ເຈົ້າໜ້າທີ່ຂັ້ນສູງໃນກະຊວງກະສິກໍາ-ປ່າໄມ້ຂອງລາວ ໄດ້ໃຫ້ການຍອມຮັບວ່າການທີ່
ລາວຕ້ອງຕົກຢູ່ ພາຍໃຕ້ສະພາວະນໍ້າຖ້ວມຢ່າງຕໍ່ເນື່ອງ ນັບຈາກທ້າຍເດືອນ ມິຖຸນາ ເປັນຕົ້ນມາຈົນເຖິງປະຈຸບັນບໍ່ພຽງແຕ່ ຈະເຮັດໃຫ້ເກີດຜົນເສຍຫາຍທາງເສດຖະກິດ
ໄປຢ່າງຫຼວງຫຼາຍເທົ່ານັ້ນ ຫາກແຕ່ກໍ່ຍັງໄດ້ສົ່ງຜົນກະທົບ ຕໍ່ເນື່ອງໄປເຖິງແຜນການ ຮັບປະກັນຄວາມໝັ້ນຄົງດ້ານສະບຽງອາຫານຂອງລັດຖະບານລາວອີກດ້ວຍ.
ທັງນີ້ ລັດຖະບານລາວໄດ້ວາງເປົ້າໝາຍໄວ້ວ່າ ຈະເສີມຂະຫຍາຍການຜະລິດສະບຽງອາ
ຫານ ແລະສິນຄ້າພາຍໃນປະເທດ ເພື່ອຮັບປະກັນໃຫ້ໄດ້ຢ່າງຄັກແນ່ວ່າ ປະຊາຊົນລາວ ມີຜົນຜະລິດດ້ານສະບຽງອາຫານຢ່າງພຽງພໍ ກັບການບໍລິໂພກພາຍໃນປະເທດ ແລະສາ ມາດເພີ້ມການສົ່ງອອກສິນຄ້າໄປຕ່າງປະເທດ ເພື່ອເຮັດໃຫ້ລາວບໍ່ຕ້ອງປະເຊີນກັບບັນຫາ ຂາດດຸນການຄ້າຕ່າງປະເທດອີກຕໍ່ໄປ ພາຍໃນປີ 2015.
ການທີ່ຈະເຮັດໃຫ້ສາມາດບັນລຸ
ເປົ້າໝາຍດັ່ງກ່າວໄດ້ຢ່າງແທ້ຈິງ
ນັ້ນ ກໍຄືການສົ່ງເສີມເພື່ອເພີ້ມ
ຜົນຜະລິດສິນຄ້າກະສິກໍາແລະ
ສິນຄ້າປຸງແຕ່ງຊະນິດຕ່າງໆ
ເພື່ອສົ່ງອອກໄປຕ່າງປະເທດ
ໃຫ້ໄດ້ຫລາຍຂຶ້ນຢ່າງຕໍ່ເນື່ອງ
ຊຶ່ງລວມທັງການເພີ້ມຜົນຜະລິດ
ເຂົ້າເພື່ອສົ່ງອອກໃຫ້ໄດ້ລະຫວ່າງ
8 ແສນໂຕນໃນປີ 2015 ອີກ
ດ້ວຍ ດັ່ງທີ່ທ່ານສົມສະຫວາດ
ໄດ້ຖະແຫລງຊີ້ແຈງໃນຕອນນຶ່ງວ່າ:
“ດ້ານສະບຽງອາຫານເຖິງປີ 2015 ຜະລິດເຂົ້າໃຫ້ບັນລຸ 4.2 ລ້ານໂຕນ ສູ້ຊົນ
ຜະລິດຊີ້ນໃຫ້ໄດ້ 221,500 ໂຕນຕໍ່ປີ ແລະສັດນໍ້າໃຫ້ໄດ້ 157,200 ໂຕນຕໍ່ປີ
ດ້ານການຜະລິດເປັນສິນຄ້າ ສູ້ຊົນຜະລິດເຂົ້າເພື່ອສົ່ງອອກໃຫ້ໄດ້ປະມານ 8
ແສນເຖິງ1 ລ້ານໂຕນ ຕໍ່ປີ.”
ແຕ່ຢ່າງໃດກໍຕາມ ສໍາລັບໃນໄລຍະ 6 ເດືອນທຳອິດຂອງແຜນການ 2010–2011 ກໍຄືນັບ
ຈາກເດືອນຕຸລາ 2010 ເຖິງມີນາ 2011 ທີ່ຜ່ານມານີ້ ກໍປາກົດວ່າລາວຕ້ອງປະເຊີນກັບສະ
ພາວະຂາດດຸນການຄ້າຕ່າງປະເທດເພີ່ມຂຶ້ນເຖິງ 48% ຖ້າທຽບກັບໄລຍະດຽວກັນກັບແຜນ
ການປີ 2009–2010.
ຊຶ່ງກໍຄືໃນຂະນະທີ່ລາວໄດ້ສົ່ງອອກສິນຄ້າໄປຕ່າງປະເທດຄິດເປັນມູນຄ່າລວມ 836 ລ້ານ
ໂດລາ ຫຼື ເປັນ 68% ຂອງແຜນການຕະຫຼອດປີນັ້ນ ກໍປະກົດວ່າ ໄດ້ມີການນໍາເຂົ້າສິນ
ຄ້າຈາກຕ່າງປະເທດໃນມູນຄ່າລວມເຖິງ 1,047 ລ້ານໂດລາ ຫຼືຄິດເປັນ 83% ຂອງແຜນ
ການຕະຫຼອດປີ ຈຶ່ງເຮັດໃຫ້ລາວ ຕ້ອງປະເຊີນກັບສະພາວະຂາດດຸນການຄ້າຕ່າງປະເທດ
ຄິດເປັນມູນຄ່າລວມເຖິງ 211 ລ້ານໂດລາ ນັ້ນເອງ.
ຍິ່ງໄປກວ່ານັ້ນ ການທີ່ປາກົດວ່າ ມີເນື້ອທີ່ການກະສິກໍາກວ້າງກວ່າ
64,400 ເຮັກຕາໃນ 1,790 ໝູ່
ບ້ານໃນເຂດ 96 ເມືອງຂອງ
12 ແຂວງຈາກທັງໝົດ 17
ແຂວງໃນທົ່ວປະເທດນັ້ນ ຖືກ
ເສຍຫາຍຢ່າງໜັກ ນັ້ນໄດ້ເຮັດ
ໃຫ້ປະຊາຊົນຫຼາຍກວ່າ
429,900 ຄົນໄດ້ຮັບຄວາມ
ເດືອດຮ້ອນຢ່າງໜັກໜ່ວງຈາກ
ໄພນໍ້າຖ້ວມຄັ້ງໃຫຍ່ນີ້ອີກດ້ວຍ
ແລ້ວ ກໍຍ່ອມຈະສົ່ງຜົນກະທົບ
ຕໍ່ເນື່ອງໄປເຖິງຜົນຜະລິດທາງການກະສິກໍາຂອງລາວໃນປີນີ້ ຢ່າງຫລີກລ່ຽງບໍ່ໄດ້ເຊ່ນກັນ
ໂດຍປະມານການວ່າ ພື້ນທີ່ການກະເສດທີ່ຖືກນໍ້າຖ້ວມນັ້ນ ສາມາດຄິດເປັນຜົນເຂົ້າກິນທີ່
ເສຍຫາຍໄປຫລາຍກວ່າ 2 ແສນໂຕນ ເຄິ່ງ.
