ເມື່ອ 45 ປີຜ່ານມາແລ້ວ ໃນວັນທີ 20 ກໍລະກົດ ປີ 1969 ມະນຸດ
ໄດ້ຂຶ້ນໄປຍ່າງຢູ່ເທິງໜ້າດວງຈັນ ເປັນເທື່ອທຳອິດ.
ໃນມື້ນັ້ນ ທ່ານ Neil Armstrong ນັກບິນອະວະກາດສະຫະລັດ
ໄດ້ກ່າວປະໂຫຍກທີ່ມີຊື່ສຽງຕະຫຼອດມາ ໃນຕອນທີ່ທ່ານໄດ້ເປັນ
ມະນຸດຄົນທຳອິດ ທີ່ຂຶ້ນໄປຍ່າງຢູ່ເທິງໜ້າດວງຈັນ ຊຶ່ງທ່ານເວົ້າ
ວ່າ:“ນັ້ນແມ່ນບາດກ້າວນຶ່ງນ້ອຍໆສຳລັບຄົນ ແຕ່ເປັນບາດ
ກ້າວກະໂດດອັນຍິ່ງໃຫຍ່ອັນນຶ່ງສຳລັບມະນຸດຊາດ.” ໃນ
ເວລາບໍ່ເທົ່າໃດນາທີຕໍ່ມາ ທ່ານ Edwin “Buzz” Aldrin ເພື່ອນ
ນັກບິນອະວະກາດອະເມຣິກັນນຳກັນ ກໍໄດ້ອອກຍ່າງຮ່ວມກັບ
ທ່ານ Armstrong ຢູ່ເທິງໜ້າດວງຈັນ.
ໃນກາງປີ 1969 ສະຫະລັດໄດ້ແຕກແຍກກັນ ກ່ຽວກັບສົງຄາມໃນຫວຽດນາມ ປະເຊີນ
ກັບການປະທ້ວງຮຽກຮ້ອງເອົາສິດທິພົນລະເມືອງຕ່າງໆ ແລະຍັງບໍ່ທັນຟື້ນຄືນຈາກ
ຄວາມຕື່ນຕົກໃຈນຳການລອບສັງຫານທ່ານ Martin Luther King, Jr. ແລະທ່ານ
Robert Kennedy ຜູ້ສະໝັກເປັນປະທານາທິບໍດີສະຫະລັດ ໃນປີ 1968 ນັ້ນ.
ແຕ່ປະເທດໄດ້ເຕົ້າໂຮມກັນຄືນໃນເດືອນກໍລະກົດປີນັ້ນ ເພື່ອເບິ່ງການຖ່າຍທອດ
ການຂຶ້ນສູ່ອະວະກາດຂອງຍານອະວະກາດ Apollo 11 ທາງໂທລະພາບ.
ອົງການນາຊາ ກະປະມານວ່າ ມີປະຊາຊົນໃນຈຳນວນຫຼາຍກວ່າ ເຄິ່ງຕື້ ຫຼື 500 ລ້ານ
ຄົນໃນທົ່ວໂລກ ພາກັນເບິ່ງການລົງສູ່ໜ້າດວງຈັນຂອງຍານອະວະກາດ Apollo 11.
ບັນດານັກບິນອະວະກາດຂອງອົງການນາຊາ ໄດ້ກັບຄືນໄປຍັງດວງຈັນອີກຫຼາຍຄັ້ງ
ນັບແຕ່ນັ້ນມາ ແຕ່ເຖິງຢ່າງໃດກໍດີ ບໍ່ມີມະນຸດຄົນໃດອີກ ໄດ້ໄປລົງຢູ່ເທິງໜ້າດວງຈັນ
ນັບແຕ່ປີ 1972 ເປັນຕົ້ນມາ.
Forty-five years ago, on July 20, 1969, man first walked on the moon.
Astronaut Neil Armstrong famously said that day as he became the first person to walk on the moon, "that is one small step for man, one giant leap for mankind." Fellow American astronaut Edwin "Buzz" Aldrin joined Armstrong on the moon a few minutes later.
In the middle of 1969, the United States was divided over the war in Vietnam, rocked by civil rights protests and still reeling from the 1968 assassinations of Martin Luther King, Jr. and presidential candidate Robert Kennedy. But the nation came together in July of that year to watch the historic Apollo 11 mission on television.
NASA estimates that more than half a billion people worldwide watched the televised lunar landing.
NASA astronauts returned to the moon on multiple missions; however, no human has touched down on the moon's surface since 1972.