ມີສີ່ປະເທດເພີ່ມເຕີມໄດ້ລາຍງານການຢືນຢັນກໍລະນີໄວຣັສໂຄໂຣນາ ຄັ້ງທຳອິດຂອງເຂົາເຈົ້າ ໃນຂະນະທີ່ ອິຕາລີ ໄດ້ປິດໂຮງຮຽໝົດທຸກແຫ່ງເປັນເວລາ 10 ວັນ.
ປະເທດ ຊີເລ, ຮັງກາຣີ, ໂປແລນ ແລະ ສໂລເວເນຍ ທັງໝົດໄດ້ລາຍງານກໍລະນີທຳອິດຂອງເຂົາເຈົ້າໃນວັນພຸດວານນີ້. ກໍລະນີໃນປະເທດ ຮັງກາຣີ ນັ້ນແມ່ນນັກສຶກສາ ອີຣ່ານ ສອງຄົນ ໃນຂະນະທີ່ຄົນນຶ່ງໃນປະເທດ ສໂລເວເນຍ ແມ່ນຄົນໄຂ້ຜູ້ທີ່ໄດ້ເດີນທາງຜ່ານປະເທດ ໂມຣັອກໂຄ ແລະ ອິຕາລີ.
ອິຕາລີ ມີຈຳນວນກໍລະນີໄວຣັສໂຄໂຣນາ ທີ່ຫຼາຍທີ່ສຸດຂອງ ຢູໂຣບ ດ້ວຍ 2,700 ກໍລະນີ ແລະ ເສຍຊີວິດ 100 ຄົນ. ລັດຖະບານຂອງເຂົາເຈົ້າໄດ້ເຮັດສິ່ງທີ່ເອີ້ນວ່າ ການຕັດສິນໃຈທີ່ “ຮອບຄອບ” ເພື່ອປິດໂຮງຮຽນໝົດທຸກແຫ່ງຈົນຮອດວັນທີ 15 ມີນາ.
ຫົວໜ້າອົງການອະນາໄມໂລ ທ່ານ ເທດຣອສ ອາດານອມ ເກເບຣເຢຊຸສ ໄດ້ກ່າວໃນກອງປະຊຸມລາຍງານປະຈຳວັນຂອງທ່ານໃນວັນພຸດວານນີ້ວ່າ 75 ປະເທດໄດ້ລາຍງານກໍລະນີການຕິດເຊື້ອ. ທ່ານໄດ້ຮຽກຮ້ອງໃຫ້ທຸກປະເທດດຳເນີນການໃນສິ່ງທີ່ທ່ານເອີ້ນເປັນພາສາ ອັງກິດ ວ່າ “3 C,” ຄືກໍລະນີທຳອິດ, ການຈັດກຸ່ມກໍລະນີທຳອິດ, ແລະ ສັນຍານທຳອິດຂອງການຕິດຕໍ່ໃນຊຸມຊົນ.
ທ່ານ ໄດ້ກ່າວວ່າ “ຂໍ້ຄວາມຂອງພວກເຮົາຕໍ່ທຸກປະເທດ ບໍ່ແມ່ນຖະໜົນທາງລ່ອງ. ພວກເຮົາສາມາດດັນໄວຣັສນີ້ກັບຄືນມາ.” ແຕ່ທ່ານໄດ້ກ່າວວ່າ ທ່ານເປັນຫ່ວງບາງປະເທດທີ່ທ່ານບໍ່ໄດ້ເອີ້ນຊື່ນັ້ນ, ທ່ານເວົ້າວ່າ “ລະດັບຄວາມຍິນດີທາງການເມືອງຈະບໍ່ເທົ່າກັບລະດັບໄພຂົ່ມຂູ່ທີ່ພວກເຮົາກຳລັງປະເຊີນຢູ່.”
ທ່ານ ເທດຣອສ ໄດ້ກ່າວວ່າ ທັງໝົດ 75 ປະເທດທີ່ຖືກກະທົບໂດຍໄວຣັສໃນປັດຈຸບັນນີ້ ແລະ 119 ປະເທດທີ່ຍັງບໍ່ໄດ້ມີກໍລະນີທີ່ຖືກຢືນຢັນນັ້ນ ຕ້ອງ “ສອນປະຊາຊົນຂອງເຂົາເຈົ້າ, ໃຫ້ຂະຫຍາຍການຕິດຕາມ, ຊອກຫາ, ແຍກໂດດດ່ຽວ ແລະ ເບິ່ງທຸກໆກໍລະນີ, ເພື່ອຕິດຕາມການຕິດຕໍ່ທຸກໆກໍລະນີ, ແລະ ໃຊ້ວິທີການທຸກລັດຖະບານ ແລະ ສັງຄົມທຸກແຫ່ງ. ນີ້ບໍ່ແມ່ນວຽກສຳລັບກະຊວງສາທາລະນະສຸກພຽງຜູ້ດຽວເທົ່ານັ້ນ.”
ສະຫະລັດ ໄດ້ລາຍງານການເສຍຊີວິດກໍລະນີທີ 11 ຂອງເຂົາເຈົ້າ, ເຊິ່ງແມ່ນຜູ້ຊາຍຊະລາຄົນນຶ່ງທີ່ອາໄສຢູ່ໃກ້ກັບເມືອງ ຊາຄຣາເມັນໂຕ, ລັດຄາລິຟໍເນຍ. ການເສຍຊີວິດຂອງລາວໄດ້ຖືກປະກາດພາຍໃນບໍ່ເທົ່າໃດຊົ່ວໂມງ ຫຼັງຈາກຄົນທີ 10 ໄດ້ເສຍຊີວິດຈາກໄວຣັສໂຄໂຣນາໃນລັດ ວໍຊິງຕັນ, ບ່ອທີ່ການເສຍຊີວິດອື່ນໆໃນ ສະຫະລັດ ໄດ້ເກີດຂຶ້ນໃນປັດຈຸບັນນີ້.
ຜູ້ເຄາະຮ້າຍຫຼາຍຄົນກໍແມ່ນຄົນຊະລາເຊັ່ນກັນ ແລະ ອາໄສຢູ່ບ້ານພັກຄົນຊະລາ. ບັນດາເຈົ້າໜ້າທີ່ສາທາລະນະສຸກເວົ້າວ່າ ຜູ້ອາວຸໂສແມ່ນມີຄວາມສ່ຽງເປັນພິເສດ.
