ເຮີລິເຄນ ໄອຊິກ ກໍາລັງເທນໍ້າຝົນລົງມາຢ່າງໜັກ ແລະຜັດຖະຫລົ່ມຝັ່ງອ່າວ ເມັກຊິກໂກ ກໍ້າເໜືອ ກໍຄືຝັ່ງທະເລພາກໃຕ້ຂອງສະຫະລັດ ດ້ວຍລົມແຮງ ໃນຂະນະທີ່ພັດເຂົ້າຊ້າໆ ໄປສູ່ຝັ່ງເມືອງ New Orleans ລັດ ລຸຍຊີອານານັ້ນ.
ສູນກາງເຮີລິເຄນ ແຫ່ງຊາດ ຂອງສະຫະລັດ ກ່າວວ່າ ໃຈກາງຂອງພາຍຸ ຈະພັດຢູ່ເໜືອ ລັດ Louisiana ຈົນຮອດ ວັນພະຫັດ.
ບັນດານັກພະຍາກອນອາກາດ ກ່າວວ່າ ໄອຊິກ ຍັງມີລົມແຮງເກືອບຮອດ 130 ກິໂລແມດ ຕໍ່ຊົ່ວໂມງ ແລະ ຂົງເຂດເລາະແຄມຝັ່ງ ກໍາລັງປະເຊີນໜ້າກັບຟອງ ພາຍຸນໍ້າທີ່ອັນຕະລາຍ ແລະໄພນໍ້າຖ້ວມຈາກຝົນຕົກໜັກ.
ບັນດາເຈົ້າໜ້າທີ່ສຸກເສີນ ໃນເມືອງ Plaquemines Parish ທາງທິດຕາເວັນອອກສຽງໃຕ້ຂອງເມືອງ New Orleans ລາຍງານວ່າ ມີ “ນໍ້າຖ້ວມໜັກ” ໃນຂະນະທີ່ພາຍຸຍູ້ເອົານໍ້າ ເຂົ້າມາຈາກອ່າວເມັກຊິໂກ ແລະລົ້ນຂ້າມ ຄູປ້ານນໍ້າ ເຂົ້າມາໃນເມືອງ.
ຈໍານວນນໍ້າຝົນທັງໝົດອາດຈະເຖິງ 50 ຊັງຕີແມດ ຢູ່ໃນຫລາຍໆເຂດ ໃນຄະນະທີ່ບາງພາກສ່ວນຂອງ ລັດ Louisiana ແລະ ລັດ Mississippi ອາດຈະເຫັນຟອງນໍ້າພາຍຸ ສູງເຖິງຫ້າແມດ.
ເຮິລິເຄນ ໄອຊິກ ມາເຖິງມື້ດຽວກັນກັບ 7 ປີກ່ອນ ຫລັງຈາກເຮິລິເຄນ Katrina ໄດ້ຖະຫລົ່ມຂົງເຂດ ເຮັດໃຫ້ມີຜູ້ເສຍຊີວິດເຖິງ 1,800 ຄົນ ແລະສ້າງຄວາເສຍຫາຍຢ່າງໃຫຍ່ຫລວງ.
ປະທານາທິບໍດີ ສະຫະລັດ ທ່ານ Barack Obama ໄດ້ປະກາດພາວະສຸກ ເສີນ ແກ່ລັດ Louisiana ແລະ ລັດ Mississippi ທີ່ອໍານວຍໃຫ້ທັງສອງລັດດັ່ງກ່າວນີ້ ໄດ້ຮັບເງິນຊ່ວຍເຫລືອຈາກ ລັດຖະບານກາງ ແລະການຊ່ວຍເຫລືອອື່ນໆ.
![ເຮີຣີເຄນ Isaac ຖະຫລົ່ມລັດ Louisiana ກັບ Mississippi]()
Photo Gallery:
ສູນກາງເຮີລິເຄນ ແຫ່ງຊາດ ຂອງສະຫະລັດ ກ່າວວ່າ ໃຈກາງຂອງພາຍຸ ຈະພັດຢູ່ເໜືອ ລັດ Louisiana ຈົນຮອດ ວັນພະຫັດ.
ບັນດານັກພະຍາກອນອາກາດ ກ່າວວ່າ ໄອຊິກ ຍັງມີລົມແຮງເກືອບຮອດ 130 ກິໂລແມດ ຕໍ່ຊົ່ວໂມງ ແລະ ຂົງເຂດເລາະແຄມຝັ່ງ ກໍາລັງປະເຊີນໜ້າກັບຟອງ ພາຍຸນໍ້າທີ່ອັນຕະລາຍ ແລະໄພນໍ້າຖ້ວມຈາກຝົນຕົກໜັກ.
ບັນດາເຈົ້າໜ້າທີ່ສຸກເສີນ ໃນເມືອງ Plaquemines Parish ທາງທິດຕາເວັນອອກສຽງໃຕ້ຂອງເມືອງ New Orleans ລາຍງານວ່າ ມີ “ນໍ້າຖ້ວມໜັກ” ໃນຂະນະທີ່ພາຍຸຍູ້ເອົານໍ້າ ເຂົ້າມາຈາກອ່າວເມັກຊິໂກ ແລະລົ້ນຂ້າມ ຄູປ້ານນໍ້າ ເຂົ້າມາໃນເມືອງ.
ຈໍານວນນໍ້າຝົນທັງໝົດອາດຈະເຖິງ 50 ຊັງຕີແມດ ຢູ່ໃນຫລາຍໆເຂດ ໃນຄະນະທີ່ບາງພາກສ່ວນຂອງ ລັດ Louisiana ແລະ ລັດ Mississippi ອາດຈະເຫັນຟອງນໍ້າພາຍຸ ສູງເຖິງຫ້າແມດ.
ເຮິລິເຄນ ໄອຊິກ ມາເຖິງມື້ດຽວກັນກັບ 7 ປີກ່ອນ ຫລັງຈາກເຮິລິເຄນ Katrina ໄດ້ຖະຫລົ່ມຂົງເຂດ ເຮັດໃຫ້ມີຜູ້ເສຍຊີວິດເຖິງ 1,800 ຄົນ ແລະສ້າງຄວາເສຍຫາຍຢ່າງໃຫຍ່ຫລວງ.
ປະທານາທິບໍດີ ສະຫະລັດ ທ່ານ Barack Obama ໄດ້ປະກາດພາວະສຸກ ເສີນ ແກ່ລັດ Louisiana ແລະ ລັດ Mississippi ທີ່ອໍານວຍໃຫ້ທັງສອງລັດດັ່ງກ່າວນີ້ ໄດ້ຮັບເງິນຊ່ວຍເຫລືອຈາກ ລັດຖະບານກາງ ແລະການຊ່ວຍເຫລືອອື່ນໆ.
ເຮີຣີເຄນ Isaac ຖະຫລົ່ມລັດ Louisiana ກັບ Mississippi
ພາຍຸ Isaac ຖະຫລົ່ມລັດ Louisiana ແລະລັດໃກ້ຄຽງຢູ່ແລາະຝັ່ງອ່າວເມັກຊິໂກ ຄືລັດ Mississippi ກັບ Alabama ໃນມື້ວັນພຸດ ໃນລະດັບແຮງຂອງ ເຮີຣີເຄນ ປະເພດ1 ພ້ອມກັບກະແສລົມແຮງ ຝົນຕົກລົງມາຢ່າງໜັກໜ່ວງ ແລະພາໃຫ້ນໍ້າຖ້ວມຢ່າງຂະໜານໃຫຍ່.
