ລິ້ງ ສຳຫລັບເຂົ້າຫາ

logo-print

ຊາຍຜູ້ນຶ່ງທີ່ມີເຊື້ອ HIV ແລະໂຣກມະເຮັງ ບັດນີ້ ຫາຍດີທັງໂຣກມະເຮັງ ແລະເຊື້ອ HIV (ວີດິໂອ)


ລິງໂດຍກົງ

ເບິ່ງວີດີໂອ ກ່ຽວກັບທ້າວທິມ ທີ່ມີເຊື້ອ HIV ແຕ່ດຽວນີ້ ປົວຫາຍດີແລ້ວ ແລະໃຫ້ຄວາມຫວັງແກ່ນັກຄົ້ນຄວ້າ.

ຊາຍຜູ້ນຶ່ງທີ່ຕິດເຊື້ອ HIV ແລະຖືກວິໄຈພະຍາດວ່າ ເປັນໂຣກມະເຮັງຮ້າຍແຮງປະເພດນຶ່ງ ບັດນີ້ບໍ່ມີທັງໂຣກ ມະເຮັງ ແລະເຊື້ອ HIV, 5 ປີ ລຸນຫລັງທີ່ໝໍຊ່ຽວຊານດ້ານເນື້ອງອກ ທີ່ມີຫົວຄິດຂອງລາວ ໄດ້ຄິດຄົ້ນການປິ່ນປົວ ແບບນຶ່ງຂຶ້ນ ມາ ເພື່ອແນໃສ່ປົວທັງໂຣກມະເຮັງ ແລະເຊື້ອ HIV ຊຶ່ງເປັນເຊື້ອໄວຣັສທີ່ພາ ໃຫ້ເປັນໂຣກເອດສ໌ນັ້ນ ພ້ອມກັນ. ພວກ ທ່ານໝໍເວົ້າວ່າ ຊາຍຜູ້ນີ້ເປັນຄົນທຳອິດ ທີ່ຖືວ່າໄດ້ຫາຍດີຈາກເຊື້ອໄວຣັສ HIV ແລ້ວ. ຜູ້ສື່ຂ່າວວີໂອເອ, ນາງ Zuzanne Presto ໄດ້ ໂອ້ລົມກັບທ້າວ ທິມໂມທີ  ບຣາວ (Timothy Brown) ຄົນປ່ວຍທີ່ແສນຈະມີຄວາມ ອົດທົນ ຄົນນີ້ ພ້ອມກັບພວກນັກຄົ້ນຄວ້າທີ່ໄດ້ຮັບແຮງຈູງໃຈຈາກອາການຂອງລາວນັ້ນ. ກິ່ງສະຫວັນມີລາຍລະອຽດ ມາສະເໜີທ່ານໃນອັນດັບຕໍ່ໄປ.



ທ້າວ ທິມໂມທີ ບຣາວ (Timothy Brown) ທີຄັ້ງນຶ່ງເຄີຍເປັນ
ຜູ້ທີ່ຮູ້ກັນຢູ່ໃນວາລະສານ ການແພດຕ່າງໆ ວ່າເປັນ “the
Berlin Patient” ຫລື “ຄົນເຈັບຈາກເບີລິນ” ປະເທດເຢຍລະ
ມັນນັ້ນ ແມ່ນຊາຍຄົນທີ່ເຄີຍມີເຊື້ອໄວຣັສ HIV ແຕ່ວ່າດຽວນີ້ ບໍ່
ມີອີກແລ້ວ.

ທ້າວ ບຣາວ ໄດ້ເປີດເຜີຍຕົວເອງໃນປີ 2010. ດຽວນີ້ ລາວໄດ້
ຫັນມາເຄື່ອນໄຫວເພື່ອສົ່ງເສີມການຄົ້ນຄວ້າ ໃນການປິ່ນປົວ
ໂຣກເອດສ໌ ແລະໄດ້ມາເລົ່າເຖິງປະສົບປະການຂອງລາວ ຢູ່ນະ
ຄອນຫລວງວໍຊິງຕັນ ໃນເດືອນມິຖຸນາທີ່ຜ່ານມາ ທ້າວບຣາວ
ກ່າວ່າ:
“ຂ້ອຍກໍຍັງມີບັນຫາໃນການເຄື່ອນໄຫວໄປມາຢູ່ ແຕ່ວ່າ
ນອກເໜືອໄປກວ່າ ນັ້ນແລ້ວຂ້ອຍກໍຮູ້ສຶກສະບາຍດີ
ທຸກຢ່າງ. ເອີ້ ການໄດ້ຮັບການປິ່ນປົວໃຫ້ຫາຍເປັນສິ່ງ
ທີ່ດີຫລາຍອີ່ຫລີ.”


ທ້າວ ບຣາວ ກ່າວຕໍ່ວີໂອເອວ່າ ລາວໄດ້ຫາຍຈາກການມີເຊື້ອ
HIV ຕັ້ງແຕ່ປີ 2001 ເປັນ ຕົ້ນມາ. ທ້າວບຣາວເວົ້າວ່າ:
“ຂ້ອຍໄດ້ຮັບການປິ່ນປົວໃຫ້ຫາຍເປັນຢ່າງດີແລ້ວ ຊຶ່ງ
ໝາຍຄວາມວ່າ ຂ້ອຍ ບໍ່ໄດ້ຮັບ ຜົນກະທົບຈາກເຊື້ອໄວ
ຣັສນັ້ນອີກຕໍ່ໄປແລ້ວ ແລະກໍບໍ່ຕ້ອງໄດ້ກິນຢາເພື່ອຄວບ
ຄຸມເຊື້ອໄວຣັສນັ້ນອີກ.”


ທ້າວ ບຣາວ ດໍາລົງຊີວິດຢູ່ໃນນະຄອນເບີລິນ ໃນຕອນທີ່ລາວໄດ້ຖືກກວດພົບວ່າ ມີເຊື້ອ HIV ໃນປີ 1995 ແລະຫລັງຈາກນັ້ນມາ ລາວກໍໄດ້ກິນຢາ ຕ້ານເຊື້ອໄວຣັສນັ້ນ. ຕົກມາ ໃນປີ 2006 ທ່ານໝໍຜູ້ນຶ່ງໄດ້ກວດພົບວ່າ ລາວເປັນໂຣກມະເຮັງໃນເລືອດ.

ທ່ານໝໍຊ່ຽວຊານດ້ານເນື້ອງອກຂອງທ້າວບຣາວ, ທ່ານ ເຈໂຣ ຮູແອັດເຕີ (Gero Huetter)
ຮູ້ວ່າ 1 ໃນ 100 ຄົນໃດ ຊຶ່ງສ່ວນຫລາຍຈະແມ່ນຊາວຢູໂຣບເໜືອ ແມ່ນມີຄວາມຕ້ານທານ
ຕໍ່ເຊື້ອ HIV ສູງຍ້ອນ ການຜັນແປໃນເຊື້ອກຳມະພັນຂອງພວກເຂົາເຈົ້າ. ເວົ້າງ່າຍໆ ກໍຄືວ່າ
ພວກເຂົາເຈົ້າມີພູມຕ້ານທານ ທີ່ບໍ່ປ່ອຍໃຫ້ເຊື້ອ HIV ເຂົ້າໄປໃນເຊລຂອງພວກເຂົາເຈົ້າ ໄດ້ເລີຍ.

ທ່ານນາງ ພອລລາ ແຄນເນີນ (Paula Cannon) ຈາກມະຫາວິທະຍາໄລແຫ່ງພາກໃຕ້ ລັດຄາລີຟໍເນຍ ຫລື University of Southern California ເວົ້າວ່າ ການຜັນແປດັ່ງ
ກ່າວນີ້ ແມ່ນເປັນທີ່ຮູ້ກັນດີ ສຳລັບພວກນັກຄົ້ນຄວ້າກຸ່ມນ້ອຍທີ່ມີຄວາມຊ່ຽວຊານ ໃນການ
ຄົ້ນຄວ້າເຊື້ອ HIV. ທ່ານນາງກ່າວ ດັ່ງນີ້:
“ພວກຄົນເຫລົ່ານີ້ ເຖິງແມ່ນວ່າເຂົາເຈົ້າຈະຖືກເຜີຍແບໃສ່ເຊື້ອ HIV ກໍຕາມ ເຊື້ອໄວຣັສນັ້ນກໍ ບໍ່ມີທາງໃດທີ່ຈະໄປຕໍ່ໄດ້ ແລະມັນຈະສະຫລາຍຕົວໄປເອງ.”

ໃນປີ 2007 ທ້າວບຣາວ ໄດ້ຮັບການສາຍແສງລັງສີໝົດທົ່ວຕົນຕົວ ແລະຈາກນັ້ນ ລາວ ກໍໄດ້ຮັບການຜ່າຕັດປ່ຽນໄຂມັນໃນກະດູກ ໂດຍໄດ້ຮັບໄຂມັນ ຈາກຜູ້ບໍລິຈາກທີ່ມີຄວາມ ຕ້ານທານເຊື້ອ HIV. ຫລັງຈາກ ນັ້ນ ລາວກໍໄດ້ເຊົາກິນຢາຕ້ານເຊື້ອ HIV ໃນທັນທີ.
ເຖິງແມ່ນວ່າໂຣກມະເຮັງໃນເລືອດຂອງລາວ ໄດ້ກັບຄືນມາກໍຕາມ ແຕ່ວ່າເຊື້ອ HIV ບໍ່ໄດ້ກັບຄືນອີກ. ທ້າວບຣາວກ່າວເຖິງການປິ່ນປົວໂຣກມະເຮັງໃນເລືອດຂອງລາວວ່າ:
ທ້າວ ບຣາວອະທິບາຍວ່າ:
“ການຜ່າຕັດເທື່ອທຳອິດກໍເປັນໄປດ້ວຍດີ ແຕ່ວ່າ ເທື່ອທີສອງໜີ້ຕິ ມັນຂ້ອນຂ້າງ ເຈັບປວດຫລາຍ ຈົນຂ້ອຍບໍ່ປາດຖະໜາ ຢາກໃຫ້ມັນເກີດຂຶ້ນ ແມ່ນແຕ່ກັບສັດ ຕູຕົວຮ້າຍກາດທີ່ສຸດຂອງຂ້ອຍ ພຸ້ນແຫລະ.”

ພວກນັກຄົ້ນຄວ້າໄດ້ເນັ້ນໃຫ້ເຫັນເຖິງ ຄວາມສ່ຽງຂອງການຜ່າຕັດປ່ຽນເນື້ອເຫຍື່ອຕົ້ນກໍາ ເນີດ ຫລືຜ່າຕັດໄຂມັນໃນກະດູກ ເພື່ອປິ່ນປົວໂຣກ ມະເຮັງເລືອດນັ້ນ ແຕ່ທ່ານນາງ ພອລລາ ແຄນເນິນ ກ່າວວ່າ:
“ທ້າວບຣາວ ໄດ້ຮັບການຜ່າຕັດເຫລົ່ານັ້ນ ບໍ່ແມ່ນຍ້ອນວ່າລາວມີເຊື້ອໄວຣັສ HIV ແຕ່ຖ້າວ່າລາວບໍ່ຜ່າຕັດ ລາວກໍຈະຕາຍຍ້ອນໂຣກມະເຮັງໃນເລືອດໄປ ແລ້ວ.”

ຈາກການຜ່າຕັດນັ້ນ ທ້າວບຣາວໄດ້ຮັບຄວາມເສຍຫາຍທາງເສັ້ນປະສາດຖືກທຳລາຍ ແລະບໍ່ມີເງິນພໍໃຊ້ພໍຈ່າຍປານໃດ ແຕ່ວ່າລາວກໍບໍ່ມີເຊື້ອ HIV ອີກແລ້ວ.
ທ້າວບຣາວ
ເວົ້າວ່າ
“ບາງຄັ້ງມັນກໍເປັນການຍາກຢູ່ ເຊັ່ນວ່າ ການເວົ້າລົມກັບຜູ້ຄົນທີ່ຍັງມີເຊື້ອ HIV ຢູ່. ຂ້ອຍຂ້ອນຂ້າງຈະມີຄວາມຮູ້ສຶກຜິດວາດໃດວາດນຶ່ງເພາະວ່າຂ້ອຍຫາຍດີແລ້ວ ແຕ່ເຂົາເຈົ້າຍັງປ່ວຍຢູ່ ນັ້ນແຫລະເປັນເຫດຜົນພື້ນຖານທີ່ວ່າ ເປັນຫຍັງຂ້ອຍຈຶ່ງ ໄປທົ່ວໂລກ ແລະໄປເວົ້າເລື້ອງນີ້. ຂ້ອຍຢາກໃຫ້ມີການຄົ້ນຄວ້າກ່ຽວກັບເລື້ອງນີ້.”

ທ່ານໝໍ ໂຣເບີດ ຊີລີເຊຍໂນ (Robert Siliciano) ຈາກມະຫາວິທະຍາໄລ Johns Hopkins ເວົ້າວ່າ ທ້າວ ທິມ ບຣາວ ແມ່ນໄດ້ຮັບການກວດຄືນຢູ່ເລື້ອຍໆ ແລະກໍບໍ່ມີ ຫລັກຖານ ທີ່ຢືນຢັນໄດ້ວ່າ ລາວຍັງມີເຊື້ອ HIV ຢູ່ໃນລະບົບຮ່າງກາຍຂອງລາວຢູ່.
ດຣ. ຊີລີເຊຍໂນເວົ້າວ່າ “ທິມໄດ້ອອກຈາກລະບົບການປິ່ນປົວມາໄດ້ 5 ປີແລ້ວ ແລະ ເຊື້ອໄວຣັສນັ້ນ ກໍບໍ່ໄດ້ເລີ້ມຜັນຂະຫຍາຍຕົວມັນ ຄືນມາໃໝ່ ສະນັ້ນຂ້ອຍ ຄຶດວ່າ ລາວຫາຍດີແລ້ວ.”

ສ່ວນທ່ານນາງ ພອລລາ ກໍເວົ້າວ່າ:
ເວົ້າແທ້ໆແລ້ວ ລາວເປັນສັນຍາລັກບອກເຖິງສິ່ງທີ່ພວກເຮົາສາມາດເຮັດໄດ້ ສິ່ງທີ່ພວກເຮົາສາມາດ ໄຝ່ຝັນທີ່ຈເຮັດ ຈະທຳ ແລະມີຄວາມຫວັງ. ຖ້າຈະເວົ້າ ແລ້ວ ແຮງຈູງໃຈແມ່ນປ່ຽມລົ້ນ.”

ດຣ. ຊູເສິນ ບລູເມນທອນ (Susan Blumenthal) ເປັນທີ່ປຶກສາອະວຸໂສດ້ານນະໂຍ ບາຍແລະດ້ານການແພດ ສຳລັບມູນນິທິເພື່ອການຄົ້ນຄວ້າໂຣກເອດສ໌.
ນີ້ເລື້ອງນີ້ ໄດ້ເປັນການຈູງໃຈໃຫ້ພວກເຮົາເອົາ 75% ຂອງທຶນຄົ້ນຄວ້າ ຂອງພວກ ເຮົາເຂົ້າໃສ່ໃນການຊອກຫາວິທີປິ່ນປົວ.”

ທ່ານນາງແຄນເນິນກໍເຊັ່ນກັນ. ທ່ານນາງກໍມີຄວາມຫວັງສູງກ່ຽວກັບການປິ່ນປົວ. ທ່ານ ນາງທໍາການຄົ້ນຄ້ວາກ່ຽວກັບວິທີໃຊ້ການບຳບັດກຳມະພັນ ເພື່ອພັດທະນາເເຊລ ທີ່ມີ ການແປຕົວໄປຕ້ານກັບເຊື້ອ HIV.

ເບິ່ງຄວາມເຫັນ (2)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG