ຊ່ອງຫວ່າງກຳລັງຂະຫຍາຍວົງກວ້າງອອກ ລະຫວ່າງວໍຊິງຕັນ ແລະໂຊລ ກ່ຽວກັບຂໍ້
ຕົກລົງ ລະຫວ່າງສອງກອງທັບຂອງເກົາຫຼີ ທີ່ວໍຊິງຕັນເປັນຫ່ວງນັ້ນ ອາດຈະເຮັດໃຫ້
ການປ້ອງກັນປະເທດຂອງເກົາຫຼີໃຕ້ຕ້ານການໂຈມຕີຂອງເກົາຫຼີເໜືອ
ອ່ອນແອລົງ.
ລັດຖະມົນຕີຕ່າງງປະເທດເກົາຫຼີໃຕ້ທ່ານນາງກັງ ກຢຸງ-ວາ ກ່າວວ່າ ລັດຖະມົນຕີ
ຕ່າງປະເທດສະຫະລັດ ທ່ານໄມຄ໌ ພອມພຽວ ໄດ້ສະແດງຄວາມບໍ່ພໍໃຈເວລາທ່ານ
ນາງໄດ້ລົມກັບທ່ານ ຫຼັງຈາກໂຊລໄດ້ແຈ້ງໃຫ້ຊາບກ່ຽວກັບແຜນການທີ່ຈະເຊັນຂໍ້
ຕົກລົງທາງທະຫານກັບພຽງຢາງ ຢູ່ທີ່ກອງປະຊຸມສຸດຍອດລະຫວ່າງເກົາຫຼີຄັ້ງທີ
3 ໃນເດືອນກັນຍາທີ່ຜ່ານມາ.
ຄວາມເປັນຫ່ວງຂອງທ່ານພອມພຽວ ກ່ຽວກັບຂໍ້ຕົກລົງທາງທະຫານ ລະຫວ່າງ
ໂຊລ ກັບພຽງຢາງນັ້ນ ມີຂຶ້ນທ່າມກາງຄວາມສຳພັນທີ່ເຢັນຊາລົງລະຫວ່າງເກົາ
ຫຼີໃຕ້ ແລະສະຫະລັດ. ຄວາມເຫີນຫ່າງທີ່ມີເພີ້ມຂຶ້ນເນື່ອງມາຈາກຄວາມສຳພັນ
ລະຫວ່າງສອງເກົາຫຼີ ທີ່ປາກົດວ່າມີຄວາມອົບອຸ່ນຂຶ້ນ ແລະໄວຂຶ້ນກວ່າທີ່ເກົາຫຼີ
ເໜືອສາສມາດສ້າງຄວາມກ້າວໜ້າ ໃນການປົດອາວຸດນິວເຄລຍ.
ອີງຕາມທ່ານບຣູສ ເບັກໂທລ ທະຫານມາຣິນທີ່ອອກບຳບຳນານແລະອະດີດເຈົ້າ
ໜ້າທີ່ສືບລັບຢູ່ອົງການສືບລັບກະຊວງປ້ອງກັນປະເທດຜູ້ທີ່ຄົ້ນຄວ້າກ່ຽວກັບກອງ
ທັບເກົາຫຼີເໜືອ ຢູ່ທີ່ມະຫາວິທະຍາໄລແອນເຈີໂລໃນລັດເທັກຊັສ ແລ້ວ ໂຊລໄດ້
ອ່ອນຂໍ້ ໃນການຕົກລົງທາງທະຫານດັ່ງກ່າວ ຂະນະທີ່ພຽງຢາງຍິນຍອມແຕ່ພຽງ
ເລັກນ້ອຍ.
ທ່ານເບັກໂທລ ກ່າວວ່າ “ປະທານາທິບໍດີມູນ ແຈອິນ ກຳລັງຮີບຮ້ອນເຮັດຫຼາຍສິ່ງ
ຫຼາຍຢ່າງ ກ່ອນທີ່ເກົາຫຼີເໜືອ ໄດ້ສະໜອງຕອບຄືນ ຢ່າງສົມສ່ວນທີ່ແທ້ຈິງ. ແລະ
ຂ້າພະເຈົ້າຄິດວ່າ ນັ້ນເປັນອັນຕະລາຍ.”
ຂໍ້ຕົກລົງດັ່ງກ່າວ ແມ່ນຮວມທັງການສ້າງຕັ້ງເຂດຫ້າມບິນ ທັງທາງທະເລ ແລະທາງ
ພາກພື້ນດິນ ໃນເຂດກັນຊົນ ຢູ່ອ້ອມແອ້ມເຂດປອດທະຫານ ທີ່ແຍກສອງເກົາຫຼີ
ອອກຈາກກັນ. ທັງສອງຝ່າຍຍັງໄດ້ຕົກລົງທີ່ຈະຢຸດການຊ້ອມລົບທາງທະຫານ ທີ່
ແນໃສ່ກັນແລະກັນໃກ້ກັບເສັ້ນເຂດແດນທາງທະຫານທີ່ຢູ່ຕາມເຂດປອດ
ທະຫານນັ້ນ.
ໃນຄວາມພະຍາຍາມ ທີ່ຈະສ້າງ “ເຂດສັນຕິພາບ” ຢູ່ຕາມຊາຍແດນ ທີ່ມີການຍາມ
ຮັກສາການຢ່າງໜາແໜ້ນ ໃກ້ກັບເຂດປອດທະຫານນັ້ນ ໂຊລ ແລະພຽງຢາງໄດ້ຕົກ
ລົງທີ່ຈະເກັບກູ້ລະເບີດຝັງດິນໃກ້ກັບເຂດດັ່ງກ່າວ. ຂັ້ນຕອນນີ້ ໄດ້ເລີ້ມໃນວັນທີ 1
ຕຸລາຜ່ານມາ.
ຜູ້ບັນຊາການສະຫະປະຊາຊາດ ທີ່ນຳພາໂດຍສະຫະລັດ ເປັນຜູ້ດູແລ ຂອງເຂດ
ປອດທະຫານ ທີ່ກວ້າງເຖິງ 2.4 ກິໂລແມັດ.
