ເມື່ອໄພພິບັດໃຫຍ່ເຊັ່ນ ໄພຈາກພາຍຸເຮີຣິເຄນ ແລະໄພນໍ້າຖ້ວມພັດເຂົ້າ ສະຫະລັດ, ອົງການຄຸ້ມຄອງສຸກເສີນຂອງລັດຖະບານກາງ ຫຼື FEMA (Federal Emergency Management Agency), ປະສານງານເຖິງຄວາມພະຍາຍາມກູ້ໄພຄັ້ງໃຫຍ່ທີ່ອາດຈະເໜືອຄວາມສາມາດຂອງເຈົ້າໜ້າທີ່ທ້ອງຖິ່ນ. ເຈສຊິກ້າ ສໂຕນ (Jessica Stone) ນັກຂ່າວ VOA ມີລາຍງານກ່ຽວກັບວິທີການດໍາເນີນງານຂອງອົງການດັ່ງກ່າວ, ເຊິ່ງພວກເຮົາມີລາຍລະອຽດມາສະເໜີທ່ານ ໃນອັນດັບຕໍ່ໄປ.
ລະດູຂອງພາຍຸເຮີຣິເຄນໃນປີ 2024 ໄດ້ນຳເອົາພາຍຸເຮີຣິເຄນທີ່ມີພະລັງແຮງອີກຫົວນື່ງ ມາສູ່ພາກຕາເວັນອອກສຽງໃຕ້ຂອງອາເມຣິກາ, ສົ່ງຜົນເຮັດໃຫ້ຕ້ອງບັງຄັບປະຊາຊົນຫຼາຍລ້ານຄົນຢ່າງກະທັນຫັນ ແລະ ໜີອອກຈາກເສັ້ນທາງຂອງພາຍຸເຮີຣິເຄນ Milton. VOA ໄດ້ໂອ້ລົມກັບ ອັງ ມຽດທ໌ ຕູ (Aung Myat Thu) ກ່ອນພາຍຸຫົວນີ້ຈະພັດເຂົ້າຝັ່ງ.
ອັງ ມຽດທ໌ ຕູ, ປະຊາຊົນຊາວເມືອງ Tampa Bay ກ່າວເປັນພາສາມຽນມາຜ່ານ ZOOM ວ່າ:
“ພວກເຮົາໄດ້ຍິນມາວ່າ ພາຍຸເຮີຣິເຄນ Milton ກໍາລັງມຸ່ງໜ້າເຂົ້າສູ່ຂົງເຂດ Tampa Bay ແລະຄື້ນຂອງພາຍຸອາດສູງຮອດ 10 ຫາ 15 ຟຸດ. ສະນັ້ນ, ປະຊາຊົນທີ່ອາໄສຢູ່ບໍລິເວນແຄມຊາຍຝັ່ງ ແລະພື້ນທີ່ຕໍ່າ ແມ່ນບໍ່ມີທາງເລືອກ, ມີແຕ່ໄປຢູ່ບ່ອນລີ້ໄພ ຫຼື ສະຖານທີ່ປອດໄພເທົ່ານັ້ນ.”
ປະຊາຊົນຫຼາຍຄົນທີ່ອາໄສຢູ່ເຮືອນເຄື່ອນທີ່ແມ່ນມີຄວາມສ່ຽງຫຼາຍ ໂດຍສະເພາະກັບລົມທີ່ມີຄວາມແຮງ ແລະນ້ໍາຖ້ວມສູງ ທີ່ພາຍຸເຮີລິເຄນນໍາເອົາມາ.
ແອງເຈລາ ຣີເວີຣາ ບາໂບຊາ (Angela Rivera Barbosa), ປະຊາຊົນທີ່ອາໃສຢູ່ເມືອງ ເຄລຍສໍເຕີ້ (Clearwater) ກ່າວວ່າ:
“ພວກເຮົາຖືກນ້ໍາຈາກພາຍຸ ເຮລີນ ຫຼັ່ງເຂົ້າມາໃນເຮືອນ ແລະພວກເຂົາເຈົ້າເວົ້າວ່າ ມັນຈະຮ້າຍແຮງກວ່າເກົ່າ. ມຸ້ຍ ມາລ (Muy mal). ຮູ້ສຶກບໍ່ດີຫຼາຍ.”
ຢາທາລານ ອໍເຊລລາ (Yatalan Orshella), ປະຊາຊົນຜູ້ອາໄສຢູ່ເມືອງ ເຄລຍສໍເຕີ້ ກ່າວວ່າ:
“ອັນນີ້ກຳລັງຈະຖ້ວມ. ມັນເກີດຂຶ້ນຈາກພາຍຸຄັ້ງສຸດທ້າຍ ແລະພາຍຸໃນກ່ອນໜ້ານັ້ນ ເຊິ່ງພວກເຮົາຄາດວ່າ ຈະມີນ້ຳສູງກວ່າເກົ່າ. ທຸກໆຄົນຕ້ອງພາກັນຂັບລົດຂອງຕົນອອກໄປ ແລະຊອກຫາບ່ອນທີ່ປອດໄພ. ສະຖານທີ່ແຫ່ງນີ້ຈະຖືກທໍາລາຍ.”
ຖ້າເປັນຄືແນວນັ້ນ, ຊາວອາເມຣິກັນທີ່ປະສົບກັບຄວາມເສຍຫາຍຕໍ່ເຮືອນ ຫຼື ລົດຂອງພວກເຂົາເຈົ້າສາມາດໄດ້ຮັບການຊ່ວຍເຫຼືອຈາກ FEMA ເພື່ອຈ່າຍເປັນຄ່າສ້ອມແປງ.
ອົງການຄຸ້ມຄອງສຸກເສີນຂອງລັດຖະບານກາງ ຫຼື FEMA, ປະສານຄວາມພະຍາຍາມຕອບສະໜອງກັບທຸກລະດັບຂອງລັດຖະບານ ເຊັ່ນດຽວກັບພາກເອກະຊົນ.
ແຕ່ກ່ອນອື່ນໝົດ, ປະທານາທິບໍດີ ຕ້ອງປະກາດພາວະສຸກເສີນແຫ່ງຊາດ, ເຊິ່ງອະນຸມັດເງິນທຶນເພີ້ມເຕີມເພື່ອຊ່ວຍລັດຖະບານທ້ອງຖິ່ນໃນການຕອບສະໜອງຕໍ່ຄວາມຕ້ອງການຂອງປະຊາຊົນ.
ປະທານາທິບໍດີ ໂຈ ໄບເດັນ ກ່າວວ່າ:
“ຂ້າພະເຈົ້າໄດ້ຊີ້ນຳທີມງານດັ່ງກ່າວນີ້ໂດຍກົງ ໃຫ້ດໍາເນີນງານທຸກຢ່າງທີ່ພວກເຂົາສາມາດເຮັດໄດ້ ເພື່ອຊ່ວຍຊີວິດ ແລະຊຸມຊົນຂອງພວກເຮົາ, ຊ່ວຍເຫຼືອຊຸມຊົນຕ່າງໆຂອງພວກເຮົາກ່ອນ, ໃນລະຫວ່າງທີ່ມັນເກີດຂຶ້ນ ແລະ ຫຼັງຈາກເຫດການສະພາບອາກາດທີ່ຮ້າຍແຮງເຫຼົ່ານີ້ ແລະນັ້ນ ຄືສິ່ງທີ່ກໍາລັງເກີດຂຶ້ນ.”
ອົງການ FEMA ຍັງເຜີຍແຜ່ຄໍາເວົ້າທີ່ຜູ້ໄດ້ຮັບຜົນກະທົບ ຈໍາເປັນຕ້ອງຊອກຫາບ່ອນລີ້ໄພ ຫຼື ທໍາການອົບພະຍົບ.
ລຸນຫຼັງພາຍຸສິ້ນສຸດລົງ, ບັນດາຜູ້ເຄາະຮ້າຍສາມາດສະຫມັກຂໍເອົາການຊ່ວຍເຫຼືອສໍາລັບເຮືອນຢູ່ອາໄສຈາກອົງການ FEMA, ແຕ່ ໃນກໍລະນີຖ້າພວກເຂົາບໍ່ມີປະກັນໄພ ຫຼື ປະກັນໄພບໍ່ພຽງພໍເທົ່ານັ້ນ. ເວັບໄຊທ໌ຂອງ FEMA ກ່າວວ່າ ໂຄງການຈະບໍ່ຊົດເຊີຍຄວາມເສຍຫາຍທັງຫມົດ, ແຕ່ສາມາດຈ່າຍສໍາລັບທີ່ຢູ່ອາໄສຊົ່ວຄາວ, ການສ້ອມແປງເຮືອນ ແລະການປົກປ້ອງເຮືອນຈາກພາຍຸທີ່ຈະເກີດຂຶ້ນໃນອະນາຄົດ.
ທ່ານ ເຈສັນ ບາໂນສກີ (Jason Barnosky), ຈາກໂຄງການປະສານງານ RAND ກ່າວຜ່ານ ZOOM ວ່າ:
“FEMA ສາມາດໜອງການຊ່ວຍເຫຼືອໃຫ້ແກ່ບຸກຄົນ, ແລະນັ້ນ ສາມາດສະໜອງໃຫ້ໃນລັກສະນະຂອງເງິນສົດແບບໄວວາສໍາລັບຄ່າໃຊ້ຈ່າຍທີ່ກ່ຽວຂ້ອງກັບໄພພິບັດເຊັ່ນ: ໃບບິນຄ່າໂຮງໝໍ ຫຼື ບິນຄ່າທັນແພດ ເຊັ່ນດຽວກັນກັບບ່ອນຢູ່ອາໄສ. ແລະນອກຈາກນັ້ນ, FEMA ຍັງໃຫ້ການຊ່ວຍເຫຼືອລັດຖະບານຂອງລັດ ແລະລັດຖະບານທ້ອງຖິ່ນ ເພື່ອຊ່ວຍໃຫ້ພວກເຂົາກໍ່ສ້າງພື້ນຖານໂຄງລ່າງທາງສັງຄົມຂອງພວກເຂົາເຈົ້າຄືນໃຫມ່.”
ຜູ້ຊ່ຽວຊານໃນການຕອບສະໜອງຕໍ່ໄພພິບັດ ທ່ານ ເຈສັນ ບາໂນສກີ ກ່າວວ່າ FEMA ມີການປ່ຽນແປງຫຼາຍ ຫຼັງຈາກທີ່ພວກເຂົາເຈົ້າຕອບສະໜອງຕໍ່ພາຍຸເຮີລິເຄນ Katrina ໃນປີ 2005 ຊ້າເກີນໄປ.
ທ່ານ ເຈສັນ ບາໂນສກີ, ຈາກໂຄງການປະສານງານ RAND ກ່າວຜ່ານ ZOOM ວ່າ
“ມັນເປັນແຮງຜັກດັນໃຫ້ອົງການຄິດ ກ່ຽວກັບການກຽມພ້ອມ, ບໍ່ໃຫ້ມີປະຕິກິລິຍາຫຼາຍ ແຕ່ໃຫ້ດໍາເນີນການເຂົ້າໄປຂ້າງຫນ້າ ແລະໃຫ້ການຊ່ວຍເຫຼືອຊຸມຊົນໃນການກຽມພ້ອມ ກ່ອນທີ່ຫຼາຍໆຢ່າງຈະເກີດຂື້ນ.”
ຕຸນ ວິນ (Tun Win) ເປັນຊາວເມືອງ ຊາຣາໂຕຊາ (Sarasota) ໄດ້ເຮັດພຽງແຕ່ຕິດຕັ້ງສິ່ງປ້ອງກັນພາຍຸເຮີລິເຄນ ເພື່ອວ່າພາຍຸຫົວຕໍ່ໄປຈະບໍ່ສ້າງຄວາມເສຍຫາຍຫຼາຍຕໍ່ເຮືອນຂອງລາວ.
ຕຸນ ວິນ, ເປັນຊາວເມືອງ ຊາຣາໂຕຊາ ກ່າວຜ່ານ ZOOM ວ່າ:
“ຖ້າຕົ້ນໄມ້ຫຼືສິ່ງເສດເຫຼືອຕົກໃສ່ປະຕູ, ປະຕູແກ້ວຈະຖືກປ້ອງກັນ, ຂ້ອຍໄດ້ຕິດຕັ້ງປະຕູຮົ້ວຂອງພາຍຸເຮີລິເຄນຢູ່ປະຕູຫລັງເຊັ່ນກັນ.”
ບັນດານັກຊ່ຽວຊານກ່າວໂດຍຄາກວ່າ ຄວາມຕ້ອງການຂອງ FEMA ຈະເພີ້ມຂຶ້ນ ເພາະວ່າມີການພະຍາກອນອາກາດທີ່ຮ້າຍແຮງຂຶ້ນນັບມື້ໃນທົ່ວ ສະຫະລັດ ເນື່ອງຈາກສະພາບອາກາດທີ່ປ່ຽນແປງ.
ອ່ານບົດລາຍງານດ້ານລຸ່ມນີ້ເປັນພາສາອັງກິດ
When major disasters like hurricanes and floods hit the United States, the Federal Emergency Management Agency, or FEMA, coordinates major rescue efforts that would overwhelm local officials. VOA’s Jessica Stone reports on how the agency works.
The 2024 hurricane season has brought another powerful storm to the American Southeast, forcing millions to gas up and flee Hurricane Milton’s path. VOA spoke to Aung Myat Thu ahead of landfall.
Aung Myat Thu, Tampa Bay Resident, Burmese, ZOOM.
“We heard hurricane Milton is taking aim at the Tampa Bay region and the storm surge could be 10 to 15 feet. So the residents living in coastal and low-lying areas have no choice, just move to the shelter or safe place.”
Mobile home residents are particularly vulnerable to the strong winds and high floodwaters that hurricanes bring.
Angela Rivera Barbosa, Clearwater Resident.
“We took water with Helene into the house and they’re saying it's going to be worse. Muy mal. Very bad.”
Yatalan Orshella, Clearwater Resident.
This is going to flood. It did in the last storm and the storm before that and we’re expecting even higher waters. Everyone needs to move their vehicles and get to safety. This place is going to be devastated.”
If that happens, Americans who experience damage to their homes or cars can get help from FEMA to pay for repairs.
The Federal Emergency Management Agency, or FEMA, coordinates response efforts with all levels of government as well as the private sector.
But first, the president must declare a national emergency, which releases additional funds to help local governments respond.
President Joe Biden.
“I've directed this team to do everything they can to save lives and our communities, help our communities before, during and after these extreme weather events and that's being done.”
FEMA also spreads the word that those affected must seek shelter or evacuate.
After the storm is over, victims can apply to FEMA for individual housing assistance, but only if they are uninsured or underinsured. FEMA’s website says the program won’t compensate for all the damage, but it can supplement the costs for temporary housing, home repairs and protecting homes against future storms.
Jason Barnosky, RAND Corporation, ZOOM.
“FEMA can provide assistance to individuals, and that can take the form of a quick cash infusion for disaster-related expenses such as medical or dental bills as well as housing. And on top of that, FEMA assists state and local governments to help them rebuild their public infrastructure.”
Disaster response expert Jason Barnosky says FEMA changed a lot after its slow response to Hurricane Katrina in 2005.
Jason Barnosky, RAND Corporation, ZOOM.
“It encouraged the agency to think about preparedness, to not be so reactive but to lean forward and help communities prepare before anything happened.”
Sarasota resident Tun Win did just that, installing hurricane shutters so that the next storm won’t create as much damage to his home.
Tun Win, Sarasota Resident, ZOOM.
"If the trees or debris hit the door, the glass door will be protected. I have installed hurricane shutters at the back door, too.”
With more severe weather forecast across the United States, thanks to a changing climate, experts say the demand for FEMA is only expected to rise.
ຟໍຣັມສະແດງຄວາມຄິດເຫັນ