ລິ້ງ ສຳຫລັບເຂົ້າຫາ

logo-print

ການ​ອອກ​ກຳ​ລັງ​ກາຍ ​ຂອງ​ບັນ​ດາພໍ່ ສົ່ງ​ຜົ​ນຕໍ່ ​ສຸ​ຂະ​ພາບ ຂອງ​ພວກ​ລູກໆ ຂອງ​ພວກ​ເຂົາ​ເຈົ້າ


ຫຼາຍໆ​ຄົນ ຮູ້​ວ່າ ​ສຸ​ຂະ​ພາບ​ຂອງ​ພວກ​ແມ່​ຍິງ ຊຶ່ງ​ຮວມ​ທັງ​ການຄວບຄຸ​ມ​ອາ​ຫານ​ແລະ​
ການ​ອອກ​ກຳ​ລັງ​ກາຍ ສາ​ມາດ​ມີ​ຜົນ​ກະ​ທົບ ​ຕໍ່​ສຸ​ຂ​ະພາບ ​ຂອງ​ລູກ​ຂອງ​ເຂົາເຈົ້າ ແມ່ນແຕ່ກ່ອນເວລາ​ຖືພາ. ພວກ​ແມ່​ຍິງ​ຫຼາຍໆ​ຄົນ ຈະພະ​ຍາ​ຍາມຫຼຸດ​ນ້ຳ​ໜັກຂອງ
ຕົນເອງລົງ ທັງຈະໄປຫາ​ພວກ​ນາຍ​ໝໍ ເພື່ອຮັກສາ​ສຸ​ຂະ​ພາບ​ໃຫ້​ດີ​ທີ່​ສຸດ. ແຕ່​ວ່າ,
ຈົນເຖິງ​ປັດ​ຈຸ​ບັນ​ນີ້ ຈຶ່ງ​ຮູ້​ໜ້ອຍນຶ່ງ ​ວ່າບົດ​ບາດ​ຂອງ​ການຄວບ​ຄຸ​ມ​ອາ​ຫານ ແລະການ​
ອອກ​ກຳ​ລັງ​ກາຍຂອງ​ບັນ​ດາຜູ້ເປັນພໍ່ ມີຄວາມສຳຄັນແນວໃດ. ແຄໂຣລ ເພຍສັນ ນັກຂ່າວວີໂອເອ ລາຍງານມາ​ ທີ່​ສະ​ແດງ​ໃຫ້​ເຫັນ​ວ່າ ​ຄື​ກັນ​ກັບ​ພວກ​ແມ່​ຍິງ​ທັງຫຼາຍ
ມັນ​ມີ​ການ​ເຊື່ອມ​ໂຍງ ລະ​ຫວ່າງ​ສຸ​ຂະ​ພາບ​ຂອງ​ບັນ​ດາ​ຜູ້ເປັນພໍ່ ກັບພວກລູກໆທີ່​ຍັງ
​ບໍ່​ທັນ​ເກີດ​ເທື່ອ ຊຶ່ງວັນ​ນະ​ສອນ​ຈະ​ນຳ​ລາຍ​ລະອຽດມາສະ​ເໜີ​ທ່ານ ໃນ​ອັນ​ດັບ​ຕໍ່​ໄປ.

ທ່ານ ເຮີກ​ຕ໌ ໂອ້​ລົມ​ກັບ​ພວກ​ເດັກ​ນ້ອຍ ໃນ​ຮ້ານ T-ball “ຄື​ແບບ​ນີ້​ລະໂອ​ເຄ ບໍ?”

ທ່ານເເມັ​ຕ​ທິວ ເຮີກ​ຕ໌ ຖືເອົາເລື້ອງອອກກຳລັງກາຍເປັນບຸລິມະສິດສະເໝີ ສຳລັບ
ເພິ່ນເອງ ແລະດຽວນີ້ ແມ່ນສຳລັບພວກລູກຊາຍຂອງເພິ່ນ.

ທ່ານເເມັ​ຕ​ທິວ ເຮີກ​ຕ໌ ຜູ້​ເປັນ​ພໍ່ ກ່າວ​ວ່າ “ຂ້ອຍ​ຢາກໃຫ້​ມັນ​ເປັນ​ແບບທຳ​ມະ​ຊາດ
​ສຳ​ລັບ​ພວກ​ເຂົາ​ເຈົ້າ. ຂ້ອຍ​ບໍ່​ຢາກ​ໃຫ້​ມັນ​ເປັນແບບງານ​ອະດິເຫຼກ. ຂ້ອຍ​ຢາກໃຫ້
​ພວກ​ເຂົາເຈົ້າອອກ​ໄປ​ຂ້າງນອກ, ຕ້ອງ​ການ​ໃຫ້​ເຂົາເຈົ້າເຄື່ອນໄຫວເໜັງຕີງເປັນ
ປະຈຳ ແລະ​ມ່ວນ​ຊື່ນ​ສະ​ນຸກ​ກັບ​ຊີ​ວິດ​ໃຫ້​ເຖິງ​ທີ່​ສຸດ.”

ການ​ສຶກ​ສາ​ຈາກ​ມະ​ຫາ​ວິ​ທະ​ຍາ​ໄລ ໂອ​ໄຮ​ໂອ ຂອງ​ສູນ​ກາງ​ການ​ແພດແວັກ​ສເນີ​ຣ໌
ໄດ້​ເບິ່ງ​ເຂົ້າ​ໄປ​ຫາຜົນ​ກະ​ທົບຂອງ​ການ​ອອກ​ກຳ​ລັງ​ກາຍ​ຂອງ​ບັນ​ດາພໍ່ ຕໍ່​ພວກ​ລູກໆ
ທີ່​ຍັງ​ບໍ່​ທັນ​ເກີດ. ການ​ສຶກ​ສານີ້ ໄດ້​ພົບ​ເຫັນ​ວ່າ ເຖິງ​ແມ່ນ​ຈະເປັນການ​ອອກ​ກຳ​ລັງ
​ກາຍ​ແບບ​ທຳ​ມະ​ດາ ກ່ອນ​ຈະຖືພາ ມັນກໍຈະເປັນ​ປະ​ໂຫຍດ​ຕໍ່ສຸ​ຂ​ພາບ ທີ່​ຈະສາ​ມາດ​
ຄົງ​ຢູ່​ກັບ​ເຮົາ​ໄປ​ຈົນຕະ​ຫຼອດຊີ​ວິດ.

ດ​ຣ. ​ຄ​ຣິ​ສ​ຕິນ ສ​ແຕນ​ຟອ​ຕ໌ ຈາກສູນ​ກາງ​ການ​ແພດແວັກສ​ເນີ​ຣ໌ ຂອງມະ​ຫາ​ວິ​ທະ​ຍາ​ໄລ
ໂອ​ໄຮ​ໂອ ກ່າວ​ວ່າ “ນັ້ນ​ເປັນ​ຜົນ​ສະ​ຫຼຸບ​ຂອງການ​ປັບ​ປຸງ​ລະ​ບົບ​ຍ່ອຍ​ອາ​ຫານ ຫຼື
(metabolism) ໃນໂຕ​ລູກ​ທີ່​ເຕີບ​ໂຕ​ແລ້ວ​. ໂດຍ​ສະ​ເພາະ, ແມ່ນມັນ​ເປັນການ
​ປັບ​ປຸງ​ລະ​ບົບເຜົາຜານ​ນ້ຳ​ຕານ​, ຫຼຸດ​ນ້ຳ​ນັກ​ລົງ ແລະ​ເພີ້ມການ​ສັງ​ເກດ​ເບິ່ງ​ລະ​ບົບ
​ນ້ຳ​ຕານ.”

ການ​ຄົ້ນ​ຄວ້າ​ໄດ້ໃຊ້​ກັບ​ການ​ທົດ​ລອງ​ກັບພວກ​ໜູ​. ມັນ​ໄດ້​ພົບ​ເຫັນວ່າ​ມີ​ການ​ປ່ຽນ​ແປງ​
ບາງ​ຢ່າງ​ຂອງ​ນ້ຳ​ອາ​ສຸ​ຈິ.

ໃນ​ພວກ​ຜູ້​ຄົນ​ທົ່ວ​ໄປ​ແລ້ວ ອົງການ​ອະ​ນາ​ໄມ​ໂລກ​ກ່າວ​ວ່າ ນຶ່ງຄົນໃດ​ໃນຈຳນວນ​ສີ່ຄົນ
ພວກ​ຜູ້​ໃຫຍ່ໃນ​ທົ່ວ​ໂລກ​ ​ແມ່ນຕົກຢູ່ໃນອັນ​ຕະ​ລາຍ​ຍ້ອນບໍ່ເຄື່ອນ​ໄຫວເໜັງຕີງພໍ
ຊຶ່ງ​ເປັນ​ ການ​ສ່ຽງເພີ້ມ​ຂຶ້ນ​ໃນການເປັນໂຣກ​ອ້ວນ​ພີ, ໂຣກ ຄວາມ​ດັນ​ໂລ​ຫິດສູງ,
ໂຣກ​ຫົວ​ໃຈ​ ໂຣກ​ມະ​ເຮັງ ແລະ​ໂຣກ​ເບົາ​ຫວານ.

ດ​ຣ. ສ​ແຕນ​ຟອ​ຕ໌ ກ່າວຕື່ມ​ວ່າ “ຄວາມ​ຄິດ​ກໍ​ຄື​ວ່າ ຖ້າ​ຫາກ​ເຈົ້າ​ມີ​ພໍ່ ​ທີ່​ຢາກ​ມີ​ລູກ,
ແລະ​ຖ້າ​ພວກ​ເຂົາ​ເຈົ້າ​ອອກ​ກຳ​ລັງ​ກາຍ, ບາງ​ທີ​ພຽງ​ນຶ່ງ​ເດືອນ​ກ່ອນ​ເມຍຂອງລາວ
ຈະຖືພາ, ມັນ​ຈະ​ມີ​ຜົນ​ດີຢ່າງ​ຫຼວງ​ຫຼາຍ ຕໍ່​ຊີ​ວິດ​ຂອງ​ລູກ​ພວກ​ເຂົາ​ເຈົ້າ.”

ນອກນັ້ນແລ້ວ ພວກ​ນັກ​ຄົ້ນຄວ້າ ຍັງພົບ​ວ່າ ການ​ອອກກຳລັງ​ກາຍຍັງເປັນຜົນດີ​ສຳລັບ
ພວກທີ່​ບໍ່ໄດ້ກິນອາຫານທີ່​ສົມ​ບູນ​ນຳດ້ວຍ ພວກ​ໜູ ທີ່​ຖືກ​ລ້ຽງ​ດ້ວຍອາ​ຫານ​ທີ່​ມີ​ໄຂ​ມັນ​ສູງ
ແມ່ນ​ພາ​ໃຫ້​ມີ​ບັນ​ຫາ​ທາງ​ດ້ານສຸ​ຂະ​ນາ​ໄມໃນ​ທາງ​ລົບ ເຊັ່ນ​ໂຣກ​ອ້ວນພີ ແລະ​ການ
ຕ້ານຢາ​ອິນ​ຊູ​ລິນ(insulin) ທີ່ໃຊ້ປິ່ນປົວເບົາຫວານນັ້ນ.

ພວກ​ນັກ​ວິ​ທະ​ຍາ​ສາດມີຄວາມແປກໃຈທີ່ພົບເຫັນວ່າ​ຜົນ​ກະ​ທົບໃນທາງລົບຈາກການ
ກິນອາຫານຈະຕ່າວ​ປີ້ນໄດ້ຢ່າງສິ້ນເຊີງ​ໂດຍ​ການ​ອອກ​ກຳ​ລັງ​ກາຍ.

ດ​ຣ. ສ​ແຕນ​ຟອ​ຕ໌ ກ່າວຕື່ມ​ວ່າ “ການ​ກິນ​ອາ​ຫານ​ທີ່​ມີໄຂ​ມັນ​ສູງ, ​ແມ່ນແຕ່ຈະ​ສູງ​ແບບ
​ທຳ​ມະ​ດາ, ໃນ​ກໍ​ລະ​ນີ​ນີ້​ ​ພຽງ​ແຕ່ 3 ສັບ​ປະ​ດາ​ເທົ່າ​ນັ້ນ, ​ຈະ​ປ່ຽນ​ພາບ​ພົດ, ແຕ່​ວ່າ
ການ​ອອກ​ກຳ​ລັງ​ກາຍ​ນັ້ນຈະ​ສາ​ມາດຈັດ​ສັນ​ຮ່າງ​ກາຍ​ໃຫ້​ກັບຄືນ​ເປັນ​ປົກ​ກະ​ຕິ​ໄດ້.”

ຍັງ​ມີ​ວຽກອີກຫຼາຍໆ​ອັນ​ທີ່ຈະຕ້ອງເຮັດຢູ່​ ເພື່ອ​ຈະ​ໄດ້ເຫັນ​ວ່າ ມັນ​ຈະໃຊ້ໄດ້ກັບ​ພວກ
​ມະ​ນຸດເຮົາ​ຫຼື​ບໍ່, ແຕ່​ວ່າ ໃນ​ການ​ສຶກ​ສາ​ໃນ​ໝູ່​ສັດ, ການ​ອອກ​ກຳ​ລັງ​ກາຍຂອງ​ໜູ​ໂຕຜູ້
ແມ່ນ​ເປັນກະ​ແຈ​ສຳ​ຄັນ ສຳລັບ​ສຸ​ຂະ​ພາບ ຂອງພວກ​ລູກໆ​ຂອງ​ມັນ.

​ອ່ານ​ຂ່າວ​ນີ້​ເພີ້ມ​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG