ລັດຖະມົນຕີປ້ອງກັນປະເທດສະຫະລັດ ທ່ານ Chuck Hagel
ເລີ້ມຕົ້ນ ສັບປະດາແຫ່ງການປະຊຸມໜັກ ໃນວັນອັງຄານມື້ນີ້
ທີ່ຈະເນ້ນຢ້ຳເຖິງການຫັນ ປ່ຽນທາງຍຸທະສາດຂອງສະຫະລັດ
ໄປຍັງຂົງເຂດເອເຊຍ. ໃນມື້ນີ້ ຄືອີກປະມານ 6 ຊົ່ວໂມງຂ້າງ
ໜ້ານີ້ ທ່ານຈະເປັນເຈົ້າພາບກອງປະຊຸມຮ່ວມ ກັບບັນດາລັດ
ຖະມົນຕີປ້ອງກັນປະເທດ ຈາກສະມາຄົມກຸ່ມປະເທດເອເຊຍ
ຕາເວັນອອກສຽງໃຕ້ ຫລື ອາຊ່ຽນ ຢູ່ທີ່ລັດຮາວາຍ ກ່ອນຈະ
ອອກເດີນທາງໄປຍັງຍີ່ປຸ່ນ ແລະຈີນ. ຜູ້ສື່ຂ່າວວີໂອເອ Colin
Lovett ມີລາຍງານ ຊຶ່ງດາຣາຈະນຳມາ ສະເໜີທ່ານ.
ສະຫະລັດໄດ້ເອີ້ນການກະທຳບາງຢ່າງຂອງຈີນ ຢູ່ໃນເຂດນ່ານນ້ຳທີ່ເປັນຂໍ້ຂັດແຍ້ງກັນກັບຫລາຍໆປະເທດເພື່ອນບ້ານ ຢູ່ນອກຝັ່ງທະເລທາງທິດຕາເວັນອອກ ແລະທິດໃຕ້ຂອງຕົນນັ້ນວ່າ ເປັນການເກາະຜິດ ເຊັ່ນການເຝິກແອບທາງທະຫານຂອງຈີນ ຢູ່ໃນເຂດທະເລຈີນຕາເວັນອອກ ບ່ອນທີ່ ປີກາຍນີ້ ຈີນໄດ້ປະກາດໃຫ້ເປັນເຂດປ້ອງກັນທາງອາກາດຂອງຕົນ ຫລື Air Defense Identification Zone ເອີ້ນຫຍໍ້ວ່າ ADIZ ກໍຄືເຂດທີ່ເຮືອບິນທຸກລຳທີ່ຈະບິນຜ່ານໄປນັ້ນ ຕ້ອງໄດ້ແຈ້ງໃຫ້ຮູ້ວ່າເປັນເຮືອບິນຊະນິດໃດແລະຂອງຊາດໃດ ຊຶ່ງການປະກາດດັ່ງກ່າວ ໄດ້ກາຍມາເປັນຫົວຂໍ້ຜີດຖຽງກັນ.
ໃນເດືອນທັນວາຜ່ານມາ ສະຫະລັດກ່າວວ່າ ເຮືອລົບລຳນຶ່ງຂອງຕົນ ຕ້ອງໄດ້ຫັນເຫອອກ
ຈາກເສ້ນທາງທີ່ກຳລັງແລ່ນໄປ ເພື່ອຫລີກລ່ຽງ ການຕຳກັນກັບ ກຳປັ່ນລຳນຶ່ງຂອງກອງ
ທັບເຮືອຈີນ ທີ່ແລ່ນເຂົ້າມາຫາກົງໆ. ເຫດການເຫລົ່ານີ້ແລະເຫດການອື່ນໆອີກໄດ້ເກີດຂຶ້ນ ແມ່ນແຕ່ໃນຂະນະທີ່ ສະຫະລັດພະຍາຍາມທີ່ຈະເພັ່ງເລັງນະໂຍບາຍຕ່າງປະເທດ
ກັບການຄ້າ ໄປຍັງເຂດເອເຊຍ.
ໃນລະຫວ່າງການຢ້ຽມຢາມວໍຊິງຕັນປີກາຍນີ້ ລັດຖະມົນຕີປ້ອງກັນປະເທດຈີນ ທ່ານ
Chang Wanquan ໄດ້ຕັ້ງຄຳຖາມກ່ຽວກັບ ເຫດຜົນຂອງອັນທີ່ເອີ້ນວ່າ “ການຫັນກັບ
ໄປຍັງເອເຊຍ” ຂອງສະຫະລັດນັ້ນ.
ທ່ານ Chang ເວົ້າວ່າ: “ຂ້າພະເຈົ້າຫວັງວ່າ ການສ້າງຄວາມສົມດູນ ຄືນໃໝ່
ໂດຍຫັນໄປຍັງເຂດເອເຊຍທີ່ວ່ານີ້ ບໍ່ໄດ້ແນໃສ່ຈີນ ຫລືແນໃສ່ເພື່ອ ເຮັດໃຫ້
ຈີນອ່ອນແອລົງ.”
ທ່ານ Chang ຈະພົບປະກັບທ່ານ Hagel ເວລາລັດຖະມົນຕີປ້ອງກັນປະເທດສະຫະລັດ
ຢຸດແວ່ທີ່ປະເທດຈີນ ໃນລະຫວ່າງການເດີນທາງ ຢ້ຽມຢາມຂົງເຂດປາຊີຟິກ ເປັນເວລາ
ນຶ່ງອາທິດນັ້ນ.
ໂຄສົກທຳນຽບຫ້າແຈ ພົນເຮືອຕີ John Kirby ບອກພວກນັກຂ່າວ ເມື່ອວັນພະຫັດ
ຜ່ານມາວ່າ ການຢ້ຽມຢາມຂອງທ່ານ Hagel ແມ່ນເປັນຮ່ອງຮອຍບອກເຖິງ ການຮື້ຟື້ນ
ຄວາມໝັ້ນໝາຍຂອງວໍຊິງຕັນ ຕໍ່ຂົງເຂດນັ້ນຄືນໃໝ່.
ພົນເຮືອຕີ Kirby ເວົ້າວ່າ: “ມັນເປັນຫລັກຖານເພີ້ມຕື່ມຂອງຄວາມໝາຍໝັ້ນ
ລສ່ວນໂຕ ຂອງທ່ານລັດຖະມົນຕີ ຕໍ່ການສ້າງຄວາມສົມດູນຄືນໃໝ່ຂອງ
ທ່ານປະທານາທິບໍດີ ໂດຍຫັນໄປຍັງຂົງເຂດເອເຊຍ ປາຊີຟິກ.”
ຢູ່ໃນກອງປະຊຸມເມື່ອເດືອນສິງຫາປີກາຍນີ້ ບັນດາລັດຖະມົນຕີປ້ອງກັນປະເທດຂອງ
ອາຊ່ຽນ ໄດ້ສົນທະນາກັນ ເລື້ອງການຂັດແຍ້ງຜິດຖຽງກັນກ່ຽວກັບເຂດນ້ຳແດນດິນທາງ
ທະເລຢູ່ໃນຂົງເຂດດັ່ງກ່າວ. ການຫາລືກັນຢູ່ທີ່ລັດຮາວາຍໃນອາທິດນີ້ ກໍຈະສຸມໃສ່ບັນ
ຫາດຽວກັນນັ້ນ ໂດຍສະເພາະການເອົາທ່າທີແຮງກ້າຂຶ້ນຂອງຈີນ ເພື່ອຢືນຢັນການກ່າວ
ອ້າງເອົາກຳມະສິດຂອງຕົນ ເໜືອຫລາຍໆເກາະຢູ່ໃນເຂດທະເລຈີນໃຫ້ ທີ່ຫວຽດນາມ
ມາເລເຊຍ ບຣູໄນ ກັບຟີລິບປີນ ຕ່າງກໍອ້າງເອົາກຳມະສິດ ເຊັ່ນກັນນັ້ນ.
ຫລັງຈາກປະຊຸມກັບບັນດາຄູ່ຕຳແໜ່ງຈາກອາຊ່ຽນແລ້ວ ລັດຖະມົນຕີປ້ອງກັນປະເທດ
ສະຫະລັດ ກໍຈະເດີນທາງຈາກລັດຮາວາຍ ໄປຍັງຍີ່ປຸ່ນ ຊຶ່ງກໍມີການຂັດແຍ້ງຜິດຖຽງກັນ
ເລື້ອງດິນແດນທາງທະເລກັບຈີນ ຄືກັນ. ແຕ່ວ່າບັນຫາໝູ່ເກາະ Senkaku ທີ່ຈີນເອີ້ນວ່າ
"Diaoyu" ນັ້ນ ຈະບໍ່ແມ່ນເລື້ອງດຽວ ທີ່ຄອບງຳການສົນທະນາຫາລືກັນ.
ເລື້ອງໂຄງການອາວຸດນິວເຄລຍຂອງເກົາຫລີເໜືອ ກໍຈະຮວມຢູ່ໃນຫົວຂໍ້ປະຊຸມ ຢູ່ໂຕກຽວ
ເຊັ່ນກັນ ແລະຢູ່ປັກກິ່ງນຳ ຫລັງຈາກທີ່ເກົາຫລີເໜືອໄດ້ທົດລອງຍິງລູກສອນໄຟໄລຍະກາງ
ຫລາຍລູກ ເມື່ອບໍ່ເທົ່າໃດວັນຜ່ານມານີ້.
ໃນຕອນໄປໃຫ້ການຕໍ່ລັດຖະສະພາເມື່ອບໍ່ນານມານີ້ ຫົວໜ້າກອງບັນຊາການເຂດປາຊີ
ຟິກຂອງສະຫະລັດ ພົນເຮືອເອກ Samuel Locklear ກ່າວວ່າ ຈີນຍັງສືບຕໍ່ໃຫ້ການ
ສະໜັບສະໜຸນທາງທະຫານແກ່ເກົາຫລີເໜືອຢູ່ຕໍ່ມາ ຊຶ່ງທ່ານເວົ້າວ່າ ການກະທຳແບບ
ນີ້ບໍ່ເປັນປະໂຫຍດ ຕໍ່ສັນຕິພາບແລະສະເຖຍລະພາບຂອງຂົງເຂດ ແຕ່ປະການໃດເລີຍ.
ພົນເຮືອເອກ Locklear ເວົ້າວ່າ: “ເກົາຫລີເໜືອເປັນພັນທະມິດຂອງຈີນ ແລະ
ໃນແງ່ຂອງທະຫານແລ້ວ ກໍແມ່ນວ່າເຂົາເຈົ້າເປັນພັນທະມິດກັນຢ່າງໃກ້ຊິດ
ແລະກໍໄດ້ເປັນມາ ໄດ້ຫລາຍປີແລ້ວ. ຄວາມຮູ້ສຶກຂອງຂ້າພະເຈົ້າກໍແມ່ນວ່າ
ທັງສອງປະເທດມີ ກໍຄືໄດ້ມີສາຍພົວພັນອັນໃກ້ຊິດ ໃນເລື້ອງຄວາມສາມາດ
ດ້ານທະຫານແລະອຸບປະກອນການທະຫານ ມາໄດ້ໄລຍະນຶ່ງແລ້ວ ແລະກໍ
ຈະມີສືບຕໍ່ໄປ.”
ເຖິງແມ່ນລັດຖະມົນຕີ Hagel ເຄີຍໄດ້ເດີນທາງໄປເອເຊຍມາກ່ອນແລ້ວກໍຕາມ ແຕ່ເທື່ອນີ້ແມ່ນເປັນເທື່ອທຳອິດ ທີ່ທ່ານຈະໄປຢ້ຽມຢາມປະເທດຈີນ ຊຶ່ງການຢ້ຽມຢາມນີ້ ກໍແມ່ນຕິດຕາມມາ ລຸນຫລັງການພົບປະກັນ ລະຫວ່າງປະທານາທິບໍດີໂອບາມາ ກັບທ່ານ Xi Jinping ປະທານປະເທດຈີນ ຢູ່ກອງປະຊຸມສຸດຍອດເລື້ອງນິວເຄລຍ ທີ່ນະຄອນ Hague ເມື່ອວັນຈັນອາທິດແລ້ວນີ້.
ຢ່າງໃດກໍຕາມ ທັງໆທີ່ຍັງມີຄວາມເຄ່ງຕຶງຢູ່ໃນເຂດທະເລ ບັນດາເຈົ້າໜ້າທີ່ຝ່າຍປ້ອງກັນ
ຈາກທັງສອງປະເທດ ກໍກ່າວວ່າ ພວກເຂົາເຈົ້າພະຍາຍາມຈະໃຫ້ມີການຕິດຕໍ່ສື່ສານກັນ
ຫລາຍຂຶ້ນລະຫວ່າງທະຫານກັບທະຫານ ເພື່ອກຳຈັດຄວາມເຂົ້າໃຈຜິດແລະຫລຸດຜ່ອນ
ຄວາມສ່ຽງຕໍ່ການລົງຄວາມເຫັນທີ່ຜິດໆ ທີ່ອາດນຳໄປສູ່ການເຄື່ອນໄຫວທີ່ຜິດພາດໄດ້ນັ້ນ.
ເລີ້ມຕົ້ນ ສັບປະດາແຫ່ງການປະຊຸມໜັກ ໃນວັນອັງຄານມື້ນີ້
ທີ່ຈະເນ້ນຢ້ຳເຖິງການຫັນ ປ່ຽນທາງຍຸທະສາດຂອງສະຫະລັດ
ໄປຍັງຂົງເຂດເອເຊຍ. ໃນມື້ນີ້ ຄືອີກປະມານ 6 ຊົ່ວໂມງຂ້າງ
ໜ້ານີ້ ທ່ານຈະເປັນເຈົ້າພາບກອງປະຊຸມຮ່ວມ ກັບບັນດາລັດ
ຖະມົນຕີປ້ອງກັນປະເທດ ຈາກສະມາຄົມກຸ່ມປະເທດເອເຊຍ
ຕາເວັນອອກສຽງໃຕ້ ຫລື ອາຊ່ຽນ ຢູ່ທີ່ລັດຮາວາຍ ກ່ອນຈະ
ອອກເດີນທາງໄປຍັງຍີ່ປຸ່ນ ແລະຈີນ. ຜູ້ສື່ຂ່າວວີໂອເອ Colin
Lovett ມີລາຍງານ ຊຶ່ງດາຣາຈະນຳມາ ສະເໜີທ່ານ.
ສະຫະລັດໄດ້ເອີ້ນການກະທຳບາງຢ່າງຂອງຈີນ ຢູ່ໃນເຂດນ່ານນ້ຳທີ່ເປັນຂໍ້ຂັດແຍ້ງກັນກັບຫລາຍໆປະເທດເພື່ອນບ້ານ ຢູ່ນອກຝັ່ງທະເລທາງທິດຕາເວັນອອກ ແລະທິດໃຕ້ຂອງຕົນນັ້ນວ່າ ເປັນການເກາະຜິດ ເຊັ່ນການເຝິກແອບທາງທະຫານຂອງຈີນ ຢູ່ໃນເຂດທະເລຈີນຕາເວັນອອກ ບ່ອນທີ່ ປີກາຍນີ້ ຈີນໄດ້ປະກາດໃຫ້ເປັນເຂດປ້ອງກັນທາງອາກາດຂອງຕົນ ຫລື Air Defense Identification Zone ເອີ້ນຫຍໍ້ວ່າ ADIZ ກໍຄືເຂດທີ່ເຮືອບິນທຸກລຳທີ່ຈະບິນຜ່ານໄປນັ້ນ ຕ້ອງໄດ້ແຈ້ງໃຫ້ຮູ້ວ່າເປັນເຮືອບິນຊະນິດໃດແລະຂອງຊາດໃດ ຊຶ່ງການປະກາດດັ່ງກ່າວ ໄດ້ກາຍມາເປັນຫົວຂໍ້ຜີດຖຽງກັນ.
ໃນເດືອນທັນວາຜ່ານມາ ສະຫະລັດກ່າວວ່າ ເຮືອລົບລຳນຶ່ງຂອງຕົນ ຕ້ອງໄດ້ຫັນເຫອອກ
ຈາກເສ້ນທາງທີ່ກຳລັງແລ່ນໄປ ເພື່ອຫລີກລ່ຽງ ການຕຳກັນກັບ ກຳປັ່ນລຳນຶ່ງຂອງກອງ
ທັບເຮືອຈີນ ທີ່ແລ່ນເຂົ້າມາຫາກົງໆ. ເຫດການເຫລົ່ານີ້ແລະເຫດການອື່ນໆອີກໄດ້ເກີດຂຶ້ນ ແມ່ນແຕ່ໃນຂະນະທີ່ ສະຫະລັດພະຍາຍາມທີ່ຈະເພັ່ງເລັງນະໂຍບາຍຕ່າງປະເທດ
ກັບການຄ້າ ໄປຍັງເຂດເອເຊຍ.
ໃນລະຫວ່າງການຢ້ຽມຢາມວໍຊິງຕັນປີກາຍນີ້ ລັດຖະມົນຕີປ້ອງກັນປະເທດຈີນ ທ່ານ
Chang Wanquan ໄດ້ຕັ້ງຄຳຖາມກ່ຽວກັບ ເຫດຜົນຂອງອັນທີ່ເອີ້ນວ່າ “ການຫັນກັບ
ໄປຍັງເອເຊຍ” ຂອງສະຫະລັດນັ້ນ.
ທ່ານ Chang ເວົ້າວ່າ: “ຂ້າພະເຈົ້າຫວັງວ່າ ການສ້າງຄວາມສົມດູນ ຄືນໃໝ່
ໂດຍຫັນໄປຍັງເຂດເອເຊຍທີ່ວ່ານີ້ ບໍ່ໄດ້ແນໃສ່ຈີນ ຫລືແນໃສ່ເພື່ອ ເຮັດໃຫ້
ຈີນອ່ອນແອລົງ.”
ທ່ານ Chang ຈະພົບປະກັບທ່ານ Hagel ເວລາລັດຖະມົນຕີປ້ອງກັນປະເທດສະຫະລັດ
ຢຸດແວ່ທີ່ປະເທດຈີນ ໃນລະຫວ່າງການເດີນທາງ ຢ້ຽມຢາມຂົງເຂດປາຊີຟິກ ເປັນເວລາ
ນຶ່ງອາທິດນັ້ນ.
ໂຄສົກທຳນຽບຫ້າແຈ ພົນເຮືອຕີ John Kirby ບອກພວກນັກຂ່າວ ເມື່ອວັນພະຫັດ
ຜ່ານມາວ່າ ການຢ້ຽມຢາມຂອງທ່ານ Hagel ແມ່ນເປັນຮ່ອງຮອຍບອກເຖິງ ການຮື້ຟື້ນ
ຄວາມໝັ້ນໝາຍຂອງວໍຊິງຕັນ ຕໍ່ຂົງເຂດນັ້ນຄືນໃໝ່.
ພົນເຮືອຕີ Kirby ເວົ້າວ່າ: “ມັນເປັນຫລັກຖານເພີ້ມຕື່ມຂອງຄວາມໝາຍໝັ້ນ
ລສ່ວນໂຕ ຂອງທ່ານລັດຖະມົນຕີ ຕໍ່ການສ້າງຄວາມສົມດູນຄືນໃໝ່ຂອງ
ທ່ານປະທານາທິບໍດີ ໂດຍຫັນໄປຍັງຂົງເຂດເອເຊຍ ປາຊີຟິກ.”
ຢູ່ໃນກອງປະຊຸມເມື່ອເດືອນສິງຫາປີກາຍນີ້ ບັນດາລັດຖະມົນຕີປ້ອງກັນປະເທດຂອງ
ອາຊ່ຽນ ໄດ້ສົນທະນາກັນ ເລື້ອງການຂັດແຍ້ງຜິດຖຽງກັນກ່ຽວກັບເຂດນ້ຳແດນດິນທາງ
ທະເລຢູ່ໃນຂົງເຂດດັ່ງກ່າວ. ການຫາລືກັນຢູ່ທີ່ລັດຮາວາຍໃນອາທິດນີ້ ກໍຈະສຸມໃສ່ບັນ
ຫາດຽວກັນນັ້ນ ໂດຍສະເພາະການເອົາທ່າທີແຮງກ້າຂຶ້ນຂອງຈີນ ເພື່ອຢືນຢັນການກ່າວ
ອ້າງເອົາກຳມະສິດຂອງຕົນ ເໜືອຫລາຍໆເກາະຢູ່ໃນເຂດທະເລຈີນໃຫ້ ທີ່ຫວຽດນາມ
ມາເລເຊຍ ບຣູໄນ ກັບຟີລິບປີນ ຕ່າງກໍອ້າງເອົາກຳມະສິດ ເຊັ່ນກັນນັ້ນ.
ຫລັງຈາກປະຊຸມກັບບັນດາຄູ່ຕຳແໜ່ງຈາກອາຊ່ຽນແລ້ວ ລັດຖະມົນຕີປ້ອງກັນປະເທດ
ສະຫະລັດ ກໍຈະເດີນທາງຈາກລັດຮາວາຍ ໄປຍັງຍີ່ປຸ່ນ ຊຶ່ງກໍມີການຂັດແຍ້ງຜິດຖຽງກັນ
ເລື້ອງດິນແດນທາງທະເລກັບຈີນ ຄືກັນ. ແຕ່ວ່າບັນຫາໝູ່ເກາະ Senkaku ທີ່ຈີນເອີ້ນວ່າ
"Diaoyu" ນັ້ນ ຈະບໍ່ແມ່ນເລື້ອງດຽວ ທີ່ຄອບງຳການສົນທະນາຫາລືກັນ.
ເລື້ອງໂຄງການອາວຸດນິວເຄລຍຂອງເກົາຫລີເໜືອ ກໍຈະຮວມຢູ່ໃນຫົວຂໍ້ປະຊຸມ ຢູ່ໂຕກຽວ
ເຊັ່ນກັນ ແລະຢູ່ປັກກິ່ງນຳ ຫລັງຈາກທີ່ເກົາຫລີເໜືອໄດ້ທົດລອງຍິງລູກສອນໄຟໄລຍະກາງ
ຫລາຍລູກ ເມື່ອບໍ່ເທົ່າໃດວັນຜ່ານມານີ້.
ໃນຕອນໄປໃຫ້ການຕໍ່ລັດຖະສະພາເມື່ອບໍ່ນານມານີ້ ຫົວໜ້າກອງບັນຊາການເຂດປາຊີ
ຟິກຂອງສະຫະລັດ ພົນເຮືອເອກ Samuel Locklear ກ່າວວ່າ ຈີນຍັງສືບຕໍ່ໃຫ້ການ
ສະໜັບສະໜຸນທາງທະຫານແກ່ເກົາຫລີເໜືອຢູ່ຕໍ່ມາ ຊຶ່ງທ່ານເວົ້າວ່າ ການກະທຳແບບ
ນີ້ບໍ່ເປັນປະໂຫຍດ ຕໍ່ສັນຕິພາບແລະສະເຖຍລະພາບຂອງຂົງເຂດ ແຕ່ປະການໃດເລີຍ.
ພົນເຮືອເອກ Locklear ເວົ້າວ່າ: “ເກົາຫລີເໜືອເປັນພັນທະມິດຂອງຈີນ ແລະ
ໃນແງ່ຂອງທະຫານແລ້ວ ກໍແມ່ນວ່າເຂົາເຈົ້າເປັນພັນທະມິດກັນຢ່າງໃກ້ຊິດ
ແລະກໍໄດ້ເປັນມາ ໄດ້ຫລາຍປີແລ້ວ. ຄວາມຮູ້ສຶກຂອງຂ້າພະເຈົ້າກໍແມ່ນວ່າ
ທັງສອງປະເທດມີ ກໍຄືໄດ້ມີສາຍພົວພັນອັນໃກ້ຊິດ ໃນເລື້ອງຄວາມສາມາດ
ດ້ານທະຫານແລະອຸບປະກອນການທະຫານ ມາໄດ້ໄລຍະນຶ່ງແລ້ວ ແລະກໍ
ຈະມີສືບຕໍ່ໄປ.”
ເຖິງແມ່ນລັດຖະມົນຕີ Hagel ເຄີຍໄດ້ເດີນທາງໄປເອເຊຍມາກ່ອນແລ້ວກໍຕາມ ແຕ່ເທື່ອນີ້ແມ່ນເປັນເທື່ອທຳອິດ ທີ່ທ່ານຈະໄປຢ້ຽມຢາມປະເທດຈີນ ຊຶ່ງການຢ້ຽມຢາມນີ້ ກໍແມ່ນຕິດຕາມມາ ລຸນຫລັງການພົບປະກັນ ລະຫວ່າງປະທານາທິບໍດີໂອບາມາ ກັບທ່ານ Xi Jinping ປະທານປະເທດຈີນ ຢູ່ກອງປະຊຸມສຸດຍອດເລື້ອງນິວເຄລຍ ທີ່ນະຄອນ Hague ເມື່ອວັນຈັນອາທິດແລ້ວນີ້.
ຢ່າງໃດກໍຕາມ ທັງໆທີ່ຍັງມີຄວາມເຄ່ງຕຶງຢູ່ໃນເຂດທະເລ ບັນດາເຈົ້າໜ້າທີ່ຝ່າຍປ້ອງກັນ
ຈາກທັງສອງປະເທດ ກໍກ່າວວ່າ ພວກເຂົາເຈົ້າພະຍາຍາມຈະໃຫ້ມີການຕິດຕໍ່ສື່ສານກັນ
ຫລາຍຂຶ້ນລະຫວ່າງທະຫານກັບທະຫານ ເພື່ອກຳຈັດຄວາມເຂົ້າໃຈຜິດແລະຫລຸດຜ່ອນ
ຄວາມສ່ຽງຕໍ່ການລົງຄວາມເຫັນທີ່ຜິດໆ ທີ່ອາດນຳໄປສູ່ການເຄື່ອນໄຫວທີ່ຜິດພາດໄດ້ນັ້ນ.
