ລິ້ງ ສຳຫລັບເຂົ້າຫາ

logo-print

ການອະພິປາຍ ເລື້ອງສັນຊາດ ຢູ່ມຽນມາ ພົວພັນກັບ ຊົນເຜົ່າ ສາສະໜາ ແລະຄວາມທຸກຈົນ


ໃນ​ເດືອນ​ນີ້ ມຽນມາ ​ໄດ້​ເລີ້ມ​ດຳ​ເນີນຂັ້ນຕອນ ​ທີ່​ອາດ​ຈະໃຫ້​ສັນ
ຊາດ​ແກ່​ປະຊາຊົນ ທີ່ເປັນ​ເວລາ​ຫລາຍ​ປີ​ຜ່ານ​ມາ ຖືກຈັດວ່າບໍ່
ມີ​ປະ​ເທດ. ​ແຕ່ແຜນ​ດັ່ງກ່າວ​ກ່ອນ​ອື່ນ​ໝົດແມ່ນ ພົວພັນກັບການ
ບັງຄັບໃຫ້ຊາວ Rohingya ຕ້ອງ​ໄດ້​ປະ​ຖິ້ມ​ຊື່ ທີ່​ເຂົາ​ເຈົ້າ​ໄດ້​ໃຊ້​
ມາ​ເປັນ​ເວລາ​ດົນ​ນານ​ແລ້ວ ​ແລະໃຫ້​ເອີ້ນ​ຕົນເອງ​ວ່າຊາວ
Bengali ແທນ ຊຶ່ງ​ໝາຍ​ເຖິງຜູ້ຄົນທີ່ ມາຈາກບັງ​ກລາ​ແດັສ. ນັກ​
ຂ່າວວີ​ໂອ​ເອ Colin Lovett ​ໄດ້​ຢ້ຽມ​ຢາມ​ປະຊາ​ຄົມ​ Rohingya ຢູ່​ໃນ​ລັດ Rakhine ​ແລະ​
ໄດ້​ໂອ້​ລົມ​ກັບ​ບັນ​ດາ​ຊາວ​ບ້ານ ​ກ່ຽວ​ກັບສະຖານະ ການຢູ່ທີ່ນັ້ນຊຶ່ງ ​ກິ່ງ​ສະ​ຫວັນ ຈະນຳ​ເລື້ອງ​ນີ້ ​ມາສະ​ເໜີ​ທ່ານ​ ໃນ​ອັນ​ດັບ​ຕໍ່​ໄປ.

ຢູ່​ລັດ Rakhine ຊາວ​ມຸ​ສລິ​ມທີ່​ເປັນຊົນ​ກຸ່ມ​ນ້ອຍ​ທີ່ຮູ້​ກັນ​ວ່າ Rohingya ​ໄດ້ມີຄວາມ
ກະວົນກະວາຍຫລາ​ຍຂື້ນ​ ນັບ​ຕັ້ງ​ແຕ່​ຄວາມ​ວຸ້ນວາຍຊົນເຜົ່າ ໄດ້​ທັບ​ມ້າງ​ປະຊາ​ຄົມ​ເມື່ອ​
ສາມ​ປີ​ກ່ອນ.

ທ້າວ Pop Ali ຊາວ Rohingya ໃນລັດ Rakhine ກ່າວ​ວ່າ “ພວກ​ເຮົາ​ຕ້ອງການວຽກ
​ເຮັດ​. ພວກ​ເຮົາຕ້ອງການ ການສຶກສາ. ພວກ​ເຮົາ​ບໍ່​ມີ​ເງິນ.”

Colin Lovett ນັກ​ຂ່າວວີ​ໂອ​ເອກ່າວ​ວ່າ “ນີ້​ແມ່ນ Aung Minglar ຄຸ້ມ​ມຸສລິ​ມ​ແຫ່ງ​
ດຽວ​ໃນ​ເມືອງ Sittwe ​ແລະ​ເປັນ​ບ່ອນ​ທີ່​ໄດ້​ເກີດ​ຄວາມ​ຮຸນ​ແຮງ​ໃນ
ປີ 2012. ຊາວ
ເມືອງສ່ວນຫລາຍ​ຢູ່​ນີ້ ຮ້ອງ​ເຂົາ​ເຈົ້າເອງ​ວ່າ Rohingya ​ແລະກ່າວ​ວ່າ ການ​ຂົ່ມຂູ່​ທີ່ຈະກໍ່ຄວາມຮຸນແຮງ ​ທີ່ມີຢູ່ຕະຫລອດມາ ພ້ອມ​ທັງການຈຳແນກກີດກັນ ​ໃນ​
ຮູບ
ຂອງ​ການ​ປະຕິ​ເສດບໍ່ໃຫ້ສັນຊາດ ແມ່ນ​ເປັນ​ຮາກ​ເຫງົ້າ​ຂອງ​ສາ​ເຫ​ດ​ບັນຫາ
ທັງຫລາຍ.”

ທ້າວ Shwe La ຊຶ່ງເປັນຊາວ Rohingya ອີກຄົນນຶ່ງ ໃນເມືອງSittwe ກ່າວ​ວ່າ ​ເຖິງ​ແມ່ນ
​ວ່າຄວາມ​ຮຸນ​ແຮງ​ຢ່າງເປີດເຜີຍໄດ້​ສິ້ນ​ສຸດ​ລົງແລ້ວກໍຕາມ ແຕ່ສະຖານະ​ການ​ຍັງ​ເປັນທີ່​ບໍ່​
ໄວ້​ວາງ​ໃຈ ​ເພາະວ່າ ຊາວ Rohingya ບໍ່​ສາມາດຫລົບໜີ​ໄດ້​ ​ຍ້ອນວ່າ​ຍັງ​ມີຄວາມ​ຢ້ານກົວ
​ບໍ່​ມີ​ຄວາມ​ປອດ​ໄພ​ແກ່​ເຂົາ​ເຈົ້າ.

ທ້າວ Shwe La ກ່າວ​ວ່າ “ຫລັງ​ຈາກ​ສາມ​ປີ​ຕໍ່​ມາ ​ເຖິ​ງແມ່ນ​ວ່າ​ບໍ່​ມີ​ການໂຈມຕີທີ່ຮຸນ​ແຮງ​ເກີດຂຶ້ນກໍຕາມ ແຕ່ສະຖານະການທາງດ້ານສັງຄົມ ອະນາໄມ ​ແລະ​ເສດຖະ
ກິດ ຍັງບໍ່ດີ​ຂື້ນ ​ເລີຍ ເພາະວ່າ ພວກ​ເຮົາ​ບໍ່​ໄດ້​ຮັບ​ອະນຸຍາດ​ ໃຫ້ອອກ​ຈາກ​ເຂດ​
ຂອງ​ພວກ​ເຮົາໄດ້​ຢ່າງ​ເສລີ.”

ສາສະໜາອິສລາມ ຍັງ​ໄດ້​ກາຍ​ມາ​ເປັນ​ບັນ​ຫາທີ່ພ້ອມແລ້ວຈະລະເບີດ ຢູ່​ໃນ​ປະຊາ​ຄົມ
ສ່ວນ​ໃຫຍ່​ຂອງຊາວ​ພຸດມຽນມາ ​ໂດຍການຫັນປ່ຽນ​ແນວ​ຄິດ​ຂອງປະຊາຊົນໃຫ້ຕໍ່ຕ້ານ
ກຸ່ມດັ່ງກ່າວ. ທ້າວ Aye Lwin ​ເປັນ​ນັກ​ເຄື່ອນ​ໄຫວ​ມຸສລິ​ມທີ່ພົວພັນກັບສາສະໜາອື່ນ
ຢູ່​ນະຄອນ​ຢ່າງ​ກຸ້ງ ທີ່​ບໍ່​ແມ່ນ​ຊາວ Rohingya.

ທ້າວ Aye Lwin ກ່າວ​ວ່າ “ອັນ​ທີ່​ເກີດ​ຂື້ນ​ຫວ່າງ​ບໍ່​ນານ​ມາ​ນີ້ ​ແມ່ນ​ສາສະໜາ​ກຳລັງ​
ຖືກ​ນຳ​ໃຊ້​ເປັນ​ເຄຶ່ອງມືທາງການ​ເມືອງ ຈາກພວກທີ່ມີຜົນ​ປະ​ໂຫຍ​ດ.”

ບັນດາ​ຜູ້ນຳຊາວ​ພຸດ​ຫົວ​ຮຸນ​ແຮງ ທີ່ຢູ່່​ໃນທັງລັດ Rakhine ​ແລະ​ແຫ່ງ​ອື່ນໆ​ຂອງ​ມຽນມາ
ພາກັນ​ຢ້ານ​ກົວ​ວ່າ ຊາວມຸສລິມ ຈະເຂົ້າມາ​ຄວບ​ຄຸມ​.

​ຄວາມ​ເປັນ​ຫ່ວງເຫລົ່ານີ້ ​ແມ່ນໄດ້ສະທ້ອນໃຫ້ເຫັນໂດຍຜູ້ຄົນຢູ່ໃນລັດ Rakhine ຄື​ດັ່ງ
ນາງ Mya Sein ໃນເມືອງ Sittwe.

ນາງ Mya Sein ກ່າວ​ວ່າ “ພວກ​ເຮົາ​ມີ​ຄວາມ​ຢ້ານ​ກົວ​ອິດທິພົນຊາວ Bengali ​ຢູ່​ໃນ
​ເຂດ​ນີ້. ​ເພາະສະ​ນັ້ນ ພວກ​ເຮົາ​ຈຶ່ງມີ​ຄວາມ​ເປັນ​ຫ່ວງ​ກ່ຽວກັບຊາວ Bengail ທີ່​ອົບ​
ພະຍົບມາ​ຢູ່ທີ່​ນີ້.”

ຫົວໜ້າ​ລັດຖະມົນຕີ ລັດ Rakhine ທ່ານ Maung Maung Ohn ກ່າວ​ວ່າ ສາສະໜາ​ບໍ່​ມີ​
ສ່ວນ​ພົວພັນໃດໆ​ກັບ​ບັນຫາ​ການໃຫ້​ສັນຊາດ ​ແກ່​ຊາ​ວ Rohingya ຜູ້​ທີ່​ທ່ານ ​ແລະ​ລັດ
​ຖະບານ​ມຽນມາ ຮ້ອງ​ວ່າ ຊາວ Bengali.

ທ່ານ Muang Muang Ohn ກ່າວ​ວ່າ “ຄົນ​ຈຳນວນ​ນຶ່ງ​ຍັງ​ປະຕິ​ເສດ ບໍ່​ຮັບ​ເອົາ​ຄຳ​ວ່າ Bengali ​ແລະ​ເຂົ້າ​ຮ່ວມໃນຂັ້ນຕອນ. ​ເພາະສະ​ນັ້ນ ຄຳ​ຖາມ​ຈຶ່ງມີ​ຢູ່​ວ່າ ​ເຈົ້າ​ຕ້ອງ
ການ​ສັນ ຊາດ ຫລື​ເຈົ້າ​ຕ້ອງການເປັນ​ຊົນ​ເຜົ່າ Rohingya?”

ສ່ວນໃຫຍ່ຂອງຊາວ Rohingya ທີ່ ວີ​ໂອ​ເອໄດ້ໂອ້​ລົມ​ນຳ ກ່າວ​ວ່າ ​ເຂົາ​ເຈົ້າ​ຈະ​ບໍ່ເອີ້ນຕົນ
ເອງ​ວ່າ ​ເປັນ​ຊາວ Bengali ເດັດຂາດ ທີ່​ຈະ​ເຮັດ​ໃຫ້​ເຂົາ​ເຈົ້າ ບໍ່​ມີສິດເພື່ອເຂົ້າຮ່ວມຂັ້ນ
ຕອນໃນການຂໍ​ສັນຊາດໄດ້.

ກຸ່ມ VOX POP Dar Pang ຮ້ອງ​ອອກ​ມາ​ວ່າ

“Rohingya Rohingya”

ໃນຂະນະທີ່ຊາວ Rohingya ​ແລະ ລັດຖະບານ​ ຕ່າງ​ກໍ​ບໍ່​ລົງ​ລອຍ​ກັນໃນ​ແນວ​ຄິດ​ຂອງຕົນ
ຢູ່ນັ້ນ ສະພາບການບໍ່ໄປບໍ່ມາ ​ທີ່​ແບ່ງແຍກ​ປະຊາ​ຄົມ​ດັ່ງກ່າວນີ້ ຈຶ່ງປະກົດ​ວ່າ​ຍັງ​ຈະ​ດຳ​ເນີນຢູ່ອີກຕໍ່​ໄປ.

This month Myanmar resumes a process that could grant citizenship to people who for years have been stateless. But the plan involves first requiring Rohingya to abandon the name they have long used for themselves, and instead call themselves "Bengalis," which typically refers to people from Bangladesh. VOA's Colin Lovett visited Rohingya communities in Rakhine state and talked to residents about their situation.

In Rakhine, the Muslim minority group known as Rohingya has grown increasingly desperate ever since ethnic riots tore apart the community three years ago.

"We need jobs. We need education. We have no money."

"This is Aung Minglar, the only Muslim neighborhood in Sittwe and the site of the 2012 violence. Most of the residents here identify themselves as Rohingya and say the threat of violence, ever present, as well as discrimination in the form of denied citizenship, are the real root causes of the problems."

Resident Shwe La says although the overt violence has stopped, the situation remains dire because Rohingya can't leave because of continuing fears for their safety.

"After three years later, although there is no violent attack, our social, health and economic situation, have not been improved because we are not allowed to get out of our area freely."

Islam has also become a flashpoint issue in majority Buddhist Myanmar, turning public opinion against the group.Aye Lwin is a Muslim interfaith activist in Yangon who is not Rohingya.

"So what has happened lately is that religion is being used as a political tool by those people with vested interests."

Some extremist Buddhist leaders, both inside Rakhine and elsewhere in Myanmar, are stoking fears of a Muslim takeover.

Those concerns are echoed by Rakhine people like Mya Sein in Sittwe.

"We fear Bengali influence in this area. That's why we are concerned about the Bengali migration here."

Rakhine State Chief Minister Maung Maung Ohn says religion has nothing to do with the issue of citizenship for Rohingya, whom he and the Myanmar government call Bengalis.

"Some people are still refusing to accept the term [Bengali] and participate in the process. So the question is, do you want citizenship or do you want Rohingya ethnicity?"

Most Rohingya VOA spoke to said they would never identify themselves as Bengalis, making them ineligible for the citizenship process.

"Rohingya, Rohingya"

With Rohingya and the government each entrenched in their view, the impasse that divides this community appears likely to continue.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG