ລິ້ງ ສຳຫລັບເຂົ້າຫາ

logo-print

ກະສິກອນຊາວມົ້ງ ຂັບເຄື່ອນ ເສດຖະກິດ ດ້ານອາຫານ ໃນທ້ອງຖິ່ນ ລັດມິນເນໂຊຕາ


Immigrants Thrive at Minnesota Farming Co-Op
please wait

No media source currently available

0:00 0:03:53 0:00

ເຊີນຊົມ ວີດີໂອ

ພວກກະສິກອນຊາວມົ້ງ ທີ່ເຮັດໄຮ່ເຮັດສວນ ໃນເມືອງຫຼວງເຊັນທ໌ ພອລ ລັດມິນເນ
ໂຊຕາ ຢູ່ທາງພາກກາງ ກ້ຳຕາເວັນຕົກ ຂອງ ສະຫະລັດ ໄດ້ມີການສົ່ງເສີມ ກິດຈະ
ການທັງຫຼາຍທີ່ດີທີ່ສຸດສຳລັບທຸລະກິດຂອງພວກເຂົາເຈົ້າ ນັ້ນກໍຄື ພວກເຂົາເຈົ້າເອງ
ແລະການເຮັດວຽກຮ່ວມກັນ. ຊຶ່ງ ໄຊຈະເລີນສຸກ ຈະນຳເອົາລາຍລະອຽດ ມາສະເໜີ
ທ່ານ ໃນອັນດັບຕໍ່ໄປ.

ຕັ້ງແຕ່ດັ້ງເດີມ ຊາວມົ້ງ ແມ່ນພວກຊົນກຸ່ມນ້ອຍ ຈາກເຂດເອເຊຍ ທີ່ມາຈາກປະເທດຈີນ
ຊຶ່ງໄດ້ຍົກຍ້າຍຖິ່ນຖານລົງມາປະເທດຫວຽດນາມ ແລະ ລາວ ໃນຊ່ວງສັດຕະວັດທີ 18.
ພວກເຂົາເຈົ້າບໍ່ເຄີຍມີປະເທດຂອງຕົນເອງເລີຍ. ຫຼັງຈາກສົງຄາມຫວຽດນາມ ໄດ້ສິ້ນ
ສຸດລົງ ຫຼາຍຄົນໄດ້ເຂົ້າມາຕັ້ງຖິ່ນຖານໃໝ່ ຢູ່ໃນສະຫະລັດ ໂດຍເຮັດໃຫ້ສະຫະລັດ
ກາຍເປັນປະເທດນຶ່ງ ທີ່ມີປະຊາກອນຊາວມົ້ງ ທີ່ໃຫຍ່ທີ່ສຸດ ນອກເໜືອຈາກ ທະວີບ
ເອເຊຍ. ແລະປະຊາກອນຢູ່ໃນເມືອງ ເຊັນທ໌ ພອລ ແມ່ນປະກອບດ້ວຍປະຊາຄົມ
ຊາວມົ້ງ ທີ່ໃຫຍ່ທີ່ສຸດ ຢູ່ໃນປະເທດ.

ຊາວມົ້ງ ຜູ້ທີ່ເປັນຊາວໄຮ່ຊາວສວນຕັ້ງແຕ່ໃດມາ ກໍໄດ້ເຮັດສິ່ງທີ່ພວກເຂົາເຈົ້າຮູ້ຈັກດີ
ທີ່ສຸດ ໃນເວລາທີ່ພວກເຂົາໄດ້ມາເຖິງລັດມິນເນໂຊຕາ. ແລະຕົກມາເຖິງທ້າຍຊ່ວງປີ
1980 ພວກເຂົາເຈົ້າ ໄດ້ຕັ້ງໜ້າຕັ້ງຕາ ທຸ້ມເທໃສ່ການຟື້ນຟູ ຕະຫຼາດຂອງກະສິກອນ
ຢູ່ໃນທ້ອງຖິ່ນ ໂດຍທີ່ເຮັດໃຫ້ພວກເຂົາເຈົ້າເປັນພາກສ່ວນນຶ່ງ ທີ່ຂະຍັນຂັນແຂງທີ່ສຸດ
ຢູ່ໃນເມືອງດັ່ງກ່າວ. ແຕ່ຊາວມົ້ງຍັງໄດ້ພົບເຫັນວ່າ ໃນຖານະເປັນອົບພະຍົບທີ່ເຮັດໄຮ່
ເຮັດສວນ ພວກເຂົາໄດ້ປະເຊີນກັບອຸປະສັກຕ່າງໆນາໆ ເຊັ່ນວ່າ ການຊື້ດິນ ການຫາ
ທຶນຮອນ ການເຂົ້າຫາຕະຫຼາດ ແລະ ການສ້າງທຸລະກິດແບບຄອບຄົວທີ່ຍືນຍົງ. ພວກ
ເຂົາເຈົ້າ ກໍໄດ້ອົດທົນສູ້ຊົນມາ. ເພື່ອຕໍ່ສູ້ກັບອຸປະສັກທັງຫຼາຍເຫຼົ່ານັ້ນ ກຸ່ມຊາວກະສິ
ກອນມົ້ງ ໄດ້ກໍ່ຕັ້ງສະມາຄົມນຶ່ງທີ່ບໍ່ຫວັງຜົນກຳໄລ ຂຶ້ນມາ ທີ່ຮູ້ຈັກກັນດີຄື ສະມາຄົມ
ຊາວກະສິກອນມົ້ງ ອາເມຣິກັນ ຫຼື ຮາຟາ HAFA ທີ່ຫຍໍ້ມາຈາກ Hmong American
Farmers Association ໃນປີ 2011.

ນາງປາກູ ຮັງ ເປັນຜູ້ຮ່ວມກໍ່ຕັ້ງ ຮາຟາ (HAFA) ກ່າວວ່າ ສະມາຄົມຈັດຕັ້ງຂຶ້ນມາ ເພື່ອເຮັດໃຫ້ພື້ນທີ່ການເຮັດທຸລະກິດ ເທົ່າທຽມກັນ ສຳລັບ ຊາວກະສິກອນມົ້ງ ຜູ້ທີ່ເຫັນວ່າ ການແຂ່ງຂັນແມ່ນຍາກລຳບາກຫຼາຍ.
ນາງປາກູ ຮັງ ເປັນຜູ້ຮ່ວມກໍ່ຕັ້ງ ຮາຟາ (HAFA) ກ່າວວ່າ ສະມາຄົມຈັດຕັ້ງຂຶ້ນມາ ເພື່ອເຮັດໃຫ້ພື້ນທີ່ການເຮັດທຸລະກິດ ເທົ່າທຽມກັນ ສຳລັບ ຊາວກະສິກອນມົ້ງ ຜູ້ທີ່ເຫັນວ່າ ການແຂ່ງຂັນແມ່ນຍາກລຳບາກຫຼາຍ.


ນາງ ປາກູ ຮັງ ຜູ້ທີ່ເປັນຜູ້ຮ່ວມກໍ່ຕັ້ງສະມາຄົມ ຮາຟາ ໄດ້ອະທິບາຍວ່າ “ສາເຫດອັນ
ນຶ່ງ ທີ່ສະມາຄົມ HAFA ໄດ້ຖືກສ້າງຕັ້ງຂຶ້ນມາ ກໍຍ້ອນວ່າ ຊາວມົ້ງທີ່ເຮັດໄຮ່
ເຮັດສວນ ໄດ້ປະສົບກັບຄວາມບໍ່ແນ່ນອນຫຼາຍທີ່ສຸດ. ພວກເຂົາເຈົ້າ ບໍ່ສາ
ມາດຊື້ດິນໄດ້ ຢູ່ສະເໝີ.”
ນາງຮັງ ກ່າວຕື່ມວ່າ “ສະນັ້ນ ໃນເມື່ອເຈົ້າບໍ່ສາມາດ
ຄອບຄອງດິນ ຫຼືຄວາມໝັ້ນຄົງຂອງດິນ ແທ້ຈິງແລ້ວ ເຈົ້າກໍບໍ່ສາມາດລົງທຶນ
ໃນການຂຶ້ນທະບຽນສິນຄ້າກະເສດປອດສານພິດເຄມີ ຫຼື organic ເຈົ້າບໍ່
ສາມາດລົງທຶນໃນພືດທີ່ເກີດໃນທຸກໆປີ ຊຶ່ງມັນຈະມີຜົນກຳໄລສູງກວ່າ.”
ຈຸດ
ປະສົງຂອງສະມາຄົມ HAFA ແມ່ນເພື່ອ “ສົ່ງເສີມຊາວກະສິກອນມົ້ງອາເມຣິກັນ
ໃຫ້ອຸດົມຮັ່ງມີ ໂດຍຜ່ານ ການຮ່ວມໄມ້ຮ່ວມມືກັນ ໃນພາລະກິດຕ່າງໆ.”
ຢູ່ທີ່
ສູນກາງຂອງສະມາຄົມນີ້ ແມ່ນມີເນື້ອທີ່ຟາມ 63 ເຮັກຕາ ຕັ້ງຢູ່ເຂດຊານເມືອງ ນະຄອນ
ເຊັນທ໌ ພອລ ບ່ອນທີ່ພວກກະສິກອນທີ່ເປັນສະມາຊິກ ຜູ້ທີ່ມີສັນຍາເຊົ່າ ໄລຍະຍາວ
ໃນເນື້ອທີ່ດິນ 2 ຫາ 4 ເຮັກຕາ ເພື່ອການເຮັດສວນປູກຜັກ ແລະດອກໄມ້ ຂອງເຂົາເຈົ້າ.

ນາງມາວ ມົວ ແລະສາມີຂອງນາງ ກຳລັງເກັບກ່ຽວຜັກ ທີ່ພວກເຂົາເຈົ້າ ຈະນຳໄປຂາຍ ທີ່ຕະຫຼາດຂອງກະສິກອນ ໃນທ້ອງຖິ່ນ ຢູ່ໃນນະຄອນ ເຊັນທ໌ ພອລ ລັດມິນເນໂຊຕາ.
ນາງມາວ ມົວ ແລະສາມີຂອງນາງ ກຳລັງເກັບກ່ຽວຜັກ ທີ່ພວກເຂົາເຈົ້າ ຈະນຳໄປຂາຍ ທີ່ຕະຫຼາດຂອງກະສິກອນ ໃນທ້ອງຖິ່ນ ຢູ່ໃນນະຄອນ ເຊັນທ໌ ພອລ ລັດມິນເນໂຊຕາ.

ເມື່ອວັນສຸກ ມໍ່ໆມານີ້ ນາງ ມາວ ມົວ ແລະສາມີີຂອງນາງ ໄດ້ເກັບກ່ຽວ ສວນຜັກຕອນນຶ່ງ
ຂອງພວກເຂົາເຈົ້າ ເພື່ອສົ່ງໄປຕະຫຼາດຂອງກະສິກອນ ໃນວັນເສົາ.

ຄອບຄົວມົວ ແມ່ນຢູ່ໃນກຸ່ມປະຊາຊົນຊາວມົ້ງຂະໜາດໃຫຍ່ ທີ່ໄດ້ຫລັ່ງໄຫລໜີອອກ
ຈາກລາວ ໄປປະເທດໄທ ແລະໃນທີ່ສຸດ ກໍມາຮອດສະຫະລັດ ໃນຊຸມປີ 1970. ນັບຕັ້ງ
ແຕ່ ພວກເຂົາເຈົ້າໄດ້ເດີນທາງມາຮອດ ສະຫະລັດ ພວກເຂົາເຈົ້າກໍໄດ້ເລີ້ມເຮັດສວນ
ຢູ່ໃນລັດມິນເນໂຊຕາ ແລະ ໃນຫຼາຍປີຜ່ານມານີ້ ໄດ້ເຮັດສວນ ຢູ່ສະມາຄົມ HAFA
ໃນຖານະເປັນສະມາຊິິກຂອງຟາມ.

ນາງມາວ ມົວ ກ່າວວ່າ “ຂ້າພະເຈົ້າມັກເຮັດສວນ ຢູ່ຟາມຂອງ ສະມາຄົມ HAFA
ເພາະວ່າ ອັນນີ້ ແມ່ນສະມາຄົມຂອງຊາວມົ້ງ. ມີພວກຄົນງານທີ່ເປັນຄົນມົ້ງ ຜູ້ທີີ່
ຊ່ອຍເຫຼືອພວກເຮົາ. ພວກເຂົາເຈົ້າ ແມ່ນຄືກັບ ມື ຕາ ແລະ ຫູ ຂອງພວກເຮົາ.
ຂ້າພະເຈົ້າມັກ ທີ່ວ່າ ມີ ນ້ຳ ໄຟຟ້າ ແລະ ສູນລວມອາຫານ.”

ນາງກ່າວຕື່ມຢ່າງພາກພູມໃຈ ວ່າ “ຂ້າພະເຈົ້າປູກ ສາລີ ມັນຫວານ ໝາກເຊີຣີ
ຖົ່ວສັ້ນ ໝາກແຕງ ແລະ ໝາກເລັ່ນນ້ອຍ. ທໍ່ນັ້ນແຫລະ!”

ໂຄງການຕະຫຼາດທາງເລືອກອື່ນຂອງສະມາຄົມ HAFA ແມ່ນເອີ້ນວ່າ ສູນກາງຂາຍ
ອາຫານ ຫຼື ຟູດຫັບ (Food Hub).

ຊໍ່ດອກໄມ້ໃຫຍ່ ລໍຖ້າທີ່ຈະຖືກຂົນສົ່ງໄປຍັງ ຕະຫຼາດຂອງກະສິກອນ ໃນທ້ອງຖິ່ນ ຈາກຟາມສະຫະກອນ ຂອງຊາວມົ້ງ ຕັ້ງຢູ່ບໍ່ໄກຈາກນະຄອນ ເຊັນທ໌ ພອລ ລັດມິນເນໂຊຕາ.
ຊໍ່ດອກໄມ້ໃຫຍ່ ລໍຖ້າທີ່ຈະຖືກຂົນສົ່ງໄປຍັງ ຕະຫຼາດຂອງກະສິກອນ ໃນທ້ອງຖິ່ນ ຈາກຟາມສະຫະກອນ ຂອງຊາວມົ້ງ ຕັ້ງຢູ່ບໍ່ໄກຈາກນະຄອນ ເຊັນທ໌ ພອລ ລັດມິນເນໂຊຕາ.

ທ້າວ ກູ ຢາງ ຜູ້ຈັດການກິດຈະການ ຂອງຟູດ ຫັບ ໄດ້ອະທິບາຍວ່າ “ຟູດ ຫັບ ຂອງ
ພວກເຮົາ ເປັນສະຖານທີ່ ບ່ອນນຳເອົາຜົນຜະລິດ ຂອງພວກກະສິກອນ ຢູ່ໃນ
ຮາຟາ ເຂົ້າມາລວມກັນ ແລະພວກເຮົາກໍຈະຈັດສົ່ງອອກໄປ ໂດຍການຂາຍມັນ
ໃຫ້ແກ່ສະຖາບັນຕ່າງໆ ເຊັ່ນວ່າ ໂຮງຮຽນ ສະຫະກອນ ຫຼື ຮ້ານອາຫານຕ່າງໆ
ເປັນຕົ້ນ. ຕໍ່ຈາກນັ້ນ ພວກເຮົາຍັງມີ ໂຄງການ CSA ຫຼື ຊຸມຊົນ ສະໜັບສະໜຸນ
ການກະເສດ ທີ່ພວກເຮົາມີສະມາຊິກປະມານ 350 ຄົນ ໃນປັດຈຸບັນນີ້. ພວກ
ເຂົາເຈົ້າ ຈະໄດ້ຮັບບັນຊີລາຍການຂອງພືດຜົນ ທຸກໆສັບປະດາ.”

ແລະຖ້າຫາກ ສະມາຊິກກະສິກອນຄົນໃດ ໃນຫຼາຍກວ່າ 100 ຄົນ ຕ້ອງການກູ້ຢືມເງິນ
ກ້ອນນ້ອຍໆ ເພື່ອຊື້ລົດໄຖນາ ຫຼື ເຄື່ອງອຸປະກອນເຮັດສວນໃໝ່ ໂຄງການພັດທະນາ
ທຸລະກິດ ຂອງ ຮາຟາ ແມ່ນພ້ອມທີ່ຈະຊ່ອຍເຫຼືອ. ແຕ່ ນາງ ຮັງ ກ່າວວ່າ ໂຄງການ
ທັງໝົດນີ້ ແມ່ນບໍ່ພຽງແຕ່ສ້າງລາຍໄດ້ເທົ່ານັ້ນ.

ນາງກ່າວວ່າ “ສິ່ງທີ່ພວກເຮົາ ສົນໃຈນຳແທ້ໆ ກໍແມ່ນວ່າ ສິ່ງທີ່ພວກເຮົາ ເພັ່ງເລັງໃສ່
ແທ້ໆແລ້ວ ກໍແມ່ນການສ້າງລາຍໄດ້ ຄວາມຮັ່ງມີ ບໍ່ພຽງແຕ່ໃຫ້ຄົນຫຼາຍໆລຸ້ນ ລວມ
ທັງ ສ້າງຄວາມຮັ່ງມີໃຫ້ແກ່ຊຸມຊົນ ນຳດ້ວຍ.”

ໃນປັດຈຸບັນນີ້ ຊາວກະສິກອນມົ້ງ ອາເມຣິກັນ ແມ່ນມີຫຼາຍກວ່າ 50 ເປີເຊັນຂອງພວກ
ຜູ້ຜະລິດສິນຄ້າກະເສດທັງໝົດ ຢູ່ໃນຕະຫຼາດຂອງກະສິກອນ.

ທ່ານ ເດບວ໌ ໂຄຕໂຊນັສ ຜູ້ອຳນວຍການ ສະມາຄົມ ຕະຫຼາດຂອງກະສິກອນ ລັດ
ມີນເນໂຊຕາ ໄດ້ກ່າວວ່າ “ການມີສ່ວນຮ່ວມ ຂອງພວກກະສິກອນຊາວມົ້ງ ໃນ
ຕະຫຼາດຂອງກະສິກອນ ນັ້ນ ແມ່ນໄດ້ຟື້ນຟູຕະຫຼາດສົດ ຄືນໃໝ່ແທ້ໆເລີຍ.”

ພວກຊາວມົ້ງ ຍັງເປັນສູນກາງ ພື້ນຖານເສດຖະກິດດ້ານອາຫານຂອງລັດມິນເນໂຊຕາ
ທີ່ໄດ້ຫັນປ່ຽນແນວທາງການກິນຢູ່ ຂອງຊາວລັດມິນເນໂຊຕາ ນຳດ້ວຍ.

ນາງ ຮັງ ກ່າວວ່າ “ພວກກະສິກອນຊາວມົ້ງ ແມ່ນໄດ້ປະກອບສ່ວນຢ່າງໃຫຍ່ ເຂົ້າໃນເສດຖະກິດດ້ານອາຫານໃນທ້ອງຖິ່ນ ແລະໃນເສດຖະກິດໂດຍລວມ
ຂອງພວກເຮົາ. ຂ້າພະເຈົ້າ ໝາຍເຖິງ ການສຶກສາຄົ້ນຄວ້າ ໄດ້ສະແດງໃຫ້
ເຫັນວ່າ ພວກເຂົາເຈົ້າ ຜະລິດໄດ້ ເກີນກວ່າ 250 ລ້ານໂດລາ ໃນການຂາຍ
ສິນຄ້າ.”

ນາງ ຮັງ ເກີດຢູ່ໃນສູນອົບພະຍົບ ໃນປະເທດໄທ ແລະໄດ້ເຂົ້າມາຢູ່ ສະຫະລັດ ກັບ
ພໍ່ແມ່ຂອງນາງ ໃນປີ 1976.

ນາງກ່າວວ່າ “ໃນລະຫວ່າງສົງຄາມຫວຽດນາມ ຢູ່ໃນລາວ ແທ້ຈິງແລ້ວ ພໍ່ຂອງ
ຂ້າພະເຈົ້າ ໄດ້ເຂົ້າຮ່ວມໃນກຳລັງທະຫານລັບ ທີ່ເປັນພັນທະມິດ ກັບອົງການ
ສືບລັບ CIAສະຫະລັດ. ໃນເວລາສົງຄາມຫວຽດນາມ ໄດ້ສິ້ນສຸດລົງ ແລະ
ຝ່າຍຄອມມິວນິສໄດ້ເຂົ້າຍຶດອຳນາດ ຢູ່ໃນລາວ ພວກເຂົາເຈົ້າເລີ້ມຕົ້ນຕັ້ງເປົ້າ
ໝາຍໃສ່ ພວກທະຫານມົ້ງ.”

ນາງ ຮັງ ມີຄວາມໄຝ່ຝັນທີ່ຍິ່ງໃຫຍ່ ສຳລັບ ຟາມຂອງຮາຟາ ຊຶ່ງນອກເໜືອຈາກ ການ
ເຮັດໃຫ້ພວກກະສິກອນຢູ່ລອດໄດ້ແລ້ວ, ຍັງໄດ້ດຳເນີນການຄົ້ນຄວ້າ ແລະ ອຸປະຖຳ
ຄ້ຳຊູ ສາຍສຳພັນໃນຊຸມຊົນ.

ນາງ ຮັງ ບັນລະຍາຍ ວ່າ “ອັນນີ້ ແມ່ນສູນກາງຂອງການຮຽນຮູ້. ສູນກາງຂອງການ
ສ້າງຊຸມຊົນ.”

ອ່ານຂ່າວນີ້ຕື່ມ ເປັນພາສາອັງກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG