ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຄວາມຝັນ ທີ່ເປັນໄປບໍ່ໄດ້ ກ່ຽວກັບ ການພື້ນຟູ ແມ່ນໍ້າຄົງຄາ


ວັດສັກສິດຂອງສາສະໜາຮິນດູ ທີ່ເມືອງ Varanasi.
ວັດສັກສິດຂອງສາສະໜາຮິນດູ ທີ່ເມືອງ Varanasi.

ທີ່​ເມືອງ Kanpur ຊຶ່​ງ​ເປັນ​ເມືອງ​ອຸດສາຫະກຳ​ທີ່​ຄັບ​ຄັ່ງຢູ່​ໃນ​ພາກ​ຕາ​ເວັນ​ອອກ​ຂອງ​ອິນ​ເດຍ ນັກ​ເຄື່ອນ​ໄຫວດ້ານ​ສະພາບ​ແວດ​ລ້ອມ ທ່ານ Rakesh Jaiswat ​ໄດ້​ທຳ​ການ​ປຸກ ລະດົມ​ຕໍ່ສູ້​ມາ​ເປັນ​ເວລາ 25 ປີ​ແລ້ວ ​ເພື່ອ​ຍຸຕິ​ບໍ່​ໃຫ້​ປ່ອຍສານ​ຜິດ​ເຄມີ​ທີ່​ໃຊ້​ແລ້ວ ຈາກ​ໂຮງງານ​ອຸດສາຫະກຳ​ຜະລິດ​ໜັງ​ທີ່​ຈະ​ເລີ​ນງອກງາມ​ຂອງ​ຂົງ​ເຂດ ລົງ​ໃສ່​ແມ່​ນ້ຳ​ຄົງ​ຄາ.

ກຸ່ມອາສາ​ມະ​ໝັກ ​ເພື່ອນ​ມິດ​ຕໍ່​ລະບົບ​ນິ​ເວດ​ ທີ່​ທ່ານ​ເປັນ​ຜູ້ນຳ​ພາໄດ້​ເລີ້ມຂຶ້ນຫຼັງ ຈາກ​ນ້ຳ​ໃນ​ແມ່​ນ້ຳ​ທີ່​ໃຫຍ່​ທີ່​ສຸດ​ສາຍ​ນຶ່ງ​ຂອງ​ໂລກໄດ້​ກາຍ​ເປັນ​ນ້ຳ​ປະສົມ​ສານ​ຜິດ ​ໃນ​ຂະນະ​ທີ່​ຫົວ​ເມືອງ​ຕ່າງໆ​ທີ່​ແອອັດ​ໄປ​ດ້ວຍ​ຜູ້​ຄົນ ຊຶ່ງ​ຕັ້ງຢູ່​ແຄມແມ່​ນ້ຳ​ສາຍ​ນີ້ ​ໄດ້​ພາກັນ​ປ່ອຍ​ນ້ຳຂີ້ສີກ​ທີ່​ບໍ່​ໄດ້​ມີ​ການ​ປົວ​ແປງ​ ​ເຄື່ອງ​ເສດ​ເຫລືອ​ທາງ​ອຸດສາຫະ ກຳ​ ພ້ອມ​ທັງ​ຊາກ​ສົບ​ມະນຸດ​ແລະ​ສັດ ​ແລ​ະ​ຂອງເສຍ​ຕ່າງໆ​ລົງ​ໃສ່​ແມ່​ນ້ຳ​ສາຍ​ນີ້.

ຣູບພາບທີ່ງົດງາມໃນຕອນກາງຄືນ ພ້ອມດ້ວຍໂຄມໄຟ ເລາະຕາມແ່ມ່ນໍ້າຄົງຄາ.
ຣູບພາບທີ່ງົດງາມໃນຕອນກາງຄືນ ພ້ອມດ້ວຍໂຄມໄຟ ເລາະຕາມແ່ມ່ນໍ້າຄົງຄາ.

ທ່ານ Jaiswat ກ່າວ​ວ່າ ນ້ຳແມ່ນ​ມີ​ກິ່ນ​ເໝັນ ເປັນ​ສີດຳ ​ເປັນ​ສີ​ຕົມ ​ໂດຍ​ສະ​ເພາະ​ໃນ​ບໍລິ​ເວນໂຮງງານ​ຟອກ​ໜັງຕັ້ງຢູ່. ​ແມ່​ນ້ຳ​ສາຍ​ນີ້​ໄດ້​ຕາຍ​ແລ້ວ​ຢູ່​ທີ່​ນັ້ນ.

​ໃນ​ຂະນະ​ທີ່​ລັດຖະບານ​ໄດ້​ລິ​ເລີ້ມ​ໂຄງການ​ມູນ​ຄ່າ 3 ພັນ​ລ້ານ​ໂດ​ລາ ທີ່​ຈະ​ເຮັດ​ໃຫ້​ແມ່​ນ້ຳຄົງ​ຄາທີ່​ມີ​ລວງຍາວ 2,500 ກິ​ໂລ​ແມັດ ມີ​ຊີວິດ​ຊີວາ​ຄືນ​ໃໝ່​ນັ້ນ ພວກ​ນັກ​ປຸກລະດົມ​ສີຂຽວ ​ແມ່ນໄດ້ມີ​ຄວາມ​ເຫັ​ນປ່ຽນ​ໄປລະຫວ່າງ​ຄວາມ​ຫວັງ​ໃນ​ແງ່​ດີ​ແລະ​ຄວາມ​ໝົດ​ຫວັງ.

ທ່ານ​ເວົ້າວ່າ ​ເວລາ​ນີ້ຄວາມ​ຫວັງ​ໃໝ່​ໄດ້​ເລີ້ມຂຶ້ນ​ແລ້ວ​ໂດຍ​ລັດຖະບານ​ຊຸດ​ນີ້. ​ແຕ່​ຖ້າ​ເວົ້າຕາມ​ປະສົບ​ພະກາ​ນ​ແລ້ວ ຂ້າພະ​ເຈົ້າ​ແມ່ນ​ໝົດ​ຫວັງ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG