ລິ້ງ ສຳຫລັບເຂົ້າຫາ

ວັນພະຫັດ, 01 ທັນວາ 2022

ຊາວ​ກະ​ສິ​ກອນ ຢູ່ໃນລັດກາຢິນ ຂອງມຽນມາ ປະ​ເຊີນ​ກັບ​ການ​ໂຈມ​ຕີ​ແບບ​ບໍ່​ເລືອກ​ໜ້າ


ຜູ້ພັດຖິ່ນພາຍໃນປະເທດຊົນເຜົ່າ ຄໍ ມາຍອິງ ຄົນນຶ່ງ ລ້າງໝໍ້ສໍາລັບຄົວກິນຢູ່ໃກ້ໆກັບຕູບຊົ່ວຄາວຂອງລາວ, ຊາຍແດນໄທ-ມຽນມາ. (Steve Sandford/Asiareports) 

ຊາວກະສິກອນຊົນເຜົ່າຄໍມາຍອິງ (Khaw Mying) ຂອງລັດກາຢິນ ແນມເບິ່ງທ້ອງຟ້າທີ່ມືດມົວ ໃນຂະທີ່ນາງກໍາລັງມັດຝາໄມ້ໃຜ່ຕິດກັບຕູບທີ່ເປັນບ່ອນອາໄສຊົ່ວຄາວໃນສູນສໍາລັບຜູ້ພັດຖິ່ນ ຢູ່ທີ່ບໍລິເວນຂອບຂອງສວນຕົ້ນຢາງພາລາແຫ່ງນັ້ນ.

ໃນປີປົກກະຕິ ເມກຝົນຈະເປັນທີ່ໜ້າຍິນດີ ສໍາລັບຊາວກະສິກອນມຽນມາ ເພື່ອເລີ້ມຕົ້ນລະດູການປູກຝັງ, ແຕ່ສໍາລັບຊາວກະສິກອນ ຄໍມາຍອິງ ແລະປະຊາຊົນຜູ້ທີ່ມີອາຊີບກະສິກໍາຄົນອື່ນໆຫຼາຍພັນຄົນຢູ່ພາຍໃນປະເທດ ທ້ອງຟ້າຊໍ້າພັດໄດ້ ນໍາເອົາສິ່ງທີ່ບໍ່​ດີມາໃຫ້ແກ່ປະຊາຊົນເຫຼົ່ານັ້ນ.

ຢູ່ໃນມຽນມາ, ການໂຈມຕີທາງອາກາດ ຂອງກອງທັບມຽນມາ ແລະການຖິ້ມລະ ເບີດແບບຕາມໃຈ ໄດ້ເພີ້ມຄວາມຮຸນແຮງຍິ່ງຂຶ້ນພາຍໃນເດືອນນີ້, ອັນໄດ້ສົ່ງຜົນໃຫ້ມີຈໍານວນຜູ້ທີ່ຕ້ອງຍົກຍ້າຍຍ້າຍຖິ່ນຖານເປັນປະຫວັດການ.

ໃນວັນທີ 2 ພຶດສະພາ, ໄດ້ມີການປະເມີນກ່ຽວກັບຜູ້ຍົກຍ້າຍຖິ່ນຖານພາຍໃນປະເທດວ່າ ມີປະມານ 936,700 ຄົນ, ລວມທັງຜູ້ຍົກຍ້າຍຖິ່ນຖານໃໝ່ 590,100 ຄົນນັບຕັ້ງແຕ່ວັນທີ 1 ກຸມພາ 2021, ອີງຕາມລາຍງານຂອງອົງ​ການ​ອົບ​ພະ​ຍົບສະຫະປະຊາຊາດ ຫຼື UNHCR.

ຢູ່ໃນລັດກາຢິນ, ເຊັ່ນດຽວກັບຊົນກຸ່ມນ້ອຍຢູ່ໃນຂົງເຂດອື່ນໆພາຍໃນປະເທດ, ຊາວກະສິກອນ ແລະຄອບຄົວຂອງພວກເຂົາເຈົ້າ ມີຄວາມຢ້ານກົວທີ່ຈະກັບຄືນເມືອບ້ານເກີດເພື່ອດໍາເນີນການປູກຝັງພືດຜົນຕ່າງໆຂອງພວກເຂົາເຈົ້າ ເນື່ອງຈາກການໂຈມຕີລະຫວ່າງກອງທັບ ແລະກອງກໍາລັງຝ່າຍກົງກັນຂ້າມນັ້ນ ສົ່ງຜົນໃຫ້ຄວາມຂັດແຍ້ງດັ່ງກ່າວມີຜົນກະທົບຕໍ່ພົນລະເຮືອນທີ່ເປັນເປົ້າໝາຍນັ້ນຍິ່ງຂຶ້ນ.

ຄົນງານກະສິກອນ ກໍາລັງແຍກເອົາງິ້ວຈາກໝາກງິ້ວ, ຢູ່ທີ່ສູນ IDP ຊາຍແດນ ໄທ-ມຽນມາ. (Steve Sandford/Asiareports)
ຄົນງານກະສິກອນ ກໍາລັງແຍກເອົາງິ້ວຈາກໝາກງິ້ວ, ຢູ່ທີ່ສູນ IDP ຊາຍແດນ ໄທ-ມຽນມາ. (Steve Sandford/Asiareports)

ສໍາລັບຜູ້ເປັນແມ່ຊົນເຜົ່າຄໍມາຍອິງ ອາຍຸ 52 ປີ, ທີ່ໄດ້ໜີອອກຈາກໝູ່ບ້ານປາ ນາ ທາ (Pa Na Tha) ເມື່ອ 6 ອາທິດທີ່ຜ່ານມານັ້ນ ຍັງຈື່ເຫດການຕ່າງໆໄດ້ດີ.

“ກ່ອນຂ້ອຍຊິໜີມາ ທີ່ສູນແຫ່ງນີ້, ຂ້ອຍບໍ່ສາມາດເລີ້ມປູກສາລີ ແລະເຂົ້າໄດ້ເລີຍ ເນື່ອງຈາກເຮືອ​ບິນ​ລົບ​ອາຍ​ພົນ​ຂອງກອງທັບມຽນມາໄດ້​ບິນເວີ່ນແລະຖິ້ມລະເບີດລົງ​ໃສ່ ກ່ອນທີ່ພວກເຮົາຈະໄປເຮັດວຽກຢູ່ທີ່ທົ່ງຂອງພວກເຮົາ,” ນັ້ນ​ຄື​ຄຳ​ເວົ້າ​ຂອງປະຊາຊົນເຜົ່າຄໍມາຍອິງ ​ທີ່ໄດ້ກ່າວກ່ຽວກັບເຫດການທີ່ເກີດຂຶ້ນ.

ອ່ານຂ່າວນີ້ເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG