ລັດຖະບານອາຟຣິກາໃຕ້ ໄດ້ນໍາເອົາຢາປົວເຊື້ອໂຣກ HIV/
AIDS ແບບໃໝ່ ເມັດດຽວ ອອກຈໍາໜ່າຍໃນອາທິດແລ້ວນີ້
ພ້ອມກັບອ້າງວ່າ ມັນຈະເປັນການປິ່ນປົວໂຣກດັ່ງກ່າວ ທີ່ຖືກ
ທີ່ສຸດໃນໂລກ. ປະເທດນີ້ມີພົນລະເມືອງ ທີ່ດໍາລົງຊີວິດຢູ່ກັບ
ການຕິດເຊື້ອ HIV/AIDS ຫລາຍທີ່ສຸດໃນໂລກ ແລະມີ
ຄວາມຫວັງ ວ່າ ຢາເມັດທີ່ຜະລິດອອກໃໝ່ນີ້ ຈະຊ່ວຍໃຫ້
ພວກເຂົາເຈົ້າສາມາດປິ່ນປົວຄົນເຈັບທີ່ຕິດເຊື້ອໄວຣັສນີ້
ໄດ້ຫລາຍຄົນຂຶ້ນ. ຜູ້ສື່ຂ່າວວີໂອເອ Emilie Lob ມີລາຍ
ງານເລື້ອງນີ້ ຊຶ່ງບົວສະຫວັນຈະນໍາມາສະເໜີທ່ານ.
ຢູ່ສູນປິ່ນປົວທີ່ໃຊ້ຢາຕ້ານເຊື້ອໄວຣັສ ຫລື ARV ປະສົມປະ
ສານກັນຫລາຍຢ່າງ ທີ່ນ້ອຍໆແຫ່ງນີ້ ຢູ່ເຂດເໜືອຂອງເມືອງ
ຫລວງ Pretoria ຂອງປະເທດອາຟຣິກາໃຕ້ ຜູ້ຍິງຄົນນຶ່ງແຫງນ
ໜ້າເບິ່ງຮູບໂຄສະນາຢາປົວເຊື້ອໄວຣັສ HIV/AIDs ໃໝ່. ຮູບ
ໂຄສະນາດັ່ງກ່າວຂຽນວ່າ “ຢາ ARV ນຶ່ງເມັດຕໍ່ມື້. ຢາ ARV 3
ຢ່າງຢູ່ໃນເມັດດຽວ, ກິນ 1 ເມັດ ຕໍ່ມື້.” ສໍາລັບຊາວອາຟຣິກາໃຕ້
ທີ່ຕິດເຊື້ອໄວ ຣັສ HIV ແລ້ວ ການມີຢານີ້ ສາມາດໝາຍຄວາມ
ວ່າ ຈະມີການປ່ຽນແປງຢູ່ໃນຊີວິດປະຈໍາວັນຂອງພວກເຂົາເຈົ້າ ໃຫ້ດີຂຶ້ນຢ່າງຫລວງຫລາຍ.
ລັດຖະບານອາຟຣິກາໃຕ້ ໄດ້ເລີ້ມອະນຸຍາດໃຫ້ມີການວາງຢາ ສໍາລັບຜະລິດຕະພັນໃໝ່ນີ້
ໃນວັນທີ 1 ເມສາ. ແທນທີ່ຈະໄດ້ກິນຢາເທື່ອລະ 3 ເມັດ ສອງຄັ້ງຕໍ່ມື້, ບັດນີ້ ຄົນປ່ວຍທີ່ຕິດ
ເຊື້ອໄວຣັສ HIV ຈະໄດ້ກິນແຕ່ພຽງ 1 ເມັດ ນ້ອຍໆຕໍ່ມື້ ເທົ່ານັ້ນ.
ທ່ານ Dimarkatso Boikhutso ເຈົ້າໜ້າທີ່ແພດ ເວົ້າວ່າ ພວກຄົນເຈັບທີ່ໄດ້ປ່ຽນມາກິນ
ຢານີ້ ແມ່ນມີຄວາມພໍໃຈຫລາຍ. ທ່ານ Dimarkatso Boikhutso ເວົ້າວ່າ
“ສໍາລັບຄົນເຈັບ ທີ່ໄດ້ເລີ້ມໃຊ້ຢານີ້ປິ່ນປົວ ແມ່ນມີຄວາມດີໃຈ, ເພາະວ່າ
ມັນຊ່ວຍປະຢັດເວລາ ແລະກໍຍັງເຮັດໃຫ້ ປະຕິບັດຕາມລະບົບປິ່ນປົວໄດ້
ດີຂຶ້ນ.”
ຄິດກັນວ່າ ນອກນີ້ແລ້ວ ຢາເມັດໃໝ່ດັ່ງກ່າວຍັງຈະຊ່ວຍຫລຸດຜົນຂ້າງຄຽງລົງ ເມື່ອທຽບ
ກັບເມັດຢາອັນອື່ນ ທີ່ກິນປະສົມກັນ. ດັ່ງທີ່ທ່ານ Boikhutso ຊີ້ແຈງວ່າ:
ໃນເບື້ອງຕົ້ນ ພວກຄົນເຈັບກິນຢາ Stavudine ທີ່ມີຜົນຂ້າງຫລາຍຢ່າງ ເຊັ່ນ lipodystrophy ຫລື ການສູນເສຍໄຂມັນໃນ ຮ່າງກາຍຈໍານວນນຶ່ງ, ແລະ
ຜົນຂ້າງຄຽງທີ່ເອີ້ນວ່າ peripheral neuropathy ກໍຄື ເສັ້ນປະສາດໃນ
ຮ່າງກາຍອ່ອນແອລົງ. ແລ້ວຢານັ້ນ ກໍຄ່ອຍເຊົາໃຊ້ກັນໄປ. ມາບັດນີ້ ກໍມີ
ຢາເມັດດຽວ ຊຶ່ງມີຜົນຂ້າງຄຽງໜ້ອຍກວ່າ.”
ໃນໄລຍະສາມເດືອນທໍາອິດນີ້ ຢາໃຫມ່ນີ້ແມ່ນຈະເອົາໃຫ້ຄົນເຈັບໃໝ່ ພ້ອມກັບຜູ້ຍິງຖືພາ
ແລະຜູ້ຍິງລ້ຽງລູກດ້ວຍນໍ້ານົມ ກິນເປັນສ່ວນໃຫຍ່ ເພາະວ່າຢານີ້ ປ້ອງກັນການຕິດເຊື້ອ
ຈາກແມ່ໄປຫາລູກໄດ້ ໂດຍຜ່ານການກິນນໍ້ານົມແມ່ນັ້ນ.
ອາຟຣິກາໃຕ້ ຍັງແມ່ນປະເທດທີ່ມີພົນລະເມືອງທີ່ຕິດເຊື້ອໂຣກ HIV/AIDS ຫລາຍທີ່ສຸດ
ໃນໂລກ ແຕ່ວ່າອາຟຣິກາໃຕ້ກໍໄດ້ທໍາຄວາມກ້າວໜ້າຢ່າງຫລວງຫລາຍ ໃນການປິ່ນປົວ
ໂຣກດັ່ງກ່າວໃນສອງສາມປີມານີ້. ທຸກມື້ນີ້ ຊາວອາຟຣິກາໃຕ້ 1 ລ້ານ ເກົ້າແສນຄົນແມ່ນ
ໄດ້ຮັບການປິ່ນປົວກິນຢາຕ້ານເຊື້ອໂຣກ ທີ່ເອີ້ນວ່າ ຢາ ARV ນັ້ນ ຊຶ່ງເປັນຈໍານວນ 10
ເທື່ອ ຫລາຍກວ່າຈໍານວນໃນປີ 2005.
ທ່ານ Aaron Mostsoaledi ລັດຖະມົນຕີກະຊວງສາທາລະນະສຸກຂອງອາຟຣິກາໃຕ້
ກ່າວວ່າ ຢາໃໝ່ເມັດດຽວທີ່ມີຫລາຍໆຢາປະສົມກັນໃນຂະໜາດທີ່ແນ່ນອນນີ້ ໜ້າຈະ
ເຮັດໃຫ້ຈໍານວນຄົນທີ່ໄດ້ຮັບການປິ່ນປົວນັ້ນ ເພີ້ມຂຶ້ນ.
“ມັນຈະເປັນຢາທີ່ມີລາຄາຖືກທີ່ສຸດ. ພວກເຮົາເຄີຍຈ່າຍ 150 ແຣນ ຫລື
16 ໂດລາ ຕໍ່ຄົນເຈັບຄົນນຶ່ງ ຕໍ່ເດືອນ. ໂດຍການໃຊ້ຢາທີ່ປະສົມປະສານ
ກັນໃນຂະໜາດທີ່ແນ່ນອນນີ້ ເຮົາຈະໄດ້ຈ່າຍແຕ່ພຽງ 89 ແຣນ ຫລື 10
ໂດລາ ຕໍ່ເດືອນ. ຊຶ່ງໝາຍເຖິງຄວາມເປັນໄປໄດ້ ໃນການປິ່ນປົວຄົນໄດ້
ຫລາຍຄົນເພີ້ມຂຶ້ນອີກ ໂດຍໃຊ້ຊັບພະຍາກອນອັນດຽວກັນ.”
ອີງຕາມທ່ານ Mostsoaledi ແລ້ວ ຄ່າໃຊ້ຈ່າຍທີ່ເທົ່າກັບເດືອນລະ 10 ໂດລາ ຕໍ່ເດືອນ
ແມ່ນເປັນການປິ່ນປົວເຊື້ອ HIV/AIDs ທີ່ຖືກທີ່ສຸດໃນໂລກ ແລະ ລັດຖະບານກໍມີແຜນ
ທີ່ຈະວາງຢານີ້ ໃຫ້ພວກຄົນເຈັບທີ່ມີບູລະມະສິດນັ້ນ ໃຫ້ໄດ້ຮອດ 180 ພັນຄົນ ໃນໄລຍະ
ສາມເດືອນທໍາອິດ ຂອງການນໍາຢານີ້ອອກມາ ໃຊ້.
ນອກຈາກການປິ່ນປົວປະຊາຊົນທີ່ຕິດເຊື້ອໂຮກ HIV/AIDS ແລ້ວ ລັດຖະບານອາຟຣິກາ
ໃຕ້ ຍັງຈະສຸມນະໂຍບາຍຂອງຕົນ ໃສ່ການປ້ອງກັນພະຍາດດັ່ງກ່າວ ອີກດ້ວຍ.
ອາຟຣິກາໃຕ້ ມີພົນລະເມືອງ 5 ລ້ານ 6 ແສນຄົນ ທີ່ດໍາລົງຊີວິດຢູ່ກັບການຕິດເຊື້ອ HIV/AIDs. ຕົວເລກນີ້ ແມ່ນ 17 ເປີເຊັນ ຂອງປະຊາກອນໂລກທີ່ດໍາລົງຊີວິດຢູ່ກັບ
ການຕິດເຊື້ອດັ່ງກ່າວ.
AIDS ແບບໃໝ່ ເມັດດຽວ ອອກຈໍາໜ່າຍໃນອາທິດແລ້ວນີ້
ພ້ອມກັບອ້າງວ່າ ມັນຈະເປັນການປິ່ນປົວໂຣກດັ່ງກ່າວ ທີ່ຖືກ
ທີ່ສຸດໃນໂລກ. ປະເທດນີ້ມີພົນລະເມືອງ ທີ່ດໍາລົງຊີວິດຢູ່ກັບ
ການຕິດເຊື້ອ HIV/AIDS ຫລາຍທີ່ສຸດໃນໂລກ ແລະມີ
ຄວາມຫວັງ ວ່າ ຢາເມັດທີ່ຜະລິດອອກໃໝ່ນີ້ ຈະຊ່ວຍໃຫ້
ພວກເຂົາເຈົ້າສາມາດປິ່ນປົວຄົນເຈັບທີ່ຕິດເຊື້ອໄວຣັສນີ້
ໄດ້ຫລາຍຄົນຂຶ້ນ. ຜູ້ສື່ຂ່າວວີໂອເອ Emilie Lob ມີລາຍ
ງານເລື້ອງນີ້ ຊຶ່ງບົວສະຫວັນຈະນໍາມາສະເໜີທ່ານ.
ຢູ່ສູນປິ່ນປົວທີ່ໃຊ້ຢາຕ້ານເຊື້ອໄວຣັສ ຫລື ARV ປະສົມປະ
ສານກັນຫລາຍຢ່າງ ທີ່ນ້ອຍໆແຫ່ງນີ້ ຢູ່ເຂດເໜືອຂອງເມືອງ
ຫລວງ Pretoria ຂອງປະເທດອາຟຣິກາໃຕ້ ຜູ້ຍິງຄົນນຶ່ງແຫງນ
ໜ້າເບິ່ງຮູບໂຄສະນາຢາປົວເຊື້ອໄວຣັສ HIV/AIDs ໃໝ່. ຮູບ
ໂຄສະນາດັ່ງກ່າວຂຽນວ່າ “ຢາ ARV ນຶ່ງເມັດຕໍ່ມື້. ຢາ ARV 3
ຢ່າງຢູ່ໃນເມັດດຽວ, ກິນ 1 ເມັດ ຕໍ່ມື້.” ສໍາລັບຊາວອາຟຣິກາໃຕ້
ທີ່ຕິດເຊື້ອໄວ ຣັສ HIV ແລ້ວ ການມີຢານີ້ ສາມາດໝາຍຄວາມ
ວ່າ ຈະມີການປ່ຽນແປງຢູ່ໃນຊີວິດປະຈໍາວັນຂອງພວກເຂົາເຈົ້າ ໃຫ້ດີຂຶ້ນຢ່າງຫລວງຫລາຍ.
ລັດຖະບານອາຟຣິກາໃຕ້ ໄດ້ເລີ້ມອະນຸຍາດໃຫ້ມີການວາງຢາ ສໍາລັບຜະລິດຕະພັນໃໝ່ນີ້
ໃນວັນທີ 1 ເມສາ. ແທນທີ່ຈະໄດ້ກິນຢາເທື່ອລະ 3 ເມັດ ສອງຄັ້ງຕໍ່ມື້, ບັດນີ້ ຄົນປ່ວຍທີ່ຕິດ
ເຊື້ອໄວຣັສ HIV ຈະໄດ້ກິນແຕ່ພຽງ 1 ເມັດ ນ້ອຍໆຕໍ່ມື້ ເທົ່ານັ້ນ.
ທ່ານ Dimarkatso Boikhutso ເຈົ້າໜ້າທີ່ແພດ ເວົ້າວ່າ ພວກຄົນເຈັບທີ່ໄດ້ປ່ຽນມາກິນ
ຢານີ້ ແມ່ນມີຄວາມພໍໃຈຫລາຍ. ທ່ານ Dimarkatso Boikhutso ເວົ້າວ່າ
“ສໍາລັບຄົນເຈັບ ທີ່ໄດ້ເລີ້ມໃຊ້ຢານີ້ປິ່ນປົວ ແມ່ນມີຄວາມດີໃຈ, ເພາະວ່າ
ມັນຊ່ວຍປະຢັດເວລາ ແລະກໍຍັງເຮັດໃຫ້ ປະຕິບັດຕາມລະບົບປິ່ນປົວໄດ້
ດີຂຶ້ນ.”
ຄິດກັນວ່າ ນອກນີ້ແລ້ວ ຢາເມັດໃໝ່ດັ່ງກ່າວຍັງຈະຊ່ວຍຫລຸດຜົນຂ້າງຄຽງລົງ ເມື່ອທຽບ
ກັບເມັດຢາອັນອື່ນ ທີ່ກິນປະສົມກັນ. ດັ່ງທີ່ທ່ານ Boikhutso ຊີ້ແຈງວ່າ:
ໃນເບື້ອງຕົ້ນ ພວກຄົນເຈັບກິນຢາ Stavudine ທີ່ມີຜົນຂ້າງຫລາຍຢ່າງ ເຊັ່ນ lipodystrophy ຫລື ການສູນເສຍໄຂມັນໃນ ຮ່າງກາຍຈໍານວນນຶ່ງ, ແລະ
ຜົນຂ້າງຄຽງທີ່ເອີ້ນວ່າ peripheral neuropathy ກໍຄື ເສັ້ນປະສາດໃນ
ຮ່າງກາຍອ່ອນແອລົງ. ແລ້ວຢານັ້ນ ກໍຄ່ອຍເຊົາໃຊ້ກັນໄປ. ມາບັດນີ້ ກໍມີ
ຢາເມັດດຽວ ຊຶ່ງມີຜົນຂ້າງຄຽງໜ້ອຍກວ່າ.”
ໃນໄລຍະສາມເດືອນທໍາອິດນີ້ ຢາໃຫມ່ນີ້ແມ່ນຈະເອົາໃຫ້ຄົນເຈັບໃໝ່ ພ້ອມກັບຜູ້ຍິງຖືພາ
ແລະຜູ້ຍິງລ້ຽງລູກດ້ວຍນໍ້ານົມ ກິນເປັນສ່ວນໃຫຍ່ ເພາະວ່າຢານີ້ ປ້ອງກັນການຕິດເຊື້ອ
ຈາກແມ່ໄປຫາລູກໄດ້ ໂດຍຜ່ານການກິນນໍ້ານົມແມ່ນັ້ນ.
ອາຟຣິກາໃຕ້ ຍັງແມ່ນປະເທດທີ່ມີພົນລະເມືອງທີ່ຕິດເຊື້ອໂຣກ HIV/AIDS ຫລາຍທີ່ສຸດ
ໃນໂລກ ແຕ່ວ່າອາຟຣິກາໃຕ້ກໍໄດ້ທໍາຄວາມກ້າວໜ້າຢ່າງຫລວງຫລາຍ ໃນການປິ່ນປົວ
ໂຣກດັ່ງກ່າວໃນສອງສາມປີມານີ້. ທຸກມື້ນີ້ ຊາວອາຟຣິກາໃຕ້ 1 ລ້ານ ເກົ້າແສນຄົນແມ່ນ
ໄດ້ຮັບການປິ່ນປົວກິນຢາຕ້ານເຊື້ອໂຣກ ທີ່ເອີ້ນວ່າ ຢາ ARV ນັ້ນ ຊຶ່ງເປັນຈໍານວນ 10
ເທື່ອ ຫລາຍກວ່າຈໍານວນໃນປີ 2005.
ທ່ານ Aaron Mostsoaledi ລັດຖະມົນຕີກະຊວງສາທາລະນະສຸກຂອງອາຟຣິກາໃຕ້
ກ່າວວ່າ ຢາໃໝ່ເມັດດຽວທີ່ມີຫລາຍໆຢາປະສົມກັນໃນຂະໜາດທີ່ແນ່ນອນນີ້ ໜ້າຈະ
ເຮັດໃຫ້ຈໍານວນຄົນທີ່ໄດ້ຮັບການປິ່ນປົວນັ້ນ ເພີ້ມຂຶ້ນ.
“ມັນຈະເປັນຢາທີ່ມີລາຄາຖືກທີ່ສຸດ. ພວກເຮົາເຄີຍຈ່າຍ 150 ແຣນ ຫລື
16 ໂດລາ ຕໍ່ຄົນເຈັບຄົນນຶ່ງ ຕໍ່ເດືອນ. ໂດຍການໃຊ້ຢາທີ່ປະສົມປະສານ
ກັນໃນຂະໜາດທີ່ແນ່ນອນນີ້ ເຮົາຈະໄດ້ຈ່າຍແຕ່ພຽງ 89 ແຣນ ຫລື 10
ໂດລາ ຕໍ່ເດືອນ. ຊຶ່ງໝາຍເຖິງຄວາມເປັນໄປໄດ້ ໃນການປິ່ນປົວຄົນໄດ້
ຫລາຍຄົນເພີ້ມຂຶ້ນອີກ ໂດຍໃຊ້ຊັບພະຍາກອນອັນດຽວກັນ.”
ອີງຕາມທ່ານ Mostsoaledi ແລ້ວ ຄ່າໃຊ້ຈ່າຍທີ່ເທົ່າກັບເດືອນລະ 10 ໂດລາ ຕໍ່ເດືອນ
ແມ່ນເປັນການປິ່ນປົວເຊື້ອ HIV/AIDs ທີ່ຖືກທີ່ສຸດໃນໂລກ ແລະ ລັດຖະບານກໍມີແຜນ
ທີ່ຈະວາງຢານີ້ ໃຫ້ພວກຄົນເຈັບທີ່ມີບູລະມະສິດນັ້ນ ໃຫ້ໄດ້ຮອດ 180 ພັນຄົນ ໃນໄລຍະ
ສາມເດືອນທໍາອິດ ຂອງການນໍາຢານີ້ອອກມາ ໃຊ້.
ນອກຈາກການປິ່ນປົວປະຊາຊົນທີ່ຕິດເຊື້ອໂຮກ HIV/AIDS ແລ້ວ ລັດຖະບານອາຟຣິກາ
ໃຕ້ ຍັງຈະສຸມນະໂຍບາຍຂອງຕົນ ໃສ່ການປ້ອງກັນພະຍາດດັ່ງກ່າວ ອີກດ້ວຍ.
ອາຟຣິກາໃຕ້ ມີພົນລະເມືອງ 5 ລ້ານ 6 ແສນຄົນ ທີ່ດໍາລົງຊີວິດຢູ່ກັບການຕິດເຊື້ອ HIV/AIDs. ຕົວເລກນີ້ ແມ່ນ 17 ເປີເຊັນ ຂອງປະຊາກອນໂລກທີ່ດໍາລົງຊີວິດຢູ່ກັບ
ການຕິດເຊື້ອດັ່ງກ່າວ.
