ທ່ານ ຈູມມະລີ ໄຊຍະສອນ ປະທານປະເທດລາວ ໄດ້ມອບເງິນໃນມູນຄ່າ 100 ລ້ານກີບ ພ້ອມດ້ວຍເຄື່ອງອຸປະໂພກ-ບໍລິໂພກຈໍານວນໃຫ້ແກ່ທ່ານຄໍາໃບ ດໍາລັດ ເຈົ້າແຂວງຄໍາມ່ວນ
ເມື່ອບໍ່ນານມານີ້. ເພື່ອເປັນການໃຫ້ການຊ່ວຍເຫຼືອແກ່ປະຊາຊົນໃນເຂດ 6 ເມືອງຂອງ
ແຂວງຄໍາມ່ວນ ທີ່ໄດ້ຮັບຜົນກະທົບຢ່າງໜັກຈາກໄພນໍ້າຖ້ວມຄັ້ງຮ້າຍແຮງທີ່ໄດ້ເກີດຂຶ້ນ,
ນັບຕັ້ງແຕ່ທ້າຍເດືອນ ກໍລະກົດ ເປັນຕົ້ນມາຈົນເຖິງປະຈຸບັນນີ້ ສະພາບການຍັງຄົງເປັນ
ໜ້າເປັນຫ່ວງ ແລະຍັງຕ້ອງການຄວາມຊ່ວຍເຫຼືອຫຼາຍຂຶ້ນອີກດ້ວຍ.
ທັງນີ້ໂດຍທາງການແຂວງ
ຄໍາມ່ວນ ໄດ້ລາຍງານວ່າ
ພະຍຸໂຊນຮ້ອນນົກເຕນ ທີ່
ພັດເຂົ້າ ໃນເຂດພາກກາງ
ຂອງລາວ ນັບຈາກທ້າຍເດືອນ
ສິງຫານັ້ນ ໄດ້ເຮັດໃຫ້ປະຊາ
ຊົນໃນເຂດ 200 ກວ່າບ້ານ
ໃນແຂວງຄໍາມ່ວນ ຕ້ອງປະ
ເຊີນກັບໄພນໍ້າຖ້ວມຢ່າງໜັກ
ໜ່ວງ, ໂດຍສະເພະແມ່ນຢູ່
ໃນເຂດເມືອງມະຫາໄຊ ກັບ
ເມືອງເຊບັ້ງໄຟ ຖືເປັນເຂດ
ທີ່ປະຊາຊົນໄດ້ຮັບຜົນກະທົບ
ໜັກໜ່ວງທີ່ສຸດ. ເນື່ອງຈາກວ່າລະດັບນໍ້າໃນແມ່ນໍ້າເຊບັ້ງໄຟ ຢູ່ທີ່ເມືອງມະຫາໄຊນັ້ນ ໄດ້
ສູງຂຶ້ນເຖິງ 17.29 ແມັດ. ໃນຂະນະທີ່ລະດັບນໍ້າທີ່ຖືວ່າອັນຕະລາຍນັ້ນຢູ່ທີ່ລະດັບສະເລ່ຍ
15.5 ແມັດ, ສ່ວນຢູ່ເມືອງ ເຊບັ້ງໄຟນັ້ນລະດັບນໍ້າກໍ່ສູງເຖິງ 21.29 ແມັດ ໃນຂະນະທີ່
ລະດັບນໍ້າ ຖືວ່າອັນຕະລາຍຢູ່ທີ່ລະດັບສະເຫຼ່ຍ 18.5 ແມັດ.
ຍິ່ງໄປກວ່ານັ້ນ, ເມື່ອປະກອບກັບລະດັບນໍ້າໃນແມ່ນໍ້າຂອງຢູ່ທີ່ເມືອງທ່າແຂກ ກໍ່ສູງເຖິງ
13.16 ແມັດ ທີ່ຖືວ່າສູງກວ່າລະດັບອັນຕະລາຍແລ້ວນັ້ນ ນອກຈາກຈະເຮັດໃຫ້ນໍ້າເຊບັ້ງ
ໄຟ ບໍ່ສາມາດໄຫຼລົງນໍ້າຂອງໄດ້ແລ້ວ ກໍຍັງສົ່ງຜົນກະທົບຕໍ່ເນື່ອງເຮັດໃຫ້ເຂື່ອນນໍ້າເທີນ
2 ຈໍາເປັນຕ້ອງຢຸດເຊົາການຜະລິດກະແສໄຟຟ້ານັບເປັນເວລາກວ່າ 2 ເດືອນມາແລ້ວອີກ
ດ້ວຍ. ເນື່ອງຈາກວ່າເຂື່ອນນໍ້າເທີນ 2 ບໍ່ສາມາດທີ່ຈະປ່ອຍນໍ້າລົງສູ່ເຂດລຸ່ມຂອງເຂື່ອນ
ໄດ້ນັ້ນເອງ.
ນອກຈາກນີ້, ການທີ່ຍັງມີອີກ 4
ເມືອງ ໃນແຂວງ ຄໍາມ່ວນ ກໍຄື
ເມືອງຫີນບູນ, ເມືອງຍົມມະ
ລາດ, ເມືອງຄູນຄໍາ ແລະເມືອງ
ໜອງບົກນັ້ນ ກໍໄດ້ຮັບຜົນກະທົບ
ຈາກໄພນໍ້າຖ້ວມຢ່າງກວ້າງຂວາງ
ເຊັ່ນດຽວກັນ. ໂດຍປະມານການ
ເບື້ອງຕົ້ນວ່າພື້ນທີ່ນາເຂົ້າກວ້າງ
ກວ່າ 12,000 ເຮັກຕາ ຖືກນໍ້າ
ຖ້ວມເສຍຫາຍໄປແລ້ວນັ້ນ, ກໍ
ຍັງເຮັດໃຫ້ປະຊາຊົນນັບໝື່ນຄົນ
ບໍ່ພຽງຈະຕ້ອງການຄວາມຊ່ວຍເຫຼືອໃນດ້ານເຄື່ອງອຸປະໂພກ-ບໍລິໂພກ ແລະຢາຮັກສາໂຣກ
ຢ່າງຮີບດ່ວນເທົ່ານັ້ນ ຫາກແຕ່ຍັງຕ້ອງການຄວາມຊ່ວຍເຫຼືອເຂົ້າໃນການຟື້ນຟູສະພາບຊີວິດ
ການເປັນຢູ່ ໃຫ້ກັບຄືນສູ່ສະພາບການປົກກະຕິໃຫ້ໄວທີ່ສຸດອີກດ້ວຍ ດັ່ງທີ່ປະຊາຊົນຄົນນຶ່ງ ໃນເຂດເມືອງເຊບັ້ງໄຟ ໄດ້ສະແດງການຮຽກຮ້ອງວ່າ:
“ຄັນສິເວົ້າ ກະນຶ່ງມາ ກະເວົ້າເລື່ອງປູກສາລີໂຮງງານຫົວອາຫານນີ້ລະ ບັນຫາ
ສອງມາກະວ່າ ສິສະເໜີໃຫ້ເມືອງຫັ້ນຄົ້ນຄວ້າຊ່ວຍເຫຼືອເລື່ອງໝາກຖົ່ວເຫຼືອງ
ເນາະ. ພາຍຫຼັງທີ່ວ່າ ນໍ້າແຫ້ງລົງໄປ ມັນຕາຍມັນຍັງນີ້ນະ ເຮົາກະສິໄດ້ປູກທົດ
ແທນຄືນວ່າຫັ້ນຊະ. ອັນສາມມາ ກະແມ່ນນາແຊງນີ້ແຫຼະ, ນາແຊງນີ້ຖືວ່າຂາດ
ບໍ່ໄດ້, ສ່ວນນາປີນີ້ ຖືວ່າສໍາເລັດໄປແລ້ວໜະ ໝົດສະພາບແລ້ວວ່າ ຊັ້ນຊະ.”
ທັງນີ້ໂດຍສະຖາບັນວິໄຈເສດຖະກິດແຫ່ງຊາດລາວໄດ້ປະເມີນວ່າ ປະຊາຊົນຢູ່ໃນເຂດ 6
ເມືອງຂອງແຂວງຄໍາມ່ວນ ໄດ້ຮັບຄວາມເສຍຫາຍຈາກໄພນໍ້າຖ້ວມຄັ້ງນີ້ ຄິດເປັນມູນຄ່າ
ຫຼາຍກວ່າ 225 ຕື້ກີບ ແລະຍັງບໍ່ລວມເຖິງການທີ່ຈະຕ້ອງໃຊ້ງົບປະມານອິກຫຼາຍກວ່າ
45 ຕື້ກີບ ເພື່ອສ້ອມແປງຖະໜົນທີ່ເປ່ເພຈາກໄພນໍ້າຖ້ວມດັ່ງກ່າວ. ໃນຂະນະທີ່ການຊ່ວຍ
ເຫຼືອທີ່ເປັນຈິງນັ້ນ ຍັງໄປບໍ່ທົ່ວເຖິງປະຊາຊົນຜູ້ປະສົບໄພ ແລະຍັງຖືເປັນການຊ່ວຍເຫຼືອ
ສ່ວນນ້ອຍຂອງຄວາມຕ້ອງການທີ່ເປັນຈິງອີກດ້ວຍ.
