ລິ້ງ ສຳຫລັບເຂົ້າຫາ

ອິນໂດເນເຊຍ ຮວມຢູ່ໃນ ບັນດາປະເທດທີ່ມີ ການສັນຈອນຕິດຂັດ ຫລາຍທີ່ສຸດໃນໂລກ


ການສັນຈອນຕິດຂັດ ໃນລະຫວ່າງເກີດຝົນຕົກໜັກ ຢູ່ວົງວຽນ ໃນນະຄອນຫລວງ ຈາກາຕ້າ ປະເທດ ອິນໂດເນເຊຍ.

ສາມ ​ໃນ​ຈຳນວນ​ສິບ​ເມືອງ ​ທີ່​ມີ​ລົດຕິດ ຂີ້ຮ້າຍທີ່​ສຸດໃນ​ໂລກ
ແມ່ນຢູ່​ໃນບັນດາ​ປະ​ເທດເອ​ເຊຍອາຄະ​ເນ. ນັກ​ຂ່າວ ວີ​ໂອ​ເອ
Steve Herman ​ທີ່ບາງກອກ ຊຶ່ງເປັນເມືອງອັນດັບທີ 8 ​ຢູ່​ໃນ
ບັນ​ຊີລາຍຊື່ ກ່າວ​ວ່າ ​ຂໍ້​ມູນ​ທີ່ເກັບກຳຫວ່າງ​ມໍ່​ໆມາ​ນີ້ ໄດ້​ເປີດ
​ເຜີຍ​ໃຫ້​ເຫັນ​ວ່າ ບັນດາ​ຜູ້​ຂັບ​ລົດ​ ຢູ່​ໃນ​ເມືອງຕ່າງໆ​ທົ່ວ​ໂລກ
​ພາກັນ​ໃຊ້​ເວລາໂດຍສະ​ເລ່ຍ​ແລ້ວ ນຶ່ງ​ສ່ວນ​ສາມ ໃນການ​ເດີນ
ທາງ​ຂອງ​ເຂົາ​ເຈົ້ານັ່ງ​ຢູ່​ຊື່ໆ ຊຶ່ງ ກິ່ງ​ສະຫວັນ ຈະ​ນຳ​ເລື້ອງ​ນີ້​
ມາສະ​ເໜີ​ທ່ານ.

​ມັນ​ເປັນ​ຂອງ​ທຳ​ມະ​ດາ ​ທີ່ບັນດາ​ຜູ້​ຂັບ​ລົດ​ຢູ່ຕາມຫົວເມືອງ​
ໃຫຍ່ໆໃນ​ເອ​ເຊຍ ພາກັນ​ລະ​ເວັ້ນ ທີ່ຈະເສົ້າໂສກເສຍໃຈ ທີ່
ເຂົາເຈົ້າໄດ້ປະສົບ ກັບສະພາບລົດຕິດ ທີ່ຂີ້ຮ້າຍ​ສຸດ​ຢູ່​ໃນໂລກ. ​ເຖິງ​ຢ່າງ​ໃດ​ກໍ​ດີ ນອກຈາກ
ວ່າຜູ້ໃດຜູ້ນຶ່ງ​ຢູ່ນະຄອນ​ Jakarta ທີ່​ພາກັນແນມເບິ່ງ​ລົດ​ຢູ່ທາງ​ໜ້າ ​ບໍ່​ມີ​ການ​ເໜັງຕີງແລ້ວ
ມັນ​ອາດ​ຮ້າຍ​ແຮງ​ໄປ​ກວ່າ​ນັ້ນອີກ.

ບົດວິເຄາະທີ່​ອີງ​ຕາມຂໍ້​ມູນ​ການເດີນທາງທາງ​ດາວ​ທຽມ ​ຂອງບັນດາ​ຜູ້​ຂັບ​ລົດ ​ຢູ່​ໃນ 78
ຫົວເມືອງໃຫຍ່ໆ ໃນທົ່ວ​ໂລກ ໂດຍໃຊ້ລະບົບບອກ​ທາງ ຫຼືຈີພີແອັສ TomTom ນັ້ນໄດ້
ເຮັດ​ໃຫ້​ນະຄອນຫລວງ​ຂອງ Indonesia ນຳ​ໜ້າ​ນະຄອນ Istanbul ໜ້ອຍນຶ່ງ ​ໃນການ
ຢຸດຈອດ ລະຫວ່າງທີ່ມີລົດຕິດນັ້ນ. ນະຄອນ Mexico ຊີຕີ້ ​ເມືອງ Surabaya ​ຂອງ Indonesia ​ແລະ St Petersburg ຂອງຣັດ​ເຊຍ ພາກັນ​ຢູ່ໃນອັນດັບຖັດໄປ ຂອງບັນ
ຊີທີ່ຍືດຍາວ.

10 ຫົວເມືອງທຳອິດຢູ່ໃນ​ດັດຊະນີຢຸດໆແລ່ນ ຫຼື Magnatec Stop-Start ທີ່ເກັບ​ກຳ
​ໂດຍບໍລິສັດຜະລິດນຳ້ມັນ​ເຄື່ອງລົດ Castrol ຊຶ່ງມີ ສຳນັກງານໃຫຍ່ ​ຢູ່ປະເທດອັງກິດນັ້ນ
ກໍຍັງມີນະຄອນ Moscow, Rome, Bangkok, Guadalajara ​ແລະ Buenos Aires.

​ໃນ​ປະ​ເທດ​ຈີນ ລົດ​ຕິດຢູ່ນະຄອນ Shanghai ​ແມ່ນ​ພົບ​ເຫັນ​ວ່າ​ຂີ້ຮ້າຍ​ກວ່າຢູ່ ນະຄອນ​ປັກ
​ກິ່​ງອີກ. ບັນດາຄົນ​ຂັບ​ລົດ​ ຢູ່ນະຄອນ Shanghai ​ໄດ້​ໃຊ້​ເວລາ ​33 ​ເປີ​ເຊັນ ຂອງ​ເຂົາ​ເຈົ້າ
​ພາກັນ​ນັ່ງ​ຢູ່ລ້າໆໃນລົດ ປຽບທຽບ​ໃສ່ຫລາຍ​ກວ່າ 27​ ເປີ​ເຊັນໜ້ອຍນຶ່ງຂ​ອງພວກ​ຂັບ​ລົດ
ໃນນະຄອນ ​ປັກ​ກິ່ງ.

ຢູ່ໃນ​ນະຄອນ Jakarta ຫົວໜ້າ​ສະ​ຖາ​ບັນ​ຂົນ​ສົ່ງ ​ແລະ​ພັດທະນານະ​ໂຍບາຍ​ຂອງ​ປະ​ເທດ
ທ່ານ Yoga Adiwinarto ອະທິບາຍ​ວ່າ ​ໃນ​ລະຍະ​ຊົ່ວ​ໂມງ ​ທີ່ມີ​ການ​ສັນຈອນໄປມາ​ສູງ​
ສຸດນັ້ນ ທ່ານ​ມີຄວາມຮູ້ສຶກທໍ້ແທ້ໝົດຄວາມອົດທົນ ກ່ຽວກັບສະພາບລົດຕິດແລະຢຸດໆ
ແລ່ນໆຕະຫລອດ​ມື້.

ທ່ານ Adiwinarto ກ່າວ​ວ່າ “​ເວລາ​ໃດ​ ທີ່ທ່ານ​ອອກ​ຈາກ​ບ້າ​ນຂອງທ່​ານ ຖ້າ​ຫາກ​ທ່ານຢູ່​ໃນ​ຂົງ​ເຂດ​ໃຈກາງ​ເມືອງແລ້ວ ມັນບໍ່​ແປກປະຫລາດຫຍັງ ທີ່ທ່ານ​ພົບ​ກັບ
ສະພາບລົດ​ຕິດ ​ຢູ່​ຕະຫລອດ​ທາງ.”

ເບິ່ງວີດີໂອ ກ່ຽວກັບບັນຫາລົດຕິດ ຢູ່ຈາກາຕາ:

ຢູ່​ໃນ​ຂົງ​ເຂດ​ນະຄອນຫລວງ Jakarta ທີ່​ມີ​ປະຊາກອນ​ 24 ລ້ານ​ຄົນ ມີພຽງ​ແຕ່ 13 ​ເປີ​ເຊັນ​
ເທົ່າ​ນັ້ນ ໃຊ້​ລະບົບ​ຂົນ​ສົ່ງ​ທາງ​ສາທາລະນະ.

ການ​ລົງ​ທຶນ ໃນດ້ານ​ຂົນ​ສົ່ງ​ດ້ານ​ສາທາລະນະ ຢູູ່ໃນນະຄອນຫລວງ Indonesia ​ໄດ້​ເລີ້​ມ
​ໃນ​ປີ 2014. ປັດ​ຈຸ​ບັນ​ນີ້ ກຳລັງມີການ​ກໍ່​ສ້າງ​ ​ຂັ້ນ​ເລີ້​ມຕົ້ນ ​ຂອງ​ລະບົບລົດ​ໄຟ​ໃຕ້​ດິນ ທີ່​ຮູ້​
ກັນ​ວ່າ Mass Rapid Transit ທີ່​ສ່ວນ​ໃຫຍ່ ​ໄດ້​ຮັບ​ການ​ເງິນຈາກຍີ່ປຸ່ນ.

ທ່ານ Adiwinarto ກ່າວ​ວ່າ ມັນ​ໜ້ອຍ​ເກີນ​ໄປ​ ແລະກໍຊ້າໂພດແລ້ວ.

“ພວກ​ເຮົາ​ໄດ້​ເລີ້​ມຊ້າໂພດ ​ໃນ​ການຮັບຮູ້​ວ່າ ​ການເຕີບໂຕຂອງເສດຖະກິດ ເຊັ່ນ
ດຽວກັນກັບການເຕີບໂຕຂອງປະຊາກອນ ແມ່ນຈຳເປັນຕ້ອງ ໄດ້ມີການດູແລ ເອົາ

ໃຈໃສ່ ​ແລະ​ ພວກ​ເຮົາ​ຫາ​ກໍ່​ສຳນຶກ​ໄດ້​ໃນ​ບໍ່​ເທົ່າ​ໃດ​ປີ​ທີ​ຜ່ານມາ​ນີ້.”

​ໃນ​ຄວາມ​ພະຍາຍາມເພື່ອຫາທາງ​ບັນ​ເທົາ​ ສະພາບລົດ​ຕິດ ລັດຖະບານ ​ໄດ້​ຍົກ​ເລິກ​ການ​ຊ່ວຍ​ເຫລືອດ້ານ​ນຳ້ມັນ ​ແລະ​ຫ້າມ​ບໍ່ໃຫ້ມີການຂີ່​ລົດຈັກ ຢູ່ຕາມຖະໜົນສາຍຕ່າງໆໃນ ນະ
ຄອນຫລວງ. ນະຄອນ Jakarta ວາງແຜນໄວ້ວ່າ ໃນ​ປີໜ້າ​ນີ້ ​ຈະ​ຕິດຕັ້ງລະບົບຄິດ​ໄລ່​ຄ່າ
ໃຊ້​ທາງ​ແບບ ອີເລັກໂທຣນິກ ຢູ່​ໃນຖະໜົນ​ສອງສາຍທີ່ມີລົດຕິດຫຼາຍທີ່ສຸດ.

ທ່ານ Adiwinarto ທີ່ ​ສະ​ຖາ​ບັນ​ຂົນ​ສົ່ງ ​ແລະ​ພັດທະນານະ​ໂຍບາຍ​ ທຳນາຍ​ວ່າ ການ​ເດີນ​ທາງ​ດ້ວຍ​ລະບົບຂົນສົ່ງສາທາລະນະ ໃນແຕ່​ລະ​ມື້ ໃນທີ່ສຸດຫລັງຈາກນັ້ນ ກໍຄວນຈະເລີ້ມ
ເຫັນຜົນ.

“ນັ້ນ​ຈະ​ເຮັດ​ໃຫ້​ຜູ້ຄົນຢຸດເຊົາ​ໃຊ້​ລົດ​ສ່ວນ​ໂຕ ​ແລະ​ລົດຈັກ​ ແລ້ວຫັນໄປ​ໃຊ້​ການ​ຂົນ​ສົ່ງ​ທາງ​ສາທາລະນະ​ ໃນສອງສາມ​ປີຕໍ່ໜ້າ."

ຈົນ​ກວ່າ​ວັນນັ້ນຈະ​ມາ​ເຖິງ ບັນດາ​ຜູ້​ເດີນ​ທາງ​ໂດຍ​ທາງ​ລົດ ທີ່ນະຄອນ Jakarta ໄດ້ແຕ່
ພຽງອິດສາ ພວກຄົນຂັບລົດ ຢູ່ເມືອງ Teampere ປະເທດ Finland ​ແລະນະຄອນ Rotterdam ​ປະ​ເທດ Netherlands ຊຶ່ງການ​ສຳ​ຫລວດເວົ້າວ່າ ເປັນເມືອງທີ່ມີການ​ສັນ
ຈອນ​ໄປມາສະດວກ​ທີ່​ສຸດ ບໍ່ມີລົດຕິດເລີຍ. ​

XS
SM
MD
LG