ໂລກພວມໄດ້ຮັບໄຊຊະນະ ໃນການຕໍ່ສູ້ ກັບໂຣກມາລາເຣຍ
ແລະ ຢາທີ່ມີຄວາມສາມາດບົ່ມຊ້ອນເປັນວັກຊີນໄດ້ນັ້ນ ກຳ
ລັງຢູ່ໃນຂັ້ນທົດສອບ ຢູ່ ແຕ່ອົງການສະຫະປະຊາຊາດ
ເຕືອນວ່າ ມັນບໍ່ແມ່ນເວລາ ສຳຫລັບ ການສະແດງຄວາມ
ເພິ່ງພໍໃຈເທື່ອ. Carol Pearson ຜູ້ສື່ຂ່າວວີໂອເອ ລາຍງານ
ຄວາມກ້າວໜ້າດັ່ງກ່າວ ທີ່ໄດ້ຊ່ວຍຊີວິດ ຫຼາຍລ້ານຄົນແລ້ວ
ແລະ ກ່ຽວກັບການຂົ່ມຂູ່ຕ່າງໆ ທີ່ອາດເຮັດໃຫ້ຄວາມພະຍາ
ຍາມ ເພື່ອຄວບຄຸມ ຫຼື ແມ່ນກະທັງ ລົບລ້າງພະຍາດດັ່ງກ່າວ
ປະສົບກັບບັນຫາ. ໄຊຈະເລີນສຸກ ຈະນຳເອົາລາຍງານເລື້ອງນີ້
ມາສະເໜີທ່ານໃນອັນດັບຕໍ່ໄປ.
ໃນວັນມາລາເຣຍໂລກ ຄືວັນທີ 25 ເມສາ ຜ່ານມາແລ້ວນັ້ນ ບັນດາແຂກຜູ້ມີກຽດ ເຊັ່ນ
ເຈົ້າຍິງ Astrid ແຫ່ງປະເທດແບລຈຽມ ໄດ້ນຳເອົາ ເລື້ອງພະຍາດນີ້ ຂຶ້ນມາໃຫ້ເປັນ ທີ່
ສົນໃຈ ວ່າ ພວກເດັກນ້ອຍ ແລະ ພວກຜູ້ຍິງ ທີ່ກຳລັງຖືພາ ແມ່ນຕົກເປັນເປົ້າໝາຍ ຂອງມັນ.
ບັນດານັກຄົ້ນຄວ້າ ໄດ້ລະບຸຢາວັກຊີນທີ່ອາດເປັນໄປໄດ້ອັນໜຶ່ງ ທີ່ໄດ້ພິສູດໃຫ້ເຫັນວ່າ
ມີປະສິດທິພາບ ໃນບາງສ່ວນ ຕໍ່ພະຍາດດັ່ງກ່າວນັ້ນ ໃນລະຍະເຖິງ 4 ປີ. ພວກເຂົາເຈົ້າ
ກ່າວວ່າ ຢາວັກຊີນດັ່ງກ່າວ ອາດສາມາດປ້ອງກັນ ຈຳນວນຄົນສ່ວນໃຫຍ່ ຈາກການຕິດ
ແປດພະຍາດໄດ້ ໂດຍພິເສດແລ້ວ ແມ່ນຢູ່ໃນບໍລິເວນຕ່າງໆ ທີ່ມີການຕິດແປດສູງນັ້ນ.
ທຶນສຳຫລັບໂຣກມາລາເຣຍ ໄດ້ເພີ້ມຂຶ້ນຕະຫລອດ ໄລຍະທົດສະວັດ ຜ່ານມາ ແລະ ຜົນ
ສະທ້ອນຕ່າງໆ ແມ່ນເຫັນໄດ້ ໃນທັງດ້ານການຄົ້ນ ຄວ້າ ແລະຈຳນວນຜູ້ຄົນ ທີ່ສາມາດ
ຊ່ວຍຊີວິດໄວ້ໄດ້.
ອົງການອະນາໄມໂລກ ຫຼື WHO ກ່າວວ່າ ການເສຍຊີວິດຍ້ອນໂຣກມາລາເຣຍ ໄດ້ຫລຸດລົງ ເກືອບ 50 ເປີເຊັນ ໃນທົ່ວໂລກ ແລະ ຫຼາຍກວ່ານັ້ນອີກ ໃນເຂດໃຕ້ທະເລຊາຍ Sahara ຂອງອາຟຣິກາ. ຈຳນວນຂອງ ພວກເດັກນ້ອຍ ໃນອາຟຣິກາ ທີ່ເປັນມາລາເຣຍ ແມ່ນໄດ້ຫລຸດໜ້ອຍລົງກວ່າ ທີ່ເຄີຍເປັນມາແຕ່ກ່ອນ.
ການກວດສອບແບບໃໝ່ ຍັງໄດ້ສົ່ງຜົນຕໍ່ການຫຼຸດຜ່ອນຈຳນວນ ຂອງຜູ້ເສຍຊີວິດ. ຜົນຂອງ ການກວດສອບຕ່າງໆ ຈະອອກມາໃຫ້ຮູ້ ພາຍໃນ 15 ນາທີ ແລະ ການຮັກສາປິ່ນປົວ ເພື່ອຊ່ວຍຊີວິດໄວ້ນັ້ນ ສາມາດເລີ້ມຕົ້ນຂຶ້ນເລີຍ.
ບັດນີ້ ຫຼາຍໆປະເທດ ແມ່ນເພັ່ງເລັງໃສ່ ການລົບລ້າງພະຍາດດັ່ງກ່າວ ເປັນຄັ້ງທຳອິດ ໃນປະຫວັດສາດ ອີງຕາມ ໂຄງການ Roll Back Malaria ທີ່ປະສານງານ ຄວາມພະຍາຍາມ ຂອງນານາຊາດ ໃນ ການຕໍ່ຕ້ານໂຣກມາລາເຣຍ.
ການອຳນວຍຄວາມສະດວກ ເພື່ອໃຫ້ມີມຸ້ງໃຊ້ຢ່າງງ່າຍໆນັ້ນ ຈະຊ່ວຍປ້ອງກັນບໍ່ໃຫ້ ພວກຍຸງ ທີ່ເປັນພາຫະຂອງກາຝາກ ກັດເອົາ ແມ່ນໄດ້ເຮັດໃຫ້ສະຖານະການມີການຫັນປ່ຽນ.
ດຣ. Fatoumata Nafo-Traore ເວົ້າວ່າ “ແຕ່ຫາກວ່າ ພວກເຮົາ ຍັງຂາດແຄນຊັບ
ພະຍາກອນຕ່າງໆ ອີກ 50 ເປີເຊັນ ທີ່ມີຄວາມຕ້ອງການ ສຳຫລັບ ການຕໍ່ສູ້ຕ້ານ
ຢັນ ກັບໂຣກມາລາເຣຍໃນໂລກ.”
ດຣ. Fatoumata Nafo-Traore ເປັນຫົວໜ້ານຳພາ ໂຄງການພາຄີ ເພື່ອພິກປີ້ນຄືນ
ໂຣກມາລາເຣຍ ຫຼື Roll Back Malaria Partnership. ທ່ານນາງ ກໍຄືກັນກັບພວກຄົນ
ສ່ວນໃຫຍ່ ທີ່ເຮັດວຽກ ເພື່ອລົບລ້າງໂຣກມາລາເຣຍ ແມ່ນມີຄວາມເປັນຫ່ວງ ວ່າ ພວກຍຸງ
ແມ່ນກຳລັງສ້າງຄວາມຕ້ານທານ ຕໍ່ຢາຂ້າແມງໄມ້ຕ່າງໆ ທີ່ໄດ້ນຳໃຊ້ໂດຍທົ່ວໄປຫຼາຍ
ທີ່ສຸດ ໃນອາຟຣິກາ.
ຢູ່ຫຼາຍໆເຂດໃນເອເຊຍ ກາຝາກທີ່ພາໃຫ້ເກີດເປັນໂຣກມາລາເຣຍນັ້ນ ແມ່ນ ໄດ້ສ້າງຄວາມ ຕ້ານທານ ຕໍ່ຢາ artemisinen ຊຶ່ງເປັນຢາຕ້ານໂຣກມາລາເຣຍ ທີ່ສຳຄັນນັ້ນ. ສະຖານະການດັ່ງກ່າວນີ້ ໄດ້ຂົ່ມຂູ່ຕໍ່ຄວາມພະຍາຍາມ ທີ່ຈະຄວບຄຸມ ແລະ ລົບລ້າງ ໂຣກມາລາເຣຍ.
ການຍຸດຕິໂຣກມາລາເຣຍ ແມ່ນຈະຕ້ອງໄດ້ຮັບທຶນ ຈາກປະຊາຄົມນານາຊາດ ແລະ ການ
ຮ່ວມໄມ້ຮ່ວມມື ກັບບັນດາປະເທດເພື່ອນບ້ານ ບ່ອນທີ່ໂຣກມາລາເຣຍ ແມ່ນກຳລັງລະບາດ ຢູ່ນັ້ນ.
ດຣ. William Moss ຈາກສະຖາບັນ ຄົ້ນຄວ້າໂຣກມາລາເຣຍ Johns Hopkins ໄດ້ກ່າວ
ຢ້ຳເຊັ່ນນີ້ ໃນການໂທເຂົ້າມາສົນທະນາກັບວີໂອເອ ຈາກເມືອງ Lubumbashi ຂອງປະເທດ ສາທາລະນະລັດ ປະຊາທິປະໄຕ ຄອງໂກ.
ດຣ. Moss ເວົ້າວ່າ “ຖ້າບໍ່ຮ່ວມໄມ້ຮ່ວມມືກັນແລ້ວ ຜົນສຳເລັດ ແລະ ຄວາມກ້າວໜ້າ
ຕ່າງໆ ທີ່ໄດ້ມາ ຢູ່ໃນປະເທດໃດປະເທດນຶ່ງ ສາມາດ ຖືກບ່ອນທຳລາຍໄດ້ ໂດຍ
ການນຳເຂົ້າ ໂຣກມາລາເຣຍ ຈາກບັນດາ ປະເທດເພື່ອນບ້ານອື່ນໆ.”
ແຕ່ໂຣກມາລາເຣຍ ຍັງສືບຕໍ່ເອົາຊີວິດຜູ້ຄົນ ຫຼາຍກວ່າ 5 ແສນຄົນ ໃນແຕ່ລະປີ ໂດຍສ່ວນ
ໃຫຍ່ແລ້ວ ແມ່ນພວກເດັກນ້ອຍ. ບັນດານັກຊ່ຽວ ຊານ ກ່າວວ່າ ເພື່ອຍຸດຕິໂຣກດັ່ງກ່າວນີ້
ຕ້ອງໄດ້ຄວບຄຸມ ພວກຍຸງທີ່ເປັນພາຫະ ຜະລິດຢາຕ່າງໆ ທີ່ດີກວ່າເກົ່າ ແລະ ໃນທີ່ສຸດ
ກໍຜະລິດຢາວັກຊີນ ທີ່ມີປະສິດທິພາບ.
