ລິ້ງ ສຳຫລັບເຂົ້າຫາ

logo-print

ອິນໂດເນເຊຍ ພະຍາຍາມ ສະກັດກັ້ນ ຜົນກະທົບ ຂອງເງິນຣູ​ເປຍ ຕົກລາຄາ


ພະນັກງານຄົນນຶ່ງ ນັບເບິ່ງຣູເປຍທີ່ເປັນມັດໆ ຢູ່ບ່ອນແລກເງິນແຫ່ງນຶ່ງ ໃນກຸງຈາກາຕາ ຂອງອິນໂດເນເຊຍ ໃນວັນທີ 23 ສິງຫາ 2013.
ລັດຖະບານອິນໂດເນເຊຍ ໄດ້ປະກາດນະໂຍບາຍໃໝ່ຫລາຍ
​ຢ່າງ ເພື່ອ​ເຮັດ​ໃຫ້​ການ​ຕົກລາຄາຢ່າງໄວຂອງເງິນຣູ​ເປຍ ຊຶ່ງ
​ໃນ​ສັບປະດາ​ຜ່ານ​ມານີ້​ ໄດ້ປະເຊີນກັບອາທິດທີ່ຮ້າຍແຮງທີ່
ສຸດນັບແຕ່ ປີ 2008 ມານັ້ນຜ່ອນເບົາລົງ. Kate Lamb ຜູ້ສື່
ຂ່າວວີໂອເອ ລາຍງານມາຈາກນະຄອນ ຫລວງຈາກາຕາວ່າ
ພວກນັກວິເຄາະເວົ້າວ່າ ມາດຕະການ​ເຫລົ່າ​ນັ້ນຄົງ ຈະບໍ່ມີ
ປະສິດທິຜົນໃນໄລຍະສັ້ນ ເນື່ອງຈາກມີທ່າອ່ຽງຢ່າງກວ້າງ
ຂວາງກວ່ານັ້ນອີກ ທີ່ກະທົບຕໍ່ສະກຸນເງິນຕ່າງໆ ຢູ່ທົ່ວຂົງເຂດ
ເອເຊຍ. ບົວສະຫວັນ ມີລາຍລະອຽດເລື້ອງນີ້ ມາສະເໜີທ່ານ
ໃນອັນດັບຕໍ່ໄປ:
ລິງໂດຍກົງ

ຄັ້ງນຶ່ງອິນ​ໂດ​ເນ​ເຊຍເຄີຍເປັນບ່ອນນິຍົມກັນຂອງພວກນັກລົງທຶນ ​
ໃນເວລາ​ທີ່ເສດຖະກິດທີ່ກ້າວໜ້າ​ທັງຫລາຍກໍາລັງ​ລົ້ມລຸກຄຸກຄານ​ ​ແຕ່​ມາ​ບັດ​ນີ້ ເສດຖະ
ກິດທີ່ກໍາລັງຮຸ່ງ​ເຮືອງຂອງອິນໂດເນເຊຍ ​ແມ່ນ​ກໍາລັງ​ຖືກ​ບ່ອນ​ທໍາລາຍຢ່າງວ່ອງໄວ ຍ້ອນ
ການຕົກວູບລົງຂອງຄ່າເງິນຣູ​ເປຍຂອງ ປະເທດ.

ລຸນຫລັງມີລາຍງານກ່ຽວ​ກັບການຂາດດຸນບັນຊີທີ່ສູງເປັນປະຫວັດການ ອິນ​ໂດ​ເນ​ເຊຍກໍ
ປະເຊີນກັບການຂາຍເງິນຣູ​ເປຍ, ຂາຍຮຸ້ນ ແລະຂາຍ ພັນທະບັດອອກ​ຢ່າງ​ໃຫຍ່ ໃນລາ
ຄາຖືກລົງກວ່າເກົ່າ. ໃນອາທິດ​ແລ້ວນີ້ ມີການຖອນເງິນຫລາຍກວ່າ 500 ລ້ານໂດລາຈາກ​
ຮຸ້ນຕ່າງໆ​ຂອງໂລກອອກ​ຈາກຕະຫລາດຮຸ້ນໃນທ້ອງຖິ່ນ.

ເງິນຣູ​ເປຍທີ່ຮວມຢູ່​ບັນດາສະກຸນເງິນທີ່ຕົກລາຄາ​ຫລາຍ​ທີ່ສຸດໃນຂົງເຂດເອເຊຍຢູ່ແລ້ວ
ໃນປີນີ້ນັ້ນ ມາອາທິດ​ແລ້ວ​ນີ້ ຍັງ​ໄດ້ປະສົບກັບການຕົກລາຄາ​ຫລາຍທີ່ສຸດໃນຮອບ 4 ປີ
ຜ່ານມາໂດຍມີອັດຕາແລກປ່ຽນຫລຸດລົງ 4.2 ເປີເຊັນ. ໃນວັນສຸກອາທິດແລ້ວນີ້ ລັດຖະ
ບານຈຶ່ງໄດ້ປະກາດແຜນການທີ່​ແນ​ໃສ່ ເພື່ອສົ່ງເສີມການລົງທຶນ ແລະຫລຸດຜ່ອນການນໍາ
ເຂົ້າສິນຄ້າ.

ມາດຕະການເຫລົ່ານີ້ ລວມມີ ການເພີ້ມພາສີຂາເຂົ້າສໍາລັບລົດຫລູຫລາລາຄາ​ແພງ, ຫລຸດ
ການນໍາເຂົ້ານໍ້າມັນ ແລະສະໜອງ​ສິນ​ນໍ້າ​ໃຈທາງ​ດ້ານພາສີ​ໃຫ້​ແກ່ການລົງທຶນໃນຂະ
ແໜງກະສິກໍາ ແລະອຸດສະຫະກໍາໂລຫະ.

ບໍລິສັດໃຫ້ຄະແນນທາງທຸລະກິດ Fitch RatingS
ບໍລິສັດໃຫ້ຄະແນນທາງທຸລະກິດ Fitch RatingS

ທ່ານ Fauzi Ichsan ນັກເສດຖະສາດອາວຸ​ໂສ ຂອງທະ
ນາຄານ HSBC ເວົ້າວ່າ ແຜນການດັ່ງກ່າວ ຈະບໍ່ສາມາດ
ປ້ອງກັນບໍ່ໃຫ້ຄ່າຂອງເງິນຣູ​ເປຍຫລຸດລົງໄປອີກໄດ້ ໃນໄລ
ຍະສັ້ນນີ້. ທ່ານ Ichsan ເວົ້າວ່າ:

“ແນ່ນອນ ນະ​ໂຍບາຍ​ຊຸດ​ນີ້ຈະຊ່ວຍກະຕຸ້ນໃຫ້ມີສິນຄ້າ
ສົ່ງອອກເພີ້ມຂຶ້ນ, ສົ່ງເສີມການລົງທຶນໂດຍກົງ
ຂອງ​
ຕ່າງປະ​ເທດ
ແຕ່ວ່າ ນັ້ນແມ່ນໃນໄລຍະຍາວ. ຜົນກະ
ທົບຂອງນະໂຍບາຍນີ້ມື່ອມີ​ການຈັດຕັ້ງ
ປະຕິບັດ​ແລ້ວ
ຈະຮູ້ສຶກໄດ້ ກໍ​ໃນ​ອີກສາມ ຫາຫົກເດືອນຢ່າງໄວທີ່ສຸດ. ສະນັ້ນ ມັນຈະບໍ່ສາມາດແກ້
ໄຂບັນຫາສະເພາະໜ້າ
ຂອງການຂາດ ຄວາມ​ຄ່ອງ​ໂຕ​ຂອງເງິນໂດລາ ຢູ່ໃນຕະ
ຫລາດແລກປ່ຽນເງິນຕາຕ່າງປະ​ເທດໄດ້ຢ່າງແທ້ຈິງ.”


ລັດຖະບານອິນໂດເນເຊຍ ຍັງໄດ້ປັບປ່ຽນຕົວເລກໃນການປະເມີນອັດຕາການເຕີບໂຕຂອງ GDP ຫລື​ຜົນ​ຜະລິດ​ໂຮມ​ພາຍ​ໃນ​ປະ​ເທດອີກດ້ວຍຈາກອັດຕາ 6.3 ລົງເປັນ 5.9 ເປີເຊັນ ໃນປີນີ້.

ທ່ານ Ichsan ຍັງເວົ້າອີກວ່າ ເງິນຣູ​ເປຍເບິ່ງຄືວ່າຍັງຈະສືບຕໍ່ອ່ອນຕົວຢູ່ ແລະຈະບໍ່ສາ
ມາດແຂັງຕົວກັບຄືນມາໄດ້ ຈົນກວ່າຫລັງຈາກການເລືອກຕັ້ງທົ່ວໄປ ໃນຫົກເດືອນສຸດ
ທ້າຍຂອງປີ 2014.

ການສັນນິຖານກັນທີ່ວ່າ ທະນາຄານກາງຂອງສະຫະລັດ ຈະເລີ້ມຜ່ອນໂຄງການກະຕຸ້ນ
ເສດຖະກິດຂອງຕົນລົງ ພ້ອມໆກັບການຂະຫຍາຍໂຕ ທີ່ຊັກຊ້າລົງຢູ່ໃນຈີນແລະອິນ
ເດຍກໍມີຜົນກະທົບ​ເຊັ່ນ​ກັນຕໍ່ອິນໂດເນເຊຍທີ່ກາງຕໍ່ອາໄສການສົ່ງອອກສິນຄ້າປະເພດ
ກະສິກໍາເປັນຈຸດໜັກນັ້ນ.

ສະກຸນເງິນຕ່າງໆຢູ່ທົ່ວເອເຊຍໃຕ້ ແລະເອເຊຍຕາເວັນອອກສຽງໃຕ້ ​ໄດ້ຕົກລາຄາຢ່າງ
ໃຫຍ່ໃນອາທິດ​ແລ້ວນີ້ ໂດຍທີ່ອິນໂດເນເຊຍ ແລະອິນເດຍປະສົບກັບການຂາດທຶນຢ່າງ
ໜັກ. ສະກຸນເງິນຂອງໄທ, ມາເລເຊຍ ແລະ ຟີລິບປິນກໍຕົກລາຄາເຊັ່ນກັນ ແຕ່ວ່າຫລຸດ
ລົງບໍ່ຮອດນຶ່ງເປີເຊັນ.

ແຕ່ເຖິງຢ່າງໃດກໍຕາມ ທ່ານ Andrew Colquhoun ນັກວິເຄາະຈາກບໍລິສັດ​ໃຫ້​ຄະແນນ​
ທາງ​ທຸລະ​ກິດ Fitch Ratings ຢູ່ຮົງກົງເວົ້າວ່າ ຄວາມເປັນຫ່ວງທີ່ວ່າ ຂົງເຂດເອເຊຍຈະ
ມຸ່ງ​ໜ້າກັບ​ຄືນ​ໄປ​ສູ່ວິກິດການດ້ານການເງິນຂອງເອເຊຍ​ເມື່ອປີ 1997 ອີກນັ້ນ ແມ່ນບໍ່ມີ​
ເຫດຜົນ​ພຽງພໍ. ທ່ານ Colquhoun ໃຫ້ຄໍາເຫັນວ່າ:

“ພວກເຮົາຄິດວ່າ ເມື່ອເບິ່ງຈາກມຸມມອງດ້ານເງິນສິນເຊື່ອໃນທຸກວັນນີ້ ແນ່ນອນ
ວ່າ ອິນໂດເນເຊຍແມ່ນຢູ່
ໃນທ່າທີທີ່ເຂັ້ມແຂງກວ່າໃນປີ 1996 ຫລື 1997 ແລະ
ມັນ​ກໍ​ເປັນຄວາມ​ຈິງ​ໃນ​ຫລາຍໆດ້ານ. ແຕ່ວ່າມີປະເດັນນຶ່ງ ນັ້ນກໍຄືການຄໍ້າປະ
ກັນຕົນເອງ ຊຶ່ງອິນໂດເນເຊຍ ແລະປະເທດອື່ນໆຫລາຍປະເທດໃນຂົງເຂດ
ເອເຊຍໄດ້ສ້າງຂຶ້ນມາ ໃນຮູບຂອງເງິນຕາສໍາຮອງຕ່າງປະເທດ.”


ທ່ານ Colquhoun ຍັງໄດ້ສະເໜີ​ແນະອີກວ່າ ມີການຫັນປ່ຽນທິດທາງໃໝ່ຢູ່​ໃນ​ທົ່ວ​ໂລກ
ຂອງໂຕຜັກດັນການຂະຫຍາຍໂຕທາງເສດຖະກິດອອກຈາກການລົງທຶນແລະການກໍ່
ສ້າງຢູ່ພາຍໃນປະ​ເທດຈີນ ໄປໃສ່ຄວາມຕ້ອງການທີ່ກໍາລັງເພີ້ມຂຶ້ນ ໃນບັນດາເສດຖະກິດ
ທີ່ຮັ່ງມີ. ທ່ານເວົ້າອີກວ່າ ສະພາບການດັ່ງກ່າວນັ້ນ ຍັງໄດ້ປະກອບສ່ວນເຮັດໃຫ້ຄ່າເງິນຕາ
ຢູ່ໃນຂົງເຂດຕົກ​ຕໍ່າລົງອີກດ້ວຍ.

ບໍລິສັດ​ໃຫ້​ຄະ​ແນນ​ທາງ​ທຸລະ​ກິດ Fitch Ratings ກ່າວວ່າ ການຄຸ້ມຄອງນະໂຍບາຍ ຈະເປັນປະເດັນສໍາຄັນ ໃນການຕັດສິນວ່າ ສະຖຽນລະ ພາບດ້ານເສດຖະກິດ ແລະການ
ເງິນຢູ່ໃນອິນເດຍ ແລະ ອິນໂດເນເຊຍ ຈະຖືກຮັກສາໄວ້ໄດ້ຫລືບໍ່.

ເບິ່ງຄວາມເຫັນ (2)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG