ລິ້ງ ສຳຫລັບເຂົ້າຫາ

logo-print

ເດັກນ້ອຍ ທີ່ບໍ່ໄດ້ກິນ ອາຫານດີ ມັກເຈັບເປັນງ່າຍ ແລະ ບໍ່ສະຫລາດ ເມື່ອໃຫຍ່ຂຶ້ນ (ວີດິໂອ ລາວ/ອັງກິດ)


ພາບຖ່າຍໃນວັນພຸດ ທີ 10 ສິງຫາ 2011 ສະແດງໃຫ້ເຫັນວ່າ ທ້າວ Ibrahim Abukar Abdi ອາຍຸສາມປີ ໄດ້ກິນອາຫານໂດຍການສົ່ງຜ່ານທໍ່ສົ່ງອາຫານຢູ່ໂຮງໝໍ Banadir ໃນນະຄອນ Mogadishu ຂອງໂຊມາເລຍ. ທ່ານໝໍເວົ້າວ່າ ລາວເປັນໂຣກຂາດອາຫານ ແລະໂຣກໝາກສຸກຢ່າງໜັກ.
ພວກນັກຊ່ຽວຊານເວົ້າວ່າ ການໃຫ້ທຶນເພື່ອຊື້ອາຫານທີ່ມີທາດ
ບໍາລຸງ ໃຫ້ເດັກນ້ອຍກິນ ແມ່ນຍຸດທະສາດທີ່ສ້າງປະໂຫຍດສູງ
ທີ່ສຸດ ສໍາລັບປະເທດໃດກໍຕາມທີ່ເຮັດໄດ້. ຖ້າຫາກວ່າເດັກນ້ອຍ
ອຶດຫິວ, ພວກເຂົາຈະເຈັບປ່ວຍໄດ້ງ່າຍຂຶ້ນ, ຕ້ອງການການປິ່ນ
ປົວ ດູແລສຸຂະພາບທີ່ແພງກວ່າທໍາມະດາ ແລະເວລາໃຫຍ່ຂຶ້ນມາ ກໍຈະຫາເງິນໄດ້ໜ້ອຍກວ່າຜູ້ໃຫຍ່ ທີ່ໄດ້ກິນອາຫານທີ່ມີທາດບໍາ
ລຸງ ທີ່ຖືກຕ້ອງດີ. Carol Pearson ຜູ້ສື່ຂ່າວ ໂອເອລາຍງານ
ກ່ຽວກັບຜົນປະໂຫຍດໃນດ້ານເສດຖະກິດ ຂອງການປ້ອງກັນ
ໂຣກຂາດອາຫານຂອງເດັກນ້ອຍ ຊຶ່ງວັນນະສອນ ຈະນໍາມາ
ສະເໜີທ່ານໃນອັນດັບຕໍ່ໄປ.

ລິງໂດຍກົງ

ເບິ່ງວີດິໂອກ່ຽວກັບລາຍງານນີ້ເປັນພາສາລາວ:



ເດັກນ້ອຍອີທິໂອເປຍເຫລົ່ານີ້ ກໍາລັງໄດ້ຮັບການ ກວດເບິ່ງວ່າ ພວກເຂົາເປັນ
ໂຣກຂາດອາຫານຫລືບໍ່?

ໂຣກຂາດທາດອາຫານແມ່ນເປັນບັນຫາຂອງໂລກ. ມັນມີຢູ່ ແມ່ນແຕ່ໃນປະເທດຮັ່ງມີ ແລະ
ກໍມີຜົນກະທົບຢ່າງສູງ ຕໍ່ເດັກນ້ອຍຈໍານວນຫລວງ ຫລາຍຢູ່ຂົງເຂດເອເຊຍ ໂດຍສະເພາະ
ແມ່ນໃນເຂດເອເຊຍໃຕ້.

ຢູ່ໃນຫລາຍເຂດຂອງໂລກ, ເຊັ່ນຢູ່ເຂດໃຕ້ທະເລຊາຍຊາຮາຣາ ມັນເປັນໄພຂົ່ມຂູ່ຕໍ່ການ
ມີຊີວິດຢູ່ລອດຂອງເດັກນ້ອຍ.

ດຣ. Peter Salama ຜູ້ຕາງໜ້າຂອງ UNICEF ຫລືກອງທຶນເດັກຂອງສະຫະປະຊາ
ຊາດປະຈໍາອີທິໂອເປຍ. ດຣ. Salama ເວົ້າວ່າ:

“ເກືອບໝົດທຸກປະເທດຢູ່ໃນທະວີບອາຟຣິກາທຸກມື້ນີ້ ແມ່ນມີອັດຕາໂຣກຂາດ
ອາຫານທີ່ສູງຫລາຍ. ຄໍາຖາມກໍຄືວ່າມັນຈະສູງຂຶ້ນໄປອີກຫລາຍປານໃດ?”


ການສຶກສາຄົ້ນຄວ້າໃໝ່ ທີ່ພິມເຜີຍແຜ່ຢູ່ໃນວາລະສານການແພດ Lancet ສະແດງໃຫ້
ເຫັນວ່າ ໂຣກຂາດອາຫານກວມເອົາ 45 ເປີເຊັນ ຂອງສາເຫດການຕາຍຂອງເດັກນ້ອຍ ອາຍຸຕໍ່າກວ່າຫ້າປີ. ສ່ວນພວກເດັກນ້ອຍທີ່ມີຊີວິດຢູ່ ກໍແມ່ນຢຸດຂະຫຍາຍຕົວໝາຍຄວາມ
ວ່າຮ່າງກາຍ ແລະສະໝອງຂອງພວກເຂົາ ບໍ່ເຕີບໂຕເທົ່າທີ່ຄວນ.

ດຣ. Robert Black ຈາກມະຫາວິທະຍາໄລ Johns Hopkins ທີ່ນໍາພາການຄົ້ນຄວ້າ
ບັ້ນຕ່າງໆ ກ່າວຕໍ່ວີໂອເອ ຜ່ານທາງ Skype ວ່າ ບັນຫາແມ່ນເລີ້ມມາແຕ່ຢູ່ໃນທ້ອງແມ່. ດຣ. Black ໃຫ້ຄໍາເຫັນວ່າ:

ພວກແມ່ທີ່ເປັນໂຣກຂາດອາຫານ ກໍມີລູກນອ້ຍໃນທ້ອງທີ່ບໍ່ເຕີບໂຕ ເຊັ່ນກັນ, ສະນັ້ນ ການເຕີບໂຕຂອງລູກໃນທ້ອງທີ່ຖືກຈໍາກັດນັ້ນ ກໍແມ່ນເປັນບັນຫາ. ເດັກ
ທາຣົກທີ່ເກີດມາມີຮ່າງກາຍນ້ອຍໆ ຕັ້ງແຕ່ເປັນເດັກຢູ່ໃນທ້ອງ ແມ່ນມີອັດຕາ
ການເສຍຊີວິດເພີ້ມຂຶ້ນ, ມີອັດຕາການຢຸດຂະຫຍາຍຕົວສູງຂຶ້ນ ແລະມີບັນຫາ
ດ້ານພັດທະນາການ ຫລືການຈະເລີນເຕີບໂຕເພີ້ມຂຶ້ນໃນພາຍຫລັງ.”


ພວກນັກຄົ້ນຄວ້າເວົ້າວ່າ ຖ້າຫາກປະເທດຕ່າງໆ ດໍາເນີນມາດຕະການ ງ່າຍໆຈໍານວນ
ນຶ່ງ ປະເທດເຫລົ່ານັ້ນກໍຈະສາມາດຊ່ວຍຊີວິດຂອງເດັກນ້ອຍໄວ້ໄດ້ ຮອດນຶ່ງລ້ານຄົນໃນ
ແຕ່ລະປີ.

ພວກນັກຄົ້ນຄ້ວາສະເໜີມາດຕະການຕ່າງໆ ຊຶ່ງລວມມີ ການນໍາເອົາຢາບໍາລຸງສຸຂະພາບ
ທີ່ມີອາຊິດໂຟລິກ ແລະທາດຄາລຊຽມໃຫ້ແມ່ຍິງຖືພາກິນ, ສົ່ງເສີມໃຫ້ລ້ຽງລູກດ້ວຍນໍ້ານົມ
ແມ່ ແລະເອົາໄວຕາມິນເອ ແລະຢາບໍາລຸງສຸຂະພາບທີ່ມີທາດສັງກະສີໃຫ້ເດັກນ້ອຍກິນ.

ວາລະສານ Lancet ລາຍງານວ່າ ການຫລຸດອັດຕາໂຣກຂາດອາຫານຂອງເດັກນ້ອຍລົງ
20 ເປີເຊັນ ຈະສິ້ນເປືອງຄ່າໃຊ້ຈ່າຍຢູ່ 9 ພັນລ້ານ ໂດລາ.

ເບິ່ງວີດິໂອກ່ຽວກັບຂ່າວນີ້ເປັນພາສາອັງກິດ:




ທ່ານ Harold Alderman ຈາກສະຖາບັນຄົ້ນຄວ້າ ນະໂຍບາຍດ້ານອາຫານສາກົນ ທີ່
ນະຄອນຫລວງວໍຊິງຕັນ ເປັນຜູ້ນຶ່ງທີ່ຂຽນບົດຄວາມກ່ຽວກັບເລື້ອງນີ້ ໃນວາລະສານ Lancet. ທ່ານ Alderman ອະທິບາຍວ່າ:

“ເງິນໃນທຸກໆນຶ່ງໂດລາໃດ ທີ່ລົງທຶນໃສ່ດ້ານນີ້ ເຮົາຈະໄດ້ຮັບປະໂຫຍດທາງ
ເສດຖະກິດໃນມູນຄ່າປະມານ 8 ຫາ 10 ໂດລາຄືນມາ. ຕອນທີ່ຂ້າພະເຈົ້າ
ເຮັດການສຶກສາຄົ້ນຄວ້ານີ້ຂ້າພະເຈົ້າເວົ້າວ່າ ເບິ່ງແມ່ ບໍ່ມີໃຜຮູ້ຈັກວິທີທີ່ຈະ
ເວົ້າວ່າ ການຊ່ວຍຊີວິດຄົນໄວ້ນັ້ນ ມັນມີຄຸນຄ່າຫລາຍປານໃດ.”


ທ່ານ Alderman ເວົ້າວ່າ ລັດຖະບານປະເທດຕ່າງໆແມ່ນຈະໄດ້ຮັບຜົນປະໂຫຍດ ຖ້າ
ເຂົາເຈົ້າລ້ຽງດູເດັກນ້ອຍ ໃຫ້ໄດ້ຢູ່ດີກິນດີ. ທ່ານ Alderman ໃຫ້ຄໍາເຫັນເພີ້ມເຕີມວ່າ:

“ຂ້າພະເຈົ້າຮູ້ສຶກຂ້ອນຂ້າງງົງໜ້ອຍນຶ່ງວ່າ ເປັນຫຍັງລັດຖະບານຍັງຄິດວ່າ ການລົງທຶນໃສ່ອາຫານໃຫ້ເດັກນ້ອຍໄດ້ກິນດີນັ້ນ ແມ່ນເທົ່າກັນກັບເປັນການ
ເອົາເງິນທົດແທນໃຫ້ແກ່ຄົນທຸກ ແລະເວົ້າວ່າ ແຕ່ພວກເຮົາຈະໄປລົງທຶນຢ່າງ
ມີປະສິດທິຜົນຢູ່ຂະແໜງອື່ນ. ການລົງທຶນໃສ່ອາຫານນັ້ນແມ່ນເປັນການລົງ
ທຶນທີ່ ມີປະສິດທິຜົນແລ້ວ. ບໍ່ຕ້ອງສົງໄສເລີຍ. ຕົວເລກກໍສະແດງໃຫ້ເຫັນ
ຢູ້ຫັ້ນແລ້ວ.”


ທ່ານ Alderman ກ່າວມ້ວນທ້າຍວ່າ ການລົງທຶນໃສ່ອາຫານໃຫ້ເດັກນ້ອຍໄດ້ຢູ່ດີ ກິນດີ
ກິນອາຫານທີ່ມີທາດບໍາລຸງນັ້ນ ຈະຊ່ວຍປັບປຸງເສດຖະກິດຂອງປະເທດໃຫ້ດີຂຶ້ນ ເພາະ
ວ່າ ເດັກນ້ອຍທີ່ໄດ້ກິນອາຫານດີ ຈະຮຽນໄດ້ດີກວ່າ ແລະໃນທີ່ສຸດ ກໍຈະກາຍເປັນກໍາລັງ
ແຮງງານທີ່ເຂັ້ມແຂງ. ຖ້ອຍຖະແຫລງດັ່ງກ່າວ ແມ່ນໄດ້ຮັບການຢືນຢັນໂດຍການຄົ້ນ
ຄວ້າບັ້ນອື່ນ ທີ່ສະແດງໃຫ້ເຫັນວ່າ ຜູ້ໃຫຍ່ທີ່ບໍ່ໄດ້ກິນອາຫານທີ່ມີທາດບໍາລຸງຢ່າງພຽງພໍ
ແຕ່ຍັງນ້ອຍນັ້ນ ແມ່ນມີລາຍໄດ້ 20 ເປີເຊັນໜ້ອຍກວ່າ ຜູ້ທີ່ໄດ້ກິນອາຫານດີແລະພຽງພໍ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG