ລິ້ງ ສຳຫລັບເຂົ້າຫາ

logo-print

ຢູໂຣບ ສະຫຼອງ ຄົບຮອບ 70 ປີ ທີ່ສົງຄາມໂລກ ຄັ້ງທີ II ຍຸດຕິລົງ ແຕ່ຍັງບໍ່ລືມບົດຮຽນ (ວີດີໂອ ພາສາລາວ)


ເບິ່ງວີດີໂອ ພາສາອັງກິດ ກ່ຽວກັບ ເລື່ອງນີ້

ໄດ້ມີ​ການ​ຈັດ ພິທີສະຫຼອງ ຫລື​ຂີດ​ໝາຍ ວັນ​ຄົບຮອບ​ 70 ປີ ຂອງການ​ສິ້ນ​ສຸດ​ລົງ​ຂອງສົງຄາມ​ໂລກ​ຄັ້ງ​ທີ 2 ​ ຂຶ້ນໃນ​ທຸກປະ​ເທ​ດ​ໃນ​ພາກ​ພື້ນ​ຢູ​ໂຣບ ​ເມື່ອ​ທ້າຍ​ສັບປະດາ​ທີ່​ຜ່ານ​ມາ ຄື​ໃນວັນ​ທີ 8 ​ແລະ 9 ​ເດືອນພຶ​ດສະພານີ້ ຍົກ​ເວັ້ນ ຢູ່​ໃນປະ​ເທດ​ ເຢຍລະ​ມັນ, ເຊິ່ງ​ເປັນ​ຜູ້​ປະລາໄຊໃນ​ສົງຄາມໂລກນັ້ນ. Al Pessin ນັກ​ຂ່າວ VOA ໄດ້​ໄປ​ຢ້ຽມຢາມປະ​ເທດ​ ​ເຢຍລະ​ມັນ ​ເພື່ອ​ລາຍ​ງານ​ຂໍ້​ຄິ​ດ​ເຫັນ ກ່ຽວ​ກັບ ສົງ​ຄາມ ​ແລະ ຜົນ​ກະທົບ​ທີ່ຍັງ​ມີ​ຢູ່​ຂອງ​ມັນ ​ເຊິ່ງພຸດທະ​ສອນ ຈະ​ນຳ​ມາສະ​ເໜີ​ທ່ານ ​ໃນ​ອັນ​ດັບ​ຕໍ່​ໄປ.

ເບິ່ງວີດິໂອ ພາສາລາວ:

ອະ​ນຸສອນ​ສະຖານອັນກວ້າງໃຫຍ່ ທີ່​ມີ​ລັກສະນະ​ຄື​ກັນ​ກັບ​ເປັນ​ປ່າຊ້າ​ ມີ​ໂຮງ​ສົບ​ຫີນ ຢາຍລຽງ​ກັນ​ຢູ່ ສ້າງ​ຂຶ້ນມາເພື່ອລະ​ລຶກເຖິງ ຊາວຢິວຈຳນວນ 6 ລ້ານ​ຄົນ ທີ່​ຖືກ​ຂ້າ​ຕາຍ
ໂດຍພວກ​ນາ​ຊີ​ ແມ່ນກວມເນຶ້ອທີ່ ​ບໍ​ລິ​ເວ​ນກວ້າງຂວາງ​ໃນໃ ກາງນະຄອນ​ ເບີ​ລິນ. ມັນຖື​ກ
ສ້າງ​ຂຶ້ນ​ພຽງເມື່ອ 10 ປີກ່ອນ ທ່າມກາງຄວາມຂັດແຍ່ງກັນຢ່າງ​ໃຫຍ່​ຫຼວງ ​ແມ່ນ​ແຕ່​ໃນ​ເວລາ​ນັ້ນ. ຫ່າງ​ອອກ​ໄປ 200 ​ແມັດ​, ເຊິ່ງມີ​ຕົ້ນ​ໄມ້​ບັງ​ຢູ່​ນັ້ນ, ​ແມ່ນ​ປ້​ອມຫຼົບ​ໄພ ​ທີ່ Adolf Hitler ​ໃຊ້​ເພື່ອ​ອອກ​ຄຳ​ສັ່ງ​ບັນຊາ​ສົງຄາມ, ​ແລະ ​ເຊື່ອ​ວ່າເປັນ​ບ່ອນ​ທີ່​ລາວ​ຂ້າໂຕຕາຍ.

​ຕ​ອນນີ້ ບໍລິ​ເວນ​ດັ່ງກ່າວ​ໄດ້​ກາຍ​ມາ​ເປັນ​ບ່ອນ​ຈອດ​ລົດ​ ທີ່ບໍ່ມີ​ຫຍັງ​ເຫຼື​ອ​ໃຫ້​ເຫັນ ອີກແລ້ວ​, ​ແຕ່​ສຳລັບ​ນາງ Tina ນັກ​ທ່ອງ​ທ່ຽວ​ຈາກ​ປະ​ເທດ​ອັງກິດ​, ບົດຮຽນ​ ແມ່​ນຍັງ​ຄົງ​ເຫຼືອ​ຢູ່​ຄື​ເກົ່າ.

ນາງ Tina ກ່າວ​ວ່າ “ແມ່ນ​ກະ​ທັ້ງມື້​ນີ້, ​ໃນ​ປະ​ເທດ​ຂອງ​ເຮົາ​ເອງ, ກໍຍັງ​ມີ​ກຸ່ມພວກ
ຫົວ​ຮຸນ​ແຮງ​ ​ໂຜ່​ໂຕຂື້ນມາ​ຢູ່. ​ແລະ ຂ້​ອຍກໍ່​ກຳລັງ​ຄິດ​ວ່າ ​ຖ້າ​ພວກ​ເຮົາ ຄົນ​ທີ່​ດີໆ
​ທຳ​ມະ​ດາ​ສາມັນບໍ່ພາກັນເຮັດ​ຫຍັງ​ແລ້ວ, ມັນ​ກໍ່​ຈະມີ​ໂອ​ກາດວ່າ​ປະຫວັດສາດ​
ຈະຊ້ຳຮອຍ
ມັນ​ເອງ.”

​ແລະ ນັ້ນ​ກໍ່​ແມ່ນ​ຂໍ້ຄວາມ​ທີ່​ແນ​ໃສ່​ຊາວເບີ​ລິນ​ ຜ່ານ​ທາງ ວິດີໂອ ​ແລະ ຮູບ​ພາບທີ່ນຳອອກ
ສາຍ ແລະ ວາງສະແດງ ຢູ່ໃນ​ຫຼາ​ຍໆ​ເຂດຂອງ​ເມືອງ ​ເຊິ່ງ​ເທື່ອ​ໜຶ່ງ​ເຄີຍຖືກ​ແບ່ງ​ອອກ​ເປັນ​ສອງ​ຝ່າຍ​ນັ້ນ.

ທ່ານ Bjoern Weigel ​ແມ່ນຜູ້​ກຳກັບດູ​ແລ ອະນຸສອນະ​ຖານ​ແຫ່ງ​ນີ້.

ທ່ານ Weigel ກ່າວ​ວ່າ “ບ່ອນນີ້​ແມ່ນ​ໂຕ​ແທນ​ຂອງ​ 70 ປີກ່ອນ​, ​ແຕ່ວ່າ​ໃນ​
ພາກສ່ວນອື່ນ​ໆຂອງ​ໂລກ, ​ແລະ ​ແມ່ນແຕ່ໃນ​ພາກສ່ວນ​ອື່ນ​ໆຂອງຢູ​ໂຣບ,
ມັນ​ແມ່ນຊີວິດ ປະຈຳ​ວັນ”

ບັນດານັກທ່ອງທ່ຽວຊາວຢູ​ໂຣບ ທີ່​ໄປ​ທ່ຽວນະຄອນ ​ເບີ​ລິນ ​ເຂົ້າ​ໃຈດີ​ເຖິງ​ເນື້ອ​ໃນ​ຈິດ​ໃຈ ຂອງ​ອະນຸສອນ​ສະຖານ​ແຫ່ງ​ນີ້ ​ເພາະວ່າພວກເຂົາ​ເຈົ້າ​ຮູ້​ດີ​ວ່າ ​ເດືອນ​ພຶ​ດສະພາ ປີ 1945 ນັ້ນ ບໍ່​ແມ່ນ​ວັນສິ້ນ​ສຸດ​ລົງ ຂອງ​ບັນຫາ​ຕ່າງໆຂອງ​ທະວີບ.

ທ້າວ Julian ນັກ​ສຶກສາຈາກ​ໂປ​ແລນ ກ່າວ​ວ່າ “ສຳລັບ​ພວກ​ເຮົາ, ຄົນ​ໂປ​ແລນ,
ມັນ​ໝາຍ​ເຖິງ​ວັນອາ​ວະສາ​ນຂ​ອງການ​ທຳລາຍ​ປະ​ເທດຂອງ​ພວກ​ເຮົາ, ​ແຕ່​ວ່າ
ໃນຕອນ​ນັ້ນ ​ພວກ​ເຮົາ​ຢູ່​ໃຕ້​ການ​ຄວບ​ຄຸມຂອງໂຊ​ວຽດ, ​ດັ່ງ​ນັ້ນ​ ມັນ​ກໍ່​ບໍ່ຄ່ອຍ​ມີ
​ຄວາມ​ໝາຍ​ກັບ​ເຮົາ​ຫຼາຍ​ປານ​ໃດ. ​ແຕ່​ພວກເຮົາກໍ່​ສະ​ເຫຼີ​ມສະຫຼອງ ​ຢູ່ດີ.”


Frank ນາຍຄູ​ຈາກ​ຝຣັ່ງ ກ່າວ​ວ່າ “ພວກ​ເຮົາ​ບໍ່​ຮູ້​ວ່າ​ ຈະ​ມີ​ຫຍັງ​ເກີດ​ຂຶ້ນ​ ຖ້າ​ວ່າ
​ມັນ​ບໍ່​ເປັນ​ໄປ​ແນວ​ນັ້ນ. ບາງ​ເທື່ອ ມັນ​ອາດຈະ​ມີອີກ​ໂລກ​ໜຶ່ງ​ຢູ່​ນີ້, ​ໃນ​ເຢຍລະ​
ມັນ, ​ໃນຝຣັ່ງ, ​ໃນ​ທົ່ວ​ຢູ​ໂຣບ.”

​Gerd Appenzeller ​ເປັນ​ສະມາຊິກ​ກອງ​ບັນນາທິການ​ຂອງ ໜັງສືພິມ Tagegesspeigel ຂອງ​ ​ເບີ​ລິນ ​ແລະ​ເຄີຍ​ເປັນຜູ້​ຈັດ​ພິມໜັງສືພິມສະບັບ​ນີ້.

ທ່ານ Appenzeller ກ່າວ​ວ່າ “ສຳ​ລັບ​ຄົນ​ເຢຍລະ​ມັນ, ​ແລະ ສຳລັບ​ຂ້ອຍເອງ,
ມັນ​ເປັນ​ມື້ໜຶ່ງ​ທີ່​ຈະ​ບໍ່​ມີ​ວັນ​ລື​ມ​ໄດ້… ​ບໍ່​ສາມາດ​ທີ່​ຈະ​ລືມ​ໄດ້.”

ທ່ານ Appenzeller ເປັນ​ຫ່ວງ​ວ່າ ​ຄວາມ​ເປັນພາຄີກັນ​ຫຼັງ​ສົງຄາມຂອງ​ບັນດາ ​ປະ​ເທ​ດ ທີ່​ໄດ້​ຊ່ວຍເຮັດໃຫ້ເຢຍລະມັນປອດໄພ ແລະ ຮວມຕົວ​ກັນ​ໃໝ່ນັ້ນ ກຳລັງຈະ​ປ່ຽນ​ແປງ​ໄປ ​ໃນຂະນະ​ທີ່ປະ​ເທດ ຣັດເຊ​ຍ ​ເອົາ​ບົດ​ບາດຢືນຢັນ​ອຳນາດ​ຂອງ​ຕົນ​ຫຼາຍ​ຂຶ້ນ ​ແລະ ຄົນ​
ເຢຍລະ​ມັນ​ລຸ້ນ​ໃໝ່​ຖື​ວ່າ​ ສັນ​ຕິ​ພາບ​ເປັນ​ສິ່ງ​ທີ່​ພວກ​ເຂົາ​ສົມຄວນຕ້ອງ​ມີ.

ທ່ານ Appenzeller ກ່າວ​ວ່າ “ຄົນ​ເຮົາ​ສ່ວນໃຫຍ່ແມ່ນ​ຮູ້ສຶກ​ເພິ​ງພໍ​ໃຈ​ກັບ
​ເສລີພາບ. ພວກ​ເຂົາບໍ່​ຄິດ​ຫຼື​ໃສ່​ໃຈ​ເລີຍ ກັບ​ຂໍ້ເທັດຈິງວ່າ ເສລີ​ພາບ​ນີ້​ແມ່ນ
​ຕົກ ຢູ່​ໃນ​ອັນຕະລາຍ​ຢ່າງ​ຕໍ່​ເນື່ອງ. ​ປະເທດອາ​ເມ​ຣິ​ກາ ​ກຳລັງປ່ຽນແປງ​ໄປ,
ສາຍ​ພົວພັນ​ທົ່ວ​ໂລກ​ກໍ່​ກຳລັງມີການ​ປ່ຽນແປງ, ​ແລະ ຄົນເຢຍລະ​ມັນທັງ
ຫຼາຍ ​ກັບ ຄົນ​ຢູ​ໂຣບ ກໍ່​ຕ້ອງ​ມາ​ໂຮມກັນ, ແລະ ຢູ່​ນຳ​ກັນ, ​ເພື່ອສືບ​ຕໍ່​ເປັນ
​ຄູ່​ຮ່ວມ​ມືທີ່​ສຳຄັນ​ ສຳລັບ ສະຫະລັດ ອາ​ເມ​ຣິກາ.”

ສະຖານທູດ ​ສະຫະລັດ​ແຫ່ງໃໝ່ ໃນ​ກຸງ​ເບີ​ລິນ​ ເບິ່ງ​ຄື​ວ່າ​ຈະເນັ້ນເຖິງຄວາມ ເປັນພັນທະມິດ
ດັ່ງກ່າວ​ນັ້ນ. ມັນ​ຖືກສ້າງຢູ່ຕິດ​ກັບ​ປະຕູໂຂງ Brandenberng, ​ເຊິ່ງເປັນໜຶ່ງ​ໃນ​ສັນຍາລັກ
ແຫ່ງ​ຊາດຂອງເຢຍລະ​ມັນ, ​ແລະ ຄັ້ງ​ໜຶ່ງ​ເຄີ​ຍ​ເປັນ​ສັນຍາ​ລັກ​ຂອງ​ເສັ້ນ​ແບ່ງ​ແຍກ​ ລະ​ຫວ່າງ ເຢຍລະມັນຕາ​ເວັນ​ອອກ ​ແລະຕາ​ເວັນຕົກ.

The 70th anniversary of the end of World War Two will be marked in all European countries (this) next week (Eds. May 8 and 9), except Germany, which lost the war. VOA's Al Pessin visited Berlin to report on how the war is viewed and the impact it is still having.]]

((NARRATOR))
The stark and extensive memorial to the six million Jews killed by the Nazis takes up a large area in central Berlin. It was built just 10 years ago, even then amid considerable controversy. Two hundred meters away, behind those trees, sat the bunker where Adolf Hitler directed the war effort, and is believed to have committed suicide.

There is nothing left now under this parking lot, but for visitors like Tina from Britain, the lessons remain.

((TINA, RETIRED JOURNALIST FROM BRITAIN))
"Even today, in our own country, there are extremist groups cropping up. And I am thinking that if ordinary, decent people do not do anything, there is always a chance of history repeating itself."

((NARRATOR))
And that is the message aimed at Berliners through a video and photo exhibit on display in several parts of this once-divided city.

Bjoern Weigel is the curator.

((BJOERN WEIGEL, EXHIBIT CURATOR))
"This was 70 years ago, but in other parts of the world, and even in other parts of Europe, this is everyday life."

((NARRATOR))
The theme is not lost on Europeans visiting Berlin, who know well that May 1945 was not the end of the continent's troubles.

((JULIAN, STUDENT FROM POLAND (man in English) ))
"For us, for Polish people, it means the end of destroying of our country, but we were controlled by Soviets, so it is not very meaningful for us. But we celebrate it."

((FRANK, TEACHER FROM FRANCE (man in English) ))
"We do not know what would be happening if it had not gone like that. Maybe (there would be) another world here, in Germany, in France, in all of Europe."

((GERD APPENZELLER, FORMER PUBLISHER, TAGEGESSPIEGEL NEWSPAPER (in German) ))
"For Germans, and for me, it is a day that will not be forgotten, that cannot be forgotten."

((NARRATOR))
Gerd Appenzeller is a member of the editorial board at Berlin's Tagesspeigel Newspaper, and its former publisher. He worries that the post-War alliances that secured and reunited Germany are shifting, just as Russia is becoming more assertive and a new generation of Germans is taking peace for granted.

((GERD APPENZELLER, FORMER PUBLISHER, TAGEGESSPIEGEL NEWSPAPER (in German) ))
"The vast majority have gotten comfortable with freedom. They give little thought to the fact that this freedom is constantly in danger. America is changing, global relations are changing, and the Germans and Europeans have to unite, and stay together, just to remain a relevant partner for the United States."

((NARRATOR))
The new U.S. embassy in Berlin seems to underscore that partnership, standing right next to the Brandenburg Gate, one of Germany's national symbols, and once a symbol of the East-West divide. ((AL PESSIN, VOA NEWS, BERLIN))

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG