ເສີນ. ​ເພື່ອ​ລາຍລະອຽດ​ເພີ້​ມ​ເຕີມ ກະລຸນາ​ຕິດ​ຕາມອ່ານ ​ເບິ່ງ​ຮູບ​ພາບ ​ແລະ​ບັນທຶກ​ລາຍ​ງານ​ສື່​ມວນຊົນ​ໄດ້​ຢູ່​ໜ້າ ເວັບໄຊ​ທ໌ ທີ່ lao.voanews.com.

ເວັບໄຊທ໌ ລາຍລະອຽດ ກ່ຽວກັບ ຍານາງວິຣະພັນ ດວງມະນີ:

www.voteforvira.org

http://www.masslive.com/news/index.ssf/2015/04/just_7_percent_of_amherst_vote.html

http://www.masslive.com/news/index.ssf/2015/04/just_7_percent_of_amherst_vote.html#incart_email_mobile

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG