ຫຼັງຈາກການໂຈມຕີວັນທີ 7 ຕຸລາຜ່ານມາຂອງກຸ່ມຮາມາສທີ່ໄດ້ກໍ່ໃຫ້ເກີດສົງຄາມລະຫວ່າງອິສຣາແອລ -ຮາມາສ, ຜູ້ສະໜັບສະໜູນກຸ່ມຮາມາສ ໄດ້ແນເປົ້າໝາຍໃສ່ເຂດນ່ານນ້ຳໃນພາກຕາເວັນອອກກາງນັບມື້ເພີ້ມຂຶ້ນ ດ້ວຍການບຸກໂຈມຕໍ່ຕ້ານອິສຣາແອລ.
ພວກກະບົດຮູຕີຂອງເຢເມນທີ່ໜູນຫຼັງໂດຍອີຣ່ານ ໄດ້ປະຕິບັດການທາງທະເລແບບເປັນ ປໍລະປັກຫຼາຍຄັ້ງ ເພື່ອສະແດງໃຫ້ເຫັນເຖິງຄວາມສາມັກຄີຂອງເຂົາເຈົ້າ ກັບປາແລສໄຕນ໌ ແລະ ຕໍ່ຕ້ານອິສຣາແອລ. ກຸ່ມກະບົດຮູຕີ, ຊຶ່ງຮູ້ຢ່າງເປັນທາງການວ່າກຸ່ມອານຊາ ອາລາ (Ansar Allah) ເປັນອົງການຈັດຕັ້ງດ້ານການເມືອງ ແລະການທະຫານຂອງອິສລາມ ຊີໄອ (Shia Islamist) ທີ່ຄວບຄຸມປະມານນຶ່ງສ່ວນສາມ ຂອງດິນແດນທີ່ມີປະຊາກອນຫຼາຍ ທີ່ສຸດຂອງເຢເມນ.
ວັນທີ 3 ທັນວາຜ່ານມານີ້, ພວກກະບົດຮູຕີໄດ້ຍິງເຮືອບິນບໍ່ມີຄົນຂັບ ແລະທໍາການໂຈມຕີດ້ວຍລູກສອນໄຟ ໃສ່ກຳປັ່ນການຄ້າຢູ່ທະເລແດງ ໂດຍຍິງຖືກກຳປັ່ນ 3 ລຳ.
ພວກກະບົດຮູຕີ ໄດ້ອ້າງເອົາຄວາມຮັບຜິດຊອບ ໃນການໂຈມຕີສອງຄັ້ງທີ່ວ່ານັ້ນ.
ໂດຍຕອບສະໜອງຕໍ່ຄໍາຮ້ອງຂໍການຊ່ວຍເຫຼືອແບບຂັບຂັນທີ່ສຸດ ຈາກພວກກຳປັ່ນທີ່ຖືກໂຈມຕີ, ກຳປັ່ນ USS Carney, ຊຶ່ງເປັນກຳປັ່ນພິຄາດບັນທຸກລູກໄຟນຳວິຖີລຸ້ນອາຣເລ ເບີກ (Arleigh Burke) ຂອງສະຫະລັດ “ໄດ້ເຂົ້າພົວພັນ ແລະໄດ້ຍິງ” ເຮືອບິນບໍ່ມີຄົນຂັບຫຼາຍລຳທີ່ “ຍິງອອກມາຈາກເຂດຄວບຄຸມຂອງກຸ່ມຮູຕີໃນເຢແມນ” ນັ້ນຕົກ.
"ການໂຈມຕີເຫຼົ່ານີ້ສະແດງໃຫ້ເຫັນເຖິງໄພຂົ່ມຂູ່ໂດຍກົງຕໍ່ການຄ້າສາກົນ ແລະຄວາມປອດ ໄພທາງທະເລ," ອີງຕາມກອງບັນຊາການໃນພາກຕາເວັນອອກກາງຂອງສະຫະລັດ. "ສະຫະລັດ ຈະພິຈາລະນາການຕອບໂຕ້ທຸກຢ່າງທີ່ເຫມາະສົມ ໃນການປະສານງານກັນ ຢ່າງເຕັມສ່ວນ ກັບພັນທະມິດ ແລະຄູ່ຮ່ວມມືສາກົນ."
ມື້ນີ້ ໄດ້ມີການບຸກໂຈມຕີ 4 ຄັ້ງ ຕໍ່ກຳປັ່ນການຄ້າ 3 ລຳ ທີ່ເດີນທາງຜ່ານເຂດນ່ານນ້ຳສາກົນຢູ່ພາກໃຕ້ທະເລແດງ. ກໍາປັ່ນສາມລໍານີ້ ແມ່ນເຊື່ອມໂຍງກັບ 14 ປະເທດທີ່ແຕກຕ່າງກັນ. ກຳປັ່ນພິຄາດບັນທຸກລູກໄຟນຳວິຖີລຸ້ນອາຣເລ ເບີກ (Arleigh Burke) ທີ່ມີຊື່ວ່າ USS CARNEY ໄດ້ຕອບສະໜອງ ຕໍ່ຄໍາຮ້ອງຂໍແບບຂັບຂັນຈາກກຳປັ່ນ...
ປະທານຄະນະກຳມະການປະຕິວັດກຸ່ມຮູຕີຂອງເຢແມນ, ທ່ານໂມຮໍາມາດ ອາລີ ອາລ-ຮູຕີ (Mohammad Ali Al- Houthi) ໄດ້ຕອບຄືນ ໂດຍປະຕິເສດ ບໍ່ຮັບຮູ້ສິດຂອງກອງທັບສະຫະລັດ ທີ່ຈະໄປຢູ່ໃນຂົງເຂດນັ້ນ ຫລືໃນການຕອບໂຕ້ຕໍ່ການໂຈມຕີເຫຼົ່ານັ້ນໄດ້.
“ຊາວອາເມຣິກັນບໍ່ມີສິດທີ່ຈະໄປຢູ່ໃນທະເລແດງເພື່ອຈະປະກາດວ່າ ເຂົາເຈົ້າສະຫງວນສິດ ໃນການຕອບໂຕ້ໄດ້. ແລະເພື່ອຢືນຢັນໃນສິ່ງນີ້, ພວກເຂົາຈະບໍ່ຮັບເອົາການມີໜ້າທາງການທະຫານໃດໆ ຂອງຈີນ ຫຼືຂອງຣັດເຊຍ ຫຼືປະເທດອື່ນໆ ໃຫ້ໄປຢູ່ໃນເຂດນ່ານນ້ຳໃນພາກພື້ນ, ຕົວຢ່າງເຊັ່ນ ຢູ່ໃກ້ກັບລັດຟລໍຣິດາ ຫຼືບ່ອນອື່ນໆ,” ນັ້ນຄືຄໍາກ່າວອ້າງຂອງທ່ານອາລ-ຮູຕີ (Al- Houthi) ໃນວັນທີ 3 ທັນວາຜ່ານມາ ຢູ່ໃນ X.
ຄໍາກ່າວອ້າງນັ້ນບໍ່ຖືກຕ້ອງ.
ພາຍໃຕ້ກົດໝາຍສາກົນ, ບໍ່ມີຫຍັງຫ້າມກຳປັ່ນທະຫານຂອງສະຫະລັດ ບໍ່ໃຫ້ເດີນທາງຢູ່ ໃນເຂດນ່ານນໍ້າຂອງສາກົນ ຫຼື ປ້ອງກັນຕົນເອງ ຫຼືຜູ້ອື່ນບໍ່ໃຫ້ຖືກໂຈມຕີທຳລາຍລ້າງ ຜານໄດ້.
ພວກກະບົດຮູຕີ ຊຶ່ງເປັນພວກເຄື່ອນໄຫວປະກອບອາວຸດ ທີ່ບໍ່ແມ່ນລັດຖະບານ ໄດ້ແນເປົ້າ ໝາຍໃສ່ກຳປັ່ນທີ່ດຳເນີນການຂົນສົ່ງທົ່ວໂລກຫຼາຍຄັ້ງ ໂດຍທໍາການຂົ່ມຂູ່ຢ່າງຜິດກົດໝາຍ ຕໍ່ການເດີນເຮືອສາກົນ ແລະຄວາມປອດໄພທາງທະເລ.
“ກຳປັ່ນຂົນສົ່ງການຄ້າໂລກ ທີ່ດໍາເນີນການຂົນສົ່ງສິນຄ້າຂອງໂລກ ແລະ ໃຊ້ສິດເສລີພາບ ໃນການເດີນເຮືອຢູ່ທະເລແດງ ແມ່ນມີສິດທີ່ຈະເຮັດແນວນັ້ນໄດ້ຢ່າງປອດໄພ ແລະບໍ່ຢ້ານ ກົວວ່າຈະມີການໂຈມຕີ,” ນັ້ນຄືຄໍາເວົ້າຂອງໂຄສົກສະພາຂົນສົ່ງສິນຄ້າສາກົນທີ່ຕັ້ງຢູ່ ລອນດອນ ຊຶ່ງເປັນອົງການຈັດຕັ້ງ ຂົນສົ່ງຕົ້ນຕໍຂອງໂລກ ທີ່ກ່າວຕໍ່ອົງການ Polygraph.info ໂດຍການໃຫ້ຄໍາເຫັນທີ່ຂຽນເປັນລາຍລັກອັກສອນ.
"ແຕ່ຢ່າງໃດກໍ່ຕາມ, ດັ່ງທີ່ພວກເຮົາໄດ້ເຫັນໃນກໍລະນີນີ້ ແລະເຫດການທີ່ຜ່ານມາ, ກໍາປັ່ນ ການຄ້າສາມາດມີຄວາມສ່ຽງຕໍ່ການໂຈມຕີໄດ້ໃນເວລາທີ່ໄປຜ່ານເຂດທີ່ມີຄວາມເຄັ່ງຕຶງ ທາງດ້ານການເມືອງສູງ, ເຊັ່ນທະເລແດງ, ໃນເວລານີ້," ເຂົາເຈົ້າເວົ້າ ແລະກ່າວຕໍ່ໄປວ່າ "ປະຊາຄົມສາກົນມີພັນທະ, ທີ່ຈິງແລ້ວ ແມ່ນມີຫນ້າທີ່ໃນການປົກປ້ອງກອງກໍາປັ່ນ ການຄ້າບໍ່ໃຫ້ຖືກໂຈມຕີແບບນັ້ນ."
ພວກກະບົດຮູຕີ ໄດ້ພະຍາຍາມກ່າວອ້າງວ່າ ກຳປັ່ນການຄ້າດັ່ງກ່າວເປັນ "ເປົ້າໝາຍການ ໂຈມຕີທີ່ຖືກຕ້ອງຕາມກົດໝາຍ" ຍ້ອນມີການໝາຍໃສ່ວ່າ ພວກເຂົາເປັນ "ອິສຣາແອລ" ຫຼື "ກ່ຽວຂ້ອງກັບຊາວອິສຣາແອລ."
ເຫດຜົນດຽວກັນນີ້ ຖືກນໍາໃຊ້ໃນເວລາທີ່ພວກກະບົດຮູບຸກຈີ້ເອົາກໍາປັ່ນການຄ້າ Galaxy Leader ທີ່ຕິດທຸງບາຮາມາສ ໃນເດືອນແລ້ວນີ້. ກໍາປັ່ນ Galaxy Leader ແມ່ນເປັນຂອງບໍລິສັດອາບຣາແຮມ ອຸນກາ (Abraham Ungar), ບໍລິສັດຂົນສົ່ງສາກົນທີ່ມີຊື່ສຽງໂດ່ງດັງ ຂອງອິສຣາແອລ ເຖິງແມ່ນວ່າ ກໍາປັ່ນດັ່ງກ່າວ ໄດ້ດໍາເນີນການໂດຍ Nippon Yusen ຊຶ່ງ ເປັນບໍລິສັດຂົນສົ່ງຂອງຍີ່ປຸ່ນກໍຕາມ.
ພາຍໃຕ້ມາດຕາ 92 ຂອງສົນທິສັນຍາຂອງສະຫະປະຊາຊາດ ກ່ຽວກັບກົດໝາຍວ່າດ້ວຍ ທະເລ (UNCLOS) ນັ້ນ ກໍາປັ່ນແມ່ນຂຶ້ນກັບ “ສິດອຳນາດສະເພາະ” ຂອງທຸງທີ່ເຂົາເຈົ້າໃຊ້ ເພື່ອໂບກສະບັດຢູ່.
ບໍ່ມີກຳປັ່ນລຳໃດ ທີ່ຖືກໂຈມຕີໂດຍພວກກະບົດຮູຕີ ໃນວັນທີ 3 ທັນວາຜ່ານມານີ້ ທີ່ຈົດທະບຽນຢູ່ໃນອິສຣາແອລ, ຖືທຸງຊາດອິສຣາແອລ, ຫຼືບໍ່ ກໍມີການຕິດພັນກັບລັດ ຫຼື ເປັນຫົວໜ່ວຍທີ່ເປັນຝ່າຍຂັດແຍ້ງຂອງອິສຣາແອລ ແລະ ຮາມາສ ເລີຍ.
ກອງກຳລັງປ້ອງກັນປະເທດອິສຣາແອລຍັງກ່າວເຊັ່ນກັນວ່າ ບໍ່ມີກຳປັ່ນລຳໃດທີມີການເຊື່ອມໂຍງກັບລັດຖະບານອິສຣາແອລເລີຍ.
ກຳປັ່ນລຳທຳອິດທີ່ຖືກປະທະ ໃນວັນທີ 3 ທັນວານີ້ ແມ່ນ Unity Explorer ທີ່ອັງກິດເປັນເຈົ້າຂອງ ແລະໄດ້ຂຶ້ນທະບຽນໂດຍບໍລິສັດ Unity Explorer LTD.
ພວກກະບົດຮູຕີຂອງເຢເມນ ໄດ້ອອກຖະແຫຼງການຢືນຢັນວ່າ ພວກເຂົາເຈົ້າ ໄດ້ປະຕິບັດ ການບຸກໂຈມຕີໃສ່ກຳປັ່ນ 2 ລຳຄື: - Bulk Carrier UNITY EXPLORER (9726035). ນັ້ນຄືຄໍາເວົ້າຂອງ AIS offline ໃນ 5 ມື້ ກ່ອນຫນ້ານີ້.- ກໍາປັ່ນບັນທຸກຄອນເທເນີ Container Ship NO.9 (9340752) https://t.co/Xu3h0mxQJn ອີງຕາມຂໍ້ມູນ AIS @MarineTraffic, ບໍລິສັດ @Kpler pic.twitter.com/WrFwFqyQFB
— TankerTrackers.com, Inc. (@TankerTrackers) December 3, 2023
ບົດລາຍງານຊີ້ໃຫ້ເຫັນວ່າຜູ້ອຳນວຍການຂອງ Unity Explorer LTD, ທ່ານເດວິດ ອຸນກາ (David Ungar), ມີສັນຊາດອິສຣາແອລ, ເຖິງແມ່ນວ່າທ່ານເປັນສັນຊາດອັງກິດ ທີ່ອາໄສຢູ່ ໃນສະຫະລາຊະອານາຈັກອັງກິດເຊັ່ນກັນກໍຕາມ.
Unity Explorer ເປັນຜູ້ໃຫ້ບໍລິການຂົນສົ່ງສິນຄ້າທີ່ມີທຸງບາຮາມາສ ແລະ ດັ່ງນັ້ນຈຶ່ງຂຶ້ນ ກັບກົດຫມາຍ ແລະກົດລະບຽບຂອງບາຮາມາສ.
ກໍາປັ່ນລຳຕໍ່ໄປທີ່ພວກກະບົດຮູຕີໂຈມຕີແມ່ນກຳປັ່ນ was M/V Number 9, ເຊິ່ງເປັນກຳປັ່ນ ບັນທຸກສິນຄ້າທີ່ຕິດທຸງປານາມາ ທີ່ເປັນຂອງບໍລິສັດ Number 9 Shipping Ltd ທີ່ບໍລິຫານ ໂດຍບໍລິສັດ Newcastle-upon-Tyne ທີ່ເປັນຂອງອົງການບໍລິຫານການຂົນສົ່ງ Bernhard Schulte Shipmanagement ຕັ້ງຢູ່ໃນອັງກິດ, ອີງຕາມລາຍງານຂອງອົງການຂ່າວຣອຍເຕີສ໌.
ກຳປັ່ນລຳທີສາມທີ່ຖືກໂຈມຕີແມ່ນ AOM Sophie II, ຊຶ່ງເປັນກຳປັ່ນບັນທຸກສິນຄ້າໃນປະລິມານ ຫຼາຍທີ່ຂຶ້ນທະບຽນຢູ່ປະເທດປານາມາທີ່ ຕິດທຸງປານາມາ.
ກອງບັນຊາການໃນພາກຕາເວັນອອກກາງສະຫະລັດ (CENTCOM) ໄດ້ອອກຖະແຫຼງ ການກ່ຽວກັບເຫດການເກີດຂຶ້ນຢູ່ທະເລແດງໃນມື້ນີ້ ຊຶ່ງໃນເວລານີ້ໄດ້ຮັບການຢືນຢັນວ່າ ກຳປັ່ນການຄ້າ 3 ລຳ ຄື M/V UNITY EXPLORER, M/V NUMBER 9, ແລະ M/V SOPHIE II ລ້ວນແຕ່ຖືກໂຈມຕີ ໂດຍລູກສອນໄຟຂີປະນາວຸດຕ້ານກຳປັ່ນ ທີ່ຍິງໂດຍ ພວກ ກະບົດຮູຕີ pic.twitter.com/xP9wYGHJIt
ແມ່ນແຕ່ໃນເວລາທີ່ໄປຜ່ານຊ່ອງແຄບ ບາບ ແອລ ແມນເດບ (Bab el Mandeb), ຊຶ່ງເປັນຊ່ອງແຄບທີ່ເຊື່ອມຕໍ່ທະເລແດງ ກັບອ່າວເອເດັນ (Aden), ມາດຕາ 19 ຂອງ UNCLOS ຍັງອະນຸຍາດໃຫ້ກໍາປັ່ນຕ່າງປະເທດ, ລວມທັງກໍາປັ່ນທະຫານໄປຜ່ານເຂດນໍ້າຂອງເຢເມນໄດ້ ຕາບໃດຫາກເສັ້ນທາງດັ່ງກ່າວ "ບໍ່ສ້າງຄວາມເສຍຫາຍຕໍ່ສັນຕິພາບ. ຄວາມເປັນລະບຽບຮຽບຮ້ອຍທີ່ດີ ຫຼືຄວາມປອດໄພຂອງປະເທດທີ່ຢູ່ແຄມທະເລນັ້ນ.”
“ເຫດການທັງໝົດນັ້ນ ມາຮອດປັດຈຸບັນແມ່ນໄດ້ເກີດຂຶ້ນຢູ່ນອກເຂດນ່ານນໍ້າຂອງເຢເມນ, ແຕ່ ເຖິງແມ່ນວ່າພວກເຂົາຢູ່ໃນເຂດນ່ານນໍ້າຂອງປະເທດນັ້ນ, ການໂຈມຕີເຫຼົ່ານີ້ຍັງ ຖືວ່າ ເປັນການລ່ວງລະເມີດກົດຫມາຍສາກົນຢູ່ ໂດຍສະເພາະແມ່ນສິດຂອງຜູ້ບໍລິສຸດ ຫຼື ການໄປຜ່ານ ແລະສິດທິພື້ນຖານຂອງຊາວເດີນທະເລທີ່ຢູ່ເທິງເຮືອ ເພື່ອປະຕິບັດວຽກງານຂອງ ເຂົາເຈົ້າ ແລະ ເຮັດແບບນັ້ນໄດ້ໂດຍບໍ່ຕ້ອງຢ້ານກົວວ່າຈະມີການໂຈມຕີ,” ນັ້ນຄືຄໍາເວົ້າ ຂອງໂຄສົກສະພາການຂົນສົ່ງສາກົນ.
ສິດຂອງກຳປັ່ນຂອງສະຫະລັດ ໃນການປ້ອງກັນຕົນເອງ ແລະຄົນອື່ນໆ ບໍ່ໃຫ້ຖືກໂຈມຕີ ໂດຍທີ່ບໍ່ມີການເກາະຜິດໃດໆ ຍັງຖືກຮັບຮູ້ພາຍໃຕ້ກົດໝາຍສາກົນອີກດ້ວຍ.
ອີງຕາມສະພາບລວມຂອງກົດໝາຍທີ່ຄວບຄຸມການເດີນເຮືອທາງທະເລດທັງໃນເວລາທີ່ມີສັນຕິພາບ ແລະໃນໄລຍະທີ່ມີການປະທະກັນດ້ວຍກຳລັງປະກອບອາວຸດທີ່ລວບລວມອອກມາໂດຍມະຫາວິທະຍາໄລທະຫານເຮືອສະຫະລັດເວົ້າວ່າ: “ກົດໝາຍສາກົນທີ່ຢູ່ໃນແນວຄວາມຄິດຂອງການປ້ອງກັນຕົວແບບລວມໝູ່, ມອບສິດອຳນາດໃຫ້ໃຊ້ກຳລັງຕາມສັດສ່ວນທີ່ຈຳເປັນໃນການປົກປ້ອງກໍາປັ່ນ ແລະເຮືອບິນທີ່ຕິດທຸງຕ່າງປະເທດແລະຄົນຕ່າງປະເທດ ແລະຊັບສິນຂອງພວກເຂົາເຈົ້າ ບໍ່ໃຫ້ຖືກການໃຊ້ຄວາມຮຸນແຮງທີ່ຜິດກົດຫມາຍ, ລວມທັງການໂຈມຕີກໍ່ການຮ້າຍ ຫຼືການໂຈມຕີຂອງໂຈນສະຫລັດຢູ່ໃນທະເລ."
ອີງຕາມສົງຄາມລະຫວ່າງອິສຣາແອລແລະກຸ່ມຮາມາສທີ່ພວມດຳເນີນໄປຢູ່ ບັນຫາສັດສ່ວນກ່ຽວກັບການກະທຳປ້ອງກັນຕົວ ແມ່ນເປັນບັນຫາທີ່ຍັງໂຕ້ແຍ້ງກັນຢູ່.
ໃນກໍລະນີນີ້, ກຳປັ່ນພິຄາດ USS Carney ພຽງແຕ່ຍິງລູກສອນໄຟໃສ່ເຮືອບິນບໍ່ມີຄົນຂັບ ທີ່ປ່ອຍອອກມາຈາກເຂດຄວບຄຸມໂດຍພວກກະບົດຮູຕີໃນເຢເມນ. ສະຫະລັດບໍ່ໄດ້ທຳການບຸກໂຈມຕີແກ້ແຄ້ນຄືນຢູ່ໃນດິນແດນຂອງເຢແມນຕໍ່ກຳລັງທະຫານຂອງຮູຕີ ທີ່ໄດ້ທຳການບຸກໂຈມຕີນັ້ນເລີຍ.
