ລິ້ງ ສຳຫລັບເຂົ້າຫາ

logo-print

ໂຣກມະເຮັງມ້າມ ແມ່ນຍາກທີ່ຈະປົວໄດ້ (ເບິ່ງວີດີໂອພາສາລາວ/ອັງກິດ)


ທ່ານ ສະຕີ​ວ ຈອ໊ບສ໌ (Steve Jobs) ອາດີດຫົວໜ້າຜູ້ບໍລິຫານ ຫລື CEO ຂອງ​​ບໍລິສັດ​ແອັບ​​ເປິ້ລ (Apple) ປະກາດວ່າ ທ່ານໄດ້ຮັບການຜ່າຕັດໃນປີ 2004

ຕອນ​ທີ່​ທ່ານ ສະຕີ​ວ ຈອ໊ບສ໌ (Steve Jobs) ລາ​ອອກ​ຈາກ​ຕໍາ​ແໜ່ງ ຫົວໜ້າຜູ້ບໍລິຫານ ຫລື CEO ຂອງ​​ບໍລິສັດ​ແອັບ​​ເປິ້ລ (Apple) ​ເມື່ອ​ທ້າຍ​ເດືອນ​ແລ້ວນັ້ນ ທ່ານ​ເວົ້າວ່າ ​ທ່ານ ​ລາອອກ​ກໍຍ້ອນວ່າທ່ານບໍ່ສາມາດ ​ທີ່​ຈະປະຕິບັດໜ້າທີ່​ຂອງ​ທ່ານໄດ້​ ຕາມ​ຄວາມ​ຮຽກຮ້ອງ ຕ້ອງການຂອງໜ້າທີ່ວຽກງານ​ຂອງທ່ານ ຕໍ່​ໄປ​ອີກ​ແລ້ວ. ເປັນ​ທີ່​ຮູ້​ກັນ​ດີ​ວ່າ ທ່ານ​ຈອ໊ບ​ສ໌ ເຄີຍໄດ້​ຮັບ​ການ​ປິ່ນປົວ​ໂຣກມະ​ເຮັງ​ມ້າມ ຊຶ່ງ​ເປັນ​ຕົວ​ການ​ອັນ​ດັບ​ສີ່ ທີ່​ພາ​ໃຫ້​ຄົນ​ເສຍ​ຊີວິດ ​ຍ້ອນ​​ໂຣກມະ​ເຮັງ​ຢູ່​ໃນ​ສະຫະລັດ. ນາຍ​ແພດ​ປິ່ນປົວ ໂຣກມະ​ເຮັງ​ ເວົ້າວ່າ ມະ​ເຮັງ​ມ້າມ​ແມ່ນ ​ຍາກ​ທີ່​ຈະ​ປິ່ນປົວ​ໄດ້​ເພາະວ່າມັນ​ ເປັນ​ການ​ຍາກ​ທີ່​ຈະ​ວິນິ​​ດໄສ​ພະຍາ​ດ​ໄດ້. ອະ​ໄວ​ຍະ​ວະ​ອັນ​ ນີ້ ​ແມ່ນ​ລີ້​ຢູ່​ບ່ອນ​ເລິກໆ​ໃນ​ທ້ອງ. ​ເມື່ອມີອາ​ການປາກົດອອກ​ໃຫ້​ເຫັນ ​ກໍ​ແມ່ນຕອນ​ທີ່​ພະຍາດ ​ໄດ້​​ກ້າວ​ໄປ​ເຖິງ​ຂັ້ນທີ່​ຫລ້າ​ສວາຍ​ເກີນ​ໄປ​ແລ້ວ. ຜູ້ສື່ຂ່າວວີໂອເອ Vidushi Sinha ມີລາຍລະ ອຽດກ່ຽວກັບ​ຂໍ້​ຫຍຸ້ງຍາກ​ໃນ​ການ​ປິ່ນປົວ​ໂຣກມະ​ເຮັງ​ມ້າມ ​ແລະ​ໂອກາດທີ່​ຈະ​ມີ​ຊີວິດ​ລອດ ຊຶ່ງ ວັນນະສອນຈະນໍາມາສະເໜີທ່ານ.

ໃນ​ປີ 2004, ທ່ານ​ສະຕີ​ວ ຈອ໊ບສ໌ ​ໄດ້​ປະກາດໃຫ້​ຮູ້ວ່າ ທ່ານ​ໄດ້​ຮັບການ ຜ່າຕັດເພື່ອ​ປົວ​
ໂຣກມະ​ເຮັງ​ມ້າມ ຊະນິດ​ນຶ່ງ ​ທີ່ມີ​ຄວາມຮ້າຍ​ແຮງລະດັບ ປານກາງ ​ແລະບໍ່ຄ່ອຍ​ມີຄົນ​ເປັນ
ກັນ ​ທີ່​ເອີ້ນວ່າ ​ເນື້ອງອກເສັ້ນປະສາດ​ຕ່ອ​ມຂັບນໍ້າ​ຍ່ອຍ ທີ່​ເປັນ​ແຊ​ລນ້ອຍໆ.

ໂຣກມະ​ເຮັງ​ມ້າມ​ຊະນິດ​ນີ້ກວາ​ມ​ເອົາປະມານ 5% ຂອງ​ໂຣກມະ​ເຮັງ​ມ້າມ​ທັງໝົດ. ມັນມີ​
ຜົນກະທົບ​ຕໍ່​ພວກ​ແຊ​ລ ທີ່​ຜະລິດ​ທາດ​ຮໍ​ໂມລ ທີ່​ຄວບ​ຄຸມ ລະດັບ​ນໍ້າຕານ​ໃນ​ເລືອດ. ​ໂຣກ
ມະ​ເຮັງມ້າມ​ປະ​ເພດທີ່​ກັນດານກ່ວາ​ ​ແລະຄົນ​ມັກ​ເປັນ​ກັນ​ນັ້ນ ​ແມ່ນເປັນຢູ່​ໃນແຊ​ລຜີວຂອງ
ເນື້ອເຍື່ອຕ່ອມທີ່​ຜະລິດ​ນໍ້າ​ຍ່ອຍ​ອາຫານ.

ໂຣກມະເຮັງມ້າມ ແມ່ນຍາກທີ່ຈະປົວໄດ້ (ເບິ່ງວີດີໂອພາສາລາວ/ອັງກິດ)
ໂຣກມະເຮັງມ້າມ ແມ່ນຍາກທີ່ຈະປົວໄດ້ (ເບິ່ງວີດີໂອພາສາລາວ/ອັງກິດ)

ມ້າມ​ແມ່ນອະ​ໄວ​ຍະ​ວະ​ຂັບ​ຖ່າຍ
ທີ່​ມີ​ຄວາມ​ຍາວ 15 ຊັງ​ຕີແມັດ
ຕິດ​ແໜບ ຢູ່ເບື້ອງ​ຫລັງ​ກະເພາະ
ອາຫານ ​ແລະ​ຢູ່​ລຸ່ມ​ຕັບ. ​ໂຣກ
ມະ​ເຮັງ​ມ້າ​ມ ​ແມ່ນ​ຍາກ​ທີ່​ຈະ​ວິນິ
ໄສ​ໄດ້ ​ເພາະວ່າ ພະຍາດ​ນີ້ ​ໃນ
ໄລຍະ​ຕົ້ນໆນັ້ນ ​ແມ່ນ​ຈະ​ບໍ່ສະ​
ແດງອາການທີ່​ເບິ່ງ​ອອກ​ໄດ້ເລີຍ.
ດຣ. ຄາ​ເລັດ ​ແອ​ລ-ຊາ​ມີ ຜູ້
ຊ່ຽວຊານ​ໂຣກມະ​ເຮັງ ​ແຫ່ງສູນ​ກາງ​ການ​ແພດຂອງ​ມະຫາວິທະຍາ​ໄລ ຈັອດ​ຈ໌ ວໍ​ຊິງ​ຕັນ
ຫລື George Washington University Medical Center ທີ່​ນະຄອນ​ຫລວງວໍ​ຊິງຕັນ
ກ່າວ​ວ່າ:

"ມັນບໍ່ມີ​ການ​ກວດ​ແບບ​ດຽວກັບ​ ການສ່ອງ​ໄຟຟ້າ​ເບິ່ງ​ເຕົ້ານົມ ທີ່​ເປັນ​ເຄື່ອງມື​ທີ່​ດີ
ຫລາຍ ສໍາລັບກວດ​ຫາມ​ະເຮັງເຕົ້ານົມນັ້ນ ຫລືກວດລະດັບ​ເລືອດ​ເພື່ອ​ຊອກ​ຫາ
ມະ​ເຮັງ​ຕ່ອມ​ນໍ້າກາມນັ້ນ."

ຄລິກບ່ອນນີ້ ເພື່ອເບິ່ງວີດິໂອເປັນພາສາລາວ

ຫ້າ​ປີພາຍຫລັງ​ການຜ່າຕັດ​ເພື່ອ​ປົວ​ໂຣກມະ​ເຮັງມ້າມ ທ່ານ​ຈອ໊ບສ໌ກໍ​ໄດ້​ຮັບ​ການປ່ຽນຕັບ
ຊຶ່ງທ່ານບອກ​ໃຫ້​ຮູ້​ວ່າ:

"ປະມານ​ຫ້າ​ເດືອນ​ກ່ອນ ຂ້ອຍ​ໄດ້​ຮັບການຜ່າ​ຕັດ​ເພື່ອ​ປ່ຽນຕັບ. ດຽວນີ້ ຂ້ອຍມີຕັບ
ຂອງ​ຄົນ​ທີ່​ມີ​ອາຍຸ​ຊາວ​ປາຍ​ປີ."

ດຣ. ​ແອລ-ຊາ​ມີ ​ເວົ້າວ່າ ມັນບໍ່​ແມ່ນ​ເລື່ອງ​ທີ່​ແປກ​ປະຫລາດຫຍັງ​ເລີຍ ​ເພາະວ່າ​ໂຣກມະ
ເຮັງມ້າມ​ສາມາດ​ແຜ່​ລາມ​ໄດ້.

“​ເນື້ອງອກເສັ້ນປະສາດ​ຕ່ອ​ມຂັບ​ນໍ້າຍ່ອຍ ມັກ​ຈະແຜ່ລາມ​ຈາກ​ມ້າມ​ໄປຫາ​ຕັບ ​ແລະ
ຕັບແມ່ນ​ເປັນ​ອະ​ໄວ​ຍະ​ວະທີ່​ສໍາຄັນ, ສະນັ້ນການຜ່າຕັດເອົາ ໂຣກມະ​ເຮັງ​ອອກ​ຈາກ​
ຕັບ ສາມາດ​ພາ​ໃຫ້​ມີ​ໂອກາດ​ລອດ​ຊີວິດ​ໄດ້​ຫລາຍ​ຂຶ້ນ. ການ​ປ່ຽນຕັບ​ແມ່ນ​ເປັນ​ການ
ຜ່າຕັດເອົາ​ມະ​ເຮັງ​ອອກ​ແບບ​ຕັດ​ຮາກ​ຖອນ​ເຫງົ້າ​ເລີຍ.”

ແຕ່ຢ່າງ​ໃດ​ກໍ​ຕາມ ດອກ​ເຕີ້ແອລ-ຊາ​ມີ ເຕືອນ​ວ່າ ການ​ປ່ຽນອະ​ໄວ​ຍະ​ວະບໍ່​ແມ່ນ "ລູກປືນ
ວິ​ເສດ" ຫລື​ວິທີປິ່ນປົວໃຫ້ຫາ​ຍຂາດ​ເລີຍ ຊຶ່ງ​ທ່ານ​ອະທິບາຍ​ວ່າ:

“ມັນເປັນການຊັ່ງ​ຊາ​ກັນ ​ໃນລະຫວ່າງການຕັດເອົາໂຣກມະເຮັງກ້ອນໃຫຍ່ໃນຕັບອອກ ແລະຄວາມສ່ຽງຕໍ່ການມີລະບົບພູມຕ້ານທານຂອງຮ່າງກາຍອ່ອນ​ແອລົງ ຊຶ່ງບໍ່ພຽງແຕ່
ສາມາດເຮັດໃຫ້ໂຣກມະເຮັງອັນເກົ່າ ກັບຄືນມາອີກ​ໄດ້​ເທົ່າ​ນັ້ນ ແຕ່ຍັງສາມາດເຮັດໃຫ້​
ໂຣກມະເຮັງ​ແນວອື່ນອີກຫລາຍອັນ ​ໂຜ່​ໂຕ​ຂຶ້ນ​ມາ​ໄດ້​ເຊ່ນ​ກັນ.”

ການປ່ຽນອະໄວຍະວະແມ່ນພາໃຫ້ພູມຕ້ານທານຂອງຮ່າງກາຍຫລຸດລົງ ຊຶ່ງສາມາດເປີດປະຕູ ໃຫ້ມີບັນຫາໃໝ່ເກີດຂຶ້ນ​ໄດ້.

ດຣ. ແມັດທິວ ວອລສ໌, (Dr. Matthew Walsh) ປະທານພະແນກ ຜ່າຕັດທົ່ວໄປຂອງ
ຄລີນິກ ຄລີວວະແລນດ໌ (General Surgery at Cleveland Clinic) ກ່າວກ່ຽວ​ກັບ​ໂຣກ
ມະ​ເຮັງມ້າມວ່າ:

“ມັນຂ້ອນ​ຂ້າງເປັນພະຍາດທີ່ກັບຄືນມາໄດ້ອີກ, ແຜ່ລາມອອກ​ໄປ ແລະກໍເອົາຄວາມ
ແຂງແຮງຂອງທ່ານໜີໄປ ຄື​ມີອາການທຸກຢ່າງທີ່ກ່ຽວຂ້ອງກັບໂຣກມະເຮັງ ແລະຄົນກໍ
ຕາຍຍ້ອນພະຍາດມະເຮັງແນວນີ້​ໄດ້ແທ້.”

ເຖິງ​ແມ່ນ ດຣ. ວອລສ໌ ຍັງບໍ່ເຄີຍໄດ້ປິ່ນປົວທ່ານ​ຈອ໊ບສ໌ຈັກເທື່ອ ແລະກໍບໍ່ຮູ້ລາຍລະອຽດ
ກ່ຽວ​ກັບການເຈັບເປັນຂອງທ່ານຈອ໊ບສ໌ ​ແຕ່ທ່ານກໍ ເວົ້າວ່າ ການຜ່າຕັດຂອງທ່ານຈອ໊ບສ໌
ອາດສາມາດມີຜົນຕາມມາ ຢ່າງໃຫຍ່ຫລວງ​ໄດ້ ຊຶ່ງທ່າ​ນອະທິບາຍ​ວ່າ:

"ເວົ້າ​ໃນ​ແງ່​ຂອງທາດອາຫານບໍາລຸງຮ່າງກາຍແລ້ວ-ບາງທີ​ໃນ​ກໍລະນີ​ທີ່ ເປັນໂຣກເບົາ
ຫວານ-ຖ້າຫາກຮ່າງກາຍຂອງທ່ານ ບໍ່ໄດ້ຮັບເອົານໍ້າຍ່ອຍ ຈາກມ້າມ
ໂດຍທັງໝົດ
ທ່ານຈະມີນໍ້າໜັກຫລຸດລົງ ເພາະວ່າທ່ານບໍ່ໄດ້ ດູດຊຶມເອົາໄຂມັນທີ່ຈໍາເປັນທັງໝົດ
ແລະເພາະສະນັ້ນ ພາກສ່ວນນຶ່ງ
ຂອງ​ສິ່ງທີ່ທ່ານຈອ໊ບສ໌ກໍາລັງຜ່ານຜ່າຢູ່​ເວລາ​ນີ້ ກໍ
ແມ່ນຜົນຕາມມາຂອງການຜ່າຕັດທີ່ບໍ່ດີອີກດ້ວຍ. ນອກນັ້ນແລ້ວໂດຍການຜ່າຕັດ
ປ່ຽນຕັບນັ້ນ ທ່ານຈອ໊ບສ໌ກໍຍັງມີບັນຫາອື່ນອີກ ໃນດ້ານການກົດດັນພູມຕ້ານທານ
ຂອງຮ່າງກາຍ ຊຶ່ງ​ໃນ​ພາກ​ໂຕຈິງແລ້ວ ອາດສົ່ງ​ຜົນ​ໃຫ້ເນື້ອງອກເຕີບໂຕຄືນມາອີກ."

ສ່ວນດຣ. ​ແອລ-ຊາ​ມີ ນັ້ນ ກ່າວສະຫລູບວ່າ ໂຣກມະເຮັງມ້າມບາງຊະນິດ ສາມາດ​ແຜ່
ຜາຍທາງ​ກໍາມະພັນໄປຫາກັນໄດ້ຢູ່ໃນຄອບຄົວ. ການສູບຢາແລະກິນເຫລົ້າ ກໍມີສ່ວນ
ພົວພັນກັບພະຍາດນີ້. ແຕ່ທ່ານກໍກ່າວວ່າ ຍັງບໍ່ຮູ້ສາເຫດຄັກ​ແນ່ຂອງກໍລະນີສ່ວນໃຫຍ່
ຂອງ​ໂຣກມະ​ເຮັງມ້າມ​ນັ້ນ.

ເບິ່ງວີດີໂອ ພາສາອັງກິດ:

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG