ລິ້ງ ສຳຫລັບເຂົ້າຫາ

logo-print

ຜູ້​ຊ່ຽວ​ຊານ ດ້ານ​ສຸ​ຂະ​ພາບ ເຕືອນ​ວ່າ ພະ​ຍາດ ສາ​ມາດ​ສັງ​ຫານ ຫຼາຍ​ລ້ານ​ຄົນ ພາຍ​ໃນ​ພຽງ 36 ຊົ່ວ​ໂມງ


ເຊີນ​ຊົມວິ​ດີ​ໂອ ກ່ຽວ​ກັບ ລາຍ​ງານນີ້

ໃນ​ອາ​ທິດ​ທີ່​ຜ່ານ​ມາ, ບັນ​ດາ​ຜູ້​ນຳ​ໂລກ​ຢູ່ກອງ​ປະ​ຊຸມ​ສະ​ມັດ​ຊາ​ໃຫຍ່​ອົງ​ການ​ສະ​ຫະ​ປະ
​ຊາ​ຊາດ ໄດ້​ຍິນ​ການ​ເຕືອນ​ຕ່າງໆ ກ່ຽວ​ກັບ ການ​ສູນ​ເສຍ​ຊີ​ວິດ​ຂອງ​ຜູ້​ຄົນ​ຈຳ​ນວນຫຼວງ
ຫຼາຍ ແລະ ພະ​ຍາດ​ຕ່າງໆ​ທີ່​ອາດ​ໝູນ​ວຽນ​ໄປທົ່ວ​ໂລ​ພາຍ​ໃນ​ພຽງ​ສາມມື້. ນັກ​ຂ່າວ​ວີ​
ໂອ​ເອ ແຄ​ໂຣ​ລ ເພຍ​ສັນ ລາຍ​ງານ​ວ່າ ກຸ່ມ​ຕິດ​ຕາມ​ການ​ກຽມ​ພ້ອມ​ພິ​ເສດທົ່ວ​ໂລກ ໄດ້​
ອອກ​ລາຍ​ງານ​ສະ​ບັບ​ນຶ່ງວ່າ ການບໍ່​ດຳ​ເນີນ​ງານ​ຫຍັງ ຈະ​ກໍ່​ໃຫ້​ເກີດ​ຜົນ​ທີ່​ຕາມ​ມາ​ຢ່າງ​
ໂຫດ​ຮ້າຍ. ລາຍ​ງານ​ໄດ້​ກ່າວ​ວ່າ ການ​ປ້ອງ​ກັນ ແມ່ນ​ຕ້ອງ​ໄດ້​ອາ​ໄສ​ການ​ດຳ​ເນີນ​ງານ​
ດ້ານ​ການ​ເມືອງ ແລະ ສັງ​ຄົມ​ຢ່າງ​ໜັກ ພ້ອມ​ກັບ​ການ​ປິ່ນ​ປົວ​ດ້ານ​ການ​ແພດ​ທີ່​ດີ. ເຊິ່ງ
ພຸດ​ທະ​ສອນ ຈະ​ນຳ​ລາຍ​ລະ​ອຽດ​ມາ​ສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.

ໂຣກ ເອດ​ສ໌ ບໍ່​ແມ່ນ​ໄພ​ຂົ່ມ​ຂູ່​ທີ່​ມັນ​ເຄີຍ​ເປັນ​ອີກ​ຕໍ່​ໄປແລ້ວ. ການ​ປິ່ນ​ປົວ​ໄດ້​ປ່ຽນ​ແປງ​ມັນ,
ແລະ ການ​ຄົ້ນ​ຄວ້າ ກ່ຽວ​ກັບ ຢາ​ວັກ​ຊີນກໍ​ເຕັມ​ໄປ​ດ້ວຍ​ຄວາມ​ຫວັງ.

ມັນ​ຍັງ​ໄດ້​ມີ​ການ​ເວົ້າ​ໃນ​ປະ​ຈຸ​ບັນ​ນີ້ ກ່ຽວ​ກັບ ການ​ເຮັດ​ໃຫ້​ໂຣກ​ມາ​ເມ​ເຣຍສິ້ນ​ສຸດ​ລົງ.
ໄຂ້​ມາ​ເລ​ເຣຍ ໄດ້​ສັງ​ຫານ​ປະ​ຊາ​ຊົນ​ເຄິ່ງ​ລ້ານ​ຄົນ​ໃນ​ແຕ່​ລະ​ປີ, ສ່ວນຫຼາຍ​ແມ່ນ​ເດັກ​
ນ້ອຍ.

ບັນ​ດາ​ນັກ​ວິ​ທະ​ຍາ​ສາດ ກໍ​ໃກ້​ຈະ​ສາ​ມາດ​ຢຸດ​ໂຣກ ອີ​ໂບ​ລາ ໄດ້​ເຊັ່ນ​ກັນ. ຢາ​ວັກ​ຊີນ​ທີ່
​ໃຊ້​ເພື່ອ​ປ້ອງ​ກັນ​ໄວ​ຣັ​ສ​ ອີ​ໂບ​ລາ, ບວກ​ກັບ​ຢາ​ໃໝ່​ສອງ​ຊະ​ນິດ​ເພື່ອ​ປິ່ນ​ປົວ​ຜູ້​ເຄາະ​ຮ້າຍ
ນັ້ນ, ແມ່ນ​ໄດ້​ຊ່ວຍ​ຊີ​ວິດ​ຂອງ​ຄົນ​ຈຳ​ນວນຫຼາຍ​ໃນ​ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ
ຄອງ​ໂກ. ໂຣກ​ອີ​ໂບ​ລາ ເຄີຍ​ສັງ​ຫານ​ຜູ້​ເຄາະ​ຮ້າຍ​ຂອງ​ມັນ​ເຖິງ 90 ເປີ​ເຊັນ. ແຕ່​ຕອນ​ນີ້,
ມັນ​ໄດ້​ເປັນ​ສິ່ງ​ກົງ​ກັນ​ຂ້າມ ຖ້າ​ມັນ​ມີ​ຈຳ​ນວນ​ໄວ​ຣັ​ສ​ໃນ​ເລືອດ​ຂອງ​ຄົນຢູ່​ລະ​ດັບ​ທີ່​ຕ່ຳ.

ດ​ຣ. ແອນ​ໂທ​ນີ ໂຟ​ຊີ, ຈາກ​ສະ​ຖາ​ບັນ​ເພື່ອ​ສຸ​ຂະ​ພາບ​ແຫ່ງ​ຊາດ ກ່າວ​ວ່າ “ຖ້າ​ເຈົ້າ​ມີ
ເຊື້ອ​ໄວ​ຣັ​ສ​ໜ້ອຍ, ການ​ຕາຍ​ກໍ​ຈະຫຼຸດ​ເຫຼືອ​ປະ​ມານ 10 ເປີ​ເຊັ​ນ.”

ດ​ຣ. ແອນ​ໂທ​ນີ ໂຟ​ຊີ ເປັນ​ຜູ້​ນຳ​ໜ້າ​ການ​ຄົ້ນ​ຄວ້າ ກ່ຽວ​ກັບ ພະ​ຍາດ​ຕິດ​ຕໍ່​ຢູ່​ສະ​ພາ​ບັນ​
ເພື່ອ​ສຸ​ຂະ​ພາບ ແຫ່ງ​ຊາດ ສະ​ຫະ​ລັດ. ທ່ານຍັງ​ເປັນ​ສະ​ມ​ຊິກ​ຂອງ​ຄະ​ນະ​ກຳ​ມະ​ການ​
ຕິດ​ຕາມ​ການ​ກະ​ກຽມ​ທົ່ວ​ໂລກ.

ອົງ​ການ​ອະ​ນາ​ໄມ​ໂລກ ແລະ ທະ​ນາ​ຄານ​ໂລກ ໄດ້​ຂໍ​ໃຫ້​ຄະ​ນະ​ກຳ​ມະ​ການ​ດັ່ງ​ກ່າວ​ປະ
​ເມີນ​ຄວາມ​ພ້ອມ​ທົ່ວ​ໂລກ ສຳ​ລັບ​ໂຣກ​ລະ​ບາດ​ໃນ​ຄັ້ງ​ຕໍ່​ໄປ.

ໃນ​ລາຍ​ງານ​ສະ​ບັບ​ທຳ​ອິດ​ຂອງ​ເຂົາ​ເຈົ້າ, ຄະ​ນະ​ກຳ​ມະ​ການ​ດັ່ງ​ກ່າວ​ໄດ້​ເຕືອນ​ວ່າ ໂລກ
​ແມ່ນບໍ່​ມີ​ຄວາ​ມ​ພ້ອມ​ຢ່າງ​ໜ້າ​ເປັນ​ຫ່ວງ. ບໍ່​ມີ​ຄວາມ​ພ້ອມຫຼາຍ​ ທີ່​ໂຣກ​ລະ​ບາດ​ໃນ​ຄັ້ງ​ຕໍ່​
ໄປ​ເຊິ່ງ​ມີ​ສາ​ເຫດ​ມາ​ຈາກ​ໄວ​ຣັ​ສ​ທີ່​ຮ້າຍ​ແຮງ ຫຼື ແບັກ​ທີ​ເຣຍ ຫຼື ສານ​ເຄ​ມີ​ອື່ນໆ​ນັ້ນ ອາດ​
ສັງ​ຫານ​ປະ​ຊາ​ຊົນ​ເຖິງ 80 ລ້ານ​ຄົນ ແລະ ກໍ່​ໃຫ້​ເກີດ​ຄວາມ​ຫາ​ຍະ​ນະ​ທາງ​ເສດ​ຖະ​ກິດ​
ຢ່າງ​ມະ​ຫາ​ສານ.

ດ​ຣ. ໂກ​ຣ ຮາ​ເລັມ ບ​ຣັ້ນ​ແລນ (Gro Harlem Brundtland), ປະ​ທານ​ຮ່ວມ​ຂອງ​ຄະ
​ນະ​ກຳ​ມະ​ການ​ຕິດ​ຕາມ​ການ​ກະ​ກຽມ​ທົ່​ວ​ໂລກ ໄດ້​ກ່າວ​ວ່າ “ຖ້ານີ້​ແມ່ນ​ການ​ກະ​ກຽມ​
ປ້ອງ​ກັນ ຫຼື ກອງ​ທັບ​ໃນ​ປະ​ເທດ​ຂອງ​ເຮົາ, ມັນ​ຈະ​ບໍ່​ມີ​ແຕ່​ລັດ​ຖະ​ມົນ​ຕີ​ປ້ອງ​ກັນ​ປະ​ເທດ
ເທົ່າ​ນັ້ນ ແຕ່​ລັດ​ຖະ​ບານ ແລະ ນາ​ຍົກ​ລັດ​ຖະ​ມົນ​ຕີ ຫຼື ປະ​ທາ​ນາ​ທິ​ບໍ​ດີ​ທັງ​ໝົດ​ຈະ​ເປັນ​
ຜູ້​ຮັບ​ຜິດ​ຊອບ. ມັນ​ຕ້ອງ​ເປັນ​ຄື​ກັນ​ໃນ​ການ​ຮັກ​ສາ​ຄວາມ​ປອດ​ໄພ​ດ້ານ​ສຸ​ຂະ​ພາບ​ທົ່ວ
​ໂລກ.”

ໃນ​ລະ​ຫວ່າງ​ການ​ເດີນ​ທາງ​ຄັ້ງຫຼ້າ​ສຸດ​ໄປ ອາ​ຟ​ຣິ​ກາ ຕາ​ເວັນ​ອອກ​ນັ້ນ, ດ​ຣ. ໂຟ​ຊີ ໄດ້
​ມີ​ຄວາມ​ດີ​ໃຈ​ກັບ​ການ​ປະ​ຕິ​ບັດ​ການ​ທາງ​ການ​ແພດ ທີ່​ຄວບ​ຄຸມ​ໄວ​ຣັ​ສ​ອີ​ໂບ​ລາ.

ດ​ຣ. ແອນ​ໂທ​ນີ ໂຟ​ຊີ ໄດ້​ກ່າວ​ວ່າ “ຂ້າ​ພະ​ເຈົ້າ​ພູມ​ໃຈ​ຢ່າງ​ແທ້ໆ​ກັບ​ຄວາມ​ສາ​ມາດ​ຂອງ
​ຊາວ ຄອງ​ໂກ ຜູ້​ທີ່​ໄດ້​ບໍ​ລິ​ຫານ​ການ​ປິ່ນ​ປົວ​ຢູ່​ທີ່ນີ້, ພ້ອມ​ກັ​ບການ​ກະ​ກຽມ ຂອງ​ຊາວ ຣາ​
ວັນ​ດາ ແລະ ອູ​ການ​ດາ, ໃນ​ກໍ​ລະ​ນີ​ໄວ​ຣັ​ສ​ໄດ້​ແຜ່​ລ​າມ​ຂ້າມ​ຊາຍ​ແດນ.”

ໃນ​ລາຍ​ງານ​ປະ​ຈຳ​ປີ​ຄັ້ງ​ທຳ​ອິດ​ຂອງ​ເຂົາ​ເຈົ້າ, ຄະ​ນະ​ກຳ​ມະ​ການ​ດັ່ງ​ກ່າວ​ໄດ້​ອ້າງ​ເຖິງ​
ອຸ​ປະ​ສັກ​ດ້ານ​ການ​ເມືອງ ແລະ ສັງ​ຄົມ ເພື່ອ​ປ້​ອງ​ກັນ​ໂຣກ​ລວມ​ທັງຄວາມ​ອັບ​ປະ​ຍົດ​ທີ່​
ມາ​ຈາກ​ໂຣກວັນ​ນະ​ໂລກ, HIV/AIDS, ອີ​ໂບ​ລາ ແລະ ໂຣກ​ເຈັບ​ປ່ວຍ​ອື່ນໆ. ເຂົາ​ເຈົ້າ​
ຍັງ​ໄດ້​ອ້າງ​ເຖິງ​ການ​ຂາດ​ພື້ນ​ຖານ​ໂຄງ​ລ່າງ, ນ້ຳ​ສະ​ອາດ ແລະ ສຸ​ຂະ​ອະ​ນາ​ໄມ ແລະ
ການ​ຂາດ​ເງິນ​ທຶນ.

ດ​ຣ. ໂກ​ຣ ຮາ​ເລັມ ບ​ຣັ້ນ​ແລນ ໄດ້​ກ່າວ​ວ່າ “ພວກ​ເຮົາ​ຕ້ອງ​ໄດ້​ມີ​ການ​ກະ​ກຽມ​ທີ່​ແຂງ​
ແກ່ນກວ່າ​ເກົ່າຢ່າງ​ທົ່ວ​ເຖິງ ເພື່ອຫຼີກ​ລ່ຽງ​ການ​ສູນ​ເສຍ​ຊີ​ວິດ​ທີ່ບໍ່​ຈຳ​ເປັນ ແລະ ການ​ສູນ
​ເສຍ​ທາງ​ດ້ານ​ເສດ​ຖະ​ກິດ​ກິດ​ຢ່າງຫຼວງຫຼາຍ.”

ລາຍ​ງານ​ດັ່ງ​ກ່າວ​ໄດ້​ເຕືອນ​ວ່າ ສະ​ຖາ​ນະ​ການ​ສັງ​ຄົມໄດ້​ເຮັດ​ໃຫ້​ພະ​ຍາດທັງຫຼາຍ​ແຜ່
​ລາມ ລວມ​ທັງຄວາມ​ຂັດ​ແຍ້ງ​ທີ່​ແກ່​ຍາວ ແລະ ການ​ບັງ​ຄັບ​ໃຫ້​ຍົກ​ຍ້າຍ​ຖິ່ນ​ຖານ. ເຂົາ​
ເຈົ້າ​ໄດ້​ຮຽກ​ຮ້ອງ​ໃຫ້​ປະ​ເທດ​ຕ່າງໆ​ຈັດ​ຕັ້ງ​ການ​ກະ​ກຽມ​ພາ​ວະ​ສຸກ​ເສີນ​ຈາກ​ລະ​ດັບ​ທ້ອງ
​ຖິ່ນຫາ​ລະ​ດັບ​ສູງ ແລະ ເຮັດ​ວຽກ​ຮ່ວມ​ກັນ, ທຸກໆ​ບັນ​ຫາ​ການ​ເມືອງ ທີ່​ສາ​ມາດ​ປ້ອງ​ກັນ
​ການ​ແຜ່​ລະ​ບາດ​ຂອ​ງ​ພະ​ຍາດ ແລະ ການ​ສູນ​ເສຍ​ຊີ​ວິ​ຢ່າງຫຼວງຫຼາຍ.

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ

This week, world leaders at the U.N. General Assembly heard warnings about massive loss of life and diseases that could circle the global in just three days. VOA's Carol Pearson reports that a special global preparedness monitoring group issued a report that says inaction will have grim consequences. The report said prevention heavily depends on political and social action as well as good medical care.

AIDS is no longer the threat it once was. Treatment has changed that, and research on a vaccine is promising.

There's even talk now about ending malaria. Malaria kills half a million people each year, most of them children.

Scientists are also closing in on Ebola. A vaccine to prevent Ebola, plus two new drugs to treat its victims, are saving lives in the Democratic Republic of Congo. Ebola used to kill up to 90% of its victims. Now, that's been turned around if there's a low amount of virus in a person's bloodstream.

"If you get a low viral load, the mortality goes down to around 10%."

Dr. Anthony Fauci heads research on infectious diseases at U.S. National Institutes of Health. He is also a member of the Global Preparedness Monitoring Board.

The World Health Organization and the World Bank asked the board to assess global preparedness for the next pandemic.

In its first report, the board warned that the world is woefully unprepared. So unprepared that the next pandemic caused by a deadly virus or bacterium or other agent could kill up to 80 million people and cause enormous economic suffering.

"If this had been the defense or military preparations in our country, it would not only have been the defense minister, but the whole government and the prime minister or president responsible. This has to be the same in global health security."

During a recent trip to East Africa, Dr. Fauci was pleased with the medical practices that are containing the Ebola virus.

"I was clearly impressed at the capabilities of the Congolese who are administering the care here, as well as the preparedness, of the Rwandans and the Ugandans, in case cases spill over the border."

In its first annual report, the board cited political and social obstacles to preventing disease including the stigma associated with TB, HIV/AIDS, Ebola and other illnesses. They also cited lack of infrastructure -- clean water and sanitation -- and lack of funding.

"We need to have a stronger preparedness across the board to avoid unnecessary loss of life and large economic losses."

The report warned that political situations that enable disease to spread include prolonged conflict and forced migration. They urged countries to establish emergency preparedness from the local level on up and to work with each other, all political issues that could prevent outbreaks of disease and huge loss of life.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG