ສະພາບອາກາດປ່ຽນແປງ ແລະ ເຂື່ອນຢູ່ເທິງຕົ້ນນ້ຳ, ເຊິ່ງສ່ວນຫຼາຍຖືກຄວບຄຸມໂດຍ ຈີນ ນັ້ນ, ແມ່ນກຳລັງເປັນໄພຂົ່ມຂູ່ຕໍ່ທະເລສາບ ຕົງເລ ສາບ ຂະໜາດໃຫຍ່ຂອງ ກຳປູເຈຍ ແລະ ຊຸມຊົນທີ່ອາໄສຢູ່ອ້ອມຂ້າງມັນ, ເຮັດໃຫ້ການສະໜອງທາດໂປຣທີນຂອງປະເທດ ແລະ ລະບົບນິວເດຂອງແມ່ນ້ຳຂອງທີ່ກວ້າງໃຫຍ່ ມີຄວາມສ່ຽງ.
ສາມປີຈາກ 2019-2021 ແມ່ນຊ່ວງເວລາທີ່ແຫ້ງແລ້ງທີ່ສຸດເປັນປະຫວັດການ. ການຂຶ້ນໆລົງໆຂອງນ້ຳທີ່ສຳຄັນຂອງທະເລສາບ ຕົງເລ ສາບ ປະກົດວ່າກຳລັງຕາຍລົງ, ພ້ອມກັບຄັງປາທີ່ອຸດົມສົມບູນຂອງທະເລສາບນັ້ນ. ນ້ຳປົກກະຕິຈະໄຫຼລົງສູ່ທະເລສາບ ຕົງເລ ສາບ ເປັນເວລາ 120 ວັນໃນລະດູຝົນ, ມີນ້ຳສູງຂຶ້ນ 6 ເທົ່າກ່ອນຈະໄຫຼກັບຄືນໄປໃນແມ່ນ້ຳຂອງ ໃນເວລາທີ່ລະດູຝົນສິ້ນສຸດລົງ, ຕາມທຳມະດາຈະເປັນທ້າຍເດືອນກັນຍາ. ການປ່ຽນແປງດັ່ງກ່າວນີ້ແມ່ນການຂຶ້ນໆລົງໆຂອງນ້ຳ.
ແລະໃນໄລຍະສອງປີທີ່ຜ່ານມາ ໄດ້ມີຝົນຫຼາຍກວ່າເກົ່ານັ້ນ, ການຂະຫຍາຍຕົວຂອງທະເລສາບໃນລະດູຝົນທີ່ເກືອບເປັນປົກກະຕິ ແລະ ການໄຫຼກັບຄືນຕາມປົກກະຕິນັ້ນ, ການບັນເທົາຊົ່ວຄາວດັ່ງກ່າວແມ່ນບໍ່ສາມາດທົດແທນຜົນກະທົບໄລຍະຍາວຂອງທະເລສາບທີ່ກຳລັງປະເຊີນກັບວິກິດການໄດ້, ບັນດານັກຊ່ຽວຊານ ແລະ ເຈົ້າໜ້າທີ່ໄດ້ກ່າວຕໍ່ວີໂອເອພາກພາສາຂະເໝນ.
ທ່ານ ບຣາຍແອນ ອາຍເລີ, ຜູ້ທີ່ກຳກັບໂຄງການເອເຊຍຕາເວັນອອກສຽງໃຕ້ ແລະ ພະລັງງານ, ນ້ຳ ແລະ ຄວາມຍືນຍົງຂອງສູນກາງ ສຕິມສັນ ກ່າວວ່າ “ສິ່ງປົກກະຕິໃໝ່ແມ່ນຄວາມບໍ່ແນ່ນອນ. ຄວາມສາມາດໃນການຄາດຄະເນ ກ່ຽວກັບ ການຂະຫຍາຍຕົວແບບດັ້ງເດີມທີ່ເກີດຂຶ້ນເກືອບທຸກໆລະດູຝົນ, ຫຼື ທຸກໆລະດູມໍລະສຸມ, ແມ່ນບໍ່ສາມາດໄວ້ວາງໃຈໄດ້.” ສູນກາງ ສຕິມສັນ ແມ່ນຕັ້ງຢູ່ໃນນະຄອນຫຼວງ ວໍຊິງຕັນ.
ອ່ານຂ່າວນີ້ເປັນພາສາອັງກິດ
ຟໍຣັມສະແດງຄວາມຄິດເຫັນ