ລິ້ງ ສຳຫລັບເຂົ້າຫາ

logo-print

​ທ່ານ​ຫວາດ ແສງ​ຄີ​ຍະ​ວົງ ກຳ​ລັງຈະ​ສຳ​ເລັດ​ ປະ​ລິນ​ຍາ​ເອກ ຝ່າຍ​ຂໍ້​ມູນເທັກ​ໂນ​ໂລ​ຈີ ຫຼື IT


ທ່ານ​ຫວາດ ແສງ​ຄີ​ຍະ​ວົງ ຕຽ​ມ​ຮັບ​ປະ​ລິນ​ຍາ​ເອກ ຝ່າຍ​ຂໍ້​ມູນ​ເທັກ​ໂນ​ໂລ​ຈີ ຫຼື IT ໃນ​ເດືອນທັນ​ວາ 2018 ຈະ​ມາ​ເຖິງ​ນີ້.

ສະ​ບາຍ​ດີ​ທ່ານ​ຜູ້​ຟັງ​ທີ່​ເຄົາ​ລົບ ໃນ​ລາຍ​ການ​ຊີ​ວິດ​ຊາວ​ລາວ ຂອງວີ​ໂອ​ເອ ​ປະ​ຈຳ​ແລງ
ວັນ​ພະ​ຫັດ​ມື້​ນີ້ ເຮົາ​ຈະ​ນຳ​ເອົາ​ການ​ສຳ​ພາດ​ກັບ ທ່າ​ນ​ຫວາດ ແສງ​ຄີຍະ​ວົງ ອ​າ​ເມ​ຣິ​ກັນ ​
ເຊື້ອ​ສາຍ​ລາວ​ຄົນ​ນຶ່ງ ທີ່​ບໍ່​ໄດ້​ທໍ້​ຖອຍ ​ຕໍ່​ການ​ສຶກ​ສາ ແລະ​ກຳ​ລັງຈະ​ສຳ​ເລັດ ປະ​ລິນ​ຍາ
​ເອກ ​ຝ່າຍ​ຂໍ້​ມູນ​ເທັກ​ໂນ​ໂລ​ຈີ ຫຼື IT ໃນ​ເດືອນ​ທັນ​ວາ​ ຈະ​ມ​າ​ເຖິງ​ນີ້. ວິ​ຊາ​ຂໍ້​ມູນ​ເທັກ​ໂນ
​ໂລ​ຈີ ແມ່ນ​ລະ​ບົບ​ການ​ໃຊ້​ຄອມ​ພິວ​ເຕີ ໃຫ້​ຜູ້​ຊົມໃຊ້​ທ່ວງ​ທັ​ນ​ກັບ​ເຫດ​ການ ສະ​ດວກສະ​
ບາຍ ແລະ​ມີ​ຄວາມປອດ​ໄພ. ຄວາມ​ເປັນ​ມາ​ຂອງ​ທ່ານ​ຫວາດ ກ່ຽວ​ກັ​ບ ​ວິ​ຊາ​ຂໍ້​ມູນເທັກ​
ໂນ​ໂລ​ຈີ ເປັນ​ຢ່າງ​ໃດ​ນັ້ນ ກິ່ງ​ສະ​ວັນ ຈະ​ນຳ​ມາ​ສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.

​ໃນທຸກ​ມື້​ນີ້ ເຮົາພາ​ກັນ​ດຳ​ລົງ​ຊີ​ວິດ ໂດຍການ​ກາງ​ຕໍ່ອາ​ໄສເທັກ​ໂນ​ໂລ​ຈີເກືອບ​ທຸກ​ຢ່າງ
ດັ່ງ​ເຊັ່ນການ​ໃຊ້​ໂທ​ລະ​ສັບ​ມື​ຖື ຫຼື i-phone ທີ່ຕິດ​ຕໍ່ຫາ​ກັນ​ໄດ້​ ໂດຍ​ທັນ​ທີ ​ພ້ອມ​ທັງຍັງ
​ສົ່ງ​ຮູບ​ພາບ ຂຽນ​ຂໍ້​ຄວາມ ສົ່ງ​ສ​ຽງ ແລະ​ອື່ນໆຫາ​ກັນໄດ້. ນີ້ເປັນ ພຽງ​ແຕ່ພາກ​ສ່ວນ​ນຶ່ງ
ຂອງ​ຜູ້​ໃຊ້ ​ໂດຍທີ່​ຍັງບໍ່ໄດ້​ກ່າວ​ເລິກ​ເຂົ້າ​ໄປ​ ເຖິງຄວາມສະ​ຫຼຽວ​ສະ​ຫຼາດ ຂອງຜູ້​ປະ​ດິດ
​ຄິດ​ສ້າງ ແລະຊອກ​ຫາ​ທາງປ້ອງ​ກັນ​ເພື່ອຄວາມ​ປອດ​ໄພຂອງການ​ໃຊ້ເທື່ອ​.

ເຮົາ​ມັກ​ຈະ​ໄດ້​ຍິນ​ການລັກຂະ​ໂມຍ ເຈາະເອົາ​ຂໍ້​ມູນ ຢູ່​ໃນ​ລະ​ບົບຄອມ​ພິວ​ເຕີຢູ່​ເປັນ​ປະ​
ຈຳ ຊຶ່ງ​ເປັນ​ເລື້ອງທີ່ສະລັບ​ຊັບ​ຊ້ອນ ແລະ​ພຽງ​ແຕ່​ຜູ້​ມີ​ຄວາມ​ຮູ້​ໃນ​ດ້ານ​ນີ້ເທົ່ານັ້ນ ທີ່ຈະ
ສາ​ມາດ​ເຂົ້າ​ໃຈແລະ​ແກ້​ໄຂບັນຫາໄດ້. ທ່ານ​ຫວາດ ແສງ​ຄີ​ຍະ​ວົງ ຊາວອາ​ເມ​ຣິ​ກັນ​ເຊື້ອ​
ສາຍ​ລາວ ມີ​ຄວາມ​ສົນ​ໃຈ​ກ່ຽວ​ກັບ​ດ້ານ​ເທັກ​ໂນ​ໂລ​ຈີມາ​ແຕ່​ນ້ອຍ. ທ່ານ​ສຳ​ເລັດ​ປະ​ລິນ
​ຍາ​ຕີ​ (BS) ປະ​ລິນ​ຍາ​ໂທ​ຝ່າຍວິ​ສະ​ວະ​ກອນ​ໄຟ​ຟ້າ (MBEE) ​ພ້ອມ​ດ້ວຍປະ​ລິນ​ຍາ​ໂທ
​ຝ່າຍ​ທຸ​ລະ​ກິດ (MBA) ແລະ​ໄດ້​ດຳ​ເນີນ​ປະ​ກອບ​ວິ​ຊາ​ອາ​ຊີບ​ຢ່າງ​ເປັນ​ຜົນ​ສຳ​ເລັດ. ແຕ່​ວ່າທ່ານຍັງ​ບໍ່​ທໍ້​ຖອຍ​ ກຳ​ລັງ​ຈະ​ສຳ​ເລັດ​ປະ​ລິນ​ຍາ​ເອກ (PhD) ຝ່າຍ​ຂໍ້​ມູນ​ເທັກ​ໂນ​ໂລ​ຈີ
ຫຼື PhD in IT with specialization in Information assurance in Security ຈາກ
ມະ​ຫາ​ວິ​ທະ​ຍາ​ໄລ ຄາ​ແພລ​ລາ (Capella) ຢູ່​ທີ່​ລັດ​ມິນ​ເນ​ໂຊ​ຕາ ​ຊຶ່ງທ່ານຫວາດ ໄດ້
​ເລົ່າ ເຖິງລະ​ບົບ​ການ​ຮຽນສູ່ ວີ​ໂອ​ເອ ຟັງດັ່ງ​ນີ້.

​ການ​ສຶກ​ສາ​ຊັ້ນ​ສູງ​ຂັ້ນປະ​ລິນ​ຍາ​ເອກ ​ໂດຍ​ທົ່ວ​ໄປ​ແລ້ວ​ ຈະ​ໃຊ້​ເວ​ລາ​ຢູ່ສາມ​ປີ ຊຶ່ງຈະ​
ຂຶ້ນຢູ່ກັບ​ຄວາມວ່ອງ​ໄວຂອງ​ຜູ້​ຮຽນ​ ແລະ​ຕ້ອງ​ໃຊ້​ເງິນ​ຮຽນ​ໄຕ​ມາດ​ນຶ່ງ​ຢ່າງ​ໜ້ອຍເຖິງ
5,000 ໂດ​ລາ. ໃນ​ຂະ​ນະ​ທີ່ບັນ​ດານັກ​ສຶກ​ສາຊັ້ນ​ສູງ​ເຫລົ່າ​ນີ້ ພາ​ກັນຮ່ຳ​ຮຽນ ເຂົາ​ເຈົ້າ​
ຍັງປະ​ກອບ​ວິ​ຊາ​ຊີບ​ເປັນ​ປົກ​ກະ​ຕິ ແລະບໍ່​ຈຳ​ເປັນຈະໄປ​ນັ່ງ​ຢູ່​ໃນ​ຫ້ອງ​ຮຽນເໝືອນກັບ
​ນັກ​ຮຽນ​ທົ່ວໆ​ໄປ. ເຂົາ​ເຈົ້າຕ້ອງ​ໄດ້ຄົ້ນຄວ້າ​ດ້ວຍ​ຕົນ​ເອງ​ຢູ່​ບ້ານ ຜ່ານ​ທາງ​ຄອມ​ພິວ
​ເຕີ ແລະພົບ​ພໍ້​ກັບ​ສາ​ດ​ສະ​ດາ​ຈານ​ເປັນ​ໄລ​ຍະ ​ຢູ່​ແຫ່ງ​ໃດ​ແຫ່ງ​ນຶ່ງ​ຊຶ່ງ ​ທ່ານ​ຫວາດ​ໄດ້
​ກ່າວຕໍ່​ໄປ​ອີກວ່າ :

ການ​ສຶກ​ສາຄົ້ນ​ຄວ້າ​ກ່ຽວ​ກັບ​ຂໍ້​ມູນ​ເທັກ​ໂນ​ໂລ​ຈີ ​ມີ​ມາ​ແຕ່​ດົນ​ນານ ໄດ້​ຖືກປັບ​ປຸງ​ຂຶ້ນ​
ມາ​ເປັນ​ຂັ້ນ​ຕອນ ແລະ​ເປັນ​ວິ​ຊາ​ຮຽນ​ທີ່ມີ​ຄວາມ​ສະ​ລັ​ບ​ຊັບ​ຊ້ອນ ເພື່ອໃຫ້ຜູ້ໃຊ້​ໄດ້ຮັບ
ຄວາມສະ​ດວກ​ສະ​ບາຍ ແລະ​ປອດ​ໄພ ດັ່ງ​ທີ່​ທ່ານ​ຫວາດ​ໄດ້​ກ່າ​ວ​ຕໍ່​ໄປ​ອີກວ່າ:

​ເຮົາມັກ​ຈະ​ໄດ້​ຍິນກ່ຽວກັບການ​ລັກ​ລອບເຈາະເອົາ​ຂໍ້ມູນທາງ​ຄອມ​ພິວ​ເຕີຢູ່​ເປັນ​ປະ​ຈຳ
ໂດຍ​ສະ​ເພາະ ລະ​ຫວ່າງການ​ເລືອກ​ຕັ້ງ ​ປະ​ທາ​ນາ​ທິ​ບໍ​ດີ​ ສະ​ຫະ​ລັດ​ອາ​ເມ​ຣິ​ກາ ໃນ​ປີ
2016 ທີ່​ຜ່ານ​ມາ​ນີ້​ ກໍແມ່ນຍັງມີການດຳ​ເນີນ​ການ​ສຶບສວນ​ຢູ່ ຈົນມາ​ເຖິງ​ປັດຈຸ​ບັນ​ນີ້ວ່າ
ຣັດ​ເຊຍ ອາດ​ມີ​ສ່ວນ​ພົວ​ພັນ ກັບ​ການ​ເຈາະ​ເຂົ້າ​ໄປ ​ໃນ​ລະ​ບົບການໂຄ​ສະ​ນາ​ຫາ​ສຽງ
ປ່ອນ​ບັດ ​ຊຶ່ງ​ທ່ານ​ຫວາດ ໄດ້ໃຫ້ຄວາມຄິດເຫັນ ແລະ​ກ່າວ​ມ້ວນ​ທ້າຍກ່ຽວ​ກັບ​ເລື່ອງ​ນີ້
ວ່າ:

​ວີ​ໂອ​ເອ ຂໍ​ສັນ​ລະ​ເສີນຜົນ​ສຳ​ເລັດ ​ຄວາມ​ອົດ​ທົນສູ້ຊົນດ້ານ​ການ​ສຶກ​ສ​າ ທີ່ທ່າ​ນ​ຫວາດ
ແສງ​ຄີຍະ​ວົງ ໄດ້​ແບ່ງ​ປັນສູ່ພວກເຮົາຟັງ​.​ ຂໍຂອບໃຈທ່ານຫວາດ ແສງຄີຍະວົງ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

ທ່ານອາດຈະມັກເລື້ອງນີ້ຄືກັນ

XS
SM
MD
LG