ລິ້ງ ສຳຫລັບເຂົ້າຫາ

ວັນອັງຄານ, ໑໖ ກໍລະກົດ ໒໐໒໔

ທີ່ປຶກສາຂອງ UN ກ່າວວ່າ 'ເມືອງຮ້າງ' ທີ່ຖືກນໍ້າຖ້ວມຂອງ ບຣາຊີລ ແມ່ນການເຕືອນໄພ ກ່ຽວກັບສະພາບອາກາດ ຕໍ່ໂລກ


ທ່ານ ແອນດຣູ ຮາເປີ, ທີ່ປຶກສາດ້ານດິນຟ້າອາກາດຂອງອົງການອົບພະຍົບຂອງສະຫະປະຊາຊາດທີ່ຮູ້ຈັກກັນໃນຊື່ UNHCR, ຖ່າຍຮູບເຮືອນທີ່ຖືກທໍາລາຍບາງສ່ວນຈາກໄພນໍ້າຖ້ວມທີ່ Porto Alegre, ໃນລັດ Rio Grande do Sul, ປະເທດບຣາຊິລ, 23 ມິຖຸນາ 2024.
ທ່ານ ແອນດຣູ ຮາເປີ, ທີ່ປຶກສາດ້ານດິນຟ້າອາກາດຂອງອົງການອົບພະຍົບຂອງສະຫະປະຊາຊາດທີ່ຮູ້ຈັກກັນໃນຊື່ UNHCR, ຖ່າຍຮູບເຮືອນທີ່ຖືກທໍາລາຍບາງສ່ວນຈາກໄພນໍ້າຖ້ວມທີ່ Porto Alegre, ໃນລັດ Rio Grande do Sul, ປະເທດບຣາຊິລ, 23 ມິຖຸນາ 2024.

ໄພ​ນ້ຳ​ຖ້ວມເປັນປະຫວັດການ ໃນພາກໃຕ້ຂອງບຣາຊີລ ໄດ້​ເຮັດ​ໃຫ້​ມີ​ຜູ້​ເສຍ​ຊີວິດ​ຫຼາຍ​ກວ່າ 170 ຄົນ ​ແລະເຮັດໃຫ້​ອີກ​ເຄິ່ງລ້ານ​ຄົນ​ບໍ່​ມີ​ທີ່​ຢູ່​ອາ​ໄສ ​ເປັນ​ສັນຍານ​ເຕືອນເຖິງ​ໄພ​ພິ​ບັດ ​ທີ່​ຈະ​ເກີດ​ຂຶ້ນ​ໃນ​ທົ່ວອາ​ເມ​ຣິກາ ຕື່ມອີກ ເນື່ອງຈາກ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ, ເຈົ້າໜ້າທີ່ຂອງອົງການອົບ​ພະ​ຍົບສະຫະປະ ຊາຊາດ ກ່າວໃນວັນອັງຄານວານນີ້, ອີງຕາມອົງການຂ່າວ Reuters.

ປະຊາຊົນປະມານ 389,000 ຄົນໃນລັດ ຣີໂອ ແກຣນເດ ໂດ ຊຸລ (Rio Grande do Sul) ຍັງຄົງຕ້ອງຍົກຍ້າຍອອກຈາກບ້ານເຮືອນຂອງເຂົາເຈົ້າ ເນື່ອງຈາກຝົນຕົກໜັກ ແລະນໍ້າຖ້ວມ ເຊິ່ງເຈົ້າໜ້າທີ່ທ້ອງຖິ່ນກ່າວວ່າ ເປັນໄພ ພິບັດທີ່ຮ້າຍແຮງທີ່ສຸດໃນປະຫວັດສາດຂອງພາກພື້ນດັ່ງກ່າວ. ບັນດານັກວິທະ ຍາສາດກ່າວວ່າ ການປ່ຽນແປງຂອງດິນຟ້າອາກາດ ເຮັດໃຫ້ນໍ້າຖ້ວມອາດເກີດ ຂຶ້ນຕື່ມເປັນສອງເທົ່າ.

ທ່ານ ແອນດຣູ ຮາເປີ (Andrew Harper), ທີ່ປຶກສາພິເສດກ່ຽວກັບການປະຕິ ບັດການດ້ານດິນຟ້າອາກາດຂອງອົງການອົບພະຍົບສະ​ຫະ​ປະ​ຊາ​ຊາດ, UNHCR, ໄດ້ໄປຢ້ຽມຢາມພື້ນທີ່ ທີ່ຖືກນໍ້າຖ້ວມໃນ ພອດໂຕ ອເລເກຣ (Porto Alegre) ເມືອງ​ເອກຂອງລັດ ເມື່ອທ້າຍອາທິດທີ່ຜ່ານມາ ແລະໄດ້ເອີ້ນ ບ່ອນນັ້ນວ່າ "ເມືອງຮ້າງ".

"ມັນຢູ່ໃຕ້ນ້ໍາເກືອບ 40 ມື້ແລ້ວ. ບໍ່ມີຮອດຫນູໂຕໃດແລ່ນໄປແລ່ນມາເລີຍ. ທຸກສິ່ງທຸກຢ່າງໄດ້ຕາຍໄປໝົດ," ທ່ານ ຮາເປີ ກ່າວໃນການໃຫ້ສໍາພາດໃນວັນ ອັງຄານວານນີ້.

ນັບ​ແຕ່​ນ້ຳ​ຖ້ວມ​ໄດ້​ຫຼຸດ​ລົງ, ຜູ້​ອາ​ໄສ​ຢູ່​ໃນທ້ອງ​ຖິ່ນກໍ​ບໍ່​ໄດ້​ກັບ​ຄືນ​ໄປ​ເຂດພື້ນທີ່ ດັ່ງກ່າວ, ບ່ອນ​ທີ່​ຖະ​ໜົນ​ຫົນ​ທາງ​ເຕັມ​ໄປ​ດ້ວຍ​ຂີ້​ເຫຍື້ອ​ ແລະ ເສດຊາກຕ່າງໆ ທີ່ຖ້ວມອັ່ງຢູ່. ຫຼາຍຄົນຍັງອາໄສຢູ່ໃນສະ​ຖານ​ທີ່​ລີ້​ໄພ, ລວມທັງຜູ້ລີ້ໄພຊາວ ເວເນຊູເອລາ ຜູ້ທີ່ໄດ້ໄປຕັ້ງຖິ່ນຖານໃຫມ່ໃນເມືອງ ພອດໂຕ ເອເລເກຣ (Porto Alegre) ນຳ.

​ອົງ​ການ UNHCR ກໍາລັງໃຫ້ການຊ່ວຍເຫຼືອລັດຖະບານທ້ອງຖິ່ນສ້າງທີ່ຢູ່ອາໄສ ຊົ່ວຄາວ.

ອ່ານຂ່າວນີ້ເປັນພາສາອັງກິດ:

ຟໍຣັມສະແດງຄວາມຄິດເຫັນ

XS
SM
MD
LG