ລິ້ງ ສຳຫລັບເຂົ້າຫາ

logo-print

ສະມາຊິກລັດຖະສະພາ ມົ້ງ-ອາເມຣິກັນ ໃຫ້ການ ສະໜັບສະໜຸນ ຕໍ່ການຕໍ່ສູ້ ຂອງຄົນອາເມຣິກັນ ເຊື້ອສາຍອາຟຣິກາຢູ່ ສຫລ ເພື່ອຄວາມຍຸຕິທໍາ


ທ.ນ. ຊາແມນທາ ວາງ (ນຸ່ງຊຸດພື້ນເມືອງມົ້ງ) ໃນມື້ສາບານຕົວ ເຂົ້າຮັບຕໍາແໜ່ງເປັນສະມາຊິກສະພາຕໍ່າ ປະຈໍາລັດເມນນີໂຊຕາ ໃນເດືອນມັງກອນ, 2019. ທ່ານນາງ ຍັງໄດ້ຖືກເລືອກໃຫ້ເປັນ ປະທານຂອງຄະນະກໍາມະການ ຊາວເອເຊຍ-ປາຊີຟິກລັດມິນເນໂຊຕາ ອີກໃນເວລາຕໍ່ມາ

ທ້າມກາງສະພາບຟົດເດືອດຢູ່ໃນຫລາຍຕົວເມືອງຂອງສະຫະລັດ ໂດຍສະເພາະແມ່ນຢູ່ໃນນະຄອນເມນິອາໂປລິສ ຊຶ່ງເປັນເມືອງທີ່ຊາຍອາເມຣິກັນ ເຊື້ອສາຍອາ ຟຣິກາ, ທ້າວ ຈອຣຈ໌ ຟລອຍດ໌, ເສຍຊີວິດຍ້ອນຖືກຕໍາຫລວດຜິວຂາວເອົາຫົວ ເຂົ່າໜີບຄໍໃນອາທິດແລ້ວນີ້ນັ້ນ ສະມາຊິກສະພາຕໍ່າ ຊາແມນທາ ວາງ ປະຈໍາລັດ ເມນີໂຊຕາ, ໃນນາມເປັນປະທານຂອງຄະນະກໍາ ມະການຊາວເອເຊຍ-ປາຊີຟິກ ຫຼື Minnesota Asian Pacific (MAP) Caucus ຂອງລັດດັ່ງກ່າວໄດ້ສະແດງ ການສະໜັບສະໜຸນຂະບວນການຮຽກຮ້ອງເອົາຄວາມຍຸຕິທໍາມາໃຫ້ຊາວອາ ເມຣິກັນເຊື້ອສາຍອາຟຣິກາ ເພາະຖືວ່າ ມັນຈະຊ່ວຍນໍາເອົາການປ່ຽນແປງທີ່ ດີມາ ໃຫ້ສັງຄົມ, ບົວສະຫວັນຈະນໍາເອົາ ການສໍາພາດກັບທ່ານນາງ ມາສະເໜີທ່ານໃນອັນດັບຕໍ່ໄປ.

ທ່ານນາງ ຊາແມນທາ ວາງ ເປັນສະມາຊິກສະພາຕໍ່າປະຈໍາລັດເມນີໂຊຕາແລະ ເປັນປະທານຂອງຄະນະກໍາມະການ ຊາວເອເຊຍ-ປາຊີຟິກ ຫຼື Minnesota Asian Pacific (MAP) Caucus ຂອງລັດມິນເນໂຊຕາຊຶ່ງເປັນຄະນະກໍາມະ ການທາງດ້ານນິຕິບັນຍັດ ທີ່ມີສະມາຊິກລ້ວນແລ້ວແຕ່ເປັນສະມາຊິກລັດຖະສະ ພາເຊື້ອສາຍເອເຊຍ 6 ທ່ານ. ໃນນາມປະທານ ຂອງຄະນະກໍາມະການສໍາຄັນ ອັນນີ້ ທ່ານນາງສະໜັບສະໜຸນຂະບວນການຮຽກຮ້ອງໃຫ້ມີການປ່ຽນແປງຢ່າງ ສັນຕິຊຶ່ງຈະນໍາມາແຫ່ງຄວາມຍຸຕິທໍາ ແລະຄວາມສະເໝີພາບໃຫ້ແກ່ຊາວອາເມ ຣິກັນເຊື້ອສາຍອາຟຣິກາ ຕະຫລອດທັງຊົນເຜົ່າກຸ່ມນ້ອຍທີ່ມີຜິວສີອື່ນໆອີກດ້ວຍ ຊຶ່ງທ່ານນາງກ່າວດັ່ງນີ້:

please wait

No media source currently available

0:00 0:00:46 0:00
ລິງໂດຍກົງ

"The MAP Caucus has issued out a statement in solidarity with our black and brown communities. We condemn the killing of Mr. George Floyd who died at the hand of a Minneapolis police officer on Monday May 25. We are appalled and disheartened by the sense of inhumanity and we are calling our Asian American communities to stand united as we are protesting injustice.”
“ຄະນະກໍາມະການ MAP ໄດ້ອອກຖະແຫຼງການສະບັບນຶ່ງສະແດງຄວາມເປັນ ນໍ້ານຶ່ງໃຈດຽວກັນກັບປະຊາຄົມຜິວດໍາ ແລະຜິວສີນໍ້າຕານ. ພວກເຮົາຕໍາໜິຢ່າງ ແຮງຕໍ່ການຂ້າທ້າວ ຈອຣຈ໌ ຟລອຍດ໌ ຜູ້ທີ່ຕາຍໃນກໍາມືຂອງເຈົ້າໜ້າທີ່ຕໍາຫຼວດ ນະຄອນມິເນອາໂປລິສຄົນນຶ່ງໃນວັນຈັນ ທີ 25 ພຶດສະພາຜ່ານມາ. ພວກເຮົາ ມີຄວາມຕົກໃຈ ແລະ ເສຍຂວັນ ທີ່ມີຄວາມຮູ້ສຶກວ່າມັນມີຄວາມປ່າເຖື່ອນ ແລະ ພວກເຮົາກໍາລັງຮຽກຮ້ອງໃຫ້ປະຊາຄົມເຊື້ອສາຍເອເຊຍທັງຫລາຍ ໃຫ້ຢືນຢັດ ຢູ່ໃນຄວາມສາມັກຄີກັນໃນຂະນະທີ່ພວກເຮົາຄັດຄ້ານຕໍ່ການຂາດຄວາມຍຸຕິທໍາ ຢູ່ນີ້.”

ທ່ານນາງເລົ່າສູ່ຟັງໃນວັນພຸດຜ່ານມາວ່າ ການປະທ້ວງຍັງສືບຕໍ່ດໍາເນີນໄປຢ່າງ ຂັນແຂງຢູ່ ນັບຕັ້ງແຕ່ຕອນເລີ້ມຕົ້ນກໍຄືແລງວັນອັງຄານແລ້ວນີ້, ນຶ່ງມື້ຫລັງຈາກ ທ້າວຟລອຍດ໌ຖືກຂ້າຕາຍນັ້ນ. ເຖິງແມ່ນຈຸດໃຈກາງຂອງການປະທ້ວງນີ້ ຈະຢູ່ ບ່ອນຖະໜົນທີ 38 ຕັດກັບຖະໜົນຊີຄາໂກ ຊຶ່ງເປັນຈຸດເກີດເຫດນັ້ນ ກໍຕາມ ແຕ່ມັນ ກໍໄດ້ແຜ່ລາມໄປຫາຕົວເມືອງອື່ນໆ ຢ່າງໄວວາ. ໂດຍລວມແລ້ວ ຊາວອາເມຣິກັນເຊື້ອສາຍເອເຊຍ ແມ່ນສະໜັບສະໜຸນການປະທ້ວງນີ້ ແຕ່ກໍມີບາງ ຈໍານວນ ທີ່ບໍ່ເຫັນດີນໍາ ຊຶ່ງທ່ານນາງເວົ້າວ່າ:

ລິງໂດຍກົງ

“The Hmong community so far as I heard that have been more vocal but I’ve seen Vietnamese and Lao communities’ members who are supporting as well. So, I do see the general Asian American communities are supporting this protest. And, you know, there are within Asian communities just like in any other communities, there are people who appose to this, who think differently. And, I think that it’s part of the process.”
“ປະຊາຄົມມົ້ງ ເທົ່າທີ່ຜ່ານມາ ຂ້າພະເຈົ້າໄດ້ຍິນວ່າ ໄດ້ອອກປາກອອກສຽງນັບມື້ ນັບແຮງຂຶ້ນ ແຕ່ຂ້າພະເຈົ້າກໍໄດ້ເຫັນສະມາຊິກຂອງປະຊາຄົມຫວຽດນາມ ແລະ ລາວທີ່ໃຫ້ການສະໜັບສະໜຸນຄືກັນ. ສະນັ້ນ, ໂດຍລວມແລ້ວ, ຂ້າພະເຈົ້າເຫັນ ວ່າ ປະຊາຄົມອາເມຣິກັນເຊື້ອສາຍເອເຊຍກໍາລັງໃຫ້ການສະໜັບສະໜຸນການປະ ທ້ວງນີ້. ແລະ ທ່ານຮູ້ບໍ່, ຢູ່ພາຍໃນປະຊາຄົມອາເມຣິກັນ ເຊື້ອສາຍເອເຊຍ ກໍຄື ໃນປະຊາຄົມເຊື້ອສາຍອື່ນໆ, ແມ່ນມີຄົນທີ່ຄັດຄ້ານຕໍ່ການເຮັດແນວນີ້ ມີຄົນທີ່ມີ ຄວາມຄິດແຕກຕ່າງ. ແລະຂ້າພະເຈົ້າຄິດວ່າ ມັນເປັນສ່ວນນຶ່ງຂອງຂັ້ນຕອນ.”

ທ.ນ. ຊາແມນທາ ວາງ (ຊຸດພື້ນເມືອງມົ້ງ) ໃນວັນສາບານຕົວເຂົ້າຮັບຕໍາແໜ່ງເປັນສະມາຊິກສະພາຕໍ່າປະຈໍາລັດມິນເນໂຊຕາໃນເດືອນມັງກອນ 2019
ທ.ນ. ຊາແມນທາ ວາງ (ຊຸດພື້ນເມືອງມົ້ງ) ໃນວັນສາບານຕົວເຂົ້າຮັບຕໍາແໜ່ງເປັນສະມາຊິກສະພາຕໍ່າປະຈໍາລັດມິນເນໂຊຕາໃນເດືອນມັງກອນ 2019

ແຕ່ຢ່າງໃດກໍຕາມ ທ່ານນາງແນະນໍາວ່າ:
“We have to continue to educate ourselves and members and to continue to help others to see that we are in it together. We are better together than divided.”
“ພວກເຮົາຕ້ອງໄດ້ສືບຕໍ່ໃຫ້ການອົບຮົມພວກເຮົາເອງ ແລະສະມາຊິກຂອງພວກເຮົາ ແລະສືບຕໍ່ຊ່ວຍເຮັດໃຫ້ຄົນເຫັນໄດ້ວ່າ ພວກເຮົາເຂົ້າຢູ່ໃນການເຮັດແນວ ນີ້ນໍາກັນ. ພວກເຮົາຄວນສາມັກຄີກັນ ດີກວ່າຈະແຕກແຍກກັນ.”

ສ່ວນເລື້ອງກໍ່ຄວາມຮຸນແຮງນັ້ນແມ່ນໄດ້ຜ່ອນເບົາລົງຫລາຍແລ້ວ ຊຶ່ງທ່ານນາງ ເລົ່າສູ່ວີໂອເອຟັງດັ່ງນີ້:

please wait

No media source currently available

0:00 0:00:35 0:00
ລິງໂດຍກົງ

"The protests are still going on. There has been quieter in the past few nights. The Minnesota Governor has issued about 7,000 national guards two nights ago. And that has help quelled some of the lootings and fires that happened around Minneapolis and St. Paul."
“ການປະທ້ວງຍັງສືບຕໍ່ດໍາເນີນໄປ. ສອງສາມຄືນມານີ້ ຂ້ອນຂ້າງງຽບກວ່າເກົ່າ. ຜູ້ປົກຄອງລັດມິເນໂຊຕາ ໄດ້ເອົາກຳລັງຮັກສາດິນແດນຫລື National Guard ປະມານ 7,000 ຄົນ ເຂົ້າມາຍາມຢູ່ທີ່ນັ້ນ ໃນສອງຄືນກ່ອນ. ແລະອັນນັ້ນໄດ້ ຊ່ວຍເຮັດໃຫ້ການປຸ້ນຊັບສິນຈໍານວນນຶ່ງ ແລະ ການ ຈູດເຜົາເຮືອນທີ່ເກີດຂຶ້ນ ຢູ່ໃນເຂດນະຄອນມິນເນອາໂປລິສ ແລະເຊນ ພອລ ລະງັບລົງແດ່ແລ້ວ.”

ເມື່ອເວົ້າເຖິງການເສຍຫາຍຂອງຊັບສິນທີ່ເປັນຂອງຄົນເຊື້ອສາຍເອເຊຍຢູ່ໃນລັດນັ້ນ ທ່ານນາງເລົ່າສູ່ຟັງວ່າ ຢູ່ເຂດທີ່ທ່ານນາງອາໄສຢູ່ ຊຶ່ງເປັນຊານເມືອງຕິດ ກັບຊາຍແດນຂອງນະຄອນມິນເນອາໂປລິສ ບໍ່ໄດ້ຮັບຄວາມເສຍຫລາຍພໍປານ ໃດ ຊຶ່ງທ່ານນາງເປີດເຜີຍສູ່ຟັງດັ່ງນີ້:

please wait

No media source currently available

0:00 0:00:44 0:00
ລິງໂດຍກົງ

“We’ve not been hit as hard as Minneapolis and St. Paul, which have been attacked by… when those have been smashed and looted. We have a large Southeast Asian super market over Brooklynn Center that have been boarded up, are still open, I have not seen being looted yet.”
"ພວກເຮົາບໍ່ໄດ້ຖືກກະທົບແຮງເທົ່າກັນກັບຢູ່ໃນນະຄອນມິນເນອາໂປລິສ ແລະ ເຊນ ພອລ ທີ່ໄດ້ຖືກໂຈມຕີໂດຍ…. ເມື່ອເມື່ອງເຫລົ່ານັ້ນຖືກທັບມ້າງແລະລັກ ເອົາຊັບສິນໄປ. ພວກເຮົາມີຫ້າງຊັບພະສິນຄ້າໃຫຍ່ ຂອງຊາວເອເຊຍຕາເວັນ ອອກສຽງໃຕ້ ຢູ່ເຂດສູນກາງການຄ້າບຣູກຄລິນ ຫລື Brooklynn Cen
ter ທີ່ ຖືກຖະຫລົ່ມນັ້ນ ຍັງເປີດຢູ່, ຂ້າພະເຈົ້າຍັງບໍ່ເຫັນມັນຖືກປຸ້ນ ລັກເອົາເຄື່ອງຂອງ ໄປເທື່ອ.”

ແຕ່ທ່ານນາງກໍບອກວ່າ:

ລິງໂດຍກົງ

"Directly at St. Paul, especially in the area that is considered as kind of Hmong Capital in a sense with a lot of Hmong villages, the Hmong Town, there are a lot of Vietnamese … and restaurants along University Blvd. in St. Paul. I have not myself been there to witness the damage myself, but I have seen pictures of the entire block of buildings boarded up, smashed, looted. So, Southeast Asian small business owners are definitely hurting.”
“ສໍາລັບກະໂຕນະຄອນເຊນ ພອລ, ໂດຍສະເພາະຢູ່ໃນເຂດທີ່ຖືກຖືກັນຢ່າງໃດ ຢ່າງນຶ່ງວ່າ ເປັນນະຄອນຫລວງຂອງຄົນເຜົ່າມົ້ງ ຊຶ່ງມີບ້ານຂອງຊາວເຜົ່າມົ້ງ ຕັ້ງຢູ່ຫລາຍຫັ້ນ, ເປັນເມືອງຂອງມົ້ງນັ້ນ ມີຄົນຫວຽດນາມ… ແລະມີຮ້ານ ອາຫານຫຼາຍຮ້ານຢູ່ເຂດຖະໜົນ University Blvd. ໃນນະຄອນເຊນພອລນັ້ນ. ຂ້າພະເຈົ້າເອງສ່ວນຕົວແລ້ວກໍບໍ່ໄດ້ໄປເຫັນດ້ວຍຕາຂອງຕົນ ແຕ່ວ່າ ກໍໄດ້ເຫັນ ຢູ່ໃນຮູບວ່າ ມີຕຶກໝົດທັງບລອກຫລືຄຸ້ມນຶ່ງຖືກຖະລົ່ມ, ທຸບແລະລັກເຂົ້າໄປເອົາ ສິ່ງຂອງ. ສະນັ້ນ, ແນ່ນອນພວກເຈົ້າຂອງທຸລະກິດຂະໜາດນ້ອຍທີ່ເປັນຄົນເຊື້ອ ສາຍເອເຊຍຕາເວັນອອກສຽງໃຕ້ທັງຫລາຍ ແມ່ນໄດ້ຮັບຄວາມລໍາບາກເຂັນໃຈ,” ຊຶ່ງສະພາບການນີ້, ທ່ານນາງເວົ້າວ່າມັນເປັນໂສກນາດຕະກໍາ ແກ່ປະຊາຄົມເອ ເຊຍ ໂດຍສະເພາະ ກໍແມ່ນປະຊາຄົມເອເຊຍຕາເວັນອອກສຽງໃຕ້ເຊັ່ນ ຫວຽດ ນາມ, ມົ້ງ ແລະລາວ ອີ່ຫລີ. ທາງຫ້ອງການຂອງທ່ານນາງແມ່ນກໍາລັງທໍາການ ສໍາຫລວດ ຮ່ວມກັນກັບປະຊາຄົມເຫລົ່ານີ້ຢູ່ ເພື່ອຈະປະເມີນມູນຄ່າການເສຍ ຫາຍທີ່ເກີດຈາກເຫດການນີ້."

ແຕ່ຢ່າງໃດກໍຕາມ ເນື່ອງຈາກວ່າ ການແບ່ງແຍກເຊື້ອຊາດ ແລະຜິວພັນຢູ່ໃນ ສະຫະລັດ ແມ່ນບັນຫາທີ່ມີປະຫວັດອັນຮຸນແຮງມາແຕ່ດົນນານແລ້ວ ສະນັ້ນ ທ່ານນາງບອກວ່າ ການປະທ້ວງແບບນີ້ ແມ່ນສໍາຄັນຫລາຍ ບໍ່ພຽງແຕ່ສໍາລັບ ຄົນອາເມຣິກັນເຊື້ອສາຍອາຟຣິກາເທົ່ານັ້ນ ແຕ່ມັນຍັງສໍາຄັນຕໍ່ຊາວອາເມຣິກັນ ທີ່ມາຈາກຊົນກຸ່ມນ້ອຍຕ່າງໆ ອີກດ້ວຍ ຊຶ່ງທ່ານນາງ ຊີ້ແຈງດັ່ງນີ້:

ລິງໂດຍກົງ

“It’s important that we understand our black and brown communities……The black and brown communities have done a lot of work to help other communities of color along the way. You know, they fought for the rights to vote and they fought for civil rights. They have been in that fight before our Asian American did too…"
ມັນເປັນເລື້ອງສໍາຄັນຫລາຍທີ່ພວກເຮົາຕ້ອງມີຄວາມເຂົ້າໃຈຕໍ່ປະຊາຄົມຜິວດໍາ ແລະຜິວສີນໍ້າຕານຂອງພວກເຮົາ…… ປະຊາຄົມຜິວດໍາ ແລະຜິວສີນໍ້າຕານໄດ້ ເຮັດພາລະກິດມາຢ່າງຫລວງຫລາຍ ເພື່ອຊ່ວຍປະຊາຄົມທີ່ມີສີຜິວອື່ນໆໄປນໍາ. ທ່ານຮູ້ບໍ່, ພວກເຂົາເຈົ້າໄດ້ຕໍ່ສູ້ ເພື່ອໃຫ້ມີສິດໃນການປ່ອນບັດເລືອກຕັ້ງ ແລະພວກເຂົາເຈົ້າກໍຕໍ່ສູ້ເພື່ອສິດທິພົນລະເມືອງ. ພວກເຂົາເຈົ້າໄດ້ມີການຕໍ່ສູ້ແບບນັ້ນ ມາກ່ອນຊາວອາເມຣິກັນເຊື້ອສາຍເອເຊຍ ໄດ້ເຂົ້າໄປເຮັດນໍາອີກດ້ວຍ”.

ທ່ານນາງເນັ້ນຢໍ້າອີກວ່າ ປະຊາຄົມອາເມຣິກັນເຊື້ອສາຍເອເຊຍ ໃນນາມເປັນ ຊົນເຜົ່າກຸ່ມນ້ອຍກຸ່ມນຶ່ງຄວນຈະສະໜັບສະໜຸນການຕໍ່ສູ້ນີ້ເພາະມັນສໍາຄັນຫລາຍ ຊຶ່ງທ່ານນາງຊີ້ແຈງວ່າ:

please wait

No media source currently available

0:00 0:00:21 0:00
ລິງໂດຍກົງ

"…Especially in American where the white dominant culture we have to.. . We know that our communities of color have been oppressed by the system.”
“…ໂດຍສະເພາະແມ່ນຢູ່ໃນອາເມຣິກາ ບ່ອນທີ່ວັດທະນະທໍາຂອງຄົນຂາວ ເປັນ ວັດທະນະທໍາຄອບງໍາຢູ່ພວກເຮົາຕ້ອງ….. ພວກເຮົາຮູ້ດີແລ້ວວ່າປະຊາຄົມ ຂອງ ຄົນຜິວສີຕ່າງໆ ຂອງພວກເຮົາໄດ້ຖືກກົດຂີ່ໂດຍລະບົບນັ້ນຢູ່. ”

ທ.ນ. ຊາແມນທາ ວາງ (ຂວາສຸດ) ເຂົ້າຮ່ວມພິທີເຊັນຮັບຮອງເອົາວັນທີ 14 ພຶດສະພາໃຫ້ເປັນລະນຶກເຖິງ Special Guerilla Units ຂອງຊາວມົ້ງຢ່າງຖືກຕ້ອງຕາມກົດໝາຍ (ພຶດສະພາ, 2019)
ທ.ນ. ຊາແມນທາ ວາງ (ຂວາສຸດ) ເຂົ້າຮ່ວມພິທີເຊັນຮັບຮອງເອົາວັນທີ 14 ພຶດສະພາໃຫ້ເປັນລະນຶກເຖິງ Special Guerilla Units ຂອງຊາວມົ້ງຢ່າງຖືກຕ້ອງຕາມກົດໝາຍ (ພຶດສະພາ, 2019)

ທ່ານນາງຍັງເວົ້າອີກວ່າການປະທ້ວງເພື່ອຄວາມຍຸຕິທໍານີ້ ຍັງມີຄວາມສໍາ ຄັນ ຫລາຍຕໍ່ຄົນເຊື້ອສາຍມົ້ງອີກເພາະວ່າ:

ລິງໂດຍກົງ

"Even the Hmong community, the Hmong community in this city we also face police brutality. They are similar to what the black American Community going through. There was a notable Hmong case, Fong Lee, who died at the hand of Minneapolis police as well many many years ago. To this day, we haven’t seen justice yet. Though our history may be different, we do share experiences that have oppressed us through the white dominant culture here in America.”
“ແມ່ນແຕ່ປະຊາຄົມມົ້ງ, ປະຊາຄົມ ຄົນມົ້ງຢູ່ໃນເມືອງນີ້ ພວກເຮົາກໍໄດ້ປະເຊີນ ກັບການກະທໍາປ່າເຖື່ອນຈາກຕໍາຫລວດເຊັ່ນກັນ. ການກະທໍາເຫລົ່ານັ້ນ ແມ່ນ ຄ້າຍຄືສິ່ງທີ່ປະຊາຄົມຂອງຊາວອາເມຣິການຜິວດໍາກໍາລັງຜ່ານຜ່າຢູ່. ເຄີຍມີຄະດີ ຂອງຄົນມົ້ງທີ່ໂດດເດັ່ນ ຟັງ ລີ ( Fong Lee), ຜູ້ທີ່ຕາຍຢູ່ໃນກໍາມືຂອງຕໍາຫຼວດ ນະຄອນມິນເນອາໂປລິສ ຄືກັນ ຫລາຍ ຫລາຍປີມາແລ້ວ. ຈົນປານນີ້ກໍຍັງບໍ່ໄດ້ ຮັບຄວາມຍຸຕິທໍາເທື່ອ. ເຖິງແມ່ນວ່າປະຫວັດສາດ ຂອງພວກເຮົາອາດຈະຕ່າງ ກັນ ແຕ່ວ່າ ພວກເຮົາກໍໄດ້ມີປະສົບການອັນດຽວກັນ ທີ່ໄດ້ກົດຂີ່ພວກເຮົາມາ ໂດຍ ຜ່ານວັດທະນະທໍາທີ່ຄອບງໍາຢູ່ໜີ້ ໃນອາເມຣິການີ້.

ທ້າຍສຸດ ທ່ານນາງໃຫ້ຂໍ້ສັງເກດວ່າເປົ້າໝາຍຂອງການປະທ້ວງນີ້ ນອກຈາກ ຮຽກຮ້ອງໃຫ້ນໍາເອົາຄວາມຍຸຕິທໍາມາໃຫ້ການຕາຍຂອງທ້າວ ຈອຣຈ໌ ຟລອຍດ໌ ແລ້ວ ມັນຍັງຮຽກຮ້ອງໃຫ້ລະບົບການປະພຶດ ປະຕິບັດຂອງຕໍາຫລວດ ແລະ ພາກສ່ວນກ່ຽວຂ້ອງມີການປ່ຽນແປງຊຶ່ງເປັນເປົ້າໝາຍໄລຍະຍາວ. ສະນັ້ນການ ປະທ້ວງອາດຍັງຈະສືບຕໍ່ໄປອີກ ຈົນກວ່າຈະບັນລຸເປົ້າໝາຍສອງຢ່າງນີ້.

ເບິ່ງວີດິໂອກ່ຽວຂ້ອງກັບການຕາຍຂອງທ້າວຟລອຍດ໌

ອ່ານສະຫລຸບຂ່າວນີ້ເປັນພາສາອັງກິດຢູ່ລຸ່ມນີ້

Hmong-American House Representative Supports Those Who Call for Justice Over Floyd’s Death

Amid the prevailing protests in many cities across the country over the death of George Floyd in her state, as the Chairman of Minnesota Asian Pacific (MAP) Caucus, Minnesota House Representative Samantha Vang, expressed her support the peaceful protests calling for justice. “we are calling our Asian American communities to stand united as we are protesting injustice,” said a young Hmong house representative Vang.

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG