ລິ້ງ ສຳຫລັບເຂົ້າຫາ

logo-print

ປະຊາຄົມ ຊາວອາເມຣິກັນ ເຊື້ອສາຍເອເຊຍ ອາດມີອິດທິພົນ ຕໍ່ການເລືອກຕັ້ງ ສຫລ


ຈຳນວນຜູ້ມີສິດປ່ອນ ທີ່ເປັນຊາວອາເມຣິກັນ ເຊື້ອສາຍເອເຊຍ ກຳລັງເພີ້ມຂຶ້ນ ຢູ່ໃນ ສະຫະລັດ ກໍບໍ່ໝາຍຄວາມວ່າ ຈະມີອິດທິພົນທາງການເມືອງ​ໃນການເລືອກຕັ້ງ ຂອງ ສະຫະລັດສະເໝີໄປ. ຫຼາຍໆຄົນ ທີ່ມີສິດປ່ອນ​ບັດ ແມ່ນຈະບໍ່ມີສ່ວນຮ່ວມໃດໆເລີຍ. ດັ່ງທີ່ຜູ້ສື່ຂ່າວຂອງວີໂອເອ Kane Farabaugh ລາຍງານມາວ່າ ອົງການໜຶ່ງ ຢາກຍົກ ເອົາສິ່ງກີດຂວາງຕ່າງໆ ທີ່ພວກເຂົາເຈົ້າ ກ່າວວ່າ ເປັນສິ່ງທີ່ກີດກັນ ຊາວອາເມຣິກັນ ເຊື້ອສາຍເອເຊຍ ບໍ່​ໃຫ້ໄປໃຊ້ສິດ​ໃຊ້ສຽງນັ້ນ ອອກໄປ ໂດຍຫວັງຈະຕ່າວປີ້ນ ຈຳນວນ ຂອງຜູ້​ໄປ​ປ່ອນ​ບັດ ທີ່ມີ​ບໍ່​ຫຼາຍ ນັ້ນ. ໄຊຈະເລີນສຸກ ມີລາຍລະອຽດກ່ຽວກັບເລື່ອງນີ້ ມາສະເໜີທ່ານ ໃນອັນດັບຕໍ່ໄປ.


ນາງ Ma Zin ຊຶ່ງ​ເປັນອົບພະຍົບມາຈາກມຽນມາ ໄດ້ຕັ້ງຖິ່ນຖານ ຢູ່ໃນເມືອງ Fort Wayne ລັດ Indiana ເມື່ອປີ 2004 ຫຼັງຈາກໄດ້ຫລົບໜີ ເປັນເວລາຫຼາຍປີ ຈາກ ການກົດຂີ່ ຂອງອຳນາດການປົກຄອງ ທະຫານມຽນມາ.

12 ປີຜ່ານມາ ນາງກໍຍັງພະຍາຍາມປັບປຸງ ຄວາມຊຳນິຊຳນານ ດ້ານພາສາອັງກິດ ຂອງນາງຢູ່ ແຕ່ອັນນັ້ນ ກໍບໍ່ໄດ້ຢຸດຢັ້ງນາງ ຈາກການກາຍເປັນພົນລະເມືອງ ຂອງ ສະຫະລັດ ຊຶ່ງເປັນຄວາມຮັບຜິດຊອບ ທີ່ນາງເທີດທູນຖະນຸຖະໜອມ.

ນາງ Cynthia Ameli, ກາງ, ຄົນອາເມຣິກັນ ເຊື້ອສາຍຈີນ, ໄປເອົາເຄື່ອງຂອງຈາກນາງ Sarah Gibson ກ່ອນຈະອອກໄປຕິດຕາມຫາ ຜູ້ສະໝັກເປັນປະທານາທິບໍດີ ທ່ານນາງ Hillary Clinton ໃນນະຄອນ Las Vegas, ວັນທີ 12 ກຸມພາ 2016.
ນາງ Cynthia Ameli, ກາງ, ຄົນອາເມຣິກັນ ເຊື້ອສາຍຈີນ, ໄປເອົາເຄື່ອງຂອງຈາກນາງ Sarah Gibson ກ່ອນຈະອອກໄປຕິດຕາມຫາ ຜູ້ສະໝັກເປັນປະທານາທິບໍດີ ທ່ານນາງ Hillary Clinton ໃນນະຄອນ Las Vegas, ວັນທີ 12 ກຸມພາ 2016.

ນາງ Ma Zin ເວົ້າວ່າ “ຍ້ອນວ່າ ພວກເຮົາໄດ້ກາຍເປັນພົນລະເມືອງຂອງອາເມຣິກາ ແລ້ວ ມັນເປັນສິ່ງທີ່ສຳຄັນ ທີ່ພວກເຮົາເລືອກເອົາປະທານາທິບໍດີ ເພາະວ່າ ໃນຂະນະ ທີ່ເປັນພົນລະເມືອງຄົນໜຶ່ງ ພວກເຮົາຄວນຢາກຮູ້ວ່າ ປະທານາທິບໍດີ ສາມາດເຮັດ ຫຍັງ ໃຫ້ແກ່ພວກເຮົາໄດ້.”

ການເລືອກຕັ້ງປະທານາທິບໍດີ ປີ 2016 ນີ້ ຈະເປັນປະສົບການຄັ້ງທຳອິດຂອງນາງ Zin ທີ່ນາງຈະມີສ່ວນຮ່ວມນຳ ໃນຂະບວນການປະຊາ ທິປະໄຕ ເພື່ອເລືອກເອົາຜູ້ນຳ ອັນ ເປັນເສັ້ນທາງທີ່ນາງກຳລັງເດີນຢູ່ ແລະໃນຂະນະດຽວກັນ ການປະຕິຮູບດ້ານປະຊາ ທິປະໄຕ ແມ່ນກຳລັງເກີດຂຶ້ນຢູ່ໃນມຽນມາ ທີ່ເປັນບ້ານເກີດເມືອງນອນຂອງນາງ.

ທັງສອງຢ່າງນີ້ ກໍບໍ່ແມ່ນວ່າ ບໍ່ກ່ຽວຂ້ອງກັບນາງ Zin.

ນາງ Zin ກ່າວວ່າ “ທ່ານນາງ Hillary Clinton ແລະ ທ່ານນາງ Aung San Suu Kyi ທັງສອງທ່ານມີຄວາມກ່ຽວພັນກັນ ສຳລັບການປ່ຽນແປງ ແລະ ການນຳ​ເອົາປະຊາທິ ປະໄຕ​ ໄປ​ສູ່ມຽນມາ. ອັນ ນັ້ນ ແມ່ນເຫດຜົນອັນໜຶ່ງວ່າ ເປັນຫຍັງ ຂ້າພະເຈົ້າ ຈຶ່ງຢາກ ເຫັນ ທ່ານນາງ Hillary ກາຍເປັນປະທານາທິບໍດີ.”

ໃນຂະນະທີ່ ນາງ Zin ຄອຍຖ້າທີ່ຈະປ່ອນບັດເທື່ອທຳອິດຢູ່​ນັ້ນ ອັນນີ້ ກໍບໍ່ແມ່ນໂອກາດ ທຳອິດ ທີ່ຈະປະກອບສ່ວນ ໃນການເລືອກຕັ້ງໃນສະຫະລັດ. ເຖິງແມ່ນວ່າ ນາງມີສິດ ປ່ອນ​ບັດ ນັບຕັ້ງແຕ່ປີ 2008 ເປັນຕົ້ນມາ ນາງບໍ່ໄດ້ລົງທະບຽນເພື່ອໃຊ້ສິດອອກສຽງ ໃນການເລືອກຕັ້ງປະທານາທິບໍດີ ເມື່ອສອງຄັ້ງທີ່ຜ່ານມາ ຍ້ອນກຳແພງທີ່ຖ້ວມລົ້ນ ດ້ານພາສາ ແລະ ຂັ້ນຕອນ​ດັ່ງກ່າວ.

ທ່ານນາງ Kristina Tendilla ຈາກ ກຸ່ມຊາວອາເມຣິກັນ ເຊື້ອສາຍເອເຊຍ ເພື່ອ​ຄວາມກ້າວໜ້າດ້ານຄວາມຍຸຕິທຳ ກ່າວວ່າ “ບໍ່ມີຂໍ້ມູນພຽງພໍ ທີ່ວ່າ ພວກຄົນເຫຼົ່ານັ້ນ ບໍ່ຮູ້ຈັກ ວິທີນຳທາງ ໃນລະບົບການເລືອກຕັ້ງ.”

ທ່ານນາງ Tendilla ຊຶ່ງເປັນຜູ້ຈັດຕັ້ງປະຊາ​ຄົມ ໃຫ້ແກ່ກຸ່ມບໍ່ຫວັງຜົນກຳໄລ ຊາວ ອາເມຣິກັນ ເຊື້ອສາຍເອເຊຍ ເພື່ອຄວາມກ້າວໜ້າດ້ານຄວາມຍຸຕິທຳ ກ່າວວ່າ ທາງ ໜຶ່ງທີ່ຈະຊ່ອຍພວກທີ່ອາດເປັນຜູ້ມີສິດປ່ອນ​ບັດ ໂດຍສະເພາະແລ້ວ ຢູ່ໃນລັດ Illinois ທີ່ໃກ້ຄຽງນັ້ນ ກໍແມ່ນວ່າ ການຂຶ້ນທະບຽນຜູ້ມີສິດປ່ອນ​ບັດ ແມ່ນເປັນໄປຢ່າງອັດຕະໂນມັດ ປະກອບໄປກັບ ການຍື່ນຂໍ ໃບຂັບຂີ່ ຫຼື ບັດປະຈຳຕົວ.

ທ່ານນາງ Tendilla ກ່າວວ່າ “ຊຶ່ງໂດຍພື້ນຖານແລ້ວ ການຂຶ້ນທະ ບຽນພວກຄົນຜູ້ທີ່ ມີສິດປ່ອນ​ບັດຢ່າງອັດຕະໂນມັດ ໃນເວລາ ທີ່ພວກເຂົາເຈົ້າ ພົວພັນກັບ ລັດຖະມົນຕີ ຕ່າງປະເທດ ຫຼື ກົມຈາລະຈອນ.”

ຊາວອາເມຣິກັນເຊື້ອສາຍເອເຊຍ ເປັນຕົວແທນຂອງພວກ​ຄົນ​ເຂົ້າ​ເມືອງ ທີ່ກຳລັງ​ເພີ້ມ ຈຳນວນຂຶ້ນ ຢ່າງວ່ອງໄວ ຢູ່ໃນສະຫະລັດ.....

ທ່ານນາງ Tendilla ເວົ້າວ່າ “ໃນ​ໄລຍະ 10 ປີທີ່ຜ່ານມາຍີ້ ປະຊາຄົມຂອງພວກເຮົາ ແມ່ນໄດ້ເພີ້ມຂຶ້ນ ຫຼາຍກວ່າ 40 ເປີເຊັນ.”

ແລະ ໄດ້ເພີ້ມຂຶ້ນຈົນຮອດ ຕົວເລກ ທີ່ທ່ານນາງ Tendilla ກ່າວວ່າ ສາມາດມີອິດທິພົນ ຫຼາຍຂຶ້ນຕໍ່ຜົນທີ່ຈະອອກມາ ບໍ່ພຽງແຕ່ຕໍ່ການເລືອກຕັ້ງແຫ່ງຊາດເທົ່ານັ້ນ ແຕ່ການເລືອກ ຕັ້ງຂັ້ນທ້ອງຖິ່ນ ນຳດ້ວຍ.

ທ່ານນາງ Tendilla ກ່າວອີກວ່າ “ການເລືອກຕັ້ງທັງຫຼາຍ ອາດໄດ້ຮັບໄຊຊະນະ ດ້ວຍ ຄະແນນສຽງ 100 ຫຼື 200 ຄະແນນ ຊຶ່ງເປັນສິ່ງບໍ່ໜ້າເຊື່ອແທ້ໆ ແລະ ເປັນໂອກາດດີ ສຳລັບ ປະຊາຄົມຂອງພວກເຮົາ ທີ່ຈະສ້າງຄວາມປ່ຽນແປງໄດ້.”

ນາງ Ma Zin ຍັງຕ້ອງການທີ່ຈະຂຶ້ນທະບຽນ ເພື່ອລົງຄະແນນສຽງ ສຳລັບການເລືອກຕັ້ງ ປະທານາທິບໍດີ ປີນີ້ ທີ່ຈະມີຂຶ້ນໃນເດືອນພະຈິກ.

ໃນປະຊາຄົມຊາວມຽນມາທີ່ໃຫຍ່ ຢູ່ໃນເມືອງ Fort Wayne ບ່ອນທີ່ນາງ Zin ອາໄສຢູ່ນັ້ນ ໄດ້ມີການສະໜັບສະໜູນ ຢ່າງກວ້າງຂວາງໃຫ້ແກ່ ຜູ້ນຳ ທ່ານນາງ Aung San Suu Kyi. ນາງ Zin ມີຄວາມພາກພູມໃຈ ທີ່ແມ່ຍິງຄົນໜຶ່ງ ມີບົດບາດເປັນຜູ້ນຳ ທີ່ໂດດເດັ່ນ ຫຼາຍເຊັ່ນນັ້ນ ຢູ່ໃນບ້ານເກີດເມືອງນອນຂອງນາງ ແລະ ຢາກຈະມີສ່ວນຮ່ວມ ໃນຊ່ວງ ເວລາຂອງ​ການ​ປ່ຽນ​ແປງ ຢູ່ໃນປະເທດໃໝ່ຂອງນາງ.

ນາງ Zin ກ່າວວ່າ “ພວກເຮົາມີຄວາມພາກພູມໃຈ ນຳສິ່ງນັ້ນແທ້ໆ. ດຽວນີ້ ອາເມຣິກາ ຫວັງວ່າ ຈະມີປະທານາທິບໍດີ ທີ່ເປັນແມ່ຍິງ.”

ທ່ານນາງ Hillary Clinton ກຳລັງເດີນຕາມເສັ້ນທາງທີ່ຈະສ້າງປະ ຫວັດສາດ ໃນຖານະ ທີ່ເປັນແມ່ຍິງຄົນທຳອິດ ທີ່ສະໝັກແຂ່ງຂັນເປັນປະທານາທິບໍດີ ຂອງພັກການເມືອງໃຫຍ່ ແລະຍ້ອນ​ຜູ້​ມີ​ສິດ​ປ່ອນ ບັດ ເຊັ່ນ ນາງ Ma Zin ທີ່ຈະກ້າວໄປສູ່​ເສັ້ນທາງ ທີ່ເປັນປະຫວັດ ສາດ ໃນຄ່ຳຄືນການເລືອກຕັ້ງ ໃນເດືອນພະຈິກຈະມາເຖິງນີ້.

ອ່ານຂ່າວນີ້ຕື່ມ ເປັນພາສາອັງກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG