ລິ້ງ ສຳຫລັບເຂົ້າຫາ

logo-print

ຈາກທົ່ງເກັບກູ້ລະເບີດໃນ ສປປ ລາວ ມາສູ່ ສະຫະລັດ ເພື່ອບອກເລົ່າ ກ່ຽວກັບບັນຫາດັ່ງກ່າວ ໃນລາວ


ບັນດານັກເກັບກູ້ລະເບີດແມ່ຍິງລາວກຸ່ມນຶ່ງ ຖ່າຍຮູບຮ່ວມກັນ ຢູ່ທີ່ແຂວງຊຽງຂວາງ.
Legacy of War ຫລື ອົງການມໍລະດົກ ຫລັງສົງຄາມ ມີ​ຫ້ອງ​
ການ​ຕັ້ງ​ຢູ່ ນະ​ຄອນ​ຫລວງ ວໍ​ຊິງ​ຕັນ ດີ​ຊີ ເປັນ​ອົງ​ການ​ເອກ​ກະ​
ຊົນ ​ທີ່ບໍ່​ສ້າງ​ຜົນ​ກຳ​ໄລ ​ເພື່ອ​ເປັນປາກ​ກະ​ບອກ​ສຽງໃຫ້​ແກ່​ ບັນ​
ດາຜູ້​ໄດ້​ຣັບ​ເຄາະ​ຮ້າຍ​ຈາກ​ລະ​ເບີດ ທີ່​ຍັງ​ບໍ່​ທັນ​ແຕກໃນ​ລາວ
ແລະໃຫ້​ການ​ສຶກ​ສາ​ກ່ຽວ​ກັບການ​ເກັບ​ກູ້​ລະ​ເບີດ ທີ່​ຍັງຕົກ​ຄ້າງ​
ຢູ່ໃນ​ປາງ ​ສົງ​ຄາມ​ລັບຢູ່​ໃນລາວ. ​ຈຸດ​ປະ​ສົງ​ອັນ​ສຳ​ຄັນ​ຂອງອົງ
ການ​ມໍລະດົກ ຫລັງສົງຄາມ ກໍ​ຄື​ ການຂໍ​ທຶນ​ຈາກ ລັດ​ຖະ​ບານ
​ສະ​ຫະ​ລັດແລະ​ເອກກ​ກະ​ຊົນ ເພື່ອນຳເງິນໄປ​ໃຊ້​ຈ່າຍໃນ​ການ
ປະ​ຕິ​ບັດ​ງານ ​ເກັບ​ກູ້​ລະ​ເບີດທີ່​ຍັງຕົກ​ຄ້າງ​ບໍ່​ທັນ​ແຕກຢູ່​ໃນລາວ
ສ້າງ​ຄວາມ​ຕື່ນ​ໂຕ​ກ່ຽວ​ກັບ​ໄພ​ອັນຕະລາຍ ຈາກລະ​ເບີດ​ທີ່​ບໍ່
​ທັນ​ແຕກ ​ແລະ​ຊ່ວຍ​ເຫລືອ​ຜູ້​ທີ່​ໄດ້​ຮັບ​ເຄາະ.​

​ເຖິງ​ແມ່ນ​ວ່າ ສົງ​ຄາມ​ໄດ້​ສີ້ນ​ສຸດ​ລົງ​ໄປ​ເກືອບ ສີ່​ທົດສະ​ວັດ​ແລ້ວ​ກໍ​ຕາມ ແຕ່ວ່າບາດ​ແຜ​
ຂອງ​ສົງ​ຄາມນັ້ນ ຍັງປະ​ໄວ້​ໃຫ້​ເຫັນຢູ່ເທົ້າ​ທຸກວັນ​ນີ້. ດັ່ງນັ້ນ ອົງ​ການ​ມໍ​ລະ​ດົກຫລັງ​ສົງ
​ຄາມ ຈຶ່ງໄດ້​ຈັດໂຄງ​ການນຳ​ພາທ່ອງ​ທ່ຽວ ເລົ່າສູ່​ປະຊາກອນສະຫະລັດທົ່ວ​ປະ​ເທດໃຫ້
ໄດ້​ຮູ້​ເຖິງຄວາມເປັນມາກ່ຽວ​ກັບຊີວິດ ຂອງ ບັນດາຜູ້ໄດ້ຮັບເຄາະຮ້າຍຈາກ ລະ​ເບີດທີ່
ຕົກຄ້າງຍັງບໍ່​ທັນ​ແຕກ​ຢູ່​ໃນ​ລາວທີ່​ໄດ້​ເລີ້ມ​ມາ​ຕັ້ງ​ແຕ່ວັນ​ທີ່ 3 ອາທິດ​ແລ້ວ​ນີ້ ​ແລະ​ຈະ​ດໍາ
​ເນີນໄປ​ຈົນ​ຮອດ​ວັນ​ທີ່ 30 ​ເດືອນ​ເມສາ​ນີ້. ​

ການ​ນຳ​ທ່ຽວບອກ​ເລົ່​າເຖິງ ຜູ້​ເຄາະ​ຮ້າຍ​ຈາກ​ສົງ​ຄາມ ມີ​ນັດ​ໝາຍ​ໄວ້​ຢູ່ ໃນ 14 ໂຕ​
ເມືອງ ໃນ 7 ລັດ ຈາກ​ພາກ​ຕາ​ເວັນອອກ ຫາ​ພາກ​ກາງແລະ​ພາກເວັນ​ຕົກ​ ຂອງ
ສະ​ຫະ​ລັດ ຊຶ່ງ​ເລີ້ມ​ຕົ້ນ​ຈາກ ອົງ​ການ​ສະ​ຫະ​ປະ​ຊາ​ຊາດ ທີ່​ນະ​ຄອນນິວຢອກໂດຍ​ການ
ກ່າວເປີດພິ​ທີ່​ຂອງ ທ່ານສະ​ເຫລີມ​ໄຊ ຄົມ​ມະ​ສິດເອກ​ອັກ​ຄະ​ລັດ​ຖະ​ທູດ​ຖາວອນ ຂອງ
ສ​ປ​ປ ລາວ ປະ​ຈຳ​ອົງການ ສະຫະປະ​ຊາ​ຊາດ ແລະ​ທ່ານ Jordan Ryan ຫົວ​ໜ້າ
​ຫ້ອງ​ການ ປ້ອງ​ກັນ​ວິ​ກິດ​ການ ແລະ​ກູ້​ໄພ ປະ​ຈຳ​ອົງ​ການສະຫະ​ປະຊາ​ຊາດ ໂດຍ​ການ
ປະ​ສານ​ງານ ແລະ​ຕິດ​ຕາມ​ນຳພາ​ຂອງ ​ທ່ານ​ນາງ ຈັນ​ນະ​ພາ ຄຳ​ວົງ​ສາ ຜູ້​ອຳ​ນວຍ
​ການ ອົງ​ການມໍ​ລະ​ດົກ ຫລັງ​ສົງ​ຄາມ.

​ທູມ​ມີ ສີ​ລໍາ​ພັນ ຜູ້ໄດ້​ຮັບເຄາະ​ຮ້າຍຈາກ​ລະ​ເບີດ ພ້ອມ​ທັງ​ເປັນ​ປາກ​ກະບອກ​ສຽງໃຫ້​
ພວກ​ໄດ້​ຮັບ​ເຄາະ​ກັມ ມະ​ນິ​ເຊຍ ທໍ້ ນັກ​ເກັບ​ກູ້​ລະ​ເບີດ ໄດ້ເດີນ​ທາງ​ມາ​ຈາກ​ ທົ່ງ​ເກັບ​
|ກູ້​ລະ​ເບີດ​ໃນແຂວງ​ຊຽງ​ຂວາງ ສ​ປ​ປ ລາວ ​ເປັນ​ຄັ້ງ​ທຳ​ອິດ ​ເພື່ອຢ້ຽມຢາມ ​ແລະຜີຍ​
ແຜ່​ເຖິງຈຸດປະສົງ​ດັ່ງ​ກ່າວ.

ທ່ານທູ​ມ​ມີ ສີ​ລຳ​ພັນ ເກີດ​ຢູ່​ເມືອງໂພນ​ສະ​ຫວັນ ແຂວງ​ຊຽງ​ຂວາງ ໃນ​ປີ 1989. ​ທ່ານ
ຢູ່​ໃນ​ຈຳ​ນວນ​ປະ​ຊາ​ກອນ​ລາວ​ຜູ້​ນຶ່ງ ທີ່ໄດ້​ຮັບ​ເຄາະ​ຮ້າຍ ຈາກລະ​ເບີດ​ແຕກ​ໃສ່ ມືກໍ້າ
ຊ້າຍຂາດອອກ ເວ​ລາຍັງ​ເປັນ​ເດັກ​ນ້ອຍ ມີ​ອາ​ຍຸ​ໄດ້ 8 ປີ​ ໃນ​ຂະ​ນະ ທີ່​ໄປ​ຊອກຂຸດຫາ
ໜໍ່​ໄມ້. ​ປັດຈຸ​ບັນ​ນີ້ ທ່ານ​ເປັນ​ເຈົ້າ​ໜ້າ​ທີ່​ ໃຫ້ການສຶກສາແກ່​ຜູ້ເຄາະຮ້າຍ​ຈາກລະ​ເບີດ
ເພື່ອຊ່ວຍເຫລືອປິ່ນປົວຮ່າງກາຍຜູ້ໄດ້ຮັບບາດເຈັບນັ້ນ​ໃຫ້ດີຄືນ ແລະສາມາດຫາຢູ່
ຫາກິນໄດ້ຕາມປົກກະຕິ. ປັດ​ຈຸ​ບັນ​ນີ້ ທ່ານ​ທູມ​ມີ ​ເຮັດ​ວຽກຢູ່​ ອົງການ World
Education ທີ່ ສ​ປ​ປ ລາວ ແລະເປັນປາກ​ກະ​ບອກ​ສຽງ​ ທີ່​ບໍ່​ມີ​ຄວາມ​ອິດ​ເໝື່ອຍ
ເພື່ອຊ່ວຍ​ເຫລືອ​ຜູ້​ໄດ້​ຮັບ​ເຄາະ​ຮ້າຍ​ຈາກ​ລະ​ເບີດ. ວີ​ໂອ​ເອ ພະ​ແນ​ກພາສາ​ລາວ ​ໄດ້
ຕ້ອນຮັບ ​ແລະ​ສໍາພາດ ​ທ່ານ​ທູມ​ມີ ​ພ້ອມ​ດ້ວຍ​ຄະ​ນະ ​ເລີ້ມ​ຕົ້ນ​ການ​ຢ້ຽມຢາມ ສະຫະ
ລັດ ຢ່າງ​ເປັນ​ທາງ​ການ ຢູ່ທີ່​ອົງການ ສະຫະ​ປະຊາ​ຊາດ ທີ່​ນະຄອນ​ນິວຢອກ. ທ່ານ
ທູມ​ມາ ​ໄດ້​ເລົ່າຊີ​ວິດ​ຄວາມ​ເປັນ​ມາສູ່ຟັງ​ດັ່ງ​ນີ້:

Mr Thoummy
Mr Thoummy

ລິງໂດຍກົງ




ທ່ານ​ນາງ ມາ​ນິເຊຍ ທໍ້ ​ເກີດ​ທີ່​ແຂວງ​ຊຽງ​ຂວາງ ​ເປັນ​ພັນ​ລະ​ຍາ ​ແລະ​ມີ​ລູກ​ຊາຍ​ນ້ອຍ​ທີ່​ໜ້າ​ຮັກອາຍຸ​ສອງ​ປີ ນາງເຄີຍ​ເປັນຜູ້​ເກັບ​ກູ້​ລະ​ເບີດຢູ່ ເປັນ​ເວ​ລາ​ 4 ປີ ​ໄດ້​ຖືກ​ເລື່ອນຂື້ນ​ມາ​ເປັນ ຫົວ​ໜ້າ​ ແລະ​ຜູ້​ຝຶກ​ການ​ເກັບ​ກູ້​ລະ​ເບີດ ພ​າຍ​ໃຕ້​ອົງ​ການ Mines Advisory Group (MAG) ຫລື ອົງ​ການ​ເກັບ​ກູ້​ລະ​ເບີດ. ທ່ານ​ນາງ ທໍ້ ໄດ້​ເລົ່າ​ສູ່ ວີ​ໂອ​ເອ ຟັງເຖິງ​ເຫດຜົນ​ທີ່​ພາ​ໃຫ້​ມາ​ເຮັດ​ວຽກ​ນີ້ ແລະ​ມັນ​ເປັນ​ອັນ​ຕະ​ລາຍ ໜັ້ອ​ຍ​ຫລາຍ​ປານ​ໃດ​ໃນ​ການ​ປະ​ຕິ​ບັດ​ງານ​ເກັບ​ກູ້​ລະ​ເບີດ​ນັ້ນ ຊຶ່ງ​ນາງ​ເລົ່​າ​ສູ່ ວີ​ໂອ​ເອ ຟັງ​ວ່າ :


Ms Manisia Thor
Ms Manisia Thor


ລິງໂດຍກົງ




ເຖິງແມ່ນສົງ​ຄາມ​ອິນ​ດູ​ຈີນ ແລະ ​ສົງ​ຄາມ​ລັບຂອງ ສະຫະລັດ ໃນ​ລາວ (1962-1975) ໄດ້​ສີ້ນ​ສຸດ​ລົງ​ເປັນ​ເວ​ລາ ເກືອບ​ສີ່​ທົດ​ສະ​ວັດ (1975-2013) ມາແລ້ວກໍຕາມ ແຕ່​ວ່າ ​ຊາກ​ເສດ​ເຫລືອ​ຂອງ​ລູກ​ລະ​ເບີດ ທີ່ຕົກ​ຄ້າງບໍ່​ທັນ​ແຕກ​ນັ້ນຍັງ​ຖືກ​ປະ​ປ່ອຍໄວ້ ແລະ ເປັນອັນ​ຕະ​ລາຍຕໍ່​ຊີ​ວິດ ​ແລະ​ການ​ທຳ​ມາ​ຫາ​ກິນ​ຂອງປະ​ຊາ​ກອນ​ລາວ​ ໃນ​ເຂດ​ຊົນນະບົດ. ​ປັດ​ຈຸ​ບັນ​ນີ້ ລັດ​ຖະ​ບານສະ​ຫະ​ລັດ ໄດ້​ອະ​ນຸ​ມັດ​ງົບ​ປະ​ມານຈຳ​ນວນ 10 ລ້ານ​ໂດລາ​ຕໍ່​ປີ ​ນອກ​ຈາກ​ນັ້ນ​ກໍ​ມີທຶນ​ຈາກອົງ​ການ​ເອກ​ກະ​ຊົນ ແລະ ສ່ວນ​ບຸກຄົນ ເພື່ອ​ນຳ​ໄປໃຊ້​ຈ່າຍ​ປະ​ຕິ​ບັດ​ງານ ຂອງ​ອົງ​ການເກັບ​ກູ້​ລະ​ເບີດຕ່າງໆ​ຢູ່​ໃນ ສ​ປ​ປ ລາວ.

ຈາກປີ 1964 ຫາ​ປີ 1973 ນັ້ນ ສະຫະລັດ​ໄດ້​ຖີ້ມລະ​ເບີດປະ​ມານ 2,093.100 ຕັນລົງ​ໃສ່​ແຜ່ນ​ດິນ ​ລາວ ຈາກ 580,344 ຖ້ຽວ​ບິນ ​ອ້າງ​ອິງ​ຕາມ ບັນ​ທຶກຖ້ຽວ​ບິນ​ຂອງ ທະ​ຫານ​ສະ​ຫະ​ລັດ. ຄາດ​ຄະ​ເນ​ວ່າ ນຶ່ງ​ສ່ວນ​ສາມ​ຂອງ​ລະ​ເບີດ​ຖີ້ມລົງ​ນັ້ນ ຍັງ​ຕົກ​ຄ້າງ​ບໍ່​ທັນ​ແຕກຢູ່​ໃນ​ນຶ່ງ​ສ່ວນ​ສາມ ຂອງ​ຜືນແຜ່ນ​ດິນ​ລາວ. ມີ​ພົນລະ​ເຮືອນປະ​ມ​ານ 50,000 ຄົນແມ່ນພົນໄດ້​ຮັບ​ບາດ​ເຈັບ ຫລື​ເສຍ​ຊີ​ວິດ​ຈາກ​ລະ​ເບີດ​ຕົກ​ຄ້າງ​ທີ່​ບໍ່​ທັນ​ແຕກ​ນັ້ນ. ​ນອກ​ຈາກ​ລູກ​ລະ​ເບີດ​ຕ່າງໆ ທີ່ຖີ້ມ​ລົງ​ໃສ່​ແຜ່ນ​ດິນ​ລາວແລ້ວ​ນັ້ນ ປະ​ມານ 270 ລ້ານແມ່ນ​ລະ​ເບີດ​ລູກ​ຫວ່ານ. ​ຄາດ​ຄະ​ເນ​ວ່າ 30 ເປີ​ເຊັນຫ​ລື 80 ລ້ານ​ໜ່ວຍ​ ທີ່ຕົກຍັງບໍ່ທັນ ແຕກ ແລ​ະສືບ​ຕໍ່​ເປັນ​ອັນ​ຕ​ະ​ລາຍ​ຕໍ່ການ​ດຳ​ລົງ​ຊີ​ວິດ​ຢູ່​ເທົ້າ​ທຸກວັນ​ນີ້

ທູມມີ ແລະ ມະນິເຊຍ ກໍາລັງໃຫ້ສໍາພາດ ກັບກິ່ງສະຫວັນ ໃນຫ້ອງສະຕູດິໂອຂອງວີໂອເອ
ທູມມີ ແລະ ມະນິເຊຍ ກໍາລັງໃຫ້ສໍາພາດ ກັບກິ່ງສະຫວັນ ໃນຫ້ອງສະຕູດິໂອຂອງວີໂອເອ


ເພາະ​ສະ​ນັ້ນ ໂຄງ​ການ​ເກັບ​ກູ້​ລະ​ເບີດຢູ່​ໃນ​ລາວຈຶ່ງ ​ເປັນການປະ​ຕິ​ບັດ​ງານ​ທີ່​ຍືດ​ເຍື້ອ​ຍາວ​ນານ ແລະ​ຈະ​ໃຊ້​ເວ​ລາຢູ່​ຫລາຍ​ຊົ່ວ​ຊີ​ວິດ​ຄົນ ຊຶ່ງ​ ຈ​ະ​ຕ້​ອ​ງໄດ້​ອີງອາໄສເງິນທຶນ​ເປັນ​ສ່ວນ​ໃຫ​ຍ່​ເພື່ອ​ໃຫ້​ການ​ສຶກ​ສາ ປິ່ນ​ປົວ ແລະ​ເກັບ​ກູ້​ລະ​ເບີດ​ໃຫ້​ມັນ​ໝົດ​ໄປ.

ເບິ່ງຄວາມເຫັນ (13)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG