ການຄ້າເສລີ ຊຶ່ງປັນຄວາມເຂົ້າໃຈກ່ຽວກັບການຄ້າສາກົນທີ່ມີການຈຳກັດແຕ່ພຽງ ເລັກນ້ອຍແລະເກັບພາສີຕໍ່າມີທ່າທາງວ່າ ຈະຮວມຢູ່ໃນພວກທີ່ສູນເສຍໃນລັດຖະບານໃໝ່ຂອງທ່ານ Donald Trump. ນັກທຸລະກິດ ມະຫາເສດຖີອະສັງຫາລິມະສັບ ໄດ້ຊະນະ ຕຳແໜ່ງປະທານາທິບໍດີຫຼັງຈາກການເລືອກຕັ້ງທີ່ສັບສົນວຸ້ນວາຍແລະມີການແບ່ງແຍກ ຊຶ່ງສ່ວນນຶ່ງນັ້ນ ແມ່ນໄດ້ມີການຖິ້ມໂທດໃສ່ໃນອັນ ທີ່ທ່ານຮ້ອງວ່າ ຂໍ້ຕົກລົງການຄ້າບໍ່ດີ ທີ່ເຮັດໃຫ້ສູນເສຍວຽກເຮັດງານທຳເປັນຈຳນວນຫຼວງຫຼາຍ ຢູ່ໃນພາກສ່ວນການຜະລິດຂອງສະຫະລັດ.
ດ້ວຍເຫດດັ່ງກ່າວ ຂໍ້ຕົກລົງພາຄີຂ້າມມະຫາສະມຸດປາຊີຟິກ ຊຶ່ງເປັນເຂດການຄ້າເສລີຂອງ 12 ປະເທດ ທີ່ກຳລັງມີການລໍຖ້າຢູ່ນັ້ນ ເມື່ອຮວມເຂົ້າກັນແລ້ວກໍຈະປະກອບເປັນເກືອບ 40 ເປີເຊັນ ຂອງຜົນຜະລິດເສດຖະກິດໂລກ ໄດ້ຕາຍໄປແລ້ວ ຢູ່ໃນສະພາ.
ທ່ານ Jeff Kingston ຜູ້ອຳນວຍການຝ່າຍຄົ້ນຄວ້າ ດ້ານເອເຊຍ ທີ່ມະຫາວິທະຍາໄລ Temple ໃນປະເທດຍີ່ປຸ່ນກ່າວວ່າ ການຍົກເລີກຂໍ້ຕົກລົງການຄ້າພາຄີຂ້າມມະຫາສະ ມຸດປາຊິຟິກ ຫຼື TPP ອາດຈະເປັນການພາດໂອກາດໃຫ້ແກ່ສະຫະລັດ.
ທ່ານກ່າວວ່າ “ມີຄວາມເປັນຫ່ວງຢູ່ແລ້ວໃນທົ່ວເຂດເອເຊຍ ກ່ຽວກັບຄວາມໜ້າເຊື່ອຖືຂອງສະຫະລັດ ໃນນາມພັນທະມິດ. ເປັນທີ່ແຈ້ງຂາວວ່າ ການເລືອກຕັ້ງ ຂອງທ່ານ Trump ຈະພາໃຫ້ມີຄວາມເປັນຫ່ວງ ແລະ ຄວາມຢາກຮູ້ຢາກເຫັນເພີ້ມຂຶ້ນ. ແລະຂ້າ ພະເຈົ້າຄິດວ່ານີ້ໝາຍຄວາມວ່າ ຈະເປັນການຫລຸດຜ່ອນອິດທິພົນທີ່ສຳຄັນຂອງອາເມ ຣິກັນລົງ ຢູ່ໃນເຂດເອເຊຍ.”
ທ່ານ Bill Galston ເຈົ້າໜ້າທີ່ອາວຸໂສທີ່ສະຖາບັນ Booking Institute ໄດ້ກ່າວເຖິງ ການໂຕ້ແຍ້ງຂອງປະທານາທິບໍດີ Barack Obama ໃນການສ້າງລະດັບເວທີທີ່ເທົ່າ ທຽມສຳລັບການຄ້າໃນເຂດປາຊິຟິກວ່າ “ຖ້າຫາກພວກເຮົາບໍ່ນຳພາການຂຽນກົດລະ ບຽບສຳລັບເສດຖະກິດໃນເອເຊຍຕາເວັນອອກແລ້ວ ຈີນຈະເປັນຜູ້ເຮັດແລະພວກເຮົາ ຈະບໍ່ມັກຜົນທີ່ອອກມາ.”
ຈີນຊຶ່ງເປັນປະເທດທີ່ມີເສດຖະກິດໃຫຍ່ອັນດັບສອງຂອງໂລກ ໄດ້ຜົນປະໂຫຍດຈາກຄວາມລົ້ມແຫຼວຂອງສະພາສະຫະລັດ ທີ່ບໍ່ລົງຄະແນນສຽງກ່ຽວກັບຂໍ້ຕົກລົງ ພາຄີຂ້າມມະຫາສະມຸດປາຊິຟິກ. ຈີນໄດ້ປະກາດແຜນການທີ່ຈະສະເໜີຂໍ້ຕົກລົງ ການຄ້າທີ່ເປັນຄູ່ແຂ່ງຢູ່ກອງປະຊຸມສຸດຍອດເສດຖະກິດເອເຊຍປາຊິຟິກຫຼືເອເປັກ ທີ່ປະເທດເປຣູ ຊຶ່ງຈະສ້າງຕັ້ງເຂດການຄ້າພາຍໃຕ້ການນຳພາຂອງປັກກິ່ງໃນເອ ເຊຍອາຄະເນ ທີ່ບໍ່ມີສະຫະ ລັດຮວມຢູ່ນໍາ.
