ລິ້ງ ສຳຫລັບເຂົ້າຫາ

logo-print

ພິທີສາບານຕົວ ເຂົ້າຮັບຕໍາແໜ່ງ ປະທານາທິບໍດີສະຫະລັດ (ວີດິໂອພາສາລາວ/ອັງກິດ)


ປະທານາທິບໍດີ Barack Obama ພ້ອມກັບຄອບຄົວ ໃນພິທີສາບານໂຕເຂົ້າຮັບຕໍາແໜ່ງ ຢ່າງເປັນທາງການ ໃນຫ້ອງສີຟ້າ ຢູ່ທໍານຽບຂາວ ເມື່ອວັນອາທິດ ທີ 20 ມັງກອນ 2013.

ພິທີສາບານຕົວເຂົ້າຮັບຕໍາແໜ່ງປະທານາທິບໍດີ ​ແມ່ນເປັນການ​ມ້ວນທ້າຍ​ຂັ້ນຕອນທາງການເມືອງ ທີ່ໄດ້ເລີ່ມຕົ້ນຂຶ້ນ ດົນກວ່ານຶ່ງປີເຄິ່ງມາ​ແລ້ວ ກໍ​ຄື​ການ​ແຂ່ງຂັນ​ເລືອກ​ຕັ້ງ​ຂອງສະຫະລັດ. ພິທີດັ່ງກ່າວ ແມ່ນສະທ້ອນ​ເຖິງປະເພນີແລະສັນຍາລັກ ເພື່ອ​ສະ​ແດງ​ໃຫ້​ເຫັນເຖິງ ການສືບຕໍ່ອໍານາດແລະຄວາມ ເຂັ້ມແຂງຂອງ ລະບົບການເມືອງຂອງອະເມຣິກາ.

ວັນສາບານຕົວຢ່າງເປັນທາງການແມ່ນວັນທີ 20 ມັງກອນ
ຕາມ​ຂໍ້ກໍານົດຂອງກົດໝາຍລັດຖະບານກາງ ແຕ່​ເນື່ອງ​ຈາກ​
ວັນທີ 20 ມັງກອນ​ປີ​ນີ້ ຕົກ​ຖືກ​ວັນ​ອາທິດ ພິທີສາບານຕົວຕໍ່
ໜ້າມະຫາຊົນ ຈຶ່ງ​ຈັດ​ຂຶ້ນໃນມື້ວັນຈັນ ທີ 21 ມັງກອນ​ແທນ. ພິທີສາບານຕົວເຂົ້າຮັບຕໍາແໜ່ງປະທານາທິບໍດີ ​ແມ່ນເປັນ
ການ​ມ້ວນທ້າຍ​ຂັ້ນຕອນທາງການເມືອງ ທີ່ໄດ້ເລີ່ມຕົ້ນຂຶ້ນ
ດົນກວ່ານຶ່ງ ປີເຄິ່ງມາ​ແລ້ວ ກໍ​ຄື​ການ​ແຂ່ງຂັນ​ເລືອກ​ຕັ້ງ​ຂອງ
​ສະຫະລັດ. ພິທີດັ່ງກ່າວ​ແມ່ນ​ສະທ້ອນ​ເຖິງປະເພນີແລະ
ສັນຍາລັກ ເພື່ອ​ສະ​ແດງ​ໃຫ້​ເຫັນເຖິງການສືບຕໍ່ອໍານາດແລະ
ຄວາມເຂັ້ມແຂງຂອງລະບົບການເມືອງຂອງອະເມຣິກາ.
Jeffrey Young ຜູ້ສື່ຂ່າວວີໂອເອ ມີລາຍງານກ່ຽວ​ກັບ
ຂັ້ນຕອນສຸດທ້າຍ ຂອງການເລືອກຕັ້ງຂອງອະເມຣິກາ.

ເບິ່ງວີດິໂອລາຍງານນີ້ ເປັນພາສາລາວ:


“ຂ້າພະເຈົ້າ Barack Hussein Obama
“ຂ້າພະເຈົ້າ George Walker Bush
“ຂ້າພະເຈົ້າ William Jefferson Clinton
“ຂ້າພະເຈົ້າ George Herbert Walker Bush
Back to Obama: ຂໍສາບານຢ່າງ​ເຄ່ງ​ຂຶມວ່າ...
George W. Bush: ...ຂ້າພະເຈົ້າຈະບໍລິຫານຫ້ອງການປະທານາ ທິບໍດີຂອງສະຫະລັດ ດ້ວຍຄວາມຊື່ສັດ”

Georger H. W. Bush: “ແລະຈະ​ເຮັດ ສຸດຕາມຄວາມສາມາດຂອງ ຂ້າພະເຈົ້າ”
Clinton: ​ເພື່ອສະຫງວນ ພິທັກປົກປ້ອງ ແລະປ້ອງກັນລັດຖະທໍາມະນູນຂອງ
ສະຫະລັດ”

Obama: “ສະນັ້ນ ຂໍພະເຈົ້າຈົ່ງຊ່ວຍຂ້າພະເຈົ້າດ້ວຍ.”

ໃນຕອນທ່ຽງຂອງວັນທີ 20 ມັງກອນ ຫຼັງຈາກການເລືອກຕັ້ງປະທານາທິບໍດີສະຫະລັດ
ຜ່ານພົ້ນໄປ ​ໃນເດືອນພະຈິກຂອງປີຜ່ານມາ ປະທານາທິບໍດີຄົນໃໝ່ຈະ​ສາບານເຂົ້າຮັບ ຕໍາແໜ່ງ ຫຼືຜູ້ທີ່ຢູ່ໃນຕໍາແໜ່ງສໄໝທີນຶ່ງນັ້ນ ກໍສືບຕໍ່ເຂົ້າຮັບຕໍາແໜ່ງສະໄໝທີສອງ ຢູ່​ຂັ້ນ​ໃດດ້ານໜ້າຂອງ​ຕຶກ​ລັດຖະສະພາ ​ໃນ​ນະຄອນຫລວງ​ວໍ​ຊິງ​ຕັນ.

ວັນສາບານຕົວເຂົ້າຮັບຕໍາແໜ່ງ ສະແດງໃຫ້ເຫັນເຖິງສາຍໂສ້ທີ່ບໍ່ເຄີຍແຕກຂາດ ທີ່ເນັ່ງ ຍ້ອນຫຼັງຄືນໄປເມື່ອປີ 1789 ເວລາສະຫະລັດແຕ່ງຕັ້ງປະທານາທິບໍດີ ຄົນທໍາອິດຂອງ
ປະ​ເທດ ກໍຄືທ່ານ George Washington.

ພິທີສາບານຕົວນີ້ ແມ່ນຖ່າຍທອດຄວາມເຂັ້ມແຂງແລະຄວາມຍືນຍົງຂອງຕໍາ​ແໜ່ງປະທາ
ນາທິບໍດີຂອງ​ສະຫະລັດ. ທ່ານ Mark Rom ປະຈໍາ ມະຫາວິທະຍາໄລ Georgetown University ເວົ້າວ່າ ມັນເປັນຊ່ວງເວລາ​ແຫ່ງສັນຍະລັກທີ່ມີພະລັງອໍານາດທີ່ສຸດ ສໍາລັບ
ປະຊາຊົນອະເມຣິກັນ.

ທ່ານ ມາກ ຣອມ ຊີ້ແຈງວ່າ: “ຍ້ອນວ່າມັນເປັນຊ່ວງເວລາ ທີ່ປະທານາທິບໍດີ
ທີ່ໄດ້ຖືກເລືອກຕັ້ງຢ່າງເປັນປະຊາທິປະໄຕຄົນນຶ່ງ
ພົ້ນຈາກຕໍາແໜ່ງໄປແລະ
ປະທານາທິບໍດີອີກຄົນນຶ່ງທີ່ຖືກເລືອກຕັ້ງຢ່າງເປັນປະຊາທິປະໄຕ
ຂຶ້ນ ມາສືບ
ຕໍາແໜ່ງຕໍ່.
​ແລະການໂອນອໍານາດກໍເປັນຢ່າງສັນຕິ ແລະຢ່າງເປັນພິທີ.”

ເວລາປະທານາທິບໍດີຄົນໃໝ່ເຂົ້າຮັບຕໍາແໜ່ງນັ້ນ ກ່ອນ​ອື່ນທ່ານຈະ​ໄປພົບປະກັບຜູ້ທີ່​ທ່ານ
ສືບທອດຕໍາແໜ່ງແທນ ກໍ​ຄື​ປະທານາທິບໍດີ​ຄົນ​ເກົ່າ​ນັ້ນ ຢູ່ທີ່ທໍານຽບຂາວໃນຕອນເຊົ້າຂອງ
ວັນສາບານຕົວ. ແລະທັງສອງກໍໄປຍັງ ຕຶກລັດຖະສະພາພ້ອມກັນ ເພື່ອເຂົ້າຮ່ວມພິທີສາ
ບານຕົວ.

ລໍຖ້າພວກທ່ານທັງສອງຢູ່​ທີ່​ນັ້ນ ກໍຈະມີສະມາຊິກສະພາຄອງແກຣສ ຄະນະຜູ້ພິພາກສາ
ສານສູງສຸດ ບັນດາເຈົ້າໜ້າທີ່ຈາກ​ລັດຖະບານ​ທີ່​ກໍາລັງ​ຈະ​ພົ້ນ​ຈາກ​ຕໍາ​ແໜ່​ງ ຊຶ່ງຫຼາຍໆ
ທ່ານ​ໃນ​ນັ້ນຈະສືບ​ຕໍ່ຮັບໃຊ້ພາຍໃຕ້ປະທານາທິບໍດີຄົນໃໝ່. ນີ້ກໍເປັນຮູບການນຶ່ງທີ່ສະແດງ
ໃຫ້ເຫັນເຖິງການສະໜັບສະໜຸນ ສໍາລັບຫ້ອງການປະທານາທິບໍດີ ແລະສະທ້ອນໃຫ້ເຫັນ
ເຖິງການສືບຕໍ່ອໍານາດ.

ປະທານາທິບໍດີຄົນໃໝ່ຈະກ່າວຄໍາສາບານໃນຕອນທ່ຽງ ​ໃນ​ພິທີທີ່​ນໍາພາ​ ໂດຍຫົວໜ້າສານ
ສູງສຸດ​. ການມີໜ້າຂອງຫົວໜ້າສານສູງສຸດຖືເປັນສັນຍາລັກໃນຕົວມັນເອງ ອິງ​ຕາມສາສະ
ດາຈານ Ben Ginsberg ຈາກມະຫາວິທະຍາໄລ Johns Hopkins University.

ທ່ານ Ginsberg ເວົ້າວ່າ: ຄວາມ​ຈິງ​ແລ້ວ ມັນ​ເປັນ​ການບອກວ່າ ການ​ທີ່ ບຸກຄົນຜູ້ໃໝ່ນີ້ ໄດ້ຂຶ້ນ​ມາຄອງອໍານາດ ​ແມ່ນຖືກຕ້ອງສອດຄ່ອງກັບລັດຖະ ທໍາມະນູນຂອງສະຫະລັດ ກໍຄືກົດໝາຍຂອງສະຫະລັດ ຄືຄວາມສະຫຼາດ
ອບຄອບ ແລະຄວາມຫວັງຕ່າງໆຂອງບັນດາ​ຜູ້​ທີ່​ຮ່າງລັດຖະທໍາມະນູນ
ຂອງ​ພວກ​ເຮົາ​ນັ້ນ ທຸກ​ປະການ.”

ໃນຖານະເປັນປະມຸກປະເທດ ປະທານາທິບໍດີຄົນໃໝ່ ໄດ້ຮັບກຽດຕິຍົດ ດ້ວຍການຍິງປືນ ສະດຸດີ 21 ນັດ.

ເບິ່ງວີດິໂອລາຍງານກ່ຽວກັບການຫ້າງຫາສໍາລັບຮັກສາຄວາມປອດໄພ
ໃນພິທີສາບານໂຕ ທີ່ໃຊ້ເວລາເຖິງນຶ່ງປີ:


Inauguration Security -- A Year In The Planning
please wait

No media source currently available

0:00 0:01:55 0:00
ລິງໂດຍກົງ



ແລະຕໍ່ຈາກນັ້ນ ປະທານາທິບໍດີຄົນໃໝ່ ກໍກ່າວຄໍາປາ​ໄສທາງການເທື່ອທໍາອິດຕໍ່ມະຫາຊົນ ​ເອີ້ນ​ວ່າ ຄໍາປາ​ໄສ​ໃນ​ພິທີສາບານຕົວ. ນີ້​ຄື​ຄໍາ​ປາ​ໄສ​ຕອນ​ນຶ່ງ​ຂອງ​ທ່ານ​ໂອ​ບາ​ມາ ​ເມື່ອ​ສີ່​ປີ​ກ່ອນ.

“ມື້ນີ້ ຂ້າພະເຈົ້າຂໍເວົ້າຕໍ່ພວກທ່ານວ່າ ສິ່ງທ້າທາຍຕ່າງໆທີ່ພວກເຮົາ
ປະເຊີນນັ້ນ ເປັນເລຶ່ອງຈິງ ເລຶ່ອງທີ່ໜັກໜ່ວ ແລະກໍມີນານປະການ.”

ທ່ານ ຣອມ ເວົ້າວ່າ: “ສາຍຕາຂອງຄົນທັງໂລກຈະຈັບເບິ່ງທີ່ທ່ານ ແລະ ສາຍຕາຂອງປະເທດຂອງພວກເຮົາຈະເບິ່ງທ່ານ ​ເບິ່ງ​ວ່າທ່ານຈະ​ຕີຄວາມ ໝາຍຂອງວິ​ໄສທັດຂອງ ຕໍາແໜ່ງປະທານາທິບໍດີຂອງທ່ານ ຢ່າງໃດ?

ຫຼັງຈາກຈົບພິທີສາບານຕົວແລ້ວ ປະທານາທິບໍດີຈະຮ່ວມ ​ຮັບ​ປະທານ​ອາຫານ​ທ່ຽງ​ກັບ​ພວກ​ຜູ້​ແທນ​ຢູ່​ສະພາ ຫລັງ​ຈາກ​ນັ້ນ​ກໍຈະໄປຍັງທໍານຽບຂາວ ຊຶ່ງ​ຖ້າ​ອາກາດ​ດີ ທ່ານ​ກໍ​ຈະ​ຍ່າງ​ໄປ. ແລະຢູ່​ຜາມ​ໄຊ​ຕໍ່ໜ້າ​ທໍານຽບຂາວ​ນັ້ນ ທ່ານ​ຈະຊົມພິທີສວນສະໜາມອັນ​ຄຶກຄຶ້ນ​ໃຫຍ່​ໂຕ. ກຸ່ມຕ່າງໆ ນັກຮຽນ​ແລະ​ອື່ນໆຈາກທົ່ວສະຫະລັດ ຈະພາກັນມາຍັງວໍຊິງຕັນ ເພື່ອ
ປະກອບສ່ວນ​ໃນ​ການ​ສວນສະໜາມ ທີ່ສະທ້ອນໃຫ້ເຫັນສັນຍາລັກຂອງການຮັບຮອງ​ເອົາ
ຜູ້ບໍລິຫານປະເທດຊາດ ຄົນໃໝ່.

ງານລ້ຽງ​ສະຫລອງ​ການ​ເຂົ້າ​ຮັບ​ຕໍາ​ແໜ່​ງປະທານາທິບໍດີ ດໍາເນີນສືບຕໍ່ໄປ ຢູ່ຫລາຍໆ​ແຫ່ງ ຈົນເຖິງຍາມຄໍ່າຄືນຮອດ​ເດິກ ​ແລະປະທານາທິບໍດີຄົນໃໝ່ ພ້ອມ​ພັນ​ລະ​ຍາ​ກໍ​ພາກັນ​ໄປ
ຮ່ວມມ່ວນ​ຊື່ນໃນຫຼາຍໆງານ ເພື່ອສະເຫຼີມສະຫຼອງການເຂົ້າຄອງທໍານຽບຂາວຂອງທ່ານ.

ການເປັນປະທານາທິບໍດີສະຫະລັດນັ້ນ ເວົ້າກັນວ່າ ເປັນວຽກງານທີ່ໜັກໜ່ວງທີ່ສຸດຂອງ
ໂລກ ແຕ່ສິ່ງທ້າທາຍຕ່າງໆຢູ່ຕໍ່ໜ້ານັ້ນ ແມ່ນ​ເລີ່​ມຂຶ້ນ​ໃນ​ມື້​ນີ້ ຫ້ອມລ້ອມດ້ວຍຄໍາໝັ້ນສັນຍາ ແລະຄວາມຫວັງ.

ເບິ່ງວີດິໂອພາສາອັງກິດ:

ເບິ່ງຄວາມເຫັນ (2)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG