ລິ້ງ ສຳຫລັບເຂົ້າຫາ

logo-print

​ພາ​ບ​ພະ​ຍົນ ຮໍ​ລີ​ວູດ ສະ​ທ້ອນ​ໃຫ້​ເຫັນ ເຖິງ​​ບົດ​ບາດ​ ຂອງ​ຊາວ​ເອ​ເຊຍ ມີການ​ປ່ຽນ​ແປງ ຫຼາຍ​​ສ່ຳ​ໃດ


ເຊີນ​ຊົມ​ວີ​ດີ​ໂອ ​ລາຍ​ງານເລື້ອງນີ້ ເປັນພາສາອັງກິດ

ພວກຕົວ​ປະ​ກອບ​ຫຼື​ຕົວ​ລະ​ຄອນ​ຊາວເອ​ເຊຍຕາ​ເວັນ​ອອກ ໄດ້​ເປັນ​ພາ​ກ​ສ່ວນ​ນຶ່ງ​ຂອງ​ອຸດສາຫະກຳຮູບ​ເງົາ Hollywood ມາ​ນັບ​ຕັ້ງ​ແຕ່ ​ສະ​ໄໝພາບ​ພະ​ຍົນ​ ທີ່ ບໍ່​ມີ​ສຽງ. ແຕ່​ການຫຼິ້ນ​ບົດບາດ​ເປັນ​ຊາວ​ເອ​ເຊຍແລະ​ໂດຍ​ສະ​ເພາະການ ​ສະ​ແດງ​ບົດ​ບາດ​ເປັນ​ຊາວ​ຈີນ ໃນ​ປະ​ຫວັດ​ສາດ​ຮູບ​ເງົາ ຂອງ​ສະ​ຫະ​ລັດ ແລ້ວ ກໍ​ໄດ້​ຖືກ​ບັນ​ລະ​ຍາຍ ໂດຍນັກ​ຊ່ຽວ​ຊານດ້ານ​ຮູບ​ເງົາຫຼາຍ​ທ່ານ ​ວ່າ ​ເປັນ ບັນ​ຫາ​ຫຍຸ້ງ​ຍາກຫຼາຍ. ແຕ່ບັນ​ຫານີ້ ໄດ້​ປ່ຽນ​ໄປແລ້ວ ບໍ່​ພຽງ​ແຕ່ພວກ​ຕົວ​ລະ​ຄອນຊາວ​ເອ​ເຊຍເທົ່າ​ນັ້ນ ທີ່ໄດ້ພັດ​ທະ​ນາ​ຂຶ້ນ​ເລື້ອຍ​ມາ ​ເຊັ່ນ​ດຽວ​ກັນກັບ​ ພວກ​ຜູ້​ຊົມທີ່​ມັກ​ໄປ​ເບິ່ງຮູບ​ເງົາ​ທັງຫຼາຍ ນຳ​ດ້ວຍ. ເອ​ລີ​ຊາ​ເບັດ ລີ ນັກ​ຂ່າວ​ຂອງວີ​ໂອ​ເອມີ​ລາຍ​ງານ ຈາກ​ນະ​ຄອນ ລອ​ສ ແອນ​ເຈີລິສ ຊຶ່ງ​ໄຊ​ຈະ​ເລີນ​ສຸກ ຈະ​ນຳ​ເອົາ​ລາຍ​ລະ​ອຽດ ມາ​ສະ​ເໜີ​ທ່ານ ໃນ​ອັນ​ດັບ​ຕໍ່​ໄປ.

ຈາກ​ໂຮງ​ມະ​ຫໍ​ລະ​ສົບ ທີ່​ໄດ້​ກາຍເປັນ​ສັນ​ຍາ​ລັກ ຂອງ​ຊາວ​ຈີນ​ແຫ່ງນີ້ ​ທີ່ຕັ້ງ​ຢູ່ໃນ​ເຂດໃຈ​ກາງ​ເຂດ Hollywood ຈົນ​ເຖິງ​ສະ​ຖານ​ທີ່ ທີ່​ມີ​ຊື່​ສຽງ​ໃນ​ສະ​ໄໝເກົ່າ ຂອງ​ອຸດ​ສາ​ຫະ​ກຳ​ພາບ​ພະ​ຍົນ​ ບ່ອນທີ່ພວກນັກສະແດງ ມັກໄປຊຸມ​ແຊວກັນ ​ທີ່ເອີ້ນ​ວ່າ Formosa Café, ຊຶ່ງ Hollywood ກໍໄດ້​ມີ​ຄວາມຫລົງ​ໄຫລ​ກັບວັດ​ທະ​ນະ​ທຳ​ຂອງ​ຊາວ​ຈີນ ແລະເຂດເອ​ເຊຍ​ຕາ​ເວັນ​ອອກ ນັບ​ຕັ້ງ​ແຕ່​ຕອນ​ຕົ້ນໆ​ຂອງ​ອຸດ​ສາ​ຫະ​ກຳຮູບ​ເງົາ ຕະຫຼອດ​ມາ.

ທ່ານ​ອາ​ຣ​ເທີ ດົງ ຜູ້​ທີ່​ເປັນ​ທັງນັກ​ສ້າງ​ຮູບ​ເງົາ ນັກ​ປະ​ພັນ ແລະ​ຜູ້​ຮັບ​ຜິດ​ຊອບ​ຫໍ​ພິ​ພິ​ທະ​ພັນ ກ່າວ​ວ່າ “ພວກ​ຜູ້​ຊົມ​ໄດ້​ຮັບ​ຊົມພຽງ​ເລັກໆ​ນ້ອຍໆ ຂອງ​ດິນ​ແດນທີ່​ ແປກ​ປະຫຼາດ​ແຫ່ງນີ້ ທີ່ບໍ່​ເຄີຍ​ຮູ້​ຈັກມາ​ກ່ອນ​ສຳ​ລັບພວກ​ເຂົາ​ເຈົ້າແລະ​ຂ້າ​ພະ​ເຈົ້າ​ ຄຶດ​ວ່າ ມັນ​ຈຶ່ງ​ໄດ້ເລີ້​ມ​ຕົ້ນ​ຂຶ້ນຢູ່​ບ່ອນນັ້ນ.”

ທ່ານ​ອາ​ຣ​ເທີ ດົງ ຜູ້​ສ້າງ​ຮູບ​ເງົາ ໄດ້​ຜະ​ລິດ​ພາບ​ພະ​ຍົນ ກ່ຽວ​ກັບ​ເລື້ອງນີ້ ແລະ​ໄດ້​ຂຽນ​ປຶ້ມ​ຫົວໃໝ່ຫົວ​ນຶ່ງ ທີ່​ເອີ້ນ​ວ່າ Hollywood Chinese ຊຶ່ງ​ທ່ານ​ກ່າວ​ວ່າ ຄວາມ​ຫລົ​ງ​ໄຫລ​ກັບ​ເຂດ​ເອ​ເຊຍ​ຕາ​ເວັນ​ອອກ ຂອງ​ອຸດ​ສາ​ຫະ​ກຳ​ພາບ​ພະ​ຍົນ ໂດຍ​ສະ​ເພາະ​ໃນ​ຊຸມ​ປີ 1920 1930 ແລະ 1940 ນັ້ນ ເຮັດ​ໃຫ້​ກາຍ​ເປັນ​ເລື້ອງ​ສັບ​ສົນ​ຫຍຸ້ງ​ຍາກ ສຳ​ລັບ ພວກ​ຕົວ​ລະ​ຄອນຊາວ​ຈີນ ທີ່​ມີ​ແຕ່​ມິ​ຕິ​ດຽວ.

ທ່ານ​ດົງ ເວົ້າວ່າ “ຂ້າ​ພະ​ເຈົ້າ ໄດ້​ເຫັນ​ພວກ​ຕົວ​ລະ​ຄອນ​ຊາວ​ຈີນ ຫຼິ້ນ​ບົດບາດ ໃນ​ຮູບ​ເງົາ ແຕ່​ພວກ​ເຂົາ ຫຼິ້ນ​ບົດ​ເປັນ​ຄົນ​ໃຊ້​ຢູ່​ສະ​ເໝີ. ເປັນ​ພວກກຸ​ລີ ເປັນ​ຄົນ​ຊັກ​ເຄື່ອງ. ແລະ​ຖ້າ​ພວກ​ເຂົາ ເປັນ​ແມ່​ຍິງ ເຂົາ​ເຈົ້າ ກໍ​ຈະ​ຫຼິ້ນ​ເປັນ​ໂສ​ເພ​ນີ ຫຼື ເປັນ​ຄົນ​ໃຊ້.”

ແລະ​ພວກ​ນັກ​ສະ​ແດງ​ຄົນ​ຜິວ​ຂາວ ກໍໄດ້ຫຼິ້ນ​ເປັນ​ຕົວ​ລະ​ຄອນ​ນຳ ໃນ​ບົດ​ບາດ​ຂອງ​ຄົນ​ຈີນ.

ທ່ານ​ດົງ ກ່າວ​ອີກວ່າ “ທ່ານ​ຈະ​ເຫັນ​ພວກ​ນັກ​ສະ​ແດງຫຼັກ ມີ​ໜ້າ​ຕາ​ສີ​ເຫຼືອງ.”

ທ່ານ​ນາງ ແນນ​ຊີ ຫວັງ ຢຸນ ​ຜູ້​ທີ່​ເປັນນັກ​ປະ​ພັນ ແລະ​ນັກ​ສັງ​ຄົມ​ວິ​ທະ​ຍາ ​ກ່າວ​ວ່າ “ໜ້າ​ຕາ​ສີ​ເຫຼືອງ ແທ້​ຈິງ​ແລ້ວ ໝາຍ​ຄວາມ​ວ່າ ພວກ​ເຂົາ​ເຈົ້າ ເຮັດ​ໃຫ້​ຜິວ​ຂອງ​ເຂົາ​ເຈົ້າ ​ເປັນ​ສີ​ເຫຼືອງ. ໂດຍ​ທົ່ວ​ໄປແລ້ວ ຕາ​ຂອງ​ພວກ​ເຂົາ​ເຈົ້າ ຈະ​ອ່ຽງ​ຂຶ້ນ ໂດຍໃຊ້​ໜັງຕາທຽມ.”

ດັ່ງຈະເຫັນໄດ້ໂດຍຜ່ານທາງ YouTube ໃນເລື້ອງ “ໜ້າຕາຂອງຟູ ແມນຈູ ຫຼື The Face of Fu Manchu” ຈາກຮູບເງົາຂອງບໍລິສັດ ວອນເນີ.

​ພວກ​ເຂົາ​ເຈົ້າ ຫຼິ້ນເປັນ​ຕົວ​ລະ​ຄອນ ທີ່ປະກອບດ້ວຍ ຜູ້​ຮ້າຍ ​ເຊັ່ນ ຟູ ແມນ​ຈູ ແລະ​ໃນ​ປີ 1926 ຕົວ​ລະ​ຄອນຂອງ ທ້າວ​ຊາ​ລີ ແຈນ ກໍ​ໄດ້​ເປີດ​ຕົວ​ອອກ​ມາ ໃນ​ພາບ​ພະ​ຍົນຈໍໃຫຍ່. ລາວ​ຄວນ ຈະສະ​ແດງ​ ໃນ​ບົດ​ບາດ​ຂອງ​ຊາວອາ​ເມ​ຣິ​ກັນ​ເຊື້ອ​ສາ​ເອ​ເຊຍ ທີ່​ມີ​ພາບ​ພົດ​ທີ່​ດີຫຼາຍກວ່ານີ້.

ຊຶ່ງ​ທ່ານ​ດົງ ມີ​ຄວາມ​ເຫັນ​ດັ່ງ​ນີ້ “ລາວ​ເປັນ​ຜູ້​ສະຫຼຽວ​ສະຫຼາດ ແຕ່​ລາວ ຍັງ​ເປັນ​ຄົນ​ເອ​ເຊຍ​ຕາ​ເວັນ​ອອກ ​ຢ່າງແທ້​ຈິງ ໃນ​ແບບ​ທີ່​ຂີ້​ຮ້າຍ​ສຸດ ທີ່​ວ່າ ລາວ​ເປັນ​ຄົນເສີຍໆ. ລາວ​ເປັນ​ຄົນ​ມິດງຽບ. ລາວ​ເປັນ​ຄົນ​ສະຫຼາດ ສ​ະຫຼາດກວ່າ​ຄົນ​ອື່ນ​ໃດ ຊຶ່ງ​ເປັນບຸກ​ຄະ​ລິກ​ທີ່​ດີ ແມ່ນ​ແລ້ວ ແຕ່​ມັນ​ໄດ້​ຖືກ​ໃຊ້ ​ໄປ​ໃນ​ທາງ ທີ່​ຕີ​ລວດກວດ​ພຽງ​ກັນ​ໝົດ ແລະ​ລາວ​ເວົ້າ​ພາ​ສາ​ອັງ​ກິດ​ແບບບໍ່​ຖືກ​ຕ້ອງ.”

ດັ່ງຈະເຫັນໄດ້ໂດຍຜ່ານທາງ YouTube ໃນເລື້ອງ “The Good Earth” ຈາກຮູບເງົາຂອງ ບໍລິສັດ ວອນເນີ ບຣໍເຕີສ໌ ເອັນເຕີເທນເມັນ.

ພວກ​ນັກ​ສະ​ແດງ​ຄົນ​ຜິວ​ຂາວ ທີ່ຫຼິ້ນ​ບົດ​ນຳ ໃນ​ພາບ​ພະ​ຍົນ ປີ 1973 ​ຊື່​ວ່າ The Good Earth ​ທີ່​ເປັນ​ເລື້ອງ​ຂອງ​ພວກ​ຊາວ​ໄຮ່​ຊາວ​ນາ​ຈີນ ຢູ່​ໃນ​ຊົນ​ນະ​ບົດ. ເຖິງ​ແມ່ນ​ວ່າ ພວກ​ນັກ​ສະ​ແດງ​ຊາວ​ເອ​ເຊຍ ກໍ​ໄດ້​ຮັບ​ບົດ​ສະ​ແດງ​ ໃນ​ພາບ​ພະ​ຍົນນີ້ນຳ ກໍ​ຕາມ…….

ຊຶ່ງທ່ານ​ດົງ ກ່າວ​ກ່ຽວ​ກັບ​ເລື້ອງນີ້ ວ່າ “ແຕ່​ມັນ​ໄດ້​ປາ​ກົດ​ໃຫ້​ເຫັນ​ວ່າ ​ກາ​ນ​ຄັດເລືອກ​ເອົາພວກນັກ​ສະ​ແດງ​ຄົນຜິວຂາວ ມາທາໜ້າ​ໃຫ້​ເຫຼືອງ ແລ້ວຫຼິ້ນໃນ​ບົດທີ່​ສຳ​ຄັນໆ. ໃນຊ່ວງ​ໄລ​ຍະ ປີ 1930 ນັ້ນ ມັນເປັນເລື້ອງທຳມະດາ ແລະເປັນສິ່ງທີ່ Hollywood ໄດ້ກະທຳກັນມາ.”

ແຕ່ຕະຫຼອດໄລຍະຫຼາຍທົດສະຫວັດຜ່ານມາ ຊາວອາເມຣິກັນ ເຊື້ອສາຍເອເຊຍ ແລະຈີນ ກໍຫາວຽກເຮັດງານທຳໄດ້ ໃນ Hollywood ແລະໂດຍສ່ວນໜ້ອຍ ໄດ້ຖືກຮັບເປັນດາລາດີເດັ່ນ ຢູ່ໃນທາງຍ່າງສຳລັບບັນດາດາຣາທີ່ມີຊື່ສຽງ ໃນ Hollywood.

ແຕ່ເຖິງແມ່ນ​ຢ່າງນັ້ນ​ກໍ​ຕາມ ເມື່ອບໍ່ດົນມານີ້ ພວກແຟນໆຮູບເງົາບາງສ່ວນ ໄດ້ຕ້ອງຕິ ໃນສື່ສັງຄົມ ເຊັ່ນທວີດເຕີ້ ກ່ຽວກັບການຄັດເລືອກເອົາ ນັກສະແດງ ຄົນຜິວຂາວ ມາຫຼິ້ນເປັນ​ຕົວ​ລະ​ຄອນທີ່ສຳຄັນໆ ຊຶ່ງພວກເຂົາເຈົ້າ ເຊື່ອວ່າ ຄວນຈະເປັນຂອງ ນັກສະແດງຊາວເອເຊຍ.

ດັ່ງຈະເຫັນໄດ້ໂດຍຜ່ານທາງ YouTube ໃນເລື້ອງ “ອາໂລຮາ” ຂອງ ບໍລິສັດ ໂຊນີ ພິກເຈີສ໌ ເອັນເຕີເທນເມັ້ນ.

ຊຶ່ງພວກນັກສະແດງ ທີ່ປະກອບເຂົ້າໃນພາບພະຍົນ ອາໂລຮາ ໃນປີ 2015 ບ່ອນທີ່ ນາງ ເອັມມາ ສໂຕນ ຫຼິ້ນ​ເປັນ​ຕົວ​ລະ​ຄອນ ຄື ນາງອາລີສັນ ນໍ ທີ່ເປັນຄົນເຊື້ອສາຍເອເຊຍ.

ແຕ່ໃນປີ 2018 ພາບພະຍົນ "Crazy Rich Asians" ໄດ້ນຳອອກສາຍ ໃນຈໍໃຫຍ່. ໂດຍມີ ການຄັດເລືອກເອົານັກສະແດງຊາວເອເຊຍ ເປັນສ່ວນໃຫຍ່, ຜູ້ກຳກັບກໍເປັນຊາວອາເມຣິກັນ ເຊື້ອສາຍເອເຊຍ ແລະນັກປະພັນຜູ້ນຶ່ງກໍເປັນ ຄົນເອເຊຍ ແລະພາບພະຍົນນີ້ ກໍໄດ້ກາຍເປັນ ຂີດໝາຍທີ່ສຳຄັນ.

ຊຶ່ງທ່ານດົງ ໄດ້ກ່າວກ່ຽວກັບເລື້ອງນີ້ວ່າ “ຄວາມຕື່ນເຕັ້ນຮືຮາ​ປະ​ທັບ​ໃຈ ອງຮູບເງົາເລື້ອງ Crazy Rich Asians ທັງໃນເນື້ອຫາ ແລະຜົນສຳເລັດ ຂອງເລື້ອງນີ້ ທີ່ໄດ້ຮັບຕາມ ໂຮງມະຫໍລະສົບທັງຫຼາຍ ເປັນຮ່ອງຮອຍຂອງ ສິ່ງທີ່ກຳລັງປ່ຽນແປງ”

ທ່ານ​ດົງ ກ່າວ​ຕື່ມວ່າ “ພວກ​ສ້າງ​ຮູບ​ເງົາ​ທັງຫຼາຍ ໄດ້ຖືກ​ອົບ​ຮົມ ທັດ​ສະ​ນະ​ຄະ​ຕິ ກຳ​ລັງ​ຖືກອົບ​ຮົມ ແລະ​ມີ​ຄວາມ​ເຂັ້ມ​ແຂງ​ຂຶ້ນ ບ່ອນ​ທີ່​ວ່າ ພວກ​ເຮົາ​ຈະ​ບໍ່ຍອມ​ຮັບ​ ການ​ຄັດ​ເລືອກ​ເອົາ​ພວກ​ໜ້າ​ສີ​ເຫຼືອງ​ອີກ​ຕໍ່​ໄປ ບ່ອນ​ທີ່​ວ່າ ພວກ​ເຮົາ​ຈະບໍ່​ຍອມ​ຮັບ​ ທັດ​ສະ​ນະ​ແບບ​ທີ່​ວ່າ ເອົາ​ຕົວ​ລະ​ຄອນທີ່​ເປັນ​ຄົນ​ເອ​ເຊຍ ​ມາ​ໃຫ້​ຄົນ​ຜິວຂາວ.”​

ເທັກ​ໂນ​ໂລ​ຈີ ກໍ​ຍັງ​ເປັນ​ສ່ວນ​ນຶ່ງ ທີ່​ເປີດ​ປະ​ຕູ ໃຫ້​ແກ່ ພວກຊາວອ​າ​ເມ​ຣິ​ກັນ ເຊື້ອ​ສາຍ​ເອ​ເຊຍ ເພື່ອ​ເລົ່າ​ເລື້ອງ​ລາວ ຂອງ​ພວກ​ເຂົ້າ​ເຈົ້າ ຕາມ​ເງື່ອນ​ໄຂ​ຂອງ​ພວກ​ເຂົາ​ເຈົ້າ​ເອງ.

ທ່ານ​ນາງ ຢຸນ ກ່າວ​ວ່າ “ພວກ​ເຮົາ​ມີຫຼາກຫຼາຍ​ວິ​ທີ​ທາງ​ຕືມ​ອີກ ເຊັ່ນ​ວ່າ ມີ ເນັດ​ຟ​ລິກ​ສ໌ (Netflix) ມີ ອາ​ມາ​ຊອນ ​ພ​ຣາຍມ໌ (Amazon Prime) ແລະ ຮູ​ລູ (Hulu).”

ໂດຍ​ທີ່​ວ່າ ຊາວ​ອາ​ເມ​ຣິ​ກັນ ເຊື້ອ​ສາຍ​ເອ​ເຊຍ ກຳ​ລັງ​ເປັນ​ກຸ່ມ​ຊົນ​ ທີ່​ເຕີບ​ໃຫຍ່​ໄວ​ທີ່​ສຸດ ​ໃນ​ສະ​ຫະ​ລັດ ນັກ​ສິ​ລະ​ປິນ ຊາວ​ອາ​ເມ​ຣິ​ກັນ ເຊື້ອ​ສາຍ​ເອ​ເຊຍ ລຸ້ນ​ໃໝ່ ສາ​ມາດ​ນຳ​ໃຊ້ ຊ່ອງ​ທາງ​ທີ່ຫຼາກຫຼາຍ​ໃນ​ລະ​ບົບ​ດິ​ຈິ​ໂຕ​ລ ເພື່ອ​ເລົ່າ​ເລື້ອງ​ລາວຕ່າງໆ ໂດຍ​ປາດ​ສະ​ຈາກ ການ​ຖືກ​ຈຳ​ກັດ​ຢູ່​ໃນ​ວົງ​ແຄບຂອງ​ການ​ຕີ​ລວດ ກວດ​ພຽງ​ກັນ​ໝົດ.

ອ່ານ​ຂ່າວນີ້​ຕື່ມ ເປັນ​ພາ​ສາ​ອັງ​ກິດ

East Asian characters have been a part of Hollywood since the silent film era. But the portrayal of Asian and especially Chinese characters in the history of U.S. movies has been described as problematic by many film scholars. But this is changing - not only have Asian characters evolved over time, so have movie-going audiences.VOA's Elizabeth Lee reports from Los Angeles.

From this iconic Chinese theater in the heart of Hollywood to a famous old time movie industry hangout named the Formosa Café, Hollywood has had a fascination with the Chinese culture and the Orient since the early days of the film industry.

(Arthur Dong, Filmmaker/Author/Curator)
"Audiences were given this exotic glimpse of a land unknown to them and I think that it started there."

Filmmaker Arthur Dong produced a film on this topic and wrote a new book called Hollywood Chinese where he says the movie industry's fascination with the Orient, especially in the 20s, 30s and 40s, translated into problematic,one-dimensional Chinese characters.

(Arthur Dong, Filmmaker/Author/Curator)
"I saw Chinese characters on screen but they were always playing servants. Coolies, laundry man. And if they were women, they were prostitutes servants."

And white actors played lead Chinese characters.

(Arthur Dong, Filmmaker/Author/Curator)
"You had the main actors in yellow face."

(Nancy Wang Yuen, Author / Sociologist)
"Yellow face, meaning they actually literally yellowed up their skin. They usually slanted their eyes with prosthetic."

They included the villain Fu Manchu and……in 1926 the character Charlie Chan debuted on the big screen. He was supposed to portray a more positive Asian American image.

(Arthur Dong, Filmmaker/Author/Curator)
"He was smart and wise, but he was also very Oriental in the worst sense in that he was passive. He was quiet. He was smart, smarter than anybody else which is a good attribute yes, but it was used the stereotype way and he spoke in broken English."

Caucasian actors played lead roles in the 1937 film, The Good Earth about rural Chinese farmers.Even though Asian actors received parts in the film…

(Arthur Dong, Filmmaker/Author/Curator)
"But it's overshadowed by this yellow face casting of the main actors. In its day in the 30s, that was a norm that was that's what Hollywood was doing."

But over the decades, Asian and Chinese Americans did find work in Hollywood, and a few earned a star on the Hollywood Walk for Fame.

But even recently, some movie fans have been critical......on social media of Hollywood casting white actors in main roles they believe should have gone to an Asian actor.

They include the 2015 film Aloha where Emma Stone played Allison Ng, a character of Asian descent

But in 2018 "Crazy Rich Asians" hit the big screen. With a majority Asian cast, an Asian American director and an Asian as one of the writers, the movie was a milestone.

(Arthur Dong, Filmmaker/Author/Curator)
"The sensation of Crazy Rich Asians both in its critical and box office success is a sign that things are changing…. "

(Arthur Dong, Filmmaker/Author/Curator)
"Filmmakers are being nurtured, attitudes are being nurtured and strengthened where we won't take that yellow face casting anymore, where we won't take that kind of white washing attitude of making an Asian character white."

Technology is also opening doors for Asian Americans......to tell stories on their own terms.

(Nancy Wang Yuen, Author / Sociologist)
"We have so many more platforms. There's the Netflix, there is the Amazon Prime and Hulu. "

With Asian Americans being the fastest growing racial group in the U.S., a new generation of Asian American artists can use the different digital platforms……to tell stories without a being boxed in to a stereotype.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG