ຫົວໜ້າເສດຖະສາດຂອງອົງການກອງທຶນສາກົນກ່າວວ່າ ຜົນສຳເລັດຂອງເສດຖະກິດຈີນ ຍັງຈະດຳເນີິນຕໍ່ໄປໃນປີໜ້າ ແລະນັ້ນອາດຊ່ວຍສະໜັບສະໜູນການຟື້ນໂຕຄືນ ຂອງເສດ ຖະກິດ ຢູ່ໃນທົ່ວໂລກ. ແຕ່ວ່າ ດັ່ງທີ່ນັກຂ່າວວີໂອເອ Zlatica Hoke ລາຍງານ ຈີນແມ່ນ ຈຳເປັນຕ້ອງໄດ້ປະຕິຮູບທາງດ້ານການເງິນ ຕະຫລາດ ແລະອື່ນໆອີກ ເພື່ອຈະສາມາດ ປະກອບສ່ວນເຂົ້າຮ່ວມ ໃນການຄຸ້ມຄອງເສດຖະກິດຂອງໂລກ. ກິ່ງສະຫວັນ ມີລາຍລະ ອຽດກ່ຽວກັບເລື້ອງນີ້ ມາສະເໜີທ່ານໃນອັນດັບຕໍ່ໄປ.
ຫົວໜ້າເສດຖະສາດຂອງອົງການກອງທຶນສາກົນ IMF ທ່ານ Maurice Obstfeld ຄາດ ວ່າ ການເຕີບໂຕຂອງເສດຖະກິດຈີນ ຈະຢູ່ໃນລະດັບ 6.2 ເປີເຊັນໃນປີໜ້ານີ້ ຫລຸດລົງມາ ນ້ອຍນຶ່ງຈາກ 6.6 ເປີເຊັນໃນປີນີ້. ເສດຖະກິດໃຫຍ່ສຸດອັນດັບສອງຂອງໂລກ ໄດ້ມີອິດທິ ພົນເພີ້ມຂຶ້ນຕໍ່ເສດຖະກິດ ແລະການເງິນຂອງໂລກ.
ທ່ານ Obstfeld ກ່າວວ່າ “ດີທີ່ ຈີນໄດ້ເພີ້ມຄວາມເປັນລະບຽບຂອງປະເທດ. ມັນໄດ້ລົ້ນ ເຂົ້າສູ່ເສດຖະກິດໂລກຢ່າງໃຫຍ່ໂດຍຜ່ານການຄ້າ ຜ່ານລາຄາສິນ ຄ້າຕ່່າງໆ ເພີ້ມຂຶ້ນໂດຍຜ່ານການເຊື່ອມຕໍ່ທາງດ້ານການເງິນ. ເພາະສະນັ້ນສິ່ງທີ່ເຮັດໃຫ້ສຳຄັນສຸດແກ່ ຫົນ ທາງໄປສູ່ການເຕີບຢູ່ທົ່ວໂລກ ບໍ່ພໍພຽງແຕ່ຢູ່ຂົງເຂດ ເທົ່ານັ້ນ ແຕ່ຍັງຢູ່ທົ່ວໂລກນຳດ້ວຍ. ເພາະສະນັ້ນພວກເຮົາທຸກຄົນຕ່າງກໍມີສ່ວນ ໄດ້ສ່ວນເສຍຢູ່ໃນຈີນ ດັ່ງທີ່ທ່ານຮູ້ ຈະຕໍ່ປະສົບຜົນສຳເລັດດັ່ງທີ່ໄດ້ມີມາຢູ່ໃນປີແລ້ວນີ້.”
ໃນວັນທີ 1 ເດືອນຕຸລາທີ່ຜ່ານມາ ອົງການIMF ໄດ້ຈັດເອົາເງິນ ຢວນ ຫລືເງິນປະຊາຊົນ ຂອງຈີນເຂົ້າໄວ້ໃນກຸ່ມບັນດາເງິນຊັ້ນນຳຂອງໂລກ ຮວມທັງເງິນໂດລາຂອງສະຫະລັດ ເງິນຢູໂຣ ເງິນເຢນຍີ່ປຸ່ນ ແລະເງິນປອນຂອງອັງ ກິດ. ທ່ານນາງ Christine Lagarde ຫົວໜ້າບໍລິຫານອົງການກອງທຶນສາກົນ IMF ຮ້ອງວ່າ “ມີຄວາມສຳຄັນປະຫວັດສາດ” ສຳລັບຈີນແລະລະບົບເງິນສາກົນຂອງໂລກ.
ທ່ານນາງ Lagarde ກ່າວວ່າ “ຂ້າພະເຈົ້າຄິດວ່າ ມັນມີຄວາມສຳຄັນຫຼາຍສຳລັບຈີນ ແລະ ລະບົບການເງິນສາກົນອີກດ້ວຍ. ມັນເປັນພາກສ່ວນທີ່ສຳຄັນສຸດຂອງບັນດາ ເງິນຕາ ຢູ່ໃນໂລກ.”
ແຕ່ທ່ານນາງ Lagarde ໄດ້ຮຽກຮ້ອງຈີນເພີ້ມການປະຕິຮູບການທີ່ຈຳເປັນທາງດ້ານການ ເງິນຂອງຕົນ ການແລກປ່ຽນເງິນຕາຕ່າງປະເທດ ແລະລະບົບການເງິນ ເພື່ອໃຫ້ສອດຄ່ອງ ກັບມາດຕະຖານສາກົນ.
ເຈົ້າໜ້າທີ່ທະນາຄານໂລກກ່າວວ່າ ການປະຕິຮູບນີ້ ຈະຊ່ວຍໃຫ້ຈີນສາມາດເຂົ້າຮ່ວມສະ ຖາບັນການເງິນສາກົນແລະມີອິດທິພົນຫຼາຍຂຶ້ນຕໍ່ເສດຖະກິດຂອງໂລກ.
ທ່ານນາງ Victoria Kwakwa ເຈົ້າໜ້າທີ່ທະນາຄານໂລກ ຮັບຜິດຊອບເຂດເອເຊຍຕາ ເວັນອອກກ່າວວ່າ “ໃນລະຍະຍາວ ພວກເຮົາຄິດວ່າມັນຍັງຈະຊຸກຍູ້ການຫລັ່ງໄຫລຂອງ ເງິນໃນລະຍະຍາວເຂົ້າສູ່ຈີນ ຊຶ່ງຈະເປັນການດີສຳລັບຈີນ ແລະຍັງເປັນການດີສຳລັບ ທົ່ວ ໂລກນຳດ້ວຍ. ມັນໝາຍຄວາມວ່າ ໂດຍສະເພາະຈີນຈະມີໂອກາດຫລາຍຂຶ້ນໃນການອອກຄວາມຄິດຄວາມເຫັນໃນການສົນທະນາກ່ຽວກັບການເງິນສາກົນ.”
ອົງການ IMF ພວມກ່າວຢ້ຳເຖິງຄວາມຈຳເປັນອັນຮີບດ່ວນໃນຄວາມເຂົ້າໃຈອັນກວ້າງ ຂວາງ ສະໝໍ່າສະເໝີ ແລະການປະສານງານດ້ານນະໂຍບາຍໃນທົ່ວໂລກ ເພື່ອກະຕຸ້ນການເຕິີບໂຕເສດຖະກິດແບບຍືນຍົງ ແລະໃຫ້ການຄ້ຳປະກັນວ່າໄດ້ມີການແບ່ງປັນເງິນແບບເທົ່າທຽມກັນຫຼາຍຂຶ້ນ.