ລິ້ງ ສຳຫລັບເຂົ້າຫາ

site logo
ວັນຈັນ, 16 ພຶດສະພາ 2022

ຮາວານາ ມີຄວາມ ປິຕິຍິນດີ ນຳການທີ່ ສຫລ ເອົາຄິວບາ ອອກຈາກບັນຊີ ປະເທດກໍ່ການຮ້າຍ


Havana Welcomes US Decision to Remove Cuba From Terror List
please wait

No media source currently available

0:00 0:01:53 0:00

ເບິ່ງວີດີໂອ ລາຍງານນີ້

ການ​ນຳ​ເອົາ​ ຄິວ​ບາ ອອກ​ຈາກ​ບັນຊີລາຍ​ຊື່​ ຂອງ​ປະ​ເທດ​ທີ່​
ອຸປະຖຳ ການ​ກໍ່​ການ​ຮ້າຍ ຂອງ​ກະຊວງ​ການ​ຕ່າງປະ​ເທດ
ສະຫະລັດ ຢ່າງ​ເປັນ​ທາງ​ການນັ້ນ ​ແມ່ນເຮັດ​ໃຫ້​ເກີດ​ມີການ
ສະ​ເຫຼີມສະຫຼອງ ຢູ່​ໃນ​ປ​ະ​ເທດ​ເກາະດອນ​ຄອມ​ມິ​ວນິສດັ່ງກ່າວ
​ແລະ​ເປັນ​ທີ່​ຍິນ​ດີ​ຂອງ​ບັນດາ​ຊາວ​ອາ​ເມ​ຣິກັນຫຼາຍໆ​ຄົນ.
ການ​ເຄື່ອນ​ໄຫວ​ດັ່ງກ່າວ ໃນ​ວັນ​ພະຫັດ​ຜ່ານ​ມາ​ນັ້ນ ​ໄດ້ນຳເອົາ
​ສອງຄູ່​ປໍ​ລະ​ປັກ​ໃນ​ສົງຄາມ​ເຢັນ​ ​ເຂົ້າ​ໃກ້ຫາ​ກັນ​ອີກ​ນຶ່ງ​ບາດກ້າວ
​ເພື່ອ​ສ້າງຕັ້ງສາຍ​ພົວພັນ​ທາງ​ການ​ທູດ​ຄືນ​ໃໝ່ ທີ່​ໄດ້​ຖືກ​ຕັດຂາດ
ເມື່ອຫຼາຍກວ່າ 50 ປີຜ່ານມາ. ຜູ້​ສື່​ຂ່າວ​ວີ​ໂອ​ເອ Zlatica Hoke
ລາຍ​ງານ​ເລື້ອງ​ການ​ປິດ​ລ້ອມ​ທາງດ້ານ​ການ​ຄ້າ​ຕໍ່​ຄິວ​ບາ ທີ່ຍັງ​ຄົງ
​ມີ​ຢູ່​ຄື​ເກົ່າ ຈົນ​ກວ່າ​ລັດຖະສະພາສະຫະລັດ ຈະຕັດສິນ​ ​ໃຫ້ເປັນ
​ຢ່າງ​ອື່ນ. ໄຊຈະເລີນສຸກ ຈະນຳເອົາລາຍລະອຽດ ກ່ຽວກັບເລື່ອງນີ້ມາສະເໜີທ່ານ ໃນອັນດັບຕໍ່ໄປ.



ສະຫະລັດ ໄດ້ປະກາດການຕັດສິນໃຈ ເລື້ອງດັ່ງກ່າວ ​ໃນວັນສຸກ ອາທິດແລ້ວນີ້ ໂດຍກ່າວ
ວ່າ ມັນມີຜົນບັງຄັບໃຊ້ທັນທີ. ສຳຫລັບຊາວຄິວບາ ຫຼາຍຄົນ​ແລ້ວ​ແມ່ນວ່າ ການຕັດສິນໃຈ
ນັ້ນ ເຮັດໃຫ້ຄວາມບໍ່ຍຸຕິທຳອັນມີ​ມາຍາວນານນັ້ນ​ ເປັນ​ການຖືກຕ້ອງ.

ຜູ້ຍິງຄິວບາຄົນນຶ່ງເວົ້າວ່າ “ພວກເຮົາໄດ້ຕໍ່ສູ້ເພື່ອສັນຕິພາບມາຕະຫລອດ ຕໍ່ສູ້ເພື່ອ
ຄວາມຖືກຕ້ອງປອງດອງກັນ. ມັນບໍ່​ເປັນ​ການຍຸດຕິທຳເລີຍ ທີ່ເອົາພວກເຮົາໃສ່​
ໄວ້ໃນບັນຊີນີ້. ບັດນີ້ມັນຈຶ່ງ​ເປັນການ
ຍຸຕິທຳ.”

ສ່ວນຜູ້ຊາຍຄິວບາຄົນນຶ່ງ ກໍເວົ້າວ່າ “ຄິວບາໄດ້ຮັບຜົນກະທົບຍ້ອນ ການກໍ່ການຮ້າຍ
ແຕ່ຄິວບາບໍ່ໄດ້ອຸປະຖຳ ການກໍ່ການຮ້າຍ ບໍ່ໄດ້ວາງລະເບີດໃສ່ແຫ່ງໃດ ສະນັ້ນ
ຄິວບາບໍ່ສົມຄວນ ທີ່ຈະຢູ່ໃນບັນຊີນັ້ນເລີຍ.”

ແລະຜູ້ຍິງຄິວບາ ອີກຄົນນຶ່ງ ເວົ້າວ່າ “ເປັນຈັ່ງໂຊກ ທີ່ພວກເຂົາ​ເຈົ້າເຂົ້າໃຈ-ພວກເຂົາ
ໄດ້ເປີດຫູເປີດຕາຂອງເຂົາເຈົ້າ ແລະເຫັນວ່າ ພວກເຮົາບໍ່ແມ່ນຄົນບໍ່ດີ.”


ຄິວບາໄດ້ຖືກຈົດຊື່ລົງໃນບັນຊີດັ່ງກ່າວ ​ໃນປີ 1982 ຍ້ອນຊ່ອຍເຫຼືອຂະ​ບວນຕ່າງໆ ຂອງ
ພວກກະບົດຢູ່ໃນທະວີບ ອາຟຣິກາແລະອາເມຣິກາລາຕີນ. ແຕ່ຮາວານາ ກ່າວວ່າ ຕົນໄດ້
ຍຸຕິການອຸ້ມຊູພວກກະບົດຕ່າງຊາດ ມາໄດ້ດົນນານແລ້ວ. ປະທານປະເທດຄິວບາ ທ່ານ
Raul Castro ໄດ້ຖື​ເອົາການຍົກຄິວບາອອກຈາກບັນຊີນັ້ນ ເປັນເງື່ອນໄຂສຳຄັນອັນນຶ່ງ
ສຳຫລັບ ການຟື້ນຟູສາຍພົວພັນ ທາງການທູດກັບວໍຊິງຕັນ. ສະມາຊິກສະພາສະຫະລັດ
ບາງທ່ານຄັດຄ້ານການກະຊັບຄວາມສຳພັນ ກັບປະເທດຄອມມິວນິສດັ່ງກ່າວນັ້ນ.

ສະມາຊິກສະພາສູງ ທ່ານ Marco Rubio ສັງກັດພັກຣີພັບ​ບລີ​ກັນ ຈາກລັດຟໍຣີດາ ເວົ້າວ່າ
“ມັນເປັນໄຊຊະນະ ສຳຫລັບລັດຖະບານ ທີ່ກົດຂີ່ປະຊາຊົນຄິວບາ ແຕ່ເປັນຄວາມ
ປາໄຊອັນຮ້າຍ​ແຮງ ຂອງຊາວຄິວບາຜູ້ທີ່ຖືກກົດຂີ່.”

ແຕ່ຫຼັງຈາກ​ໄດ້ມີການພົບປະຫລາຍຄັ້ງກັບບັນດາເຈົ້າໜ້າທີ່ສະຫະລັດ ແລ້ວໃນເດືອນ
ມີນາຜ່ານມາ ລັດຖະບານ ຄິວບາ ກໍໄດ້ອະນຸຍາດໃຫ້ ເປີດການບໍລິການອິນເຕີ​ເເນັດຟຣີ
​ແກ່ມະຫາ​ຊົນ ເປັນແຫ່ງທຳອິດ ທີ່ສູນວັດທະນະທຳ ຮາວານາ ຢູ່ເກາະແຫ່ງດັ່ງກ່າວນີ້.

ທ່ານ Alexis Leyva ສິນລະປິນຄິວບາ ເວົ້າວ່າ “ຫວັງຢ່າງຍິ່ງວ່າ ຄ່າການສື່ສານ ຢູ່ໃນ
ຄິວບາ ຈະຫລຸດລົງ ຍ້ອນການເປີດປະຕູໃໝ່ ເຫລົ່ານັ້ນກັບສະຫະລັດ ຊຶ່ງຈະອຳນວຍ ໃຫ້ປະເທດນີ້ສາມາດ ເຮັດໄດ້ຫຼາຍສິ່ງຫຼາຍຢ່າງ.”

ການຜ່ອນຜັນຂໍ້ຈຳກັດໃນການເດີນທາງ ໄດ້ຊ່ວຍບັນດາສະມາຊິກ ຄອບຄົວທີ່ໄດ້ແຍກ
ຈາກກັນເປັນເວລາຫຼາຍປີ ເຕົ້າໂຮມກັນ ແລະ ມັນໄດ້ຊ່ວຍໃຫ້ນັກສິນລະປິນຊາວອາເມຣິກັນ ຄົນດັ່ງກ່າວນີ້ ​ໄດ້ເຂົ້າຮ່ວມໃນ ບຸນມະໂຫລານ ສິນລະປະສາກົນ ຢູ່ທີ່ຮາວານາ. ການປະດິດ ຄິດສ້າງ ຂອງທ່ານ Duke Riley ແມ່ນປະກອບດ້ວຍ ການປ່ອຍນົກກາງແກ 500 ໂຕ ໂດຍຕິດດອກໄຟ ໃສ່ຕີນຂອງພວກນົກດັ່ງກ່າວ.

ທ່ານອາດຈະມັກເລື້ອງນີ້ຄືກັນ

XS
SM
MD
LG