ນາຍົກລັດຖະມົນຕີ Iceland ໄດ້ລາອອກຈາກໜ້າທີ່ ໃນວັນອັງຄານວານນີ້ ໃນຄື້ນຟອງ ຂອງການປະທ້ວງ ຫລັງຈາກໄດ້ມີການເປີດເຜີຍ ກ່ຽວກັບການເງິນລົງ ທຶນຢູ່ທະນາຄານ ໃນຕ່າງປະເທດທີ່ເປັນຄຳຖາມຂອງທ່ານນັ້ນ.
ໃນຕອນເຊົ້າວັນອັງຄານວານນີ້ ປະທານາທິບໍດີ Olufur Ragnar Grimsson ທີ່ໄດ້ຕັດ ການຢ້ຽມຢາມສະຫະລັດຂອງທ່ານໃຫ້ສັ້ນລົງ ໄດ້ປະຕິເສດຕໍ່ຄຳຮ້ອງຂໍ ຂອງນາຍົກລັດ ຖະມົນຕີ Sigmundur David Gunnlaugsson ທີ່ຢາກໃຫ້ຍຸບລັດຖະບານ ແລະ ສະພາ ແລະຮຽກໃຫ້ມີການເລືອກຕັ້ງໃໝ່ ຫລັງຈາກການເປີດເຜີຍໃນອັນທີຮ້ອງວ່າ ເອກກະສານປານາມາຫຼື Panama Papers.
ນາຍົກລັດຖະມົນຕີ Gunnlaugsson ໄດ້ຖືກກົດດັນໃຫ້ລາອອກ ຈາກພວກປະທ້ວງ ຫຼາຍພັນຄົນ ນັບແຕ່ໄດ້ມີການເປີດເຜີຍເອກກະສານທີ່ສະແດງໃຫ້ເຫັນວ່າ ທ່ານແລະ ພັນລະຍາຂອງທ່ານ ໄດ້ຕັ້ງບໍລິສັດ ໂດຍໄດ້ຮັບການຊ່ວຍເຫລືອຈາກບໍລິສັດທະນາຍ ຄວາມ Panama ຊຶ່ງເປັນຈຸດສູນກາງ ໃນການຮົ່ວໄຫຼ ຂອງຂໍ້ມູນພາສີຄັ້ງໃຫຍ່. ທ່ານ Gunnlaugsson ໄດ້ປະຕິເສດວ່າບໍ່ໄດ້ເຮັດຫຍັງຜິດກົດໝາຍແລະກ່າວວ່າ ທ່ານໄດ້ ເສຍພາສີຢ່າງຖືກຕ້ອງ.
ທ່ານ Gunnlaugsson ຢູ່ໃນຈຳນວນນັກການເມືອງ ແລະເຈົ້າໜ້າທີ່ລັດຖະບານ 140 ຄົນຈາກທົ່ວໂລກທີ່ມີຊື່ຢູ່ໃນບັນຊີເອກກະສານປານາມາທີ່ໄດ້ກໍ່ໃຫ້ເກີດມີຄຳຖາມຕ່າງໆ ກ່ຽວກັບການກ່າວຫາໃນການກະທຳທີ່ບໍ່ຖືກຕ້ອງດ້ານການເງິນນັ້ນ.
